Morgunblaðið - 04.04.1991, Blaðsíða 12
¥
S^terkurog
kJ hagkvæmur
auglýsingamiðill!
VIÐSKIPn AIVINNULÍF
FIMMTUDAGUR 4. APRÍL 1991
¥iCr.#R
Góð þjónusta alla leið
Einar J. Skúlason hf.
Grensásvegi 10, simi 686933
Fyrirtæki
Fólk
Sameind snýr vörn ísókn
Morgunblaðið/Ámi Sæberg
TOLVUR — Sveinn Áki Lúðvíksson, framkvæmdastjóri Sameind-
ar, segist eiga von á að IBM verði sterkt merki í einmenningstölvum
á íslandi.
- • SAMEIND hf. varð um síðustu
áramót fyrsta íslenska tölvufyr-
irtækið sem skráð var almennt
hlutafélag. Gísli Maack, stjórnar-
formaður Sameindar, sagði þá
ákvörðun hafa verið tekna í ljósi
góðs gengis fyrirtækisins á
síðasta ári. „Þetta er í okkar
augum eðlileg þróun. Okkur þyk-
ir vænlegra að fjármagna rekst-
urinn með eigin fé frekar en láns-
fé,“ sagði Gísli.
Á síðasta ári skilaði rekstur Sam-
eindar hf. rúmlega 15 milljóna
króna hagnaði eftir taprekstur árin
þar á undan. Skv. efnahagsreikn-
ingi var eigið fé fyrirtækisins rúm-
lega 18 milljónir um síðustu ára-
mót. Arðsemi eigin fjár var þannig
mjög góð á síðasta ári. Hiutafé
Sameindar var um síðustu áramót
18 milljónir og hafði aukist um
helming á milli ára. Fjöldi hluthafa
jókst einnig til muna sl. ár, en þeir
voru um síðustu áramót 51 miðað
við 13 í ársbyijun 1990.
Rekstrartekjur Sameindar rúm-
lega fimmfölduðust á síðasta ári
og hækkuðu úr 35 milljónum í 195
< milljónir króna. Sveinn Áki Lúðvíks-
son, framkvæmdastjóri Sameindar,
sagði að ástæða þessarar miklu
söluaukningar væri öðru fremur sú
að á síðasta ári tók Sameind yfir
umboð fyrir IBM einmenningstölv-
ur. „Salan hefur gengið mjög vel
sem af er. Það er rétt að fyrirtæki
sem hafa verið með þetta umboð
geta ekki beint státað af góðu
gengi, en að mínu áliti er það nú
frekar vegna þess að þau hafa leiðst
út í offjárfestingar o.þ.h. frekar en
umboðinu sjálfu sé um að kenna.
Það er lykilatriði í þessari grein að
láta raunsæi ráða ferðinni. Það
skiptir líka máli að við erum sér-
hæfðir í tölvum og tölvubúnaði
- þannig að við dreifum ekki kröftun-
um of mikið," sagði Sveinn Áki og
bætti við að með góðri kynningu
ætti IBM að geta orðið sterkt merki
í einmenningstölvum á Islandi.
Sameind er með umboð fyrir IBM
verslunarkerfi, eða strikamerkja-
kerfi, eins og þau eru oft nefnd.
Rúmlega tvö ár eru síðan að fyrir-
tækið hóf sölu á þeim og að sögn
Sveins Áka hefur það á þeim tíma
sett upp slík kerfi í rúmlega 30
verslunum. „Við fengum þetta sölu-
umboð árið 1988 og gerðum þá ráð
fyrir að það tæki okkur tvö ár að
kynna vöruna og ná upp sölu. Það
gekk eftir og í ársbyrjun 1990 vor-
um við komnir með góða sölu sem
síðan hefur aukist jafnt og þétt. í
kjölfar þess brautryðjendastarfs
sem við höfum unnið í því að kynna
svona kerfi á íslandi höfum við
verið leiðandi hér á þessu sviði,“
sagði Sveinn Áki. IBM verslunar-
kerfi felur m.a. í sér strikamerking-
ar, lagerkerfi, fjárhagskerfi og bók-
haldskerfi.
