Morgunblaðið - 10.05.1990, Blaðsíða 54
54
■ FOLK
■ NEVILLE Southall, mark-
vörður Everton, er á leið til Man-
chester United fyrir rúmar þrjár
milljónir punda, ef marka má
bresku blöðin. Hann hefur þegar
farið fram á að vera settur á sölu-
lista en ósk hans var hafnað. Hann
hefur þó ekki gefist upp og vill
fara frá félaginu, þrátt fyrir að
hafa aðeins lokið einu ári af sjö ára
samningi sínum. Leikmenn Ever-
> -^on fóru í gær í keppnisferð til
Kína og Hong Kong en Southall
fór ekki með.
■ JOHN Dunkin, hefur verið rek-
inn sem framkvæmdastjóri Ipswich
í 2. deild ensku knattspyrnunnar.
Mikið hefur verið rætt um að Terry
Butcher og Mick Mills taki við lið-
inu. Butcher leikur með Glasgow
Rangers og hefur reyndar sagt að
hann hafi ekki áhuga á starfinu.
Mills er hinsvegar í atvinnuleit eft-
ir að hafa farið með Stoke úr 2. í
3. deild og síðan Colchester niður
úr 4. deild í vor. John Lyall, fyrrum
framkvæmdastjóri West Ham, hef-
ur einnig verið nefndur.
■ HOWARD Kendnll, fram-
'kvæmdastjóri Manchester City,
hyggst reyna að kaupa írska varn-
armanninn David O’Leary frá
Arsenal. Hann keypti Niall Quinn
frá félaginu í vetur og vill bæta
O’Leary við.
■ GLASGOW Rangers hefur enn
einu sinni sett stefnuna á Evrópu-
meistaratitilinn í knattspyrnu og
Graeme Souness, framkvæmda-
stjóri liðsins, leitar að sterkum leik-
mönnum. Hann hefur nú boðið sex
hundruð þúsund pund í danska
varnarmanninn Jan Mölby sem
leikur með Liverpool.
■ WALSHALL sem farið hefur
úr annarri deild í þá fjórðu, leitar
nú að framkvæmdastjóra. talið er
að Kenny Hibbit, sem lék lengi
með Úlfiinum, taki við starfinu en
hann er nú aðstoðarframkvæmda-
stjóri hjá Bristol Rovers.
■ BRESKA blaðið New Musical
Express sagði frá því nýlega að
búið væri að finna nafn fyrir HM-
lag Englendinga sem á að koma
út 21. maí. Það á að heita Snerting
handar Cicciolinu. Hún er ítölsk
þingkona, heitir réttu nafni Ilona
Staller, og er einkum þekkt fyrir
að flíka barmi sínum. Titillinn vísar
ÚK! hins fræga atviks er Maradona
skoraði með „hönd Guðs“ gegn
Englendingum í sfðustu heims-
meistarakeppni. Það situr enn í
þeim en þeir höfðu ekki áhuga á
að nefna hann í baráttulagi sínu
fyrir heimsmeistarakeppnina.
■ STJÓRN Leeds, gaf út yfirlýs-
ingu f gær þess efnis, að þeir sem
handteknir vonj í Bournemouth
um helgina, verði settir í ævilangt
bann á Elland Road, heimavelli
Leeds. Liðið gerði jafntefli við
ítalska liðið Genoa, 1:1 og að leikn-
um loknum fékk liðið bikarinn fyrir
sigur í 2. deild.
1 HANDBOLTI
Stuðningsmanna-
klúbbur stofnaður
Æ'
Akveðið hefur verið að stofna
stuðningsmannaklúbb íslensku
landsliðanna. Að stofnunni standa
nokkrir Tékkóslóvakíufarar með
stuðningi HSÍ. Stofnfundurinn verður
haldinn í fundarsölum ISI í Laugardal
á laugardaginn kl. 17. Þá verður rætt
um tilurð og tiigang klúbbsins. Full-
trúar HSI og íslensku landsliðanna
flytja ávörp.
FELAGSLIF
Afmæliskaffi Vals
Knattspyrnufélagið Valur verð-
ur 79 ára á morgun, þann 11.
maí. Af því tilefni verður opið hús
hjá félaginu að Hlíðarenda frá kl.
16-18 á afmælisdaginn.
MORGUNBLAÐIÐ IÞROTTIR FIMMTUDAGUR 10. MAÍ 1990
KÖRFUKNATTLEIKUR
Dennis Rodman átti mjög góðan leik er Detroit vann 11. leikinn í röð í
úrslitakeppninni.
