Morgunblaðið - 06.10.1990, Blaðsíða 52

Morgunblaðið - 06.10.1990, Blaðsíða 52
FLUGLEIDIR Jjjf 4 "M"% "g'"1 T^T¥"^W /^ Jfc*JLiI^I JLJFm. Sesí/ v/'ní/r sjómannsins! LAUGARDAGUR 6. OKTOBER 1990 VERÐ I LAUSASOLU 90 KR. Áskrifendur spari- skírteina ríkissjóðs: Greiða ekkert Jxjónustugjald ÞEIR áskrifeadur spariskírteina ríkissjóðs hjá Þjónustumiðstöð ríkisverðbréfa, sem óska að greiða bréfin með greiðslukorti, þurfa ekki að greiða 1,5% þjón- ustugjald greiðslukortafyrir- tækjanna. Að sögn Péturs Krist- inssonar, framkvæmdastjóra Þjónustumiðstöðvar ríkisverð- bréfa, er ástæðan fyrir þessu hagstæðir samningar sem náðst hafa við greiðslukortafyrirtæk- in. „í þessum viðskiptum gildir ákveðið sölulaunafyrirkomulag, og ^yið erum að spara okkur sölulaunin með því að fá áskrifendur, en það sem við greiðum greiðslukortafyrir- tækjunum er mun minna en það sem við þyrftum að borga í sölu- laun. Við erum því ekki með þessu að eyða almannafé í óþarfa," sagði Pétur. Sérstakt átak stendur nú yfir í áskriftarsölu spariskírteina, og á hálfum mánuði hafa um 500 nýir áskrifendur bæst við þá 4.000 sem fyrir voru. Útvarpsráð: Þáttur um Dalai Lama endurfluttur ÚTVARPSRÁÐ ályktaði á fundi sínum í gær að útvarps- þáttur um Dalai Lama, sem var fluttur í útvarpi sl. laugar- dag og þá styttur án samráðs við höfund, verði fluttur aftur óstyttur næstkomandi sunnu- dagskvöld. í ályktun útvarpsráðs segir að þau vinnubrögð sem viðhöfð voru við flutning þáttarins séu hörmuð, og nauðsynlegt er að leiðrétta þau með því að endur- taka þáttinn óstyttan. Ályktunin var samþykkt samhljóða. Stiklað á stóru FLESTIR bændur gátu fagnað góðum heyfeng á töðugjöldunum í haust. Á Suður- og Suðvesturlandi voru miklir óþurrkar síðari hluta sumars og í haust og gátu margir bændur á því svæði þakkað nýju rúllubaggatækninni hvað vel rættist úr með heyskapinn hjá þeim. Rúllubaggarnir sem eru í hrúgum víða heima við bæi eru orðnir vin- sælt myndefni ljósmyndarariha. Ragnar Axelsson ljósmyndari Morgun- blaðsins tók þessa haustlegu mynd í Ölfusinu á dögunum og geta menn velt því fyrir sér hvort drengurinn svífur á skýjum eða stekkur á milli snjóbolta. Bensínlítrinn í 56,80 krónur: Bensíngjald hækkar en innflutn- ingstollar lækka tímabundið SAMKVÆMT ákvörðun verð- lagsráðs hækkar verð á blýlausu bcnsíni í dag um 9,2%, eða úr 52 kr. lítrinn í 56,80 kr. Þá hafa olíu- félögin ákveðið 11,3% hækkun á súperbensíni, eða úr 56,50 kr. lítrinn í 62,90 kr. Bensíngjald hækkar í dag um 6%, og nemur hækkun bensínverðs af þeim sök- um 1,38 kr. á hvern lítra. Stefnt er að því að innflutningstollar af bensíni verði lækkaðir til áramóta úr 50% í 30-35%, þannig að tekjur ríkisins af bensíntollum verði óbreyttar að krónutölu. Ríkisstjórnin hefur veitt fjármála- ráðherra heimild til að lækka álagn- ingu innflutningstolla á bensíni, og mun hann leggja fyrir Alþingi frum- varp um tímabundna lækkun á bensíntollum til 31. desember næst- komandi. Hlutur ríkisins af tollum og virðisaukaskatti af innflutnings- verði á bensíni mun því ekki hækka frá því sem gilti til 1. október, og er reiknað með að bensínverð haldist óbreytt út þetta ár komi ekki til frek- ari hækkunar á olíuverði á heims- markaði. Ef ekki hefði verið tekið tillit til ákvörðunar um tímabundna tollalækkun hefði verð á bensíni hækkað í 60,10 kr. lítrinn, og sam- ¦-.