Morgunblaðið - 21.09.1991, Blaðsíða 40
40
MORGUNBLAÐIÐ LAUGARDAGUR 21. SEPTEMBER 1991
,,/Jú ertu buínn komc*. þess&rú
LoftbLö&nt af stccb.*
Meg-um við reynsluaka lion-
um, þessum?
hugmyndum?
HÖGNI HREKKVÍSI
„M'A ÉGBIDJA HINA EINUSÖNNU NAMMl-
TUNNU AD STANRA UPP j\ .
Hafnfirskir hundar
Húsmóðir skrifar í Velvakanda
12. september og gagnrýnir grein
mína „Dýravernd — Barnavemd".
Hún segir að ég ætti ekki að kalla
mig dýravin. Hver er ástæðan? Jú,
ég tel börnin rétthærri en hunda.
Spurningin er ekki hvort mér finn-
ist þægilegt að vera í sporum hunds
og verða fyrir grjótkasti. Spurning-
in er hvort húsmóðir vildi vera í
sporum barns á leikvellinum þar
sem einhver af krökkunum hefur
æst stóran og taugaveiklaðan hund
það mikið að hann byrjar að bíta.
Húsmóðir spyr hvort ég ætlist
til að lögreglan banki upp á hjá
fólki sem á hund og taki hundinn.
Svarið er: Já, að sjálfsögðu. Það
er bannað að vera með hund í Hafn-
arfirði og aumingjaskapur lögregl-
unnar er hneyksli. Ef menn treysta
sér ekki til að sinna sinni vinnu, á
að fá aðra menn í lögregluna. Það
er þessi aumingjaskapur lögreglu
sem er orsök þess að hundum fjölg-
ar óðfluga í Hafnarfirði. Hvað ætli
líði langur tími þar til lögreglan
bankaði upp á hjá mér ef ég væri
með rollu, svín eða naut í garðinum
hjá mér. Það er ekki dýravinur sem
á hund, því það er bannað, og þess
vegna á lögreglan að taka hundinn
í sína vörslu. Eg er nokkuð viss um
að húsmóðir hugsar vel um sín börn
og sinn hund. — En því miður eru
ekki allir þannig í þessu tímalausa
og stressaða þjóðfélagi. Og þegar
másandi og froðufellandi hundur
kemur hlaupandi á móti þér, getur
þú ekki spurt hann hvort hann sé
rétt uppalinn. Það eru því miður
meiri líkur til þess að stressaða og
tímalausa fólkið eigi hann.
Fólk kaupir hund án þess að
hafa nokkum tíma til þess að sjá
um hann. Já, kaupir. Það virðist
vera mottóið að kaupa sem dýrastan
hund, með fæðingarvottorði, ættar-
tölu og hvaðeina. Svo er náttúru-
lega valinn „réttur“ maki og hvolp-
arnir seldir hæstbjóðanda. Og
hvernig stendur á því að fólk kaup-
ir scháfer- eða collie-hunda handa
börnum? Af hveiju er svona mikið
um stóra hunda? Er það kannski
gamli rembingurinn að vera stærri
og betri en nágranninn? En málið
er að fólk hefur með yfirgnæfandi
meirihluta kosið að banna hunda í
Hafnarfirði. — Þó virðist hafa
gleymst að tilkynna lögreglunni
það.
Kæra húsmóðir! Ég get verið
dýravinur þó ég borði hvalkjöt, beiti
ánamöðkum og sé á móti hunda-
haldi í þéttbýli.
Dýravinur
Víkverji skrifar
Islandsmótinu í knattspyrnu er
lokið með glæsilegum en óvænt-
um sigri Víkings. Liðið er vel kom-
ið að titlinum „besta knattspyrnufé-
lag íslands". Eins og venjulega,
þegar svokölluð „stórlið" vinna ekki
mótið, koma fram raddir um að
íslandsmótið sé miklu lélegra en
þegar „stórliðin“ vinna það.
Að þessu sinni fer fremstur í
flokki nýbakaður landsliðsþjálfari,
Asgeir Elíasson, sem einmitt var
þjálfari eins „stórliðsins" í sumar.
Hann sagði í viðtali við Morgun-
blaðið á þriðjudaginn að Víkingar
hafi staðið næst því að verða meist-
arar fyrst Framarar hafí ekki orðið
meistarar! „Víkingar stóðu sig
nokkuð vel,“ er haft orðrétt eftir
Ásgeiri! Svona málflutningur hæfír
ekki landsliðsþjálfara íslands.
XXX
Miklar hræringar eiga sér nú
stað í íslenskum fjölmiðla-
heimi. Lengi hefur verið Ijóst að
flokksblöðin, þ.e. Tíminn, Þjóðvilj-
inn og Alþýðublaðið, ættu á bratt-
ann að sækja og það væri aðeins
spurning um tíma hvenær rekstur
þeirra kæmist í þrot. Sú stund er
nú upprunnin. Þjóðviljinn er með
greiðslustöðvun, Tíminn hefur sagt
upp öllu starfsfólki og innan Al-
þýðuflokksins er fjallað um framtíð
Alþýðublaðsins.
í Tímanum í gær er „frétt“ um
erfiðleika blaðsins. Þar segir m.a.
orðrétt: „Ákveðið hefur verið að
útgáfa blaðsins verði óbreytt a.m.k.
til áramóta, en tíminn þangað til
notaður til að skapa blaðinu traust-
ari rekstrargrundvöll með það að
leiðarljósi að tryggja útkomu blaðs-
ins í framtíðinni. Blaðið myndi
þannig verða mótvægi við Morgun-
blaðið og DV, sem leynt og ljóst
lúta forræði hægriaflanna í íslensku
þjóðfélagi."
Það er einmitt svona „frétta-
mennska" sem veldur því að blað
eins og Tíminn á í erfiðleikum.
Nútímafólk vill fá hlutlausar fréttir
en ekki leiðara í fréttum.
N
XXX
Busavígslur eru fyrirbrigði sem
tíðkast í framhaldsskólum
landsins. Eru þá nýnemar teknir inn
í samfélag eldri nemenda. Lengi vel
var þetta bara saklaus skemmtun
en hin seinni árin hefur borið á
grófara athæfi og nú í haust hefur
steininn tekið úr, samkvæmt fjöl-
miðlafréttum.
í Morgunblaðinu í fyrradag eru
ófagrar lýsingar af busavígslu í
Menntaskólanum í Hamrahlíð. Ný-
nemar voru m.a. látnir skríða eftir
myrkvuðum göngum úr skólaborð-
um og plastdúk og við endann á
göngunum settir inn í lokaðan
sturtuklefa, sem reyk var dælt inní.
Dæmi voru um það að sami neminn
var settur flmm sinnum inn í klef-
ann. Enda urðu sumir veikir og
komu heim alveg miður sín. Að
auki var súrmjólk og ýmsu öðru
ausið yfir nemana, þeir látnir þvo
bíla eldri nema og Víkveiji hefur
heyrt að sumir hafi verið látnir fara
í gegnum bílaþvottastöð með til-
heyrandi vatnsgangi og „burstun".
Og á Akureyrarsíðu í gær er mynd
af busavígslu í Verkmenntaskólan-
um þar í bæ og má þar sjá eldri
nemendur sprauta lýsi upp í ný-
nema með sérútbúinni byssu að því
er virðist.
Víkveiji tekur heils hugar undir
með Örnólfí Thorlacius, rektor MH,
en hann segist ekki sjá annað en
busavígslur af þessu tagi verði
bannaðar í framtíðinni ef þær eigi
að ganga út á niðurlægingu nýnema
og ofbeldi gagnvart þeim.