Morgunblaðið - 19.09.1991, Blaðsíða 20
20
MORGUNBLAÐIÐ FIMMTUDAGUR 19. SEPTEMBER 1991
Kröfurnar í raun nm
100 milljónir króna
- segir Olafur Laufdal veitingamað-
ur um gjaldþrot fyrirtækja sinna
OLAFUR Laufdal veitingamaður vísar því á bug að kröfur í þrotabú
fyrirtækja hans nemi 304 milljónum króna. Hann segir að nærri
lagi sé að tala um kröfur upp á rúmlega 100 milljónir króna. í frétt
Morgunblaðsins í gær hafi verið sagt að kröfurnar næmu 304 milljón-
um króna en 97,8 milljónir af þessari upphæð væru kröfur fyrirtækj-
anna hvert á annað. Auk þess væru margar kröfur tví- eða jafnvel
þrítaldar þar sem eitt eða fleiri fyrirtækjanna fjögurra hafi verið í
ábyrgðum. Þá hefði bústjóri þegar hafnað tugmilljóna kröfum.
og engin ástæða til að draga kröf-
urnar saman,“ sagði Rúnar.
Hann sagði að með sölu á lausafé
í Hótel íslandi, Sjallanum, peningum
sem koma í gegnum riftunarmál og
innheimtu útistandandi krafna sé
búið að ná inn 27 milljónum kr. í
þrotabú Alfabakka 8. Ármúli 5 hafi
átt eignina Hollywood.
Alþingishúsið:
„Þetta eru um 60-70 milljónir
króna sem þannig eru tilkomnar,
tvítaldar, með áfallandi vöxtum og
þess háttar. Ég vil meina það að
þegar upp er staðið nemi kröfumar
frekar nálægt eitt hundrað milljón-
um krónum. Þá er ekkert minnst á
eignir sem eru 40-50 milljónir kr. í
tveimur búum. Síðan segir j fréttinni
að „bústjóri þrotabúsins Álfabakka
8 hf. leggur til að skiptastjóra verði
falið að vekja athygli ríkissaksókn-
ara á meintum brotum stjórnar-
manna í þrotabúi félagsins á hegn-
ingarlögum og lögum um hlutafélög.
Það er mjög alvarlegt þegar málið
er sett upp svona. Málið er það að
veitingahúsið Álfabakka 8 greiðir
reikninga Aðalstöðvarinnar sem var
skráð á mig persónulega. Aðalstöðin
er í rauninni kynningarmiðill fyrir
þessi fyrirtæki, Hótel Ísiand hafði
greinilegan hag af starfsemi Aðal-
stöðvarinnar. En vegna þess að Að-
alstöðin var skráð á mig persónulega
vill bústjórinn meina að það orki
eitthvað tvímælis að félagið greiddi
reikninga stöðvarinnar. Það fer aldr-
ei einn eyrir .í minn vasa, þetta eru
bara tilfærslur á milli,“ sagði Ólafur.
Rúnar Mogensen bústjóri sagði í
gær að talin væri ástæða til að skrifa
ríkissaksóknara í fyrsta lagi vegna
viðskipta fyrirtækjanna innbyrðis,
þau væru í gríðarlegum viðskiptum
við hvert annað. „Peningar fara
mikið úr einu fyrirtæki yfir í annað
og öfugt og svo er Ólafur sjálfur í
verulegum viðskiptum með sitt eink-
afirma á sínum tíma, Aðalstöðina.
Það eru greiddar út úr Álfabakka 8
hf. tæplega 18 milljónir síðastliðin
tvö ár, svo Álfabakki er farinn að
reka einkafýrirtæki hans. Ég tel að
þetta og innbyrðis viðskipti milli fyr-
irtækja í eigu sama manns sé brot
á hegningarlögum. Mér ber laga-
skylda, ef ég tel að grunur sé á slíku
athæfi, að vekja athygli ríkissak-
sóknara á því,“ sagði Rúnar
Mogensen.
„Það er mjög erfitt að draga fram
eina héildarupphæð Sem kröfur ,í
þrotabúin eru, það eru svo miklar
krossábyrgðir. í einhveijum tilvikum .
eru þetta sömu fjárhæðimar í öllum
búunum en það er kannski vegna
þess að skuldabréf voru með veði í
, fleiri en einu félagi. Það eru kross-
ábyrgðir í búunum enda fjalla ég
um það í skýrslu minni, en þetta eru
skuldir í hveiju fyrirtæki fyrir sig
Morgunblaðið/KGA
Gengið frá gólfi í nýrri vinnu- og setustofu þingmanua, þar sem
áður var fundarsalur efri deildar alþingis.
Breytingu verður lok-
ið fyrir þingsetningu
„ÞAÐ verður búið að breyta ýmsu hér í húsinu þegar alþingi kemur
saman 1. október. í næstu viku koma ný húsgögn í vinnu- og setu-
stofu þingmanna, þar sem áður var fundarsalur efri deildar," sagði
Eriðrik Ólafsson, skrifstofusljóri Alþingis i samtali við Morgunblaðið.