# Viðræður um orkuverð til nýs álvers: Til greina kemur að Landsvirkjun skipi sérstaka samningamenn JOHANNES Nordal, formaður stjórnar Landsvirkjunar, segir að til greina komi, sérstaklega með tilliti til umræðná, sem farið hafa fram um hlut fyrirtækisins í samningum um orkusölu til nýs ál- vers, að sljórn Landsvirkjunar skipi sérstaka samningamenn af sinni hálfu til að fylgjast með samningunum héðan í frá og til loka. Stjórnarfundur verður í Landsvirkjun í næstu viku. „Þessir samningar, sem farið samningum. Framvinda þessara hafa fram um orkumál, eru hluti af heildarsamningum, sem fyrst og fremst hafa verið unnir af ráð- gjafa- og samninganefnd iðnaðar- ráðuneytisins, sem ég hef verið formaður fyrir," sagði Jóhannes í samtali við Morgunblaðið í gær. „í viðræðum um orkusamning- inn höfum við notið aðstoðar og þátttöku forstjóra og starfsmanna Landsvirkjunar eins og eðlilegt er, en að mínu mati er það samninga- nefnd iðnaðarráðuneytisins, sem hefur borið heildarábyrgð á þessum mála hefur verið kynnt jafnóðum stjórn Landsvirkjunar, sem að lok- um verður að sjálfsögðu að taka afstöðu til málsins." Jóhannes sagði að sá áfangi, sem nú hefði náðst varðandi orkumálin, þýddi að búið væri að komast að hugsanlegum samningsgrundvelli aðila um ýmis atriði samningsins. „Hins vegar eru mörg atriði, sem miklu máli skipta, enn óafgreidd og sum ekki nema lítið rædd af ýmsum ástæðum. Það hvarflaði aldrei að mér að það væri tíma- bært fyrir stjórn Landsvirkjunar að álykta á þessu stigi málsins um hluta samningsgerðar, sem hún þarf svo að taka afstöðu til sem heildar á síðari stigum málsins. Hér er eingöngu um að ræða áfanga í samningsgerð, og ég held að það væri alveg óvenjulegt að aðili, sem á að taka endanlega af- stöðu til máls, taki formlega af- stöðu til áfanga í samningsgerð," sagði hann. Jón Sigurðsson iðnaðarráðherra sagði í samtali við blaðið í gær að hann teldi að Landsvirkjun hefði komið eðlilega að samningaviðræð- um um nýtt álver. „Ég ber auðvit- að ábyrgð á samningunum í heild sem iðnaðarráðherra, en eðlilega hefur það verið þannig að samning- arnir um orkuverðið hafa verið á vegum Landsvirkjunar," sagði hann. Hann sagði það vera mál Landsvirkjunar hvort hún skipaði sérstaka samningamenn, en hann efaðist ekki eitt andartak um um- boð forráðamanna fyrirtækisins. Iðnaðarráðherra hitti í gær for- mann og varaformann Sjálfstæðis- flokksins, þá Þorstein Pálsson og Davíð Oddsson, að máli. Aðspurður hvort hann hefði ósk- að stuðnings sjálfstæðismanna við að koma álmálinu í gegn á Alþingi sagði hann: „Ekki sérstaklega, en að sjálfsögðu hlýt ég sem iðnaðar- ráðherra að leita eftir svo víðtæk- um stuðningi sem auðið er við svo mikilvægt mál." Sjá einnig fréttir af álmálinu á bls. 22. kvæmt því verður ríkið af um 50 milljóna króna tekjum á mánuði. Veittur er gjaldfrestur á innflutn- ingsgjöldum af olíu, og er því unnt að gera ráð fyrir að lög um tíma- bundna tollalækkun verði afturvirk frá 1. október. í dag gengur í gildi 6% hækkun bensíngjalds, en samkvæmt upplýs- ingum fjármálaráðuneytisins nemur hækkunin með virðisaukaskatti 1,38 kr. á hvern lítra. Gert var ráð fyrir þessari hækkun í forsendum fjárlaga og átti hún að taka gildi 1. júlí, en var þá frestað. Tekjur ríkissjóðs af hækkun bensíngjaldsins nema um 22 milljónum króna á mánuði. Hækkun á bensínverði nú er áætl- uð jafngilda 0,40% hækkun fram- færsluvísitölu, en hækkunin hefði orðið 0,65% ef fyrirheit um tíma- bundna tollalækkun hefði ekki komið til. Verðlagsráð: Notkun gjald- skrár fasteigna- salabönnuð VERDLAGSRÁÐ hefur samþykkt að banna útgáfu og notkun gjald- skrár, sem Félag fasteignasala hefur gefið út og farið eftir und- anfarið eitt og hálft ár. Samkvæmt lögum fá fasteignasal- ar 2% sölulaun, en auk þess hafa þeir gefið út sérstaka gjaldskrá með ýmsum gjöldum. Málefni fasteigna- sala hafa verið til umfjöllunar hjá Verðlagsstofnun frá því þeir hækk- uðu gjaldskrána 1. júlí síðastliðinn og var útgáfa hennar bönnuð á fundi verðlagsráðs í gær.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.