Morgunblaðið - 10.05.1990, Blaðsíða 56
FIMMTUDAGUR 10. MAÍ 1990 VERÐ í LAUSASÖLU 90 KR.
Orðabók
Háskólans
^.þýðir lög EB
Heildarkostnaður vel
á sjötta tug milljóna
ORÐABÓK Háskóla íslands hef-
ur fengið það verkeíhi að þýða
Iög og reglugerðir Evrópu-
bandalagsins á íslensku, en það
er gert vegna fyrirhugaðra
samningaviðræðna EFTA-ríkj-
anna við EB um evrópskt efha-
hagssvæði. Lögin eru um 30
þúsund handritasíður.
Jörgen Pind forstöðumaður
Orðabókar Háskóla íslands sagði
við Morgunblaðið að áætlað væri
’-^að ljúka verkinu fyrir árslok 1991.
Reiknað væri með að um tveir
tugir manna yrðu ráðnir sérstak-
lega til verkefnisins. Heildarkostn-
aðurinn væri vel á sjötta tug millj-
óna, en inni í þeirri tölu væri tölvu-
búnaður sem ríkið mun kaupa.
Fjárveiting á þessu ári verður 15
milljónir króna.
Jörgen Pind sagði að innan
Orðabókarinnar væri mikil reynsla
af þýðingum á borð við þessa.
Hann sagði að textinn kæmi í
töivutæku formi frá Evrópubanda-
laginu og yrði þýddur í hópvinnu.
íslenski textinn verður síðan
keyrður út á síður, umbrotinn og
tilbúinn til ijósprentunar.
Mikil tómata-
framleiðsla
ÍSLENSKIR tómatar eru
komnir í flestar verslanir og
var innflutningi hætt í byrjun
síðustu viku. Eru þeir heldur
seinna á ferðinni er venjulega
vegna veðurskilyrða og að
hluta til vegna nýrra tómat-
plöntuafbrigða seni garð-
yrkjubændur hafa verið að
prófa, að sögn Níelsar Mar-
teinssonar sölustjóra hjá
Sölufélaginu.
Fyrsta heildsöluverð hjá
Sölufélaginu/Bananasölunni er
390 krónur en var 400 krónur
á sama tíma í fyrra. Samkvæmt
því gæti algengt smásöluverð
tómata verið frá 630 krónum
kílóið. Níels sagði að von væri
á töluverðri framleiðslu í þess-
ari viku vegna góðra ræktunar-
skiiyrða að undanförnu.
íslenskar gúrkur eru fyrir
löngu komnar á markaðinn og
kosta nú 168 krónur í heildsölu
hjá Sölufélaginu og frá 270 í
smásölu. Græn paprika er kom-
in í verslanir. Hún kostar 399
krónur í heildsölu og 640 í smá-
sölu. Þá sagði Níeis að eitthvað
væri væntanlegt af gulrótum
ræktuðum í gróðurhúsum.
Morgunblaðið/KGA
Karen Níelsdóttir í Sölufélag-
inu með nýja íslenska tómata.
Morgunblaðið/Skapti Hallgrímsson
UPPRENNANDIGARÐ YRKJUMAÐ UR?
Þykk þoka lá yfir Akureyri í gærmorgun en henni létti fljótt og sólin braust fram. Margir hafa því
eflaust dyttað að gróðri í görðum sínum — hún Arna litla gaf sér að minnsta kosti góðan tíma til að
„aðstoða“ ömmu sína við vorvcrkin.
Hlutabréf hækka:
Flugleiðabréf
hækkuðu um
16% á 2 vikum
HLUTABRÉF hafa hækkað veru-
lega í verði á undanförnum vikum
og HMARK-hlutabréfavísitalan
hefúr hækkað um 35% frá áramót-
um. A síðustu tveimur vikum hafa
hlutabréf í Flugleiðum hækkað
um 16% hjá Hlutabréfamarkaðin-
um hf. og um 30% frá áramótum.
Svanbjörn Thoroddsen, forstöðu-
maður Hlutabréfamarkaðarins, seg-
ir að mikil eftirspurn og aukin trú
á framtíð Flugleiða sé ein megin-
skýring hækkunarinnar. Hann sagði
einnig aðspurður að ekki væri um
einn einstakan kaupanda að ræða.
Gengi hlutabréfa í öðrum fyrirtækj-
um hefur einnig hækkað mikið.
Hlutabréf í Olíufélaginu hf. hafa
raunar hækkað enn meira eða um
39%. Á síðustu tveimur vikum hafa
hlutabréf fyrirtækisins hækkað um
rúmlega 6%.
