Morgunblaðið - 07.04.1990, Blaðsíða 60
LAUGARDAGUR 7. APRÍL 1990
VERÐ í LAUSASÖLU 90 KR.
Þrettán ára unglingar
tengjast fíkniefinamáli
: FÍKNIEFNAMÁLIÐ, sem kom upp þegar lögreglan handtók tvo
bræður á heimili þeirra í Breiðholti fyrir nokkru, teygir anga sína
víða. Um 100 manns, búsettir í Breiðholti, Árbæ, Grafarvogi og á
Suðurnesjum, tengjast málinu. Þeir yngstu, sem fíkniefnadeild
lögreglunnar hefiir þurft að hafa afskipti af í þessu máli, eru 13
ára gamlir.
Lögreglan handtók bræðurna,
sem eru 18 ára gamlir, vegna rök-
studds gruns um að þeir hefðu
selt kannabisefni og við húsleit á
heimili þeirra fundust slík efni.
Hjá fíkniefnadeild lögreglunnar
fengust þær upplýsingar, að alls
tengdust um 100 manns þessu
máli, bæði sem neytendur og dreif-
endur. Flestir eru búsettir í
. Reykjavík, eða 60. Þá eru um 20
búsettir á Suðurnesjum og við
rannsókn málsins hafa 20 í viðbót
verið nefndir sem kaupendur, án
þess að hægt hafi verið að nafn-
greina þá. Nokkrir þeirra, sem
iögreglan hefur haft afskipti af,
eru aðeins 13 ára og alls eru tíu
ósakhæfir vegna aldurs, eða undir
15 ára aldri. Flestir eru við 18 ára
aldur og nokkrir eldri.
Meðalaldur þeirra, sem koma
við sögu hjá fíkniefnadeildinni á
ári hverju, er 27 ár.
Landsvirkjun:
Kostnaður við upp-
græðslu 350 milljónir
LANDSVIRKJUN hefur á 25
ára starfsferli sínum grætt upp
rúmlega 3000 hektara lands og
hefur kostnaður fyrirtækisins
vegna þessa numið alls um 350
milljónum króna á núverandi
verðlagi. Langveigamesta upp-
græðsluverkeftii Landsvirkjun-
ar á síðustu árum hefur verið
Þjóðleikhúsið:
Framkvæmd-
ir fara fram úr
~>fj;írveiting'iim
SAMSTARFSNEFND um opin-
berar framkvæmdir hefur vísað
áætlun um framkvæmdir við
Þjóðleikhúsið til fjármálaráð-
herra eftir að í ljós kom að kostn-
aður vegna fyrsta áfanga fer
verulega fram úr fjárveitingum.
Samstarfsnefndin vill fá úr því
skorið hvort framkvæmdir verða
skornar niður, þeim frestað eða
verklokum breytt. Rúmlega 300
milljónum króna hefur verið veitt
til framkvæmdanna.
Sjá samtal við húsameistara
ríkisins bls. 24
vegna Blönduvirkjunar. Frá því
uppgræðsla hófst vegna hennar
hefiir verið sáð í og borið á um
1600 hektara af örfoka landi á
Auðkúlu- og Eyvindarstaða-
heiði af þeim 2.200 hekturum
sem talið er að rækta þurfi upp
vegna lónsins sem myndað verð-
ur.
Halldór Jónatansson, forstjóri
Landsvirkjunar, greindi frá upp-
græðsluverkefnum á ársfundi fyr-
irtækisins í gær. Hann sagði að
rannsóknir sem farið hefðu fram
á vexti og viðgangi uppgræðslunn-
ar vegna Blönduvirkjunar hefðu
leitt í ljós að þrátt fyrir gífurlegt
beitarálag hefðu uppgræðslusvæð-
in heppnast mun betur en nokkur
hefði þorað að vona í upphafi.
Vegna fækkunar búfjár á svæðinu
og afstöðu heimamanna hefði það
hinsvegar orðið að samkomulagi
milli Landsvirkjunar að fresta
frekari uppgræðslu til ársins 1991
og myndu aðilar taka afstöðu til
málsins fyrir áramót. Halldór
sagði að tijárækt hefði lengi verið
liður í uppgræðslu Landsvirkjunar
og væri hugmyndin að auka þann
þátt verulega. Þannig hefðu verið
gróðursettar um 40 þúsund tijá-
plöntur á síðastliðnum þremur
árum á virkjunarsvæði Blöndu.
Morgunblaðið/Kristján Jónsson
Aætlunarsiglingar nýja Baldurs hafhar
Baldur, hin nýja Breiðafjarðarferja Flóabátsins
Baldurs hf., fór sína fyrstu áætlunarsiglingu á
milli Stykkishólms og Bijánslækjar á Barða-
strönd í gær, föstudag, og reyndist skipið í alla
staði vel i þessari siglingu, að sögn Guðmundar
Lárussonar framkvæmdastjóra fyrirtækisins.
Yfírtaka Landsbankans á Samvinnubanka:
Búnaðarbanki kaupi úti-
bú af Landsbankanum
Forsenda viðræðna er að leyfí ráðherra fyrir samrunanum
fáist, segir Sverrir Hermannsson bankastjóri Landsbanka
BANKASTJÓRAR Landsbanka
og Búnaðarbanka hafa hitzt und-
anfarið til þess að ræða um hugs-
anleg kaup Búnaðarbankans á
einhveijum útibúum Landsbank-
ans þegar hann sameinast Sam-
vinnubankanum. Sverrir Her-
mannsson, bankastjóri Lands-
bankans, segir að til þess að hægt
sé að fara að ræða þessi mál af
alvöru verði að fást leyfi fyrir
samrunanum frá bankamálaráð-
herra fyrir aðalfund Samvinnu-
banka, sem er 27. þessa mánaðar.
