Morgunblaðið - 16.05.1991, Blaðsíða 37

______________________________MORGUNBLAÐIÐ FIMMTUDAGUR 16. MAÍ 1991
Stríðsglæpir á fangaeyju
Kvikmyndir
Amaldur Indriðason
Blóðeiður („Blood Oath“). Sýnd
í Háskólabíói. Leikstjóri: Stephen
Wallace. Aðalhlutverk: Brian
Brown, George Takei, John Beck
ogTerry O’Quinn. Ástralia. 1990.
Blóðeiður er athyglisverð ástr-
ölsk bíómynd er byggir á sönnum
atburðum sem urðu á fangaeyju
Japana í Suðaustur-Asíu í seinni
heimsstyijöldinni. Um 1.100 ástr-
alskir fangar voru þar í haldi Jap-
ana en þegar stríðinu lauk voru
aðeins 300 fangar eftir, hinir höfðu
verið teknir af lífi án sýnilegra
ástæðna.
Myndin lýsir réttarhöldunum yfir
Japönunum, fangabúðastjóranum,
fangavörðunum og baróninum sem
var yfir þeim og bar ábyrgð á aftök-
unum. Sá ágæti leikari Brian Brown
fer með hlutverk sérstaks saksókn-
ara hersins sem í byijun hefur upp
á fjöldagröfunum á eynni en kemst
að því að ýmis tormerki eru á því
að sækja Japanina til saka. Fyrir
það fyreta skortir vitni en það er
ekki öll sagan því yfirmaður búð-
anna, baróninn, er of mikilvægur
Bandaríkjamönnum í diplómata-
pólitíkinni eftir stríðið til að hægt
sé að taka hann úr umferð. Þannig
snúast réttarhöldin upp í leit að
blóraböggli til að uppfylla kröfur
réttarins og hann er fundinn í ung-
um liðsforingja, sem taldi sig vera
að fara eftir réttmætum skipunum.
Spumingin, sem myndin veltir
fyrir sér, er sígild um ábyrgð í
stríði. Er sá sem fer eftir skipunum
yfírboðara síns jafnsekur og sá sem
gefur skipanirnar? Eins og tíðkast
um réttardrama eru bestu stundir
myndarinnar í réttarsalnum þar
sem Brown leggur fram sitt mál
og leiðir fram vitni þó af skornum
skammti séu. Átakanleg er lýsing
eina eftirlifandi fangans sem vitni
var að aftökunum en bróðir hans
var eitt af fórnarlömbum Japan-
anna.
Myndin einkennist af þeim vönd-
uðu vinnubrögðum sem við eigum
að venjast frá Áströlum. Leikurinn
er yfír höfuð góður. Brown er
37
traustur sem fyrr og dregur upp
sannfærandi mynd af ákveðnum en
líka örvæntingarfullum saksóknar-
anum og hvernig hann lætur ekk-
ert stoppa sig baráttu sinni til að
fá réttlætinu framfylgt. Forvitnilegt
er að sjá Terry O’Quinn („The Step-
father“) leika Bandaríkjamann sem
er í mun að þagga réttarhöldin nið-
ur vegna þess sem hann kallar eins
og sannur skrumari „víðara sam-
hengi sem hafa verður í huga“. Ef
það er eitthvað sem stendur eftir í
lok myndarinnar er það hversu litlu
máli líf áströlsku stríðsfanganna
skipti þegar „víðara samhengið" var
annafs vegar.
'AUGL YSINGAR
LÖGTÖK
Mánudaginn 13. maí 1991 var í fógetarétti
Vestur-Skaftafellssýslu kveðinn upp svo-
hljóðandi
lögtaksúrskurður:
Að beiðni innheimtumanns ríkissjóðs í
Vestur-Skaftafellssýslu heimilast hér með að
lögtök megi fara fram fyrir gjaldföllnum og
ógreiddum gjöldum ársins 1991, sem og
ógreiddum eftirstöðvum fyrri ára.
Fyrir gjaldföllnum og ógreiddum þinggjöldum
ársins 1990 og 1991, álögðum í Vestur-
Skaftafellssýslu, en þau eru:
Tekjuskattur, eignaskattur, sérstakur eigna-
skattur, slysatryggingagjald v/heimilisstarfa,
tryggingagjald, iðnlánasjóðs- og iðnaðar-
málagjald, slysatryggingargjald skv. 20 gr.,
atvinnuleysistryggingagjald, vinnueftirlits-
gjald, kirkjugarðsgjald, gjald í framkvæmda-
sjóð aldraðra og skattur af verslunar- og
skrifstofuhúsnæði.