Þegar alþingi kemur saman þann
1. október starfar þingið í einni
málstofu, í stað þess að skiptast í
efri og neðri deild. Vegna þessa er
verið að gera ýmsar breytingar á
fundarsal þingsins. Helsta breyting-
in er sú að komið verður upp at-
kvæðagreiðslukerfi, sem felst í því
að þingmenn ýta á hnappa á borð-
um sínum til að greiða atkvæði.
Urslit atkvæðagreiðslu birtast á
skjá á vegg salarins. „Það hefur
ekki verið gengið frá hvemig þetta
kerfi verður í endanlegri mynd,“
sagði Friðrik. „Menn hafa nefnt að
þéir sjái einhveija meinbugi á þessu,
en það held ég að byggist á mis-
skilningi. Svona kerfí eru í þinghús-
um nágrannalanda okkar og hafa
gefist vel.“
Auk atkvæðagreiðslukerfísins
verður ýmis annar búnaður settur
upp í sal þingsins, s.s. útbúnaður
sem sýnir ræðulengd. Þá verður
fyrram fundarsalur efri deildar
vinnu- og setustofa þingmanna og
verða ný húsgögn komin þangað í
næstu viku. Friðrik sagði að hús-
gögnin væru keypt af íslensku fyrir-
tæki og hann vissi ekki betur en
þau væru íslensk smíði. „Ég hef
ekki á takteinum hver kostnaður
við þessar framkvæmdir verður,“
sagði hann. „Það gerðu sér þó allir
grein fýrir því að breyting í eina
málstofu þýddi að ráðast yrði í
breytingar og að þeim fylgdi óhjá-
kvæmilega einhver kostnaður."
Neytendasamtökin:
UTBOÐ
ÁRVAKUR hf. óskar eftir tilboðum í að byggja 2. áfanga húss Morgunblaðsins í Kringlunni 1
í Reykjavík.
Stærð hússins: 4.723 m217.772 m3
Byggingarstig: FuIIfrágengið hús
Verklok: 1. mars 1993
ÚTBOÐSGÖGN verða afhent á Verkfræðistofu
Stefáns Ólafssonar hf., Borgartúni 20, Reykjavík,
gegn 50.000 kr. skilatryggingu.
Tilboð verða opnuð fimmtudaginn 17. október
kl. 11.00 á Verkfræðistofu Stefáns Ólafssonar hf.
Dýrt að kaupa með
löngum gjaldfresti
MORGUNBLAÐINU hefur borist
eftirfarandi fréttatilkynning frá
Neytendasamtökunum:
Nokkuð hefur borið á því að
undanförnu að neytendum séu
boðnar vörur til sölu með mjög löng-
um gjaldfresti. Hafa slík tilboð m.a.
verið auglýst í sjónvarpi og hjá sölu-
mönnum á ferð um landið. Álgengt
er að boðið sé upp á að útborgun
sé gi-eidd með skuldabréfí til eins
árs með 12 afborgunum. Afgangur-
inn af kaupverði sé síðan greiddur
með munaláni oft til 30 mánaða.
Neytendasamtökunum hafa bor-
ist nokkrar kvartanir vegna þessa
og vilja af því tilefni benda neytend-
um á þann kostnað sem slík afborg-
unarkaup hafa í för með sér. Dæmi
skal tekið um vöru sem kostar stað-
greidd 107.100 krónur. Varan er
keypt með ofangreindum skilmálum
og verður kaupverð vörunnar þá
177.733 krónur eða tæplega 66%
hærra en staðgreiðsluverð. Kostn-
aður sem kaupandi þarf að borga
við slík kaup' eru:
Þóknun til fjármögnunarfyrir-
tækisins kr. 8.982.
Vátrygging kr. 1.360.
Lántöku- og stimpilgjald 2.928.
Afborgunarverð umfram stað-
greiðsluverð kr. 10.000.
Innheimtukostnaður kr. 20.160.
Samtals verða þetta 43.430 krón-
ur.
Við þennan kostnað bætist síðan
vaxtakostnaður sem er áætlaður
21,6% eða 27.200 krónur.
Ef ofangreidd vara hefði aftur á
móti verið staðgreidd og tekið lán
fyrir henni í banka til jafn langs
tíma og með sömu vaxtakjörum
hefði hún kostað 143.577 krónur
með öílum kostnaði og vöxtum eða
34.156 krónur.
Neytendasamtökunum þykir rétt
að benda fólki á þennan gífurlega
mun.
Nánari upplýsingar veitir Sólrún
Halldórsdóttir hjá Neytendasam-
tökunum.
Geir Krisijánsson
þýðandi látinn
GEIR Kristjánsson skáld og
þýðandi lézt á heimili sínu á
Seltjarnarnesi í gær, 68 ára að
aldri.
Geir fæddist á Húsavík 25. júní
1923, sonur Kristjáns Ólasonar og
Rebekku Pálsdóttur. Hann stund-
aði nám í Svíþjóð og París. Geir
hefur stundað ritstörf og þýðingar
um áratuga skeið. Sérstaklega var
hann kunnur fyrir þýðingar úr
rússnesku. Út hafa komið sex
bækur eftir hann.
Geir lætur eftir sig eiginkonu,
Sigurbjörgu Sigurðardóttur, og
tvö stjúpbörn.
Geir Kristjánsson.