Morgunblaðið - 08.05.1991, Blaðsíða 28
28
MORGUNBLAÐIÐ MIÐVIKUDAGUR 8. MAÍ 1991
Bændur á Eyjafjarðarsvæðinu langt komnir með kvótann:
Blóðugt að sjá á eftir
mjólkinni í svelginn
- segir Kristinn Jónsson bóndi í Holtseli
Ytri-Tjörnum.
MorgunDlaOiö/Kúnar Pör
Fulltrúar Verkmenntaskólans á Akureyri og Félags málmiðnaðar-
manna á Akureyri við undirritun samningsins, frá vinstri Guðmund-
ur Hjaltason, Haukur Jónsson, Bernharð Haraldsson, Hákon Hákon-
arson og í efri röð eru Brynjar Skaptason, Magnús Ottósson og
Páll Reynisson.
Félag málmiðnaðarmanna á Akureyri:
Samningur við VMA um
fræðslu fyrir félagsmenn
UNDIRRITAÐUR hefur verið samningur á milli Félags málmiðnaðar-
manna á Akureyri og Verkmenntaskólans á Akureyri um að kennar-
ar við skólann sjái um kennslu á námskeiðum sem málmiðnaðarmönn-
um stendur til boða að sækja. í tilefni 50 ára afmælis félagsins í
vetur var ákveðið að gefa félagsmönnum kost á að sækja námskeið
í ensku eða ritvinnslu sér að kostnaðarlausu, en greiddi félagið gjald
fyrir félagsmenn til að stunda líkamsrækt kysu þeir það fremur en
hin námskeiðin.
Hákon Hákonarson formaður
Félags málmiðnaðarmanna á Akur-
eyri sagði að með samningnum
væri verið að hrinda af stað endur-
menntun fyrir málmiðnaðarmenn í
bænum. Umræddur samningur
„Afró 91“ í
Dynheimum
NEMENDUR í Starfsdeild-
inni Löngumýri 9 og 15 sýna
grímuspunadansinn „Afró
’91“ í Dynheimum á morgun,
fimmtudag, kl. 14.
Nemendur hafa í samvinnu
við kennara í spuna, tónlist og
myndlist samið dans, tónlist og
gert grímur, en þessi sýning á
þessu magnaða verki verður
aðeins í þetta eina sinn.
Að loknum spunadansinum
flytur „Starfsdeildarhijómsveit-
in“ ásláttarverkið „Börnin í
sandkassanum" og syngur auk
þess nokkur lög. Að sýningu
lokinni býðst gestum að skoða
myndverk nemenda Starfs-
deildarinnar, en kaffi og með-
læti verður selt á hóflegu verði.
(Úr frcttatilkynningu)
væri í beinum tengslum við afmæl-
isgjöf félagsins til félagsmanna, en
einnig væri í gangi öflugt endur-
menntunarkerfi innan fagsins í
heild.
„Ég vona að þessi samningur
verði upphafið að nánara sam-
starfi. I nokkur undanfarin ár höf-
um við staðið fyrir endurmenntun
fyrir okkar menn, en ævinlega ver-
ið á hrakhólum með húsnæði, þann-
ig að það hefur valdið erfiðleikum
í framkvæmd og á stundum komið
niður á gæðum auk þess sem þetta
aðstöðuleysi hefur kostað okkur
stórfé. Við erum því afar ánægðir
með að samstarf hefur tekist við
Verkmenntaskólann um þetta
mál,“ sagði Hákon.
ALLMARGIR bændur á Eyja-
fjarðarsvæðinu eru nú að verða
langt komnir með framleiðslu-
rétt sinn á mjólk og stafar að
nokkru leyti að því að mjög
margir nýttu sér í fyrra heim-
ild til að taka 15% af kvóta
yfirstandandi árs og kemur það
í bakseglin nú, þar sem aðeins
fást. yfirfæranleg 5% af kvóta
næsta árs. Bændurnir í Holtseli
í Eyjafirði, Guðmundur Jón
Guðmundsson og Kristinn Jóns-
son eru þegar farnir að hella
niður injólk og sagði Kristinn
að blóðugt væri að sjá á eftir
þessum verðmætum í svelginn.
Á félagsbúinu eru 46 kýr og
hefur búið 210 þúsund lítra kvóta.
Meðalnyt þeirra er 5.200 lítrar
sem er góður árangur þegar um
svo margar kýr er að ræða. Af
þeim 210 þúsund lítra heildar-
kvóta sem félagsbúið hefur yfir
að ráða eiga þeir bændur eftir sem
svarar eins og hálfsmánaðar inn-
leggi, en þeir vilja heldur eiga það
til góða seinnipart sumars.