Einnig fyrir launaskatti, aðflutningsgjaldi,
skipaskoðunargjaldi, vitagjaldi, lögskráning-
argjaldi, lestargjaldi, bifreiðagjaldi, skoðunar-
gjaldi bifreiða, slysatryggingagjaldi öku-
manns, þungaskatti skv. ökumælum, skipu-
lagsgjald af nýbyggingum, virðisaukaskatti
af skemmtunum, sem og virðisaukaskatti
sem í eindaga er fallinn, sem og fyrir viðbót-
ar- og aukaálagningu virðisaukaskatts vegna
fyrri tímabila.
Ennfremur fyrir gjaldfallinni en ógreiddri
staðgreiðslu opinberra gjalda áranna 1990
og 1991 og gjaldföllnum en ógreiddum út-
svörum og aðstöðugjöldum.
Lögtök mega fara fram á kostnað gjaldenda
en á ábyrgð ríkissjóðs að liðnum 8 dögum
frá birtingu úrskurðar þessa.
Sýslumaður
Vestur-Skaftafellssýslu,
13. maí 1991.
KENNSLA
Ferðamálaskóli MK
Fræðist fyrst - ferðist svo
Ætlarðu að ferðast um ísland í sumar?
Fjögurra kvölda námskeið um áhugaverða
staði og leiðir á hálendinu. Leiðbeinandi:
Þórunn Þórðardóttir, fararstjóri.
Upplýsingar og innritun í símum 74309 og
43861.
Mermtaskólirm í Kópavogi.
Stýrimannaskólinn í
Reykjavík
100. skólaslit
Stýrimannaskólans í
Reykjavík
verða í Háskólabíói föstudaginn 24. maí nk.
kl. 15.00. Allir eldri nemendur skólans eru
boðnir sérstaklega velkomnir í tilefni þess-
ara tímamóta.
Skólameistari.
ATVINNUHÚSNÆÐI
Kvosin
Höfum til leigu 200 fm á annari hæð í Aðal-
stræti 8, ásamt bílastæðum í bílgeymslu.
Allar nánari upplýsipgar í síma 54644.
Ci
BYGGÐAVERK HF.
Laugavegur
Verslunar- og þjónustubygging
Til leigu er 100-200 fm húsnæði á 3. hæð.
Aðkoma er bæði frá Laugavegi og Hverfis-
götu. Góð aðkorha fyrir hjólastóla.
I húsinu eru verslanir, kaffitería, líkamsrækt,
læknastofur, skrifstofur o.fl.
Sanngjörn leiga fyrir góða leigjendur.
Upplýsingar í síma 672121 á skrifstofutíma.
FÉLAGSSTARF
Sjálfstæðisfólk á Sauðár-
króki og í Skagafirði
Fyrirhuguð er skemmtiferð á vegum sjálfstæðisfélaganna sunnudag-
inn 26. mai.
Nánari upplýsingar gefa Steinunn i síma 36632, Unnar í síma 36058,
Björn i síma 35254.
Sjálfstæðisfélögin.
Vörður FUS, Akureyri
Fundur um sjávarútvegsmál verður haldinn
í húsnæði flokksins í Kaupangi við Mýraveg
sunnudaginn 20. maí kl. 20.00.
Björn Dagbjartsson, formaður sjávarút-
vegsnefndar Sjálfstæðisflokksins, mætir á
fundinn og flytur erindi.
Vörður FUS.
Kópavogur - Kópavogur
Sjálfstæðiskvenna-
félagið Edda heldur
fund í dag, fimmtu-
daginn 16. maí, kl.
20.30 í Hamraborg
1, 3. hæð.
Dagskrá:
Kosning á landsþing
Landssambands
sjálfstæðiskvenna.
Gestir fundarins
verða Sigríður A. Þórðardóttir og Salome Þorkelsdóttir.
Eddukonur fjölmennið.
Stjórnin.
KENNSLA
Vélritunarnámskeið
Notið sumarið og lærið vélritun.
Vélritunarskólinn, s. 28040.
FFLAGSLÍF
Góðtemplarahúsið,
Hafnarfirði
Félagsvistin fimmtudaginn 16.
maí. Byrjum að spila kl. 20.30
stundvislega.
Allir velkomnir. Fjölmennið.
famhjólp
Almenn samkoma verður i Kap-
ellunni í Hlaðgerðarkoti í kvöld
kl. 20.30. Umsjón: Gerður Krist-
dórsdóttir.
Frá Félagi eldri borgara
Gönguhrólfar fara af stað nk.
laugardag kl. 10.00 frá Hverfis-
götu 105.

Skipholti 50b
Almenn samkoma í kvöld kl.
20.30. Allir innilega velkomnir.
I kvöld kl. 20.30 samkoma.
Ofurstarnir Edle og Johnny And-
ersen fré Noregi tala. Hersöng-
sveitin syngur. Föstudagur kl.
20.30 þjóðhátíðarfagnaður
Norðmanna. Allir velkomnir.
Hvítasunnukirkjan
Völfufelii
Vakningarsamkoma ( kvöld kl.