Þessa dagana er Sameind hf. að
taka við söluumboði fyrir NEC, sem
er eitt stærsta tölvufyrirtæki í
heimi. Að sögn Sveins Áka eru
þeir þekktastir hér á landi fyrir
tölvuprentara og tölvuskjái. Tölvu-
deild Kristjáns Ó. Skagfjörð hefur
verið með umboðið fyrir NEC und-
anfarið, en þeir eru að draga sig
út úr einmenningstölvugeiranum og
því var óskað eftir því að Sameind
tæki við umboðinu.
Gísli Maack sagði að þróunin
væri sú að menn gerðu sífellt meiri
kröfur til þjónustudeilda þeirra
tölvufyrirtækja sem þeir skiptu við.
I ljósi þess væri stefnan að auka
gæði þjónustu Sameindar enn frek-
ar. Starfsmenn fyrirtækisins eru
14 í dag en gert er ráð fyrir fjölgun
á næstunni í kjölfar nýrra verkefna.
Arni rekur eigin
skrifstofu
B ARNI Reynisson hefur sett á
stofn eigin skrifstofu að Hverfis-
götu 4-6, þar sem
hann mun annast
þjónustu um ut-
anríkisviðskipti. „í
augnablikinu er ég
að vinna áfram að
hugmyndum um
Keflavíkurflug-
völl sem vöru-
flutningamiðstöð,
annars vegar með
bandarísku fyrir-
tæki og hins vegar með nefnd á
vegum forsætisráðherra, sem hefur
áhuga á að koma þessu á,“ sagði
Árni í samtali við Morgunblaðið.
„Auk þess er ég í öðrum verkefn-
um, sem eru skemmra á veg kom-
in.“
B ÁRNI er fæddur 10.12.1941.
Hann lauk prófi frá Samvinnuskól-
anum árið 1961 og hóf þá störf
hjá bifreiðadeild Sambandsins.
Árið 1966-67 gegndi hann fram-
kvæmdastjórastöðu Flugsýnar. Á
árunum 1967-70 gegndi hann starfi
forstöðumanns Upplýsingaskrif-
stofu Verslunarráðs Islands og á
árunum 1970-72 var hann fram-
kvæmdastjóri Landverndar. Hann
var framkvæmdastjóri Náttúru-
verndarráðs frá 1972. 1981-84
gegndi Ái-ni ýmsum störfum. Árið
1984 tók hann við framkvæmda-
stjórn Félags íslenskra stórkaup-
nianna og 1988 við stöðu fram-
kvæmdastjóra Skrifstofu við-
skiptalífsins, sem hann gegndi
fram að síðustu mánaðamótum.
Árni er kvæntur Önnu Bjarna-
dóttur jógakennara og eiga þau
tvær dætur. Stefán Guðjónsson
framkvæmdastjóri Fjárfestingar-
sjóðs Félags stórkaupmanna hef-
ur tekið við öllum sérverkefnum
innan FÍS.
Árni
Halldór til
Evrópubankans
MHALLDÓR Kristjánsson,
skrifstofustjóri hjá Iðnaðarráðu-
neytinu, mun
taka við stöðu Is-
lands í banka-
stjóm Evrópu-
bankans. Stofn-
fundur bankans
verður í höfuð-
stöðvunum í Lon-
don um miðjan
apríl. Æðsta vald
í málefnum bank-
ans er í höndum
bankaráðs sem skipað er einum
fulltrúa frá hveijum eignaraðila.
Jón Sigurðsson, viðskiptaráð-
herra, mun sitja stofnfundinn sem
bankaráðsmaður íslands. í umboði
bankaráðs fer bankastjórn, skipuð
23 fulltrúum frá eignaraðilum, með
daglega yfirstjórn í bankanum. Auk
þess eru 23 varafulltrúar í stjórn.
