Morgunblaðið - 19.09.1991, Blaðsíða 33
MORGUNBLAÐIÐ FIMMTUDAGUR 19. SEPTEMBER 1991
33
Eignm við að afsala þjóðinni
sjálfstæðinu fyrir baunadisk?
eftir Sigurð Lárusson
Vorið 1944 líður mér aldrei úr
minni. Þá fengum við íslendingar
að greiða atkvæði um stofnun lýð-
veldisins. Ég var þá fyrir tveimur
árum búinn að fá kosningarétt. Ég
hef aldrei á ævinni verið eins ham-
ingjusamur með að hafa atkvæðis-
rétt og þá. Stofnun lýðveldisins er
í mínum huga stærsti atburður í
allri íslandssögunni. Að mega með
atkvæði sínu fá að leggja lítið lóð
á þá vogarskál fannst mér stórkost-
legt.
Nú hugsa þeir sem lesa þessar
línur, hvað er maðurinn að fara?
Eru íslendingar ekki sjálfstæðir
ennþá, og bendir nokkuð til að svo
verði ekki á næstu árum eða ára-
tugum? Jú, en því miður bendir
margt til þess að við séum að glata
sjálfstæðinu fyrir ímyndaða stund-
arhagsmuni. Nú á síðustu árum
hafa þær raddir gerst æ háværari
sem vilja selja frelsi og sjálfstæði
þjóðar okkar fyrir baunadisk. Þar
á ég að sjáifsögðu við hugsanlega
inngöngu Islands í evrópskt efna-
hagssvæði og þar með fyrsta skref-
ið inn í Efnahagsbandalag Evrópu.
Að mínu mati er það sama og
afsala sjálfstæði landsins um aldur
og ævi. Jafnvel þó að við öðluð-
umst einhvern fjárhagslegan ávinn-
ing við að ganga í EB eða EES tel
ég það jafnfráleitt fyrir því, vegna
þess að með því erum við búnir að
missa sjálfstæði okkar um aldur og
ævi.
Ég er mjög undrandi yfir að
nokkur ábyrgur maður, sérstaklega
alþingismenn, skuli leyfa sér að
reka áróður fyrir inngöngu í EB
eða EES. Þeim vesalingum er vor-
kunn sem eru svo langt leiddir af
fégræðgi að þeir styðji inngöngu í
EB í von um gróða. En þó getur
það ekki talist stórmannlegt að
ætla að selja sjálfstæði fyrir stund-
argróða. Sem betur fer hafa ýmsir
af bestu mönnum landsins svo sem
rektor háskólans, Sigmundur Guð-
bjarnason og margir fleiri ágætir
menn, mælt sterklega gegn því og
varað við þessum ráðagerðum. Aft-
ur á móti hafa ýmsir háttsettir
embættismenn og stjórnmálamenn
mælt sterklega með inngöngu í
EES. Þeirra á meðal Þorsteinn Páls-
son, fyrrverandi formaður Sjálf-
stæðisflokksins. Mörg fleiri nöfn
mætti nefna sem taka í sama
streng. Það er furðulegt að sá flokk-
ur sem kennir sig við sjálfstæði
landsins skuli hafa innan sinna vé-
banda flesta af þeim mönnum sem
vilja selja sjálfstæði landsins fyrir
stundargróða.
Mér finnst að Sjálfstæðisflokkur-
inn ætti að hætta þeim blekkingar-
leik sem hann hefur staðið að í
meira en hálfa öld og kalla sig Sjálf-
stæðisflokk. Miklu fremur fyndist
mér hann eiga að kalla sig Stórkap-
italistaflokk eða einhveiju álíka
nafni. Þessi flokkur hefur ekki þor-
ið sjálfstæði íslands fyrir bijósti
framar öðrum flokkum, nema síður
sé síðan ég man eftir, og síst á síð-
ustu áratugum. Mér hefur fundist
hann ganga lengra í undirlægju-
hætti við erlenda hagsmuni en hin-
ir stjórnmálaflokkamir.
Eruð þið, góðir Islendingar, bún-
ir að gleyma ártalinu 1262 og þeim
atburðum sem þá gerðust? Ætlið
þið kannski að láta enn verri at-
burði gerast, til dæmis 1992?
Frá 1262 til 1944 var ísland
nýlenda í Danaveldi, þó að þjóðinni
tækist að ná áföngum í frelsisátt á
síðustu 70 árum áður en lýðveldið
„ Jafnvel þó að við öðl-
uðumst einhvern fjár-
hagslegan ávinning við
að ganga í EB eða EES
tel ég það jafnfráleitt
fyrir því, vegna þess að
með því erum við búnir
að missa sjálfstæði okk-
ar um aldur og ævi.“
var stofnað árið 1944. Við búum á
stóru en að vísu fremur harðbýlu
landi, en eigum margar og stórar
auðlindir, til dæmis fiskimiðin allt
í kring um landið, jarðhita í mjög
stómm mæli, geysimikla ónotaða
orku í fallvötnum, fijósaman jarð-
veg og margt fleira mætti nefna.