Hlutabréf í Skagstrendingi hafa
hækkað litlu minna á undanförnum
vikum, en bréf í Flugleiðum. Þannig
hafa Skagstrendingsbréf hækkað
um 16% á síðustu vikum og um 46%
frá áramótum. Verð á hlutabréfum
Eimskips hefur lítið breyst að und-
anförnu, en frá áramótum hafa þau
hækkað um 33%.
Sjá nánar: „Hlutabréf í Flug-
leiðum hækka um 16% á tveim-
ur vikum“ á B-l.
Reykjavík:
340 hafa kosið
utan kjörstaða
UM ÞAÐ bil 340 kjósendur í
Reykjavík höfðu í gær greitt at-
kvæði utan kjörstaða vegna
borgarstjórnarkosninganna í
vor.
Fyrir kosningarnar 1986 höfðu
tæplega 400 greitt atkvæði um
sama leyti. Utankjörstaðakosning í
Reykjavík fer nú fram í húsakynn-
um Fjölbrautaskólans við Ármúla.
Sambandið og Flugleiðir:
Starfemönnum hefur fækkað
um 1.250 á nokkrum árum
STÆRSTU fyrirtæki landsins hafa ílest fækkað starfsfólki undanfar-
in ár. Tvö stór atvinnulyrirtæki, SÍS og Flugleiðir, hafa til dæmis
alls um 1.250 færri starfsmenn í þjónustu sinni en fyrir fáeinum
árum. Nú vinna um 920 manns hjá Sambandi íslenskra samvinnufé-
laga en í árslok 1985 voru starfsmenn fyrirtækisins 1.770 og hefur
því fækkað um 850. Starfsfólki Flugleiða hefur fækkað um nálægt
400 á undanfornum árum og þar vinna nú um 1.300 manns. Þá
hefur starfsfólki Eimskips fækkað um 120 á tveimur árum. Misjafn-
lega hefur gengið hjá því fólki sem misst hefur starf sitt vegna
uppsagna að fá nýja vinnu, að sögn Péturs Maack, skrifstofustjóra
VR.
Erling Aspelund, starfsmanna-
stjóri Sambandsins, segir að um
síðustu áramót hefðu 1.065 starfað
hjá fyrirtækinu á móti 1.770 í árs-
Iok 1985. í ár hefði enn fækkað
og yrðu starfsmenn um 920 í júní
og í árslok væri áætlað að þeir
yrðu 900. Hann sagði að mest
munaði um 400 starfsmenn ullar-
iðnaðar sem hefðu orðið starfs-
menn Álafoss hf. við sameiningu
ullariðnaðarfyrirtækjanna. Þá
hefði öðrum starfsmönnum iðnað-
ardeildar fækkað, fækkað hefði í
fjárhagsdeild, verslunardeild og
skipadeild. I ár fækkaði í búvöru-
deild og einnig í Bílvangi, búnaðar-
deild og Jötni við sameiningu þess-
ara deilda.
Hjá Flugleiðum unnu 1.276
starfsmenn heima og erlendis í
febrúar síðastliðnum, að sögn
Kristínar Björnsdóttur í starfs-
mannahaldi. Starfsmönnum fjölg-
aði eitthvað í mars vegna aukinna
verkefna við sumaráætlun. Tveim-
ur árum áður voru starfsmenn
Flugleiða 1.544 og hafði því fækk-
að um 267.
Fyrir nokkrum árum voru starfs-
mennirnir mun fleiri og hefur í
heild fækkað um nálægt 400
manns. Kristín sagði að flugliðum
hefði fækkað verulega og nefndi
einnig að við endurskipulagningu á
Hótel Esju hefði orðið mikil fækkun
á starfsmönnum á launaskrá.
Rúmlega 700 starfsmenn vinna
nú hjá Eimskip og er það 120 færra
en fyrir tveimur árum, að sögn
Þórðar Óskarssonar starfsmanna-
stjóra. Mest fækkun hefur orðið í
flutningamiðstöðinní í Sundahöfn
en einnig hefur skrifstofufólki
fækkað.
Fækkunin hjá Eimskip hefur
mest orðið með þeim hætti að ekki
hefur verið ráðið í stað þeirra sem
hætta en töluvert hefur verið um
uppsagnir hjá Sambandinu og
Flugleiðum á undanförnum árum.
Hafa þessi fyrirtæki reynt að að-
stoða fólkið við að fá aðra vinnu.
Erling Aspelund segir að það hafi
gengið fremur illa, en þó tekist í
sumum tilvikum. Pétur Maack,
skrifstofustjóri Verslunarmannafé-
lags Reykjavíkur, segir að mikið
hafi verið um að fyrirtæki segðu
upp starfsfólki til að draga úr
kostnaði en hann hafði ekki yfirlit
um hvað það gæti verið mikið.
Misjafnlega liefði gengið að finna
störf fyrir þetta fólk, og sumt hefði
farið á atvinnuleysisskrá.