Morgunblaðið - 15.03.1990, Blaðsíða 16

16
MQRGUNBLAÐIÐ FIMMTUDAGUR 15. MARZ 1990
Olafiir Ragnar Grímsson formaður
Alþýðubandalagsins:
*
Aframhaldandi
viðræður um ál-
ver samþykktar
Ekki forsendur ennþá til að taka afstöðu
með eða á móti, segir Svavar Gestsson
„Þingflokkur Alþýðubandalagsins samþykkti að þetta samkomulag
yrði gert í framhaldi af Atlantal samkomulaginu og að unnið yrði
áfram að samningaviðræðum á þeim grundvelli sem gert hefur ver-
ið,“ sagði Olafur Ragnar Grímsson formaður Alþýðubandalagsins í
samtali við Morgunblaðið í gær um ákvörðun um að ganga til samn-
ingaviðræðna um byggingu nýs álvers hér á landi. Svavar Gestsson
menntamálaráðherra kvaðst ekki geta kveðið upp úr um hvort hann
sé hlynntur byggingu álvers eða ekki, þar sem enn vanti mikilvæg-
ar forsendur til að geta sagt af eða á um málið.
„Við ítrekuðum það sem við höf-
um áður sagt, að aðalatriðin eru
orkuverðið, skattarnir, að íslensk
lög gildi og íslenskt réttarforræði
sé á öllum sviðurn," sagðiÓlafur.
Hann var spurður hvort líta beri á
þetta sem fyrirvara af hálfu Al-
þýðubandalagsins um stuðning við
málið. „Þetta eru vonandi fyrirvarar
af allra hálfu,“ sagði hann, „vegna
þess að ég vænti þess að menn vilji
ekki gera samninga fyrirvaralaust
um orkuverð, skatta og íslenskt
forræði og löggjöf.“ Hann segir að
öðru leyti ekki hafa verið sett nein
ákveðin skilyrði af hálfu Alþýðu-
bandalagsins, þó hafi þingflokkur-
inn lagt á það ríka áherslu að skoð-
að yrði rækilega að staðsetja álver-
ið utan suðvestursvæðisins. „Þeim
sjónarmiðum komum við ráðherrar
flokksins á framfæri í ríkisstjórn-
inni. Það var ánægjulegt að fulltrú-
ar annarra flokka voru einnig með
það sjónarmið. í viðræðunum sem
við formenn flokkanna áttum við
fulltrúa þessara fyrirtækja í gær
komu þau sjónarmið rækilega fram
af hálfu íslensku ráðherranna."
Alþýðubandalagið hefur áður lýst
sig andvígt nýju álveri. Ólafur var
spurður hvað ylli breyttri afstöðu
nú. Hann sagði, að Alþýðubanda-
lagið teldi að fallist hefði verið á
mörg af þeim sjónarmiðum sem
flokkurinn hafi lagt áherslu á og
hann nefndi hér að framan. „Þetta
eru allt atriði sem Alþýðubandalag-
ið hefur gagnrýnt í þeim samningi
sem upphaflega var gerður við
Alusuisse og smátt og smátt hefur
í öðrum flokkum og í þjóðfélaginu
í heild, sem betur fer, fengist viður-
kenning þessara sjónarmiða."
Hann var spurður hvort ekki
hafi einnig orðið viðhorfsbreyting
innan flokksins. „Það hefur líka
orðið sú viðhorfsbreyting, að hin
mikla áhersla á meirihlutaeign Is-
lendinga í fyrirtækinu er ekki leng-
ur fyrir hendi af okkar hálfu, því
að við teljum að hægt sé að tryggja
þá þætti sem ég nefndi, íslenska
hagsmuni, eftir öðrum leiðum,"
sagði Ólafur Ragnar Grímsson.
„Aðalatriðið af okkar hálfu er
það, að hér er um að ræða ákvörð-
un uro viðræður, þar sem Alumax
kemur í staðinn fyrir Alusuisse,"
sagði Svavar Gestsson. „í raun og
veru er engin breyting á þessum
viðræðum frá því sem var, önnur
en sú, að Alumax hefur lýst því
yfir að þeir vilji kanna staðsetningu
utan Suðvesturlands."