Við þurfum því engu að kvíða
ssem sjálfstæð þjóð, ef skynsam-
lega er á málum haldið. En þó eru
enn ótaldir einhveijir mestu kostir
landsins, hreint loft og nær ótak-
markað ómengað vatn. Nú eru
dökkar blikur á lofti. Áróður sá sem
rekinn hefur verið síðastliðið ár og
fram á þennan dag fyrir byggingu
risaálvers, vekur ótta um stóraukna
mengun hér á landi, ekki síst ef
slakað verður á kröfum um ítrustu
mengunarvarnir, eins og iðnaðar-
ráðherra hefur boðað og álviðræðu-
nefndin einnig. Umhverfisráðherra
fyrrverandi stjórnar sagði að með
byggingu þessa álvers aukist meng-
un á íslandi um 50%. Þetta fínnst
mér ískyggilegt. Með sama áfram-
haldi í byggingu stóriðju á Islandi
verður mengun liklega orðin svipuð
og í nágrannalöndunum eftir svo
sem einn og hálfan áratug. Þá verð-
ur að engu draumur margra um
ísland sem ómengað ferðamanna-
land.
Ég skora á alla góða íslendinga
að hugleiða það í rólegheitum og
fullri alvöru, hvort þeir vilja afsala
sjálfstæði landsins fyrir ímyndaðan
stundargróða. Hvort þeir vilja vax-
andi mengun eða hvort þeir vilja
ekki standa saman um ýtrustu
mengunarvarnarkröfur, ef af bygg-
ingu þessa álvers verður, eins og
flest bendir til.
Ég bið ykkur einnig að hugleiða
það í næði hvort stefna Sjálfstæðis-
flokksins í utanríkis- og stóriðju-
málum sé farsæl fyrir þjóðina og
sjálfstæði hennar. Ég tel að svo sé
alls ekki. Ég skrifa þessar línur til
þess að reyna að opna augun á ein-
hveijum sem ekki eru búnir að fá
auðvaldsblindu út af inngöngu ís-
lands í EB eða EES. Ég tel inn-
göngu í þá ríkjasamsteypu jaðra
við landráð. Ég kvíði engu um af-
komu þjóðarinnar þótt hún standi
utan við ailt slíkt.
EB þjóðirnar bráðvantar fisk, það
sýnir best hið geysiháa verð sem
þessi lönd hafa greitt fyrir hann nú
í sumar. Þess vegna hef ég enga
trú á að þessum þjóðum haldist
uppi til lengdar að hafa háa tolla á
fiski og fiskafurðum.
Við eigum undir engum kringum-
stæðum að fórna því sem ávannst
í baráttunni um útfærslu landhelg-
innar á liðnum áratugum.
Ég tel líka að við eigum að full-
vinna sem mest af þeim fiski sem
veiðist ár hvert hér við land til þess
að skapa aukna atvinnu og auknar
útflutningstekj ur.
Lifi sjálfstætt og fullvalda Island.
Höfundurerfrá Gilsd, búsetturá
Egilsstöðum.
I
Eitt verka Árna Laugdals.
Sýnir í
Galleríi
einn einn
ÁRNI Laugdal Jónsson (Zator)
hefur opnað myndlistarsýningu
í Gallerii einn einn á Skólavörðu-
stíg 4a.
Árni Laugdal fæddist í Reykjavík
árið 1938. Árni sem gengur undir
listamannsnafninu Zator nam
myndlist í Texas við Dallas Art
Institution á árunum 1965-68.
Hann hélt sína fyrstu einkasýningu
á Kaffi Tröð árið 1969. Árni hefur
síðan haldið um 20 einkasýningar,
mést á kaffihúsum bæði hér heima
og erlendis. Allir eru velkomnir að
sjá sýninguna sem stendur yfir frá
20. september til 29. september.
Hvað er
Armaflex
Það er heimsviðurkennd
pípueinangrun í hólkum,
plötum og límrúllum frá
Þ. ÞORGRÍMSSON &CQ
Ármúla 29 - Mulatorgi - Simi 38640
SUZUKI VITARA JLXi
Kraftmikill 5 dyra lúxusjeppi.
Suzuki Vitara er alvöru jeppi í spari-
fötum. Hann er lipur og þægilegur í
innanbæjarakstri og kraftmikill og
seigur í torfærum og vegleysurp.
Frábær fjöðrun, vökvastýri, vönduð
innrétting, rafdrifnar rúður, samlæs-
ing á hurðum, upphituð sæti auk
fjölda annarra kosta. Suzuki Vitara er
kjörinn fjölskyldubíll fyrir þá sem
hafa gaman af að ferðast um landið
og vilja ekki fórna þægindum fólks-
bílsins. í ofanálag er Suzuki Vitara
einstaklega sparneytinn. Komdu í
Suzuki bíla hf. og reynsluaktu Suzuki
Vitara. Það verður ást við fyrsta
akstur.
1.696.000 hK
BEINSKIPTUR '
1.823.000 hrt
SJÁLFSKIPTUR
$ SUZUKI
--.........
SUZUKIBÍLAR HF
SKEIFUNNI 17 . SÍMI 685100
*Verð miðast við staðgreiðslu