Páll Kolbeinsson ráðinn þjálfari KR:
„Ætlum að bæta
bikamum við“
PÁLL Kolbeinsson, bakvörð-
ur KR og besti leikmaður úr-
valsdeildarinnar, var í gær
ráðinn þjálfari íslandsmeist-
aranna fyrir næsta vetur.
Hann tekur við af Ungverjan-
um Laszlo Nemeth, sem þjálf-
að hefur liðið tvö undanfarin
ár.
Við setjum að sjálfsögðu stefn-
una á að halda íslandsmeist-
aratitlinum og bæta bikarnum
við. Það þýðir ekkert annað en
að setja markið hátt og ég er
bjartsýnn á veturinn," sagði Páll.
Ilann sagðist ætla að reyna að
vinna sem mest með liðinu í vet-
ur: „Strákarnir í KR hafa mikla
reynslu og við ætlum að vinna
þetta saman í vetur. Axel, Guðni,
Matthías og Birgir hafa leikið
lengi með liðinu og í sameiningu
reynum við að sjóða eitthvað sam-
an. Ég reyni svo að nýta mér það
sem ég lærði í Bandaríkjunum,"
sagði Páll.
Páll Kolbeinsson.
í gær var einnig gengið frá
ráðningu þjálfara fyrir meistara-
flokk kvenna. Guðni Guðnason,
fyrirliði íslandsmeistaranna, mun
sjá um þjálfun liðsins og tekur
við af Sigurði'Hjörleifssyni.
Norðmaður
til UMFN?
NBA-DEILDIN
Lakers lá heima
Tapaði fyrir Phoenix ífyrsta leiknum. Þjálfari Boston rekinn
LOS Angeles Lakers tapaði
mjög óvænt fyrir Phoenix Suns
í fyrsta leik liðanna í 2. umferð
úrslitakeppninnar í NBA-deild-
inni, 102:104. Phoenix hafði
tapað 21 leik í röð í Los Ange-
les og sigurinn kom mjög á
óvart. í 2. umferð er leikið þar-
til annað liðið hefur sigrað fjór-
um sinnum.
Það var Mark West sem átti stærst-
an þátt í sigri Phoenix, gerði 24
stig. Hann kom liðinu yfir 103:101,
þegar hálf mínúta var til leiksloka.
Liðin gerðu svo sitt-
Frá Gunnari hvort stigið úr víta-
Valgeirssyni skotum.
i Bandaríkjunum Sigurinn var sér-
staklega mikilvægur
fyrir Cotton Fitzsimmons, þjálfara
Phoenix. Hann var áður hjá Atlanta
og San Antonio, en sigraði síðast í
Los Angeles í forsetatíð Nixons!
Portland hefur sigrað í tveimur
fyrstu leikjum sínum gegn San An-
tonio. Liðið vann nokkuð örugglega,
122:112, í öðrum ieiknum.
Detroit byrjaði vel gegn New York
og sigraði örugglega, 112:77. Mestur
varð munurinn 43 stig. Detroit hafði
ekki leikið í viku en New York fékk
aðeins tveggja daga hvíld eftir erfiða
leiki gegn Boston. Dennis Rodman var
bestur í liði Detroit en Isiah Thomas
stigahæstur með 21 stig, þrátt fyrir
að leika lítið með. Þetta var 11. sigur
Detroit í röð í úrslitakeppni deildarinn-
ar og þykir afar líklegt að liðið mæti
Los Angeles aftur í úrslitum.
Chicago vann einnig fyrsta Ieik
sinn, gegn Philadelphia, 96:85.
Michael Jordan gerði 39 stig og Charl-
es Barkley 30, auk þess að taka 20
fráköst.
Rodgers rekinn frá Boston
Boston Celtics rak í gær þjálfara
sinn, Jimmy Rodgers. Hann hafði ver-
ið tvö ár hjá félaginu og náði þokkaleg-
um árangri í vetur í deildinni. Tapið
gegn New York í 1. umferð úrslita-
keppninnar kom honum hinsvegar á
atvinnuieysisskrá. Mikið hefur verið
rætt um hver taki við liðinu og gera
menn því skóna að K. C. Jones, sem
þjálfaði liðið í fimm ár áður en Rodg-
ers tók við og gerði liðið tvisvar að
meisturum, fari aftur í gamla starfið.
Rodgers er þriðji þjálfarinn sem
missir vinnuna í vetur. Áöur hafði
Atlanta rekið Mike Fratello og Los
Angeles Clippers gert hina hefð-
bundnu vorhreingemingu sína og rek-
ið Don Casey. Þá hefur það heyrst
að Chuck Daley, þjálfari meistaranna
í Detroit, ætli að hætta í sumar og
taka boði NBC-sjónvarpsstöðvarinnar
um að lýsa leikjum NBA-deildarinnar
fyrir fúlgu fjár.
