Morgunblaðið - 22.03.1990, Blaðsíða 14
14
ÍÍORGUNBLAÐIÐ FIMMTUDAGtjR 22. MARZ 1990
Tveir sellókonsertar
eftir Rafn Jónsson
Fjögur tónverk eftir jafnmarga
höfunda verða flutt á elleftu áskrift-
artónleikum Sinfóníuhljómsveitar
íslands í Háskólabíói í kvöld og hefj-
ast þeir kl. 20.30.
Höfundar þeirra komu frá ólíkum
löndum á ólíkum tímum, þannig að
óhætt er að fullyrða, að mikil breidd
er í verkefnavali þessara tónleika.
Verkin sem flutt verða eru:
Náttreið og sólaruppkoma eftir
Jean Sibelius, Sellókonsert í C-dúr
eftir Jósef Haydn, Sellókonsert nr.
2 eftir Aulis Sallinen og Rhapsody
Espagnol eftir Maurice Ravel.
Einleikari verður finnski sellóleik-
arinn Arto Noras og hljómsveitar-
stjóri Petri Sakari, aðalhljómsveitar-
stjóri.
I vetur hafa tónaljóð Sibeliusar
verið flutt og er fyrirhugað að flytja
þau öll í vetur. Á þessum tónleikum
er bætt við einu tónaljóðinu. Eins
og önnur verk Sibeliusar tengjast
þau norrænni náttúru og lífi. Nátt-
reið og sólaruppkoma er expressj-
ónísk lýsing á tilfinningum knapans,
sem ferðast einn að næturlagi. Sól-
aruppkoman er lituð hrífandi litum
norðurslóða.
Sibelius var eitt virtasta tónskáld
Finna. Eftir hann liggja fjölmörg
verk, þótt hann hafi að mestu hætt
tónsmíðum á miðjum aldri. Honum
hefur verið sýndur margur virðing-
arvottur í heimalandi sínu, m.a. er
tónlistarháskólinn í Helsinki nefndur
eftir honum, Sibeliusar akademían,
þaðan sem margir snjallir tónlistar-
menn hafa hlotið menntun sína,
þ. á m. einleikari og hljómsveitar-
stjóri þessara tónleika.
Haydn skrifaði sellókonsertinn
1765, nokkrum árum eftir að hann
gekk til þjónustu ungverska prinsins
Esterházys, sem bjó rétt handan
ungversku landamæranna í AusN
urríki. í höll Esterházys bjó Haydn
við mikið öryggi og velmegun og
skrifaði þar flest verka sinna, 83
strengjakvartetti, 80 af 104 sinfón-
íum og næstum allar 'óperurnar svo
eitthvað sé nefnt.
Nútímatónskáldið Aulis Sallinen
var um tíma framkvæmdastjóri
Arto Noras
Finnsku útvarpshljómsveitarinnar,
kennari við Sibeliusar akademíuna í
Helsinki og skipaður prófessor í list-
AUJAD
50%AFS
dagana 22. - 23. - 24. mars
LJÓS - GJAFAVARA - HÚSGÖGN
ELOHÚSHÚSGÖGN, STAKIR STÓLAR,
HÆGINDASTÓLAR, B0RÐST0FUB0RÐ,
SÓFAR0.FL. 0.FL.
OPIÐ í DAG FRÁ KL. 10-4.
VERSLUNIN VERÐUR L0KUD VIKUNA 26.-31. MARS VEGNA BREYTINGA.
ÞAR SEM ÞÚ GENGUR AÐ GÆÐUNUM VÍSUM
Borgartún 29. Sími 20640
um af finnska ríkinu á árunum
1976-1981. Hann hefur m.a. skrifað
þtjár óperur og fjórar sinfóníur auk
fjölda annarra nútímaverka fyrir
einstök hljóðfæri.
Franska tónskáldið Maurice Ravel
hefur oft verið líkt við Debussy.
Hann bjó lengst af í Parísarborg,
þar sem hann skrifaði flest verk sín.
Hann samdi flest verk sín á unga
aldri en átti erfitt með að hljóta við-
urkenningu sem tónskáld hjá frönsk-
um gagnrýnendum. Hann sóttist
stíft eftir að fá inngöngu í franska
flugherinn í fyrri heimsstyijöldinni,
en var synjað, þar sem hann þótti
ekki mikill fyrir mann að sjá. Hann
gegndi þó herþjónustu sem sjú-
krabílstjóri, m.a. í orrustunni við
Verdun, sem mannfallið varð meira
en áður hafði þekkst í styijöldum.
Vegna sjúkdóma hætti hann her-
þjónustu 1916 og breyttist þá stíll
hans og tónlistin varð alvarlegri.
Flestir þekkja til verka Ravels, t.d.
Bolero og Shéhérazade, svo eitthvað
sé nefnt. Rhapsody Espagnol er eitt
fárra verka hans, sem ekki var fyrst
skrifað í píanóútsetningu og var það
frumflutt í París í mars 1908.
Einleikari á tónleikunum á
fimmtudag verður finnski sellóleik-
arinn Arto Noras. Hann er tæplega
fimmtugur að aldri og hóf nám í
sellóleik aðeins fimm ára. Hann er
í dag talinn einn fremsti sellóleikari
heimsins. Verkin tvö sem hann flyt-
ur eru gjörólík og sýna breidd hans
sem sellóleikara. Hann hefur hlotið
fjöida verðlauna fyrir sellóleik, m.a.
dönsku Sonning-verðlaunin. Einnig
hefur hann kennt við Sibeliusar aka-
demíuna. Auk þess að leika einleik
á selló með hljómsveitum víða um
heim, leikur hann reglulega kam-
mertónlist með Kvartett Sibeliusar
akademíunnar í Tríói Helsinkiborg-
ar.
Hljómsveitarstjóri verður Petri
Sakari, aðalhljómsveitarstjóri Sin-
fóníuhljómsveitar íslands. Samning-
ur hans við hljómsveitina var nýlega
endurnýjaður til vors 1992, enda
hefur hann unnið mikið og gott starf
hér. Petri Sakari stundaði nám við
Sibeliusar akademíuna í hljómsveit-
arstjórn og fíðluleik. Hann er nú
eftirsóttur hljómsveitarstjóri á Norð-
urlöndum og víðar. Jafnframt leikur
hann kammertónlist á fíðlu með
Kouianen-kammertríóinu.
Höfundur er kynningarfulltrúi
Sinfóníuhljómsveitar Islands.
- HÁRLOS
- EXEM
- FLASA
- LITUN
- PERMANENT
Fæst í allflestum apó-
tekum, rakara- og
hárgreiðslustofum
um land allt.
Dreifing:
ambrosia
Sími 91-680630.