20.30. Stjórnandi Garðar Ragn-
arsson.
Allir hjartanlega velkomnir.
FERÐAFELAG
ÍSLANDS
ÖLDUGÖTU 3 & 11798 19533
Fimmtudagskvöld
16. maíkl. 20
Fuglaskoðun og sólarlags-
ganga á Áiftanesi
Létt og Ijúf kvöldferð um strönd
Álftaness. Þeir, sem huga að
fuglum, fara hægar yfir (rútan
fylgir hópnum), en hinir lalla um
ströndina. Leiðbeinandi í fugla-
skoðun verður með. Tilvalið að
byrja I Ferðafélagsferðum með
þessari göngu. Brottför frá BSÍ,
austanmegin (stansað m.a. á
Kópavogshálsi og v. Engidal.)
Ferðafélag Islands.
'líftFndi fettf
ÚTIVIST
SRÓFINNI l • KEYKJAVÍK • SÍMIAÍMSVARII4606
Hvítasunnuferðir
17.-20. maí
holl hreyfing
- góður félagsskapur
Dansað f Básum um hvítasunnu
Það er tilvalið að fagna nýju
sumri á þessu óviðjafnanlega
svæði. Gönguferöir við allra
hæfi, jafnt fjallageitur og þá,
sem eru að byrja í gönguferöum.
Góð gisting og hin ákjósanleg-
asta aðstaða I Útivistarskálun-
um Básum. Kvöldvökur, varðeld-
ur, gömlu dansarnir á pallinum
á laugardagskvöld. Fararstjóri
Björn Finnsson. Verð aðeins
6.100/6.700.
Skaftafell - Öræfasveit
Farið að Jökulsárlóni og i Múla-
gljúfur, gengið i Morsárdal og
Bæjarstaðaskóg. Fararstjóri
Egill Pétursson.
Öræfajökull
Hér býðst tækifæri til þess að
fara á konung jöklanna. Gengin
Sandfellsleið á jökulinn. Ekkert
klifur, enginn sérstakur útbúnað-
ur nauðsynlegur, aðeins góöir
gönguskór og hlý föt. Listi yfir
nauðsynlegan útbúnað á skrif-
stofu. Fararstjóri Reynir Sig-
urðsson.
Gerðu eitthvað eftirminnilegt
um hvítasunnuna og skelltu þér
í Útivistarferð.
Sjáumst.
Útivist.
FERÐAFELAG
ÍSLANDS
ÖLDUGÖTU 3 S: 11798 19533
Góðferðahelgi
framundan:
Hvítasunnuferðir Ferðafé-
lagsins 17.-20. maí
1. Þórsmörk - Langidalur.
Gistiaöstaða i Skagfjörðsskála
er ein sú besta í óbyggðum.
Ath. rútan verður i Þórsmörk
yfir helgina. Það verður líf og
fjör með fjölbreyttum göngu-
ferðum og kvöldvökum. Sér-
stakur fjölskylduafsláttur. Far-
arstjóri: Hilmar Þór Sigurðsson.
2. Snæfellsnes - Snæfellsjökull.
Jökullinn hefur sitt aðdráttarafl
en óteljandi aðrir möguleikar eru
til skoðunar og gönguferöa um
þetta dulmagnaða svæði. Farið
verður um svæði norðan Jökuls-
ins m.a. gengið frá Öndveröar-
nesi í Beruvík. Gist á Görðum i
Staöarsveit. Silungsveisla.
Stutt í sundlaug. Matsala á
staönum. Eyjasigling. Farar-
stjórar: Jóhannes I. Jónsson og
Kristján M. Baldursson.
3. Öræfajökull (Hvannadals-
hnjúkur) - Skaftafell. Þvi ekki
að reyna að sigra hæsta fjall
landsins. Leiðbeint í jöklatækni
áður en lagt er upp. Útbúnaðar-
listi á skrifstofunni. Gengin Virk
isjökulsleið, ein besta útsýnis-
leið á jökulinn. Fararstjórar:
Anna Lára Friðriksdóttir og Árni
Birgisson.
4. Skaftafell - Öræfasveit -
Jökulsárlón. Göngu og ökuferö-
ir. M.a. farið um nýju göngu-
brúna á Morsá og gengið í Bæj-
arstaðaskóg og jafnvel ( hina
litriku Kjós. Svefnpokagisting
eða tjöld á Hofi. Fararstjóri: Ás-
geir Pálsson. f hvitasunnuferð-
um ættu allir að geta fundið
eitthvað við sitt hæfi. Munið
að félagar fá afslátt í helgar-
og lengri ferðirnar; skráið ykkur
f Ferðafélagið. Pantið tíman-
lega. Brottför kl. 20 í allar ferð-
irnar. Simar 19533 og 11798.
Fax: 11765.
Ferðafélag islands,
ferðir fyrir þig.