Þessir 46 fulltrúar verða allir í fullu
Halldór
starfi við Evrópubankann. ísland
og Svíþjóð standa saman að kjöri
stjórnarmanns sem fer með atkvæði
þessara tveggja ríkja og stofnuð
hefur verið íslensk-sænsk stjórnar-
skrifstofa í aðalstöðvum Evrópu-
bankans. Skv. samkomulaginu
verður Svíi aðalfulltrúi íslands og
Svíþjóðar í bankastjórn Evrópu-
bankans næsta kjörtímabil sem er
til þriggja ára. Halldór verður vara-
bankastjórnarmaður þann tíma og
mun sitja alla stjórnarfundi fyrir
hönd íslands jafnhliða fullu starfi
á stiórnarskrifstofunni. Hann tekur
til starfa við Evrópubankann í jún-
er fæddur
13.01.1955. Hann útskrifaðjst sem
lögfræðingur frá Háskóla íslands
vorið 1979 og lauk mastersprófi í
alþjóðalögum frá New York há-
skóla tveimur árum síðar. Hann
hefur síðan starfað í Iðnaðarráðu-
neyti Islands, síðustu ár sem skrif-
stofustjóri. Eiginkona Halldórs er
Karólína F. Söebech og eiga þau
eina dóttur.
íbyr|un.
B HALLDÓR
T o r g i ð
Fögur fyrirheit stjórnmálaflokkanna
Kosningastefnuskrár stjórn-
málaflokkanna vegna komandi al-
þingiskosninga geta verið hinar
fróðlegustu aflestrar þótt seint
verði þær kallaðar afþreyingarbók-
menntir. Þær gefa okkur engu að
síður vísbendingu um þær stefnur
og strauma sem hæst ber í hverj-
um málaflokki, og því ómaksins
vert að glugga lítið eitt í þann hluta
stefnuskráa helstu stjórnmála-
flokkanna þar sem fjallað er um
atvinnu- og efnahagsmál. Eins og
nærri má geta er þar að venju að
finna mörg fögur fyrirheitin.
Stefnumálin felast gjarnan í að
efla eða bæta margvíslega þætti
í þjónustu ríkisins við atvinnulíf og
almenning. Jafnframt er lögð
' áherslaáumbæturíatvinnumálum
með hliðsjón af ákveðnum hug-
myndum um byggðastefnu og að-
tögun að þróuninni innan EB.
Flokkarnir vilja einnig hver með
sínum hætti styðja við rannsóknir
og nýsköpun í atvinnulífinu og
stuðla þannig að uppbyggingu
, þess.
Víða í stefnuskrám flokkanna er
hins vegar um svö almennt orðalag
að ræða varðandi atvinnu- og efna-
hagsmál að erfitt er að átta sig á
raunverulegri stefnu. Framsóknar-
flokkurinn leggur t.d. áherslu á að
stöðugleiki í efnahagsmálum verði
tryggður, atvinna verði næg, skatt-
byrðin þyngist ekki og atvinnu-
tækifærum verði fjölgað með stór-
auknum rannsóknum, nýsköpun
og markaðsstarfi. Þá leggur flokk-
urinn ennfremur áherslu á að
íslenskum atvinnuvegum verði bú-
in sambærileg rekstrarskilyrði og
í nágrannalöndunum og reist verði
nýtt álver. Ætla má að mikill meiri-
hluti þjóðarinnar sé sammála
þessum stefnumiðum en þau veita
hins vegar afar takmarkaðar upp-
lýsingar um hvernig flokkurinn
hyggst ná stefnumiðum sínum
fram.
