Morgunblaðið - 25.09.1991, Blaðsíða 22
22
MORGUNBLAÐIÐ MIÐVIKUDAGUR 25. SEPTEMBER 1991
MORGUNBLAÐIÐ MIÐVIKUDAGUR 25. SEPTEMBER 1991
23
JMtognnfrlfiMfe
Útgefandi
Framkvæmdastjóri
• Ritstjórar
Fulltrúar ritstjóra
Fréttastjórar
Ritstjórnarfulltrúi
Árvakur h.f., Reykjavík
Haraldur Sveinsson.
Matthías Johannessen,
Styrmir Gunnarsson.
Þorbjörn Guðmundsson,
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Björn Vignir Sigurpálsson.
Ritstjórn og skrifstofur: Aðalstræti 6, sími 691100. Auglýsingar: Aðal-
stræti 6, sími 691111. Afgreiðsla: Kringlan 1, sími 691122. Áskriftar-
gjald 1100 kr. á mánuði innanlands. í lausasölu 100 kr. eintakið.
Gott fordæmi
Fjárlagagerð ríkisstjórnar-
innar, og aðrar aðgerðir
hennar til að hemja ríkisút-
gjöldin, hafa verið helzta bit-
beinið í opinberri umræðu
síðustu vikurnar. Sitt sýnist
hverjum í þeim efnum, enda
eru Islendingar öðru vanir en
ráðstöfunum til sparnaðar í
opinberum rekstri. Vandamál-
ið, sem við er að glíma, er orð-
ið svo gífurlegt, að ekki verður
lengur skotið á frest að taka
það föstum tökum. Mikill halli
á rekstri ríkissjóðs, linnulausar
lántökur innanlands og utan
og hvers kyns umframeyðsla
mun skerða lífskjör þjóðarinn-
ar í nánustu framtíð.
Hver heilvita maður getur
gert sér grein fyrir því, hvaða
áhrif það hefur á rekstur venju-
legs heimilis, ef eytt er umfram
tekjur ár eftir ár, slegin enda-
laus lán og ráðist í hvers konar
framkvæmdir, sem engir pen-
ingar eru til fyrir. Menn skilja
það, sem á þeim sjálfum brenn-
ur. Hins vegar virðist mörgum
erfitt að skilja þegar það sama
gerist hjá ríkinu, því ópersónu-
lega bákni. Það virðist allt í
lagi að gera sífelldar kröfur á
hendur því í von um, að ein-
hver annar borgi brúsann.
Vandi ríkisfjármála er nú
orðinn svo mikill að skuldadög-
um verður ekki frestað. Það
er hlutverk ráðherra ríkis-
stjórnarinnar og þingmanna
stjórnarliðsins að gera almenn-
ingi grein fyrir þessu og kynna
þær ástæður, sem liggja að
baki þeim ráðstöfunum, sem
gripið er til. Þetta er reyndar
líka hlutverk stjórnarandstöð-'
unnar, en það virðist til of
mikils ætlast, að þingmenn
hennar hafi hagsmuni þjóðar-
innar í fyrirrúmi þegar þeir
hafa sjálfir rýmt stjórnarstól-
ana.
Ríkisstjórninni er brýn nauð-
syn á því að skapa það and-
rúmsloft í þjóðfélaginu, að all-
ur almenningur hafi skilning á
nauðsyn aðgerðanna. Ein for-
senda þess að svo megi verða
er, að ríkisstjórnin hreinsi til í
eigin garði áður en kröfur eru
gerðar til nágrannans. Hún
verður að ganga á undan með
góðu fordæmi.
Fátt fer meira í taugarnar
á skattborgurum en ferða- og
risnukostnaður hins opinbera.
Um langt árabil hefur verið
deilt um og hneykslast á bíla-
málum ráðherra, veizluhöldum
og ferðalögum. Reglur hafa
ítrekað verið endurskoðaðar,
en erfitt hefur reynzt að finna
þann meðalveg, sem almenn-
ingur sættir sig við.
Ríkisstjórn Daviðs Oddsson-
ar hefur þegar ákveðið að end-
urskoða öll þessi mál og nefnd-
ir hafa fengið það verkefni.
Ferða- og risnukostnaður árið
1989 nam 1,33% af ríkisút-
gjöldum, eða rúmlega einum
milljarði króna. Þessi upphæð
er varla undir 1.200 milljónum
í ár miðað við sama hlutfall
af fjárlögum. Til viðbótar þessu
bætist bifreiðakostnaður ríkis-
sjóðs, sem nam 1.300 milljón-
um árið 1989, líklega um 1.560
milljónum í ár.