Það sem einnig gerir að verkum
að mjólkurframleiðslan er svo
mikil sem raun ber vitni er að
fóðrið frá síðastliðnu sumri var
með afbrigðum gott, en einnig
hefur verð á kjarnfóðri verið afar
hagstætt síðustu misseri þannig
að allar aðstæður til mikillar
mjólkurframleiðslu hafa verið eins
ákjósanlegar og hugsast getur.
Mikil aukning varð á innveginni
mjólk hjá Mjólkursamlagi Kaupfé-
lags Eyfirðinga á liðnu ári, en þar
leggja bændur á Eyjafjarðarsvæð-
inu inni sína mjólk. Aukningin '
nam 1,1 milljón lítra eða 5,7%,
er. samlagið tók samtals á móti
rúmlega 21,6 milljónum lítra.
- Benjamín
Morgunblaðið/Rúnar Þór
Bæjarlækurinn við Holtsel er hvítur um mjaitatímann, en bændur
á félagsbúinu eru farnir að hella niður mjólk, þar sem kvóti þeirra
er langt kominn. Á myndinni er Kristinn Jonsson bóndi á féiagsbú-
inu í Holtseli að hella niður mjólkinni.
Félagsstofnun stúdenta:
Bygging’ þriggja stúdentagarða við
Klettastíg boðin út í þessum mánuði
Leiðbein-
andi í júgur-
bólguvömum
_ Ytrí-Tjörnura.
ÓLAFUR Jónsson dýralæknir
hefur verið ráðinn til starfa hjá
Mjólkursamlagi KEA og Búnað-
arsambandi Eyjafjarðar.
Hann vann fyrir nokkrum árum
við júgurbólgurannsóknir hér á
svæðinu og samdi viðamikla skýrslu
upp úr því verkefni. Ólafur tekur
nú upp þráðinn þar sem frá var
horfið og mun leiðbeina á þeim
búum þar sem frumutala í mjólk
er of há, en fljótiega mun koma
út reglugerð þar sem óheimilt verð-
ur að taka mjólk til sölumeðferðar
ef frumutala fer yfir 750 þúsund
pr/mill í tvö skipti í röð.
.. — Benjamín
- stefnt að því að eitt þeirra verði tilbúið í haust
RÁÐGERT er að bjóða út byggingu stúdentagarða á vegum Félags-
stofnunar stúdenta á Akureyri síðar í þessum mánuði og er ætlunin
að hefja framkvæmdir í byijun júní. Um er að ræða byggingu þriggja
fjölbýlishúsa við Klettastíg, gegnt lögreglustöðinni við Þórunnarstræti.
Valtýr Hreiðarsson talsmaður Fé-
lagsstofnunar stúdenta á Akureyri
sagði að byggð yrðu þrjú fjölbýlis-
hús, í tveimur þeirra verða níu
tveggja og þriggja herbergja íbúðir
fyrir fjölskyldufólk, en það þriðja
verður með tólf herbergjum og eink-
um ætlað einstaklingum. Húsin þijú
eru samtals um 1.800 fermetrar að
stærð.
Gert er ráð fyrir að nemendur við
skólann verði um 175 á næsta skóla-
ári og er reiknað með að um helming-
ur þeirra séu utanbæjar og þurfi því
þak yfir höfuðið á meðan á námi
stendur. Þegar liafa verið byggðir
stúdentagarðar við Skarðshlíð þar
sem rými er fyrir 34 fullorðna ein-
staklinga auk barna, en í þeim þrem-
ur fjölbýlishúsum sem reist verða við
Klettastíg verður rými fyrir 48 full-
orðna auk barna þannig að búast
má við um 70 íbúum á svæðinu.
Valtýr sagði byggingahraðann
ráðast af fjái-veitingum, en endanleg-
ir útreikningar um kostnað vegna
byggingaframkvæmdanna liggja
ekki fyrir. Hann sagði að við bygg-
ingu húsanna væri við það miðað að
þau þyrftu sem minnst viðhald í
framtíðinni og þá væri einnig á með-
al nýjunga að byggt er sérstakt hús
fyrir sorp, sem einnig verður nýtt
sem hjólageymsla. Áhersla verður
einnig lögð á góð leiksvæði fyrir
börnin, bæði úti og inni. Þegar íbúð-
irnar verða tilbúnar er ætlunin að
leigja þær út yfir sumarmánuðina til
annarra en námsmanna ef þær eru
lausar.
Byggingarnar verða boðnar út í
lok þessa mánaðar og framkvæmdir
hefjast væntanlega í júníbytjun, en
stefnt er að því að taka a.m.k. eitt
húsanna í notkun næsta haust.
N0RÐURHLID
Félagsstofnun stúdenta ráðgerir að byggja nýja stúdentagarða við
Klettastíg, gegnt lögreglustöð við Þórunnarstræti. Þar munu rísa
þrjú fjölbýlishús, tvö með tveggja og þriggja herbergja íbúðum fyr-
ir fjölskyldufólk og eitt þeirra með herbergjum fyrir einstaklinga.