„Aðalfundur Samvinnubankans er
framundan og þar var hugmynd
okkar að bera upp til samþykktar
tillögu um samruna stofnananna,"
sagði Sverrir Hermannsson í sam-
tali við Morgunblaðið í gær. „Það
getum við ekki nema með leyfi ráð-
herrans. I því falli að það fengist
ekki, er staða okkar allt önnur, mjög
ill og erfið til að eiga í nokkrum
viðræðum um til dæmis sölu útibúa
til annars banka. Við getum ekki
keypt af öllum hluthöfum Samvinnu-
bankans nema hafa samrunaleyfið
og þá höfum við ekki leyfi til að
gera neitt sem gæti skaðað stöðu
og hag þeirra,“ sagði Sverrir. Um
er að ræða 1.300-1.400 hluthafa,
sem eiga alls um 14% hlutafjár í
Samvinnubankanum.
Davíð hlaut að sigra Golíat
- segir Patrick Duffy, fyrrum flotamálaráðherra Breta, um síðasta þorskastríð
FYRRUM flotamálaráðherra Breta, Patrick Duffy, segir að
hann og yfirmenn breska flotans hafi verið andvígir því að
nota herskip gegn íslenskum varðskipum í landhelgisdeilunni
1975 — 1976. Dufly, sem var ráðherra síðustu mánuði deilunn-
ar segir í viðtali við Morgunblaðið að Bretar hafi borið þyngri
sök á deilunni en Islendingar hefðu getað sýnt andstæðingum
sínum meiri skilning. Hann leggur áhersu á hernaðarlegt mikil-
vægi Islands fyrir varnir vestrænna ríkja.
„Þetta voru aðstæður þar sem Bretar hafi verið í verstu aðstöðu
Davíð myndi í öllum tilvikum
sigra, Golíat,“ segir Duffy sem
er þingmaður fyrir Verkamanna-
flokkinn og formaður þing-
mannasamtaka Atlantshafs-
bandalagsins. Hann segir að
sem herveldi geti lent i; átt í
deilu við fámenna vinaþjóð, sem
ekkert hafi verið hægt að setja
út á, og aflsmunurinn hafi kom-
ið að engu gagni. Duffy segir
ljóst að íslendingar hafi haft
betri málstað, um það sé ekki
deilt lengur. „Það sem mér finnst
verst við afstöðu okkar í Bret-
landi er að við skildum ekki nógu
fljótt hve hagsmunir þjóðanna
tveggja, vinaþjóða, sem báðar
voru aðilar að vestrænu varnar-
samtarfi, fóru saman varðandi
verndun auðæfanna á Norður-
Atlantshafi."
Duffy segist ekki geta skýrt
frá því hver hafi gefið skipun
um að láta herskip og dráttar-
báta herða baráttuna gegn varð-
skipunum, en Bretar brutu sem
kunnugt er alþjóðasiglingareglur
og reyndu að kafsigla íslensku
skipin. Breskir embættismenn
undirrita eiðstaf, er þeir hverfa
úr þjónustu, þar sem þeir heita
að ljóstra ekki upp ríkisleyndar-
málum.
Aðspurður um mikilvægi ís-
lands fyrir varnir vestrænna
ríkja sagði Duffy að ekkert ein-
stakt land hefði jafn mikilvæga
legu frá hernaðarlegu sjónarmiði
og ísland nú á tímum.
Sjá viðtal við Duffy í miðopnu.
Sverrir sagði að Landsbankamenn
hefðu áhuga á að ræða við Búnaðar-
bankann og fleiri banka þegar þeir
hefðu gert sér grein fyrir útibúa-
kerfi bankans og afgreiðslustöðum
eftir samrunann við Samvinnubank-
ann. Er hann var spurður hvort hann
hefði þá íslandsbanka í huga sagði
hann að ef til þess kæmi að Lands-
bankinn seldi einhver útibú, yrðu þau
að sjálfsögðu seld hæstbjóðanda.
Viðræður við íslandsbanka hefðu
hins vegar ekki farið fram.
Jón Sigurðsson bankamálaráð-
herra sagði að erindi Landsbankans
um samruna væri í athugun í ráðu-
neytinu. Óskað hefði verið eftir áliti
bankaeftirlits og Seðlabanka og
væru þau ókomin.
„Ég bíð eftir þessum álitum. Jafn-
framt tel ég mjög mikilvægt að þetta
tækifæri til endurskipulagningar í
bankakerfinu verði nýtt á sem hag-
kvæmastan hátt. Því er eðlilegt að
Landsbankinn og Búnaðarbankinn
ræði sín á milli um það, hvort í sömu
andrá sé ekki rétt að líta á útibúa-
málin í heild. Hugsanlegt væri að
einhver viðskipti með fasteignir,
útibú og fleira eigi sér stað á milli
þeirra um leið og Landsbankinn yfir-
tekur Samvinnubankann," sagði
ráðherra.
Jón taldi líklegt að hann myndi
verða búinn að svara Landsbankan-
um fyrir aðalfund Samvinnubank-
ans. Hann sagðist ekki hafa lagt
fram neinar tillögur fyrir bankana
um skiptingu útibúa. „Það er ekki
mitt mál. Eg hvet til þess að þetta
tækifæri verði nýtt, þau gefast ekki
svo oft. Það er svo bankaráðanna
að ráða framúr þessu," sagði hann.