Morgunblaðið - 17.09.1991, Qupperneq 11

MORGUNBLAÐÍÐ &RIÐJUDAGUR 17. SEPTEMBER 1991
11
Dalasýsla:
Hundrað ára vígsluafmælis-
Staðarfellskirkju minnst
Hvoli, Saurbæ.
100 ÁRA víglsuafmælis Staðarfellskirkju í Dölum var minnst sunnu-
daginn 1. september sl. Hátíðarguðsþjónusta fór fram í kirkjunni
kl. 2. e.h. og var hún fjölsótt. Þar prédikaði biskup íslands, herra
Ólafur Skúlason, og sóknarpresturinn, sr. Ingiberg J. Hannesson,
þjónaði fyrir altari.
Fimm aðrir prestar voru við-
staddir kirkjuathöfnina, en að
henni lokinni var samkoma í fé-
lagsheimilinu á Staðarfelli þar sem
á borðum voru rausnarlegar veit-
ingar í boði sóknamefndar. Þar
flutti sóknarpresturinn ágrip af
sögu kirkjunnar í hundrað ár og
ræður fluttu auk hans sr. Þórir
Stephensen, er áður þjónaði Stað-
arfellskirkju um skeið svo og sr.
Rögnvaldur Finnbogason auk bisk-
upsins herra Ólafs Skúlasonar.
Var dagurinn í heild mjög
ánægjulegur og komu margir að
til að gleðjast með sóknarfólki í
tilefni dagsins. Veðrið var tiltölu-
lega hliðhollt þó vætusamt væri
þessa daga, þá skein sólin um
miðjan daginn og varpaði geislum
sínum yfir staðinn eins og til að
árétta birtu og fegurð hins skæra
ljóss í bland við döggina, sem líf-
snæringu gefur. Og við vitum að
hvort tveggja er jafn mikilvægt til
vaxtar og þroska í mannlífinu.
Staðarfellskirkja var vígð 11.
október 1891, teiknuð og byggð
af Guttormi Jónssyni frá Hjarðar-
holti fyrir forgöngu Hallgríms
Jónssonar, er þá var bóndi á Stað-
arfelli. Hún hefur verið sóknar-
kirkja æ síðan og þjónar sóknar-
fólki, svo og þeim, er á Staðarfelli
búa, en þar var í áratugi rekinn
húsmæðraskóli og nú starfar þar
meðferðarheimili á vegum SÁÁ,
og lætur að líkum, að kirkjan er
sótt af mörgum, og hafa sumir
sagt að hún sé e.t.v. með mest
notuðu kirkjum landsins, enda eiga
þangað margir erindi, sem á staðn-
um dvelja og eru að reyna að ná
tökum á lífi sínu og byggja það
upp. Þá er horft til þess máttar,
sem einn getur bjargað þegar mik-
ið liggur við og er grundvöllur
þess, að menn öðlist rétta trú á
lífíð og tilveruna og sæki þangað
Staðarfellskirkja.
=VAPLEX=
TREFJAGIPSPLÖTUR
ÁVEGGI, LOFTOGGÓLF
KANTSKURÐUR SEM EGG
ÖRUGGTNAGLHALD
A BRUNAFLOKKUR
VIÐURKENNT AFELDVARNA-
EFTIRLITI RÍKISINS
HOLLENSK GÆÐAVARA
Þ.ÞORGRÍMSSON&CO
ÁRMÚLA 29, SÍMI 38640
þann kraft sem dugar til eflingar
sálar og anda í uppbyggingarstarf-
inu.
Staðarfellskirkja hefur verið vel
við haldið, og undanfarið hafa far-
ið fram nokkrar lagfæringar á
kirkjunni og hún öll máluð að utan.
Þá var settur ljóskross á gafl for-
kirkjunnar og er hann gjöf frá
systkinunum frá Breiðbólsstað
þeim Guðbjörgu, Friðjóni, Sigur-
björgu, Sturlu og Halldóri, til
minningar um foreldra þeirra. Þá
var vígður í hátíðarguðsþjón-
ustunni nýr hökull og stóla, er var
gjöf til kirkjunnar frá héraðssjóði
prófastsdæmisins. Þessi minning-
ardagur kirkjunnar var mönnum
greinilega hvatning til að hlúa að
kirkju sinni og minnast með þakk-
læti og gleði þeirrar þjónustu sem
þeir hafa þar notið í gegnum tíðina.
- IJH.
Að lokinni hátíðarguðsþjónustu í Staðarfellskirkju. í fremri röð frá
vinstri: Sr. Þórir Stephensen, Helga Steinarsdóttir Hvoli, sr. Ingi-
berg J. Hannesson Hvoli, biskupsfrú Ebba Sigurðardóttir og biskup-
inn, herra Olafur Skúlason, Kristín Thorlacius og sr. Rögnvaldur
Finnbogason Staðastað. Aftari röð: Sr. Hreinn Hákonarson Laugar-
gerði, Anna Nilsdóttir og sr. Friðrik J. Hjartar Ólafsvík og sr. Jens
H. Nielsen Búðardal.
Einstakt tilboð
Prenthraði:
Gæðaletur:
Leturgerðir:
Leturstærðir:
Pappírsfærsla:
Pappírsgangur:
Litir:
225 stafir/sek 12CPI
45 stafir/sek 12CPI
5 grunnleturgerðir
10, 12, 17, 20 s/t
Vals og pinnar
Að aftan og neðan
7 litir (litaborði fylgir)
í upphafi skólaárs eru margir nemendur að leita sér að góðum tölvum og prenturum.
Úrvalið er mikið og erfitt um val.
En nú er tækifærið til að eignast hraðvirkan,
hljóðlátan, vandvirkan og fjölhæfan prentara.
Því í september bjóðum við einn vinsælasta prentarann frá STAR á frábæru verði, en það er
LC-200 ritvinnsluprentari. Við viljum sérstaklega benda á þann möguleika að hægt er að prenta
liti og einnig að vera með 2 gerðir pappírs í prentaranum í einu (Paper Park).
Kr. 26.700,-
(Stgr. m/VSK, gildir aðeins ef pantað er í september).
Hafið samband við okkur eða einhvern söluaðila okkar:
Einar J. Skúlason.........Reykjavík
Tölvutæki - Bókval........Akureyri
Prentverk Austurlands.....Egilsstöðum
Tölvutækni..................Reykjavík
ÖRTÖLVUTÆKNI
Tölvukauphf. Skeifunni 17 sími 687220 fax 687260