Morgunblaðið - 06.09.1991, Blaðsíða 21

MORGUNBLAÐIÐ FÖSTUDAGUR 6. SEPTEMBER 1991
21
Bankamenn
ákærðir
Kviðdómur í Tampa í Flórídaríki
hefur ákveðið að mál verði höfðað
á hendur 'sex embættismönnum
BGCI-alþjóðabankans og for-
sprakka Medeliin-eiturlyfja-
hringsins vegna gruns um að hafa
komið milljóna dollara hagnaði
af eiturlyfjasölu í umferð í gegn-
um BCCI-bankann. í ákærunni
sem kviðdómurinn sendi frá sér
var BCCI-bankinn kallaður
„ljárglæfrastofnun“, en samt var
hann ekki formlega ákærður. Til-
kynnt var um málshöfðunina þeg-
ar einn hinna ákærðu, Syed Ali
Akbar, fyrrum féhirðir bankans,
var handtekinn í borginni Calais
í Frakklandi. I ákærunni er því
haldið fram að yfir fjórtán milljón-
um dollara (um 850 milljónir ISK)
af eiturlyfjagróða hafði verið
komið í umferð. Sakborningarnir
eiga yfir höfði sér allt að 25 ára
fangelsi. Á myndinni sést lögregla
leiða Akbar á brotf eftir handtök-
una í gær.
Reuter
Réttarhöldin yfir Noriega:
Leit að kviðdómi hafín
Miami. Reuter.
DÓMSYFIRVÖLD í Miami á
Flórida hófu í gær leit að kvið-
dómendum til að dæma í máli
Manuels Noriega, fyrrum leiðtoga
Panama, sem sakaður er um aðild
að eiturlyfjasmygli. Talið er að
það muni taka tvær til þrjár vikur
að finna tólf hlutlausa kviðdóm-
endur auk sex varamanna.
Valdir höfðu verið út 95 möguleg-
ir kviðdómendur og voru þeir leiddir
inn til yfirheyrslu hjá dómaranum í
málinu, William Hoveler, í gærmorg-
un að viðstöddum Noriega, eiginkonu
hans og dætrum. Kvaðst Hoveler
trúa því statt og stöðuglega að það
myndi takast að setja saman kvið-
dóm.
Veijendur Noriega segja að það
geti jafnvel reynst ómögulegt að
finna fólk sem ekki hafi þegar rrijög
ákveðnar skoðanir á málinu en um
það hefur mikið verið fjallað í fjöl-
miðlum.
Saksóknarar í málinu sögðu í gær
að ef mjög erfitt reyndist að fínna
hlutlausa menn í kviðdóminn í Miami
myndu þeir hugsanlega fara fram á
það við dómarann að hann færði
réttarhöldin til annarrar borgar.
------*-*-*-----
EB og- EFTA:
Ráðherrafund-
ur í október
Haag. Reuter.
HANS van den Broek, utanríkis-
ráðherra Hollands og forseti ráð-
herraráðs Evrópubandalagsins,
lagði til í gær að ráðherrar að-
ildarríkja EB og Fríverslunar-
bandalags Evrópu hittust í októ-
ber til að blása lífi í viðræðurnar
uni Evrópskt efnahagssvæði.
Van den Broek lagði þetta til er
hann ræddi við Paavo Váyrynen,
utanríkisráðherra Finnlands, sem nú
er í Hollandi. Talsmaður hollenska
utanríkisráðuneytisins sagði líklegt
að fundurinn yrði haldinn í Brussel
upp úr miðjum október.
Ný OECD-skýrsla:
Dönum
hrósað í
efnahags-
málum
Kaupmannahöfn. Reuter.
SAMKVÆMT skýrslu Efnahags-
og framfarastofnunarinnar
(OECD) sem kom út á miðviku-
dag hafa Danir sýnt miklar
framfarir í efnahagsstjórn sinni
síðustu tvö ár. Ríkissljórnin
verður þó að fylgja þröngri fjá-
lagastefnu sinni af meiri
ákveðni, segir í skýrslunni.
í skýrslunni var Dönum hrósað
fyrir að hafa náð verðbólgunni nið-
ur í 2,9%, sem er með því lægsta
sem gerist í OECD-löndunum. Dön-
um var einnig hælt fyrir að ná að
skila afgangi í ríkisrekstrinum eftir
að hallarekstur undanfarinna 26
ára.
Þó sagði í skýrslunni að Danir
yrðu að leggja aukna áherslu á að
gera vinnumarkaðinn sveigjanlegri
og draga úr miklu atvinnuleysi.
Búist er við að Danir styrki góð-
an efnahag sinn enn frekar á þessu
ári og því næsta, þar sem kaup-
máttur launa mun lítið hækka og
ríkissjóður verður rekinn með 1,1%
afgangi 1992, miðað við heildar-
framleiðslu landsins, í stað 1,0% í
ár.
Landsframleiðsla Danmerkur
mun aukast um 1,1% í ár miðað
við 1,6% í fyrra. Þá er gert ráð
fyrir að hún aukist um 2,1% á
næsta ári. Búist er við að atvinnu-
leysi verði 9,75% á þessu ári, sem
er það mesta sem verið hefur i land-
inu, en muni falla niður í 9.25% á
því næsta.
Þessar spár OECD-skýrslunnar
eru í samræmi við áætlanir ríkis-
stjórnarinnar, nema hvað atvinnu-
leysi er meira en gert var ráð fyr-
ir. Tala atvinnulausra hefur aidrei
verið hærri en í júlí, þegar 296.000
manns voru á atvinnuieysisskrá,
sem er um 10,6% vinnandi manna
í Danmörku. Þetta var sjötti mán-
uðurinn í röð sem atvinnuleysi
jókst.
Í skýrslunni kom fram að ríkis-
stjórnin hefur smám saman slakað
á þeirri hörðu fjármálastefnu sem
hún tók upp þegar allt stefndi í
mikið atvinnuleysi 1988.
Fyrirsjáanlegt er að tekjur ríkis-
sjóðs munu minnka þegar Danir
aðlaga skatta sína að því sem ger-
ist í öðrum Evrópubandalagslönd-
um.
NOTAÐU GRÆNMETI
SEM HÆFIR TILEFNINU
Við hjá KJ vitum að sama grænmetistegundin hæfir ekki öllum mat.
Þess vegna hafa matreiðslumeistarar okkar
lagað grænmetisblöndur sem henta mismunandi réttum:
Þú átt valið.
Niðursoðið grænmeti er hollt og ljúffengt meðlæti.

AMERISK GRÆNMETISBLANDA
...meðsalatinu og svínakjötinu
FRONSK GRÆNMETISBLANDA
.....með nautasteikinni
ITOLSK GRÆNMETISBLANDA
....með pastaréttunum
GULRÆTUR OG GRÆNAR BAUNIR
..........með lambakjötinu
auk þess bjóðum við að sjálfsögðu upp á
Grænar baunir, maískorn, rauðkál og rauðrófur
©
K.JONSSON&CO.
Sími: 96-21466 Akureyri
1«