Morgunblaðið - 07.05.1991, Side 48
48
MORGUNBLAÐIÐ ÞRIÐJUDAGUR 7. MAÍ 1991
fclk í
fréttum
VESTMANNAEYJAR
Skólakrökkum boðið
á leiksýningu
DJUPIVOGUR
Slógu íslandsmetið í maraþonnámi
Nemendum grunnskólanna í
Eyjum var boðið á sýningu
Þjóðleikhússins á Næturgalanum,
eftir H.C. Andersen, í Samkomu-
húsinu í Eyjum fyrir skömmu.
Leiksýningar þessar voru á veg-
um menntamálaráðuneytisins og
sáu um 800 krakkar leikritið, á
þremur sýningum, í Eyjum og voru
ánægð með tilbreytinguna frá hinu
hefðbundna skólastarfi. Gengið var
með nemendur skólanna fylktu liði
frá skólunum í Samkomuhúsið og
teygði löng og skrautleg halarófan
sig eftir götunum í Eyjum.
Grímur
Nemendur 9. bekkjar í grunn-
skóla Djúpavogar slógu ís-
landsmetið í maraþonnámi á
dögunum.
Þau sátu við nám frá kl. 8.00
að morgni 22. apríl til kl. 20.00
þann 23. apríl. Eina hvíldin var 5
mínútna hlé á klukkustund.
Tilgangurinn með þessu mara-
þonnámi var að safna áheitum fyr-
ir Danmerkurferð bekkjarins í vor. .
- G.B.
N
ýlega voru hér á landi góðir
gestir frá Saarbrucken í
SAARBRU CKEN
* *
Utvarpsþáttur um Island
Þýzkalandi. Þetta voru þau Jutta
Eckler útvarpsmaður frá stærstu
útvarpsstöð fylkisins Saarlands og
Knut Hanschke, framkvæmdastjóri
flugvallarins í Saarbrucken, en
hann þekkja margir íslendingar frá
því hann var yfirmaður Þýzka ferð-
amálaráðsins á Norðurlöndum.
Erindið var að geta þætti um
ísland, sem útvarpað verður í vin-
sælasta útvarpsþætti stöðvarinnar,
sem er í umsjá Juttu. Þau tóku við-
töl við nokkra íslendinga svo og
Þjóðveija sem búsettir eru hér á
landi. Tilgangurinn er að segja íbú-
um Saarlands frá landi og þjóð og
örva áhuga þeirra á landinu.
Morgunblaðið/Sigurgeir Jónasson
Krakkarnir úr Hamarsskólanum, 350 talsins, ganga fylktu lidi á leik-
sýninguna.
AZALEUHÁTÍÐIN
Morgunblaðið/KGA
Knut Hanschke, Jutta Eckler og dr. Maria Bonner, sendikennari við
HI, sem var einn viðmælanda í þættinum.
*
Prmsessa Islands í Norfolk
Frá Atla Steinarssyni, fréttaritara
Morgunblaðsins.
Unnur Jónsdóttir var prinsessa
íslands við Azaleuhátíðina í
Norfolk í Virginíu helgina 19.-22.
apríl. Eins og margir munu minnist
átti ísland drottningu hátíðarinnar
í fyrra og kom hún siglandi á varð-
skipinu Tý tii mótsstaðarins nálægt
hafnarsvæðinu í Norfolk.
Azaleuhátíðin er helguð aðild-
arríkjum NATO og skiptast þjóðirn-
ar á um að senda drottningu til
hátíðarinnar. Allar hinar eiga þar
prinsessur sem fulltrúa. Belgía átti
drottninguna í ár og var mikið um
dýrðir í Norfolk hátíðardagana þrjá.
En fella varð niður hápunkt hátíðar-
innar, skrúðgönguna með skraut-
vögnum þjóðanna, vegna úrhellis-
rigningar. A sex klst. mældist úr-
koman rúmlega 150 mm. Hafði ís-
lendingafélagið í Norfolk sérstak-
lega vandað til skreytingar íslenska
skrautvagnsins. Á honum var nýtt
og vandað víkingaskip með miklum
drekahaus og var þessu nýja skipi
gefið nafnið Týr í virðingarskyni
við komu varðskipsins á hátíðina
fyrir ári. í stafni átti að standa lif-
andi víkingur og aftan við hann 6
ungar telpur á upphlut. Allir voru
mættir á staðinn og vagninn tilbú-
inn eftir mikla vinnu en rigningin
kom í veg fyrir að hann kæmist
fyrir sjónir almennings.
Unnur prinsessa er dóttir Jóns
Stefánssonar framkvæmdastjóra
hjá Eimskip í Norfolk og Grimsby
og konu hans Höllu Guðmundsdótt-
ur.
Unnur Jónsdóttir prinsessa íslands í Norfolk.
Morgunblaðið/RanBy Morr