Hann segir Alþýðubandalagið
leggja áherslu á að nokkur meginat-
riði verði hægt að afgreiða með
fullnægjandi hætti. „Þau eru orku-
verð, staðsetning, skattar, dómstól-
ar, umhverfismál og eignaraðild
íslendinga að verksmiðjunni. Það
er útilokað að segja til um neitt
þessara atriða á þessu stigi máls-
ins, þar sem þau eru svo lítið rædd.“
Svavar var spurður hvort hann
gerði kröfu um eignaraðild íslend-
inga. „Ég tel að það sé mjög mikil-
vægt að um verði að_ ræða ein-
hveija eignaraðild íslendinga."
Hann var þá spurður hvort það
væri frágangsatriði. „Það getur
verið það, ef allt annað bregst.
Þetta mál verður að skoða í heild.“
Morgunblaðið/Ámi Sæberg
Pétur Th. Pétursson með nýja netið um borð í Sæbjörgu. Netið hef-
ur verið viðurkennt af Siglingamálastofhun.
Ráðsteftia um
steftiumörkun
í gróðurvernd
RÁÐSTEFNA um stefnumörkun í
gróðurvernd verður haldin á Hót-
el Húsavík næstkomandi laugar-
dag. Ráðstefnan er haldin á vegum
Húsgulls, samtaka um umhverfis-
mál og gróðurvernd.
Forseti Islands, frú Vigdís Finn-
bogadóttir, setur ráðstefnuna klukk-
an 9.30 á laugardag og síðan ávarp-
ar Steingrímur J. Sigfússon land-
búnaðarráðherra ráðstefnugesti.
Meðal annars efnis er að Hjörtur
Tryggvason kynnir Ilúsgull, Anna
Guðrún Þórhallsdóttir beitarfræðing-
ur ræðir um gróðurvernd, Sveinn
Runólfsson landgræðslustjóri og Jón
Loftsson skógræktarstjóri segja frá
því sem er efst á baugi í gróðurvernd-
ar- og skógræktarstarfinu, Tryggvi
Jakobsson setur umhverfismál á Is-
landi í alþjóðlegt samhengi, Andrés
Arnalds gróðui-verndarfulltrúi segir
frá gróðurvernd hér og þar og Jón
Gunnar Ottósson forstöðumaður
Rannsóknarstöðvar Skógræktar
ríkisins ræðir um markmið og leiðir
í skógrækt og skógvernd.
í lok ráðstefnunnar er gert ráð
fyrir panelumræðum og stefnt að
ráðstefnulokum klukkan 17.
Markúsarnetið í dönsk skip:
Allt að 2.000 net fyrir 40
milljónir til Danmerkur
BJÖRGUNARNETIÐ Markús
hefúr nú verið gert að skyldu í
miklum hluta danskra fískibáta
og mælt er með því til notkunar
um borð í öll skip yfir 15 metra
að lengd. Reiknað er með að í
kjölfar þessa verði flutt utan til
Danmerkur 1.500 til 2.000 net
að verðmæti um 40 milljónir
króna á næstu tveimur árum.
Framleiðsla er hafin á nýjum og
endurbættum Markúsarnetum
og stefnt er að útflutningi um
100 neta á mánuði frá og með
vordögum.
Pétur Th. Pétursson er fram-
kvæmdastjóri Björgunarnetsins
Markús hf, en fyrirtæki hans hefur
einkarétt á framleiðslu og sölu
Markúsarnetanna. Hann segir að
síðari hluta árs í fyrra hafi dönsk
yfirvöld gefið út reglur um öryggis-
búnað í skipum, þar sem skylt er
að hafa Markúsarnetið um borð í
öllum fiskiskipum 15 til 25 metr-a
löngum. Jafnframt eru þau lögð að
jöfnu við svokallaðan „maður fyrir
borð bát“ í skipum upp að 45 metr-
um að lengd. Reglur þessar taki
fullt gildi í ágústmánuði næstkom-
andi, en auk þess sé lagt til að
Markúsarnetið sé einnig haft um
borð í skipum, sem búin eru sérstök-
um björgunarbáti til að ná mönnum
úr sjó. „Þetta framtak danskra yfir-
valda er mjög mikilvægt innlegg í
umræðuna um að Markúsarnetið
verði viðmiðun í alþjóðlegum regl-
um um búnað til að ná mönnum
úr sjó og til notkunar við slíka þjálf-
un og æfingar um borð í skipum,
en slíkar reglur eru í mótun nú um
allan heim,“ segir Pétur.