Alþýðubandalagið vill róttækar
og hiklausar skipulagsumbætur í
helstu atvinnuvegum landsmanna,
einkum í undii stöðuatvinnuvegum,
sjávarútvegi og landbúnaði, með
það fyrir augum að auka arðsemi
þeirra fyrir þjóðarbúið og bæta kjör
þjóðarinnar. Landsfundur Alþýðu-
bándalagsins lýsti því t.d. yfir að
endurskoða þyrfti allt sölukerfi
sjávarútvegsins og athuga í hverju
tilviki hvernig fjölbreytni og við-
skiptafrelsi gætu skilað betri ár-
angri en hefðbundin einokun. Þá
sé mikilvægur þáttur samgöngu-
bóta fólginn í að tryggja aukna
samkeppni og hagkvæmni í vöru-
og fólksflutningum innanlands.
Alþýðuflokkurinn segir stefnu
sína miða að aukinni hagkvæmni
í hefðbundnum undirstöðuatvinnu-
greinum þjóðarinnar, nýsköpun í
atvinnulífi og eðlilegum rekstrar-
skilyrðum fyrir nýjar atyinnugreinar
með réttri gengisskráningu og
hvetjandi skattakjörum. Þessi
stefna er sögð byggjast á því að
yfirleitt sé farsælast að leita mark-
aðslausna á grundvelli skýrra,
sanngjarnra leikreglna sem ríkis-
valdið setur.
í ályktun landsfundar Sjálfstæð-
isflokksins um efnahags- og at-
vinnumál er m.a. lögð áhersla á
að samkeppnis- og útflutnings-
hæfni atvinnulífsins verði að styrkj-
ast þannig að útflutningur á mann
geti aukist um 7-8% á ári yfir
næsta áratug. Draga skuli úr opin-
berum afskiptum af atvinnulífinu
og að afnema eigi styrkja- og milli-
færslukerfi vinstri stjórna í atvinnu-
málum. Sjálfstæðisflokkurinn vill
stuðla að því að frumkvæði og
framtak einstaklinga njóti sín í at-
vinnulífinu og ýtt sé undir þátttöku
almennings í atvinnustarfsemi
með því að hvetja hann til að fjár-
festa í hlutabréfum. Lögum og
reglum verði breytt á þann veg að
markaðurinn tryggi samkeppni í
fjármála- og atvinnulífi.
Þorvaldur Gylfason, prófessor í
hagfræði við Háskóla íslands, dró
upp allt aðra mynd af stefnu stjórn-
málaflokkanna í grein í Morgun-
blaðinu sl. fimmtudag. Hann
kveðst telja alla stjórnmálaflokk-
ana klofna í tvær höfuðfylkingar.
Annars vegar séu menn sem séu
hlynntir að markaðsöflunum verði
gefinn lausari taumur í efnahags-
málum og á öðrum sviðum
þjóðlífsins almennt til að bæta
lífskjörin í landinu og til að búa í
haginn fyrir framtíðina í anda þess
frjálsræðis sem nú er að ryðja sér
til rúms í auknum mæli um alla
Evrópu. Hins vegar séu þeir sem
standi fast gegn slíkum umbótum,
yfirleitt til að vernda þrönga sér-
hagsmuni á kostnað almennings.
Þorvaldur segir síðast nefndu fylk-
inguna hafa haft yfirhöndina hing-
að til og hafa enn í skjóli ranglátr-
ar kjördæmaskipunar og ónógs
aðhalds af hálfu almennings og
fjölmiðla.
Hvað sem líður þessu mati Þor-
valds Gylfasonar á stjórnmála-
flokkunum þarf ekki mikla glögg-
skyggni til að sjá að kosninga-
stefnuskrár þeirra eru oftar en
ekki málamiðlun milli hinna róttæk-
ari umbótasinna og þeirra sem
hægar vilja fara sér. Eftir því sem
gjáin milli umbótasinnanna og
hagsmunavörslumanna er stærri,
þeim mun almennari verður kosn-
ingastefnuskráin, eins og gleggst
má sjá hjá Framsóknarflokknum.
Almennt verður ekki sagt að kosn-
ingastefnuskrárnar beri með sér
ýkja ferskar og frjóar hugmyndir
um nýja atvinnustefnu sem leitt
geti íslensku þjóðina af braut
stöðnunar. Er þó sannarlega ekki
vanþörf á.
KB