Rodgers var rekinn frá Boston.
NBA-deildin
Úrslit urðu þessi í annarri umferð. Það
lið sem er á undan til að vinna fjóra
leiki af sjö kemst í undanúrslit:
Austurdeild
Detroit Pistons - New York.112: 77
(Detroit er yfír 1:0)
Vesturdeild:
Phoenix Suns - LA Lakers.104:102
(Phoenix er yfír 1:0)
Portland - San Antonio.....122:112
(Portland er yfír 2:0)
KNATTSPYRNA
Njarðvíkingar leita nú að er-
lendum leikmanni til að taka
við af Patrick Releford, Bandaríkja-
manninum sem lék með liðinu í
fyrra. Einn þeirra sem Njarðvíking-
ar hafa rætt við er einn besti lands-
liðsmaður Nofegs í körfuknattleik,
Hakon Austeidjord. Hann er rúmir
tveir metrar á hæð og gerði yfir
30 stig að meðaltali í norsku fyrstu-
deildinni, auk þess að taka á annan
tug frákasta í hverjum leik. íslend-
ingar muna líklega eftir honum en
hann var einn besti leikmaður
norska liðsins á Norðurlandamótinu
sem fram fór á Suðurnesjum í fyrra
og í undankeppni EM sem fram fór
í Reykjavík 1986.
Gunnar Gunnarsson, formaður
körfuknattleiksdeildar Njarðvíkur,
sagðist hafa rætt stuttlega við
Austerfjord en ekki hefði verið tek-
in nein ákvörðun. „'Okkur liggur
ekkert á og viljum ekki flýta okkur
um of. Hann er sterkur leikmaður
en það þarf að ganga frá ýmsu til
að hann geti komið,“ sagði Gunnar.
Austerfjord, sem er viðskipta-
fræðingur að mennt, sendi liðum
úrvalsdeildarinnar bréf í vor þar
sem hann falbauð þjónustu sína.
Hann leggur mikla áherslu á að fá
góða vinnu en þar stendur hnífurinn
í kúnni, enda ekki auðvelt að finna
vinnu fyrir enskumælandi við-
skiptafræðing á Islandi.
AFREKSMANNASJOÐUR ISI
Ragnheiður Runólfs-
dóttir fær styrk
Ragnheiður Runólfsdóttir,
sundkona frá Akranesi, er
komin á lista yfir þá sem fá styrk
úr afreksmannasjóði ÍSI. Auk
hennar fá fjórir aðrir íþróttamenn
styrk úr sjóðnuin; Einar Vil-
hjálmsson og Sigurður Einarsson
spjótkastarar, Vésteinn Haf-
steinsson, kringlukastari og
Bjarni Friðriksson júdómaður.
Styrkur afreksmannasjóðs ÍSÍ
er 40 þúsund krónur á mánuði,
frá apríi til september, eða í sex
mánuði í senn. Eftir þann tíma
verður styrkveitingin endurskoð-
uð.
Friðjón B. Friðjónsson, formað-
ur afreksmannasjóðs ÍSÍ, sagði
að vel kæmi til greina að bæta
íþróttamönnum inn á þennan lista
og verið væri að skoða þau mál
núna.
KR-ingar meistarar
þriðja árið í röð?
KR og Fram leika til úrslita í
Reykjavíkurmótinu í knatt-
spyrnu á gervigrasinu í Laugardal
í kvöld kl. 20.30. KR-ingar hafa
titil að verja, en þeir hafa verið
Reykjavíkurmeistarar tvö síðustu
árin.
Þetta verður í þriðja sinn á jafn-
mörgum árum sem KR og Fram
leika til úrslita í Reykjavíkurmót-
inu. KR hefur unnið tvö síðustu
árin, Fram, sem hefur leikið til úr-
slita síðustu fimm árin, hefur
tvívegis fagnað sigri á þeim tíma;
1985 og 1986.
Úrslitaleikir Reykjavíkurmótsins
frá 1985, er mótið var flutt á gervi-
grasið, hafa farið þannig:
1985 Fram — Valur.....1:0
1986 Fram-KR.........„3:1
1987 Vaiur —Fram......2:0
1988 KR-Fram..........2:0
1989 KR — Fram........2:1
KR og Fram tefla fram sínum
sterkustu liðum. Framarar verða
þó án Kristins R. Jónssonar sem
er nefbrotinn.