Morgunblaðið - 07.09.1991, Blaðsíða 31

MORGUNBLAÐIÐ LAUGARDAGUR 7. SEPTEMBER 1991
31
Minning:
Baldur Reyuir Sig-
urðsson frá Blönduósi
Fæddur 17. mars 1929
Dáinn 29. ágúst 1991
Okkur hjónin setti hljóð, þegar
dóttir okkar Jóhanna hringdi frá
Þórshöfn aðfaranótt 29. ágústs sl.
og sagði okkur að Baldur, tengda-
faðir hennar, væri allur. Baldur,
Kristín kona hans og Sigþór bróðir
Baldurs höfðu komið í heimsókn til
Jóhönnu og Sigurðar sonar þeirra,
þá fyrr um kvöldið.
Við þessar fréttir, tóku minning-
arnar að hrannast upp og allar fal-
legar. Af lífskeðju Baldurs Reynis
Sigurðssonar frá Blönduósi þekkt-
um við hjónin ekki nema nokkra
hlekki, en þeir sönnuðu strax ágæti
sitt og þar styrkti hans ágæta kona,
Kristín Bjarnadóttir, veikasta
hlekkinn, svo að eftir var tekið.
Barnabörnin draga okkur eldra
fólkið hvert að öðru, enda er fram-
gangur barnanna sameiginlegt
áhugamál.
Baldri kynntumst við hjónin sér-
staklega eftir að hann kom heim
frá Lundúnum, eftir hjartaupp-
skurð. Sú aðgerð gekk blessunar-
lega vel og það var aðdáunarvert,
hve Baldur tók vel og alvarlega
hinu stranga endurhæfinga „prógr-
ammi“, enda hresstist hann fljótt.
Við hjónin urðum þeirrar ánægju
aðnjótandi að fara með Balla og
Stínu, í ferðalög, hér innanlands
og lika með börnunum. Þær ferðir
voru afar skemmtilegar.
Því var stundum slegið fram, að
gaman væri að fara til Lundúna til
að heilsa upp á stórborgina, svona
rétt í virðingarskyni við vel heppn-
aðan uppskurð. „Nei, aldeilis ekki,“
sagði Balli. Lyktin í borginni er
vond. Má ég heldur biðja um ferð
um okkar eigið land. Hér höfum
við ijallaloftið tært og heilnæmt.
Ekki ætla ég aðrekja ættir Bald-
urs eða uppruna. Það gera þeir sem
betur til, þekkja, en eitt veit ég,
hann var af góðu fólki kominn.
Hann innsiglaði það með framkomu
sinni. Fróður var hann um menn
og málefni og hafði sínar skoðanir
á hlutunum. Sitt heimahérað þekkti
hann vel og leiðina á milli Blöndu-
óss og Reykjavíkur þekkti hann eins
og lófa sinn, hvern stein og hverja
holu, enda ók hann þá leið og fleiri
í mörg ár fyrir Kaupfélag A-Hún-
vetninga.
Það var alltaf notalegt, að koma
á heimili Baldurs og Kristínar, á
Húnabraut 18. Þegar leið okkar
hjónanna lá til Þórshafnar, þá var
fyrsti áfangi ávallt Blönduós, vegna
þess, að Húnabraut 18 var nokkurs
konar „nafli“ norðurleiðarinnar.
Viðkoma annars staðar var eigin-
lega ekki í dæminu.
Við sjáum nú að baki góðum
dreng og hafí hann þakkir fyrir
það, sem hann lagði okkur til. Það
var allt gott.
Ég lýk þessum fátæklegu orðum
mínum með hans eigin: „Nú fáum
við okkur í nefið, við höfum unnið
til þess.“
Kristínu og allri fjölskyldu Bald-
urs óskum við velfarnaðar og vott-
um þeim innilega samúð.
Helga og Helgi
Það var mikil tilhlökkun á mínu
heimili, Balli afi, Stína amma og
Diddi frændi voru að koma í heim-
sókn. Frí tekið í vinnu og á leikskól-
anum til þess að hægt væri að njóta
þessara daga með þeim. Ég tók á
móti þeim um kvöldmatarleytið með
mikilli gleði. Strax var rætt um
hvernig eyða ætti dögunum. Ferð
út á Langanes, berjamó og margt
fleira. En gleðinni var snögglega
kippt frá okkur. Tengdafaðir minn
var allur rétt upp úr miðnætti.
Af hveiju, af hveiju hann? Var
ekki nóg komið? Þrjár stórar að-
gerðir á þremur árum og síðan
þetta. Hver er tilgangurinn? Við
þessari spurningu fáum við ekkert
svar. En ég trúi því að almættið
leggi okkar spor hér á jörð, og hon-
um Baldi hefur verið ætlað annað
hlutverk hinum megin við móðuna
miklu.
Baldur var fæddur í Brekkukoti
í Austur-Húnavatnssýslu 17. mars
1929. Foreldrar hans voru hjónin
Sigurður Bjarnason og Anna Sig-
urðardóttir. Þann 28. október 1951
gekk Baldur í hjónaband með Krist-
ínu Bjarnadóttur frá Blönduósi.
Eignuðust þau fjögur börn, Huldu,
Sigurð, Ingibjörgu og Reyni. Afa-
börnin eru 15.