Þetta eru miklar ijárhæðir,
ekki sízt með hliðsjón af þeim
gauragangi, sem orðið hefur
vegna áætlana um 200-300
milljóna króna skólagjöld.
Aform ríkisstjórnarinnar um
lækkun ferða- og risnukostn-
aðar eru af hinu góða, en til-
raunir til að minnka þennan
kostnað hafa meira og minna
runnið út í sandinn til þessa.
Áhrifaríkasta leiðin til að sýna
ríkiskerfinu það svart á hvítu,
að ríkisstjórnin er staðráðin í
því að minnka þennan kostnað,
eins og önnur ríkisútgjöld, er
áð ráðherrarnir gangi á undan
með góðu fordæmi. Það ber
að falla frá því ferðahvetjandi
dagpeningakerfi, sem gildir um
ráðherra og aðra æðstu emb-
ættismenn. Engin þörf er á
því, að þeir fái greidda fulla
dagpeninga með 20% álagi í
utanlandsferðum, auk greiðslu
hótelkostnaðar.
Bílamál ráðherra eru kapít-
uli út af fyrir sig. Þeir eiga
ekki að ákveða sjálfír, hvernig
bílar eru keyptir eða hvenær
þeir eru endurnýjaðir. Bezt er
að fela þau mál sérstökum
aðila innan ríkiskerfisins. Að
sjálfsögðu eiga ráðherrar að
greiða skatta af bílahlunnind-
um sínum eins og lög segja
almennt fyrir um. Það var ljót-
ur blettur á ríkisstjórn
Steingríms Hermannssonar,
hvernig ráðherrar hennar
tregðuðust við að greiða skatta
af bílahlunnindum eins og öðr-
um er gert.
Laun ráðherra og þing-
manna eru ekki há miðað við
þá miklu ábyrgð og álag, sem
á þeim hvílir. Af siðferðilegum
ástæðum er það rangt, að þeir
bæti sér það upp með bíla-,
ferða- og risnuhlunnindum.
Þessu þarf að breyta og vegna
nauðsynlegs sparnaðar og nið-
urskurðar í ríkisrekstrinum er
nú rétti tíminn til að ráða bót á.
Ráðhús Reykjavíkur:
Áætlaður kostnaður
rúmir 2,9 milljarðar
26% hækkun umfram kostnaðaráætlun ársins 1989
GERT ER ráð fyrir að heildarkostnaður vegna byggingar Ráðhúss
Reykjavíkur verði 2.950 milljónir króna miðað við meðalverðlag þessa
árs, samkvæmt upplýsingum sem lagðar voru fram í borgarráði í gær.
Er það 26% umfram kostnaðaráætlun frá árinu 1989 eða 611 milljónir.
A fjárhagsáætlun þessa árs eru 692 milljónir ætlaðar til framkvæmda
við húsið og er gert ráð fyrir að sú áætlun standist. I lauslegri áætlun
um búnað í húsið, vegna skrifstofuhalds, borgarstjórnar, borgarráðs,
mötuneytis, kaffihúss og veisluhalda í Tjarnarsal auk kostnaðar vegna
listaverka, er gert ráð fyrir 126 milljónum.
Þetta kemur fram í svari Stefáns
Hermannssonar aðstoðarborgar-
verkfræðings, við fyrirspurn Sigur-
jóns Péturssonar, um stöðu fram-
kvæmda og kostnað við Ráðhús
Reykjavíkur. Þar segir enn fremur
að hönnun hafi dregist nokkuð á
langinn, einkum vinna arkitekta.
94% vinnunnar sé lokið og er gert
ráð fyrir að henni verði að fullu lok-
ið 1. desember næstkomandi. Tímaá-
ætlun verktaka var miðuð við að
verkinu lyki í byijun apríl og að verk-
lokum yrði náð án þess að fjölga
stórlega á vinnustað síðustu mánuð-
ina. Seinkun hefur orðið á verkáætl-
uninni, einkum vegna hönnunar, mis-
mikil eftir verkþáttum en að meðal-
tali um 6 vikur. Talið er að hægt
verði að ná upp seinkuninni á þeim
sjö mánuðum sem eftir eru af verk-
tímanum.
