Morgunblaðið - 11.08.1990, Blaðsíða 1

MENNING LISTIR P
PRENTSMIÐJA MORGUNBLAÐSINS LAUGARDAGUR 11. ÁGÚST 1990 BLAÐ ÍJ
VIÐTAL VIÐ HAFLIÐA
HALLGRÍMSSON SELLÓ-
LEIKARA OG TÓNSKÁLD
VIÐTAL: ELÍN PÁLMADÓTTIR
Á Skálholtstónleikum um helg-
inaverða nær eingöngu flutt verk
eftir Hafliða Hallgrímsson tón-
skáld. Hann er kominn heim til
þess að stjórna flutningi verk-
anna og hefur undanfarna viku
dvalið austur í Skálholti við æf-
ingar með Hljómeyki og hljóð-
færaleikurum. Tónleikarnir í
Skálholtskirkju heljast bæði
laugardag og sunnudag klukkan
þrjú síðdegis. Báða dagana sama
dagskrá, sem eingöngu er helguð
verkum Hafliða. Og á tónleikum
kl. 5 á laugardag flytur gítarleik-
arinn Einar Kristján Einarsson
• Jakobsstigann eftir Hafliða, auk
annarrar alþjóðlegrar tónlistar.
Og í messunni kl. 5 á sunnudag
er að venju m.a. flutt úrval úr
tónleikum helgarinnar. í stuttri
bæjarferð náðum við tali af tón-
skáldinu Hafliða Hallgrímssyni
og spurðum hann fyrst um verk-
in sem flutt verða í Skálholts-
kirkju, sum í frumflutningi.
Sönghópurinn Hljómeyki
frumflytur m.a. verk
sem Hafliði nefnir
TRIPTYCH, en það
merkir þrískipt altaris-
mynd. Hamrahlíðarkór
inn hefur flutt tvo þætti verksins
áður, en það er í þremur þáttum
og nú frumflutt í heild. „Þetta verk
tileinka ég blindri konu, Mary Mill-
er, sem ég bjó hjá í 10 ár í Lon-
don. Hún var sú manneskja sem í
mínum huga kemst næst því að
• vera dýrlingur. Verkið er samið
eftir að hún dó og ég hefí verið að
vinna að því síðan 1986,“ segir
Hafliði og heldur áfram:„Þetta verk
er byggt á tveimur ljóðum eftir
Salvatore Quasimoto. Aðaluppi-
staðan er eitt frægasta Ijóð hans,
sem flestir þekkja. Textinn er flutt-
ur á ensku. Hann fjallar um dauð-
ann og í upphafi segir eitthvað á
þessa leið í lauslegri þýðingu á
íslensku:
Allir eru einir
á hjarta jarðar.
Ljóstraðir geisla sólar.
Og skyndilega er komið kvöld.
Einnig flytur Hljómeyki undir
stjórn Hafliða fjögur þjóðlög, sem
hann hefur útsett fyrir kór. Var
útsetningin tileinkuð Hamrahlíð-
arkórnum, sem hefur flutt þessi lög
þannig erlendis.
I upphafi þessara tónleika í Skál-
holtskirkju, sem helgaðir eru tón-
skáldinu Hafliða Hallgrímssyni,
mun Helga Ingólfsdóttir leika verk-
ið Strönd, sem samið er fyrir semb-
al og tileinkað Helgu og semballeik
hennar, að því er Hafliði tjáir okk-
ur. „Strönd er nafnið á húsi Heigu
á Álftanesinu. Og verkið fjallar um
útsýnið úr glugganum hennar,
hljóðið frá hafinu og úr sembalnum
hennar. Þetta er ofið saman. Helga
frumflytur nú verkið í þessum bún-
ingi hér á landi. Fyrir átta árum lék
hún 20 mínútna verk með þessu
heiti. En við endurskoðun fannst
mér aðeins þriggja mínútna kafli
vera einhvers virði og nú hefur það
verið stytt og endurbætt.“
Næst munu þeir Kolbeinn
Bjarnason og Hafliði Hallgrímsson
leika verk fyrir flautu og selló, sem
hefur verið flutt víða. „Þetta er
sjávar-næturijóð,“ segir Hafliði
þegar hann er spurður hvers konar
verk þetta sé. En í kynningu á
nýútkominni hljómplötu, þar sem
hann flytur þetta verk með Philippu
Davies segir að verk þetta hafi
hann samið í apríl 1975 í Aldeburgh
nálægt ströndinni í Suffolk. Hann
kveðst hafa komið þangað með
kammersveitinni sinni til upptöku á
óperunni Dauðinn í Feneyjum eftir
Britten, svo að hann hafði sjávar-
, hljóðið í eyrunum frá morgni til
kvölds. Þegar hann svo nokkrum
vikum síðar tók til við að vinna að
þessu verki hafi frá fyrstu tónum
legið ljóst fyrir að hann var rifja
upp og vísa til sjávarins og strand-
arinnar við Aldeburgh. Segir hann
að verkið hafi markað upphaf að
metnaðarfyllri og einbeittari stíl í
tónsmíðum hans.