Ekki ætla ég að rekja ættir nán-
ar, heldur að minnast á manngæsku
tengdaföður míns, því betri og ljúf-
ari mann hef ég varla hitt á minni
lífsleið. Okkar kynni hófust þegar
leiðir okkar Sigurðar lágu saman
1985. Kvíði var í mér að hitta
tengdaforeldrana á Blönduósi en sá
kvíði var óþarfur. Smáhik og síðan
opnir armar, armar sem tóku manni
fagnandi.
Við Sigurður bjuggum á Blöndu-
ósi í þrjú ár. Margt var skrafað og
brallað á þeim árum, og góðar
stundir áttum við saman í kringum
hestamennskuna. Ekki var það
hesturinn sem ég saknaði mest þeg-
ar við fluttum til Reykjavíkur held-
ur Baldur, því hann var of langt í
burtu. En síminn var líka mikið
notaður. Ef eitthvað vafðist fyrir
manni þá hringdi maður norður.
Aldrei var sagt nei ef á-hjálp eða
aðstoð þurfti að halda því hann var
boðinn og búinn, og þá sérstakleg^
gagnvart sínum afkomendum því
þau sátu fyrir öllu öðr-u.
Baldur hafði góða kímnigáfu og
hæfilegan skammt af stríðni.
Stríðni sem allir tóku vel, því henni
fylgdi ævinlega gleði og hlátur.
Ékki eru gleði og hlátur nóg á lífs-
leið, því þarf eitthvað að fylgja. Og
það voru tnargir kostir sem fylgdu
Baldri, dugnaður, kraftur og kjark-
ur til að takast á við hvað sem
var. Sá kjarkur kom best í ljós í
hans veikindum, engin uppgjöf,
hann skyldi sigra. Og hann sigraði.
En kallið kom sem enginn sigr-
ar, og þar sjáum við á eftir góðum
manni, en minningarnar lifa.
Góður engill Guðs oss leiðir
gegnum jarðneskt böl og stríð,
léttir byrðar, angist eyðir,
engill sá er vonin blíð.
Mitt á hryggðar dimmum degi
dýrðlegt oss hún kveikir Ijós,
mitt í neyð á vorum vegi
vaxa lætur gleðirós.
(H.H.)
Blessuð sé minning tengdaföður
míns, Baldurs Sigurðssonar.
Jóhanna Helgadóttir
Hann Balli gfi okkar hefur nú
verið kallaður á burt og viljum við
systkinin senda honum okkar hinstu
kveðju.
Afí var mikill baráttu- og bjart-
sýnismaður, sem hann sýndi í öllu
því sem hann tók sér fyrir hendur
eða þurfti að takast á við. Orðið
uppgjöf var ekki til í hans orðabók.
Hann var einn af föstu punktun-
um í lífi okkar, alltaf til staðar ef
á þurfti að halda. Til í að gera allt
með okkur eða fyrir okkur. Afi
hafði kímnigáfuna á réttum stað,
var fljótur að svara á hnyttinn hátt
og erfítt að reka hann á gat.
Slík ráðstöfun sem þessi er fyrir
ofan manns skilning, en sú vissa
okkar að hann sé á æðri stað og
líði vel gerir sorgina ekki eins erf-
iða. Allar þær yndislegu samveru-
stundir sem við áttum með honum
eru óteljandi og munu aldrei gleym-
ast. Það er okkur dýrmætt að hafa
átt með honum samleið.
Elsku amma, guð varðveiti þig
og styrki á þessum erfíðu stundum.
Kristín Sigurey Sigurðar-
dóttir, Guðmundur
Snorri Sigurðsson, Bald-
ur Reynir Sigurðsson.
Royal
súkkulaðibúðingur
- eftirlæti bamanna

ÚTSALA
VEGGFÓÐUR,
GÓLFDÚKAR,
BAÐHERBERGISÁHÖLD,
BAÐMOTTUR, BAPHENGI
Gríptu tækifærið og gerðu góð kaup
á útsölu Veggfóðrarans. 15-50%
afsláttur af gólfdúkum, veggfóðri,
gólfkorki, baðmottum, baðher-
bergisáhöldum og baðhengjum.
Athugið að útsalan stendur
aðeins í eina viku.
VEGGFÓDRARINN
VERSLUN MEÐ GÓLF- OG VEGGEFNI
FÁKAFEN 9 • SKEIFUNNI • 108 REYKJAVÍK
SÍMAR:(91)- 687171 / 687272
VERKSMIÐJU UTSALA
frá 3. september í húsi Sjóklæðagerðarinnar Skúlagötu 51,1. hæð.
Útlitsgallað og eldri gerðir a£ sport- og vinnufatnaði.
STÍGVÉL
REGNFATNAÐUR
barna, kvenna, karla
SJÓFATNAÐUR
NYLONFATNAÐUR
KAPP-FATNAÐUR
barna, kvenna, karla
VINNUFATNAÐUR
samfestingar, buxur, jakkar, sloppar
VINNUVETTLINGAR
Opið virka daga kl. 13-18 og laugardaga kl. 10-14.
O O
^—>
SEXTIU CG SEX NORÐUR
SJÓKLÆÐAGERÐIN HF • SKÚLAGÖTU 51