Pétur segir ennfremur að nú séu
að koma á markaðinn nýjar gerðir
Markúsarneta, sem væntanlega
verði hægt að kynna í byrjun apríl.
Þessi nýju net hafi margt fram yfir
eldri gerðir og hafi þau verið í próf-
unum á síðustu mánuðum í sam-
vinnu við Slysavarnafélag Islands,
Slysavarnaskóla sjómanna og
Landhelgisgæzluna. Stærri gerð
nýju Markúsarnetanna sé þegar
viðurkennd hér á landi samkvæmt
reglum um öryggisbúnað í íslenzk-
um skipum. „Með þessum nýju net-
um stígum við skrefið til fulls og
látum fylgja með 'sérstakan
fræðslubækling um björgun manna
úr sjó. Þannig erum við ekki ein-
göngu að selja Markúsarnetið, held-
ur einnig þekkingu á björgun
manna úr sjó, þar sem netið er
bæði björgunar- og hjálpartæki í
fræðslu, sem miða á að því, að
minnka hættu á að maður fari fyr-
ir borð, minnka áhættu björgunar-
manna og auka líkur á björgun
manna úr sjó,“ segir Pétur.
Erum ánægð og ham-
ingjusöm með útkomuna
— segir Inga Dóra Sigfusdóttir formaður Vöku
Kosnmgar 1 Haskolanum:
„VIÐ ERUM afskaplega ánægð og hamingjusöm með útkomu kosn-
inganna," sagði Inga Dóra Sigfúsdóttir, formaður Vöku félags lýðræð-
issinnaðra stúdenta í samtali við Morgunblaðið í gær, en Vaka varð
sigurvegari í kosningum til stúdenta- og háskólaráðs sem fram fóru
í háskólanum á þriðjudag. Var þetta stærsti sigur Vöku frá upphafi,
en félagið hlaut 57% gildra atkvæða í kosningum til háskólaráðs á
móti 43% Röskvu, samtaka félagshyggjufólks í Háskóla íslands. Þann-
ig fékk Vaka sjö menn í ráðið, en Röskva sex. Félögin fengu síðan
hvort sinn manninn kjörinn í Háskólaráð.
Inga Dóra sagði að liðsmenn
Vöku hefðu verið bjartsýnir fyrir
kosningarnar. „Við gengum til
þessara kosninga með hreinan
skjöld, meirihluti Vöku undanfarin
tvö ár hefur starfað vel og komið
mörgum þörfum málum til leiðar.
Hins vegar er alltaf erfitt að gera
sér grein fyrir stöðu mála þegar
maður stendur í eldlínunni, og því
voru niðurstöðurnar ánægjuleg
staðfesting þess að við séum á
réttri leið.“ Inga Dóra sagði, að
Vaka myndi halda áfram að starfa
í þeim málum sem unnið hefur ver-
ið að undanfarið, og nefndi sem
dæmi baráttu fyrir desemberpróf-
um í öllum deildum, gæðakönnun
og niðurrif deildamúra.
Arnar Guðmundsson, sem var
oddviti Röskvu í stúdentaráði
síðastliðinn vetur, sagði Röskvufólk
að vonum vonsvikið með tapið, en
hins vegar væri félagshyggjufólk í
háskólanum ánægt með að halda
sínu í stúdenta- og háskólaráði, ef
miðað væri við þá strauma sem ríkt
hefðu í þjóðfélaginu undanfarið.
„Við höfum' einnig átt erfitt með
að koma skoðunum okkar og starf-
semi á framfæri við stúdenta, nema
kannski nú rétt fyrir kosningar,"
sagði Arnar. „Ég vil annars óska
Vöku til hamingju með sigurinn.
Þrátt fyrir þetta tap álít ég okkur
hafa sterka málefnastöðu, og sá Iisti
félagshyggjufólks sem nú fer inn í
stúdentaráð er einhver jafnöflugasti
hópur sem ég hef þekkt til í þau
þijú ár sem ég hef starfað að þess-
um málum. Starf þessa fólks á eft-
ir að skila sér,“ sagði Arnar að lok-
um.
HÁSKÓLABÓKASAf!
NyKoiTKi iimarit
I KdOHOElLO

Frá kjörstað í Háskólanum á þriðjudag.