Óskað var eftir yfirliti yfír kostn-
aðaráætlanir frá upphafí og fram-
reikningi á þeim til dagsins í dag.
Áætlanir ársins 1991 og spár hafa
verið miðaðar við vísitölu 184,8 stig
eða áætlað meðalverðlag þessa árs,
en núgildandi vísitala er 186,4 stig.
„í september 1987 var lauslega met-
ið að húsið myndi kosta 500 milljón-
ir króna, en bílastæðakjallari 250
milljónir króna, en þetta mat var
ekki byggt á neinum útreikningum
eða áætlunum, enda hönnun þá ekki
hafin. Þá lá aðeins fyrir samkeppni-
stillaga sem var um 20% minni en
síðar varð raunin.“
Fyrsta kostnaðaráætlun var send
borgarráði 22. febrúar 1988, og var
þá 979 milljónir miðað við 90 bíla-
stæði í kjallara á einni hæð. Áætlun-
inni er breytt 25. júlí 1988 í 1.071
milljón með tilliti til 130 bílastæða á
einni og hálfri hæð. Vísitala var þá
107,4 stig og er áætlunin framreikn-
uð til dagsins í dag 1.935 milljónir.
í janúar 1989 var gerð ný kostnað-
aráætlun og var heildarkostnaður
áætlaður 1.507 milljónir miðað við
vísitölu 125 stig. Framreiknuð er sú
áætlun 2.339 milljónir. Áætlanirnar
eru án framkvæmda við lóð og um-
hverfi og kostnaðar vegna húsgagna
og búnaðar. Við framreikning til
núgildandi verðlags er reiknað með
að virðisaukaskattur sem kom til í
ársbyijun 1990 valdi 5% hækkun.
Breytilegt verðlag er á tölum um
kostnað vegna hönnunar, umsjón,
eftirliti og byggingarstjórn. Til hönn-
unar er búið að veija um 336,5 millj-
ónum og tæpum 70 milljónum í
umsjón og eftirlit. Er gert ráð fyrir
að til verkloka verði kostnaður til
hönnuða 29,3 milljónir og vegna
byggingastjórnar og eftirlits 20,8
milljónir. Heildarkostnaður vegna
hönnunar er því 366 milljónir og
kostnaður vegna eftirlits 91 milljón.
Sami kostnaður miðað við meðal-
verðlag á árinu er vegna hönnunar
481,7 milljón og vegna umsjónar og
eftirlits 109,4 milljónir.
„Ef litið er til þessara sömu liða
í áætlun um heildarkostnað við bygg-
inguna frá því í janúar 1989 kemur
fram að vinna hönnuða er áætluð
391 milljón miðað við vísitölu 184,8
stig, en kostnaður við umsjón og
eftirlit er áætlaður 90,2 milljónir.
Hönnunarvinna fer því 90,7 milljónir
fram úr þeirri áætlun eða um 23%,
en kostnaður við umsjón og eftirlit
er nú áætlaður 19,2 milljón krónum
hærri en gert var ráð fyrir 1989, eða
sem nemur 21%. Sem hlutfall af
heildarkostnaði eru þessir liðir hins-
vegar í samræmi við áætlun."
Fram kemur að aðalverktaki
verksins sé ístak hf. og að greiðslur
til undirverktaka fari um hendur
hans að undanskilinni greiðslu til
Fagtækni hf. sem sér um vinnu við
glugga og gler. Hefur ístak hf. feng-
ið greiddar samtals 1.337,939 millj-
ónir og Fagtækni hf. samtals
129,972 milljónir.
Kostnaður vegna vinnu hönnuða og eftirlitsmanna
við ráðhús Reykjavíkur pr. 18. sept . 1991
1987 1988 1989 1990 1991 Heildarkostn.
HÖNNUN:
Studio Granda 7.770.049 29.136.811 28.539.542 25.276.851 13.693.411
Arkitektar GÓB sf. 240.732
Almenna verkfræðist. hf. 8.109.867 50.632.282 53.468.938 27.076.433 8.965.784
Rafhönnun hf. 1.236.386 10.853.247 13.136.919 14.092.898 7.858.331
Línuhönnun hf. 2.714.204 2.763.925 1.329.112 1.048.582
Hnrthf. 271.311 19.068
Verkfræðistofan Önn sf. 1.078.835 1.777.368 2.350.089 706.438
J.R. Preston & Partners 2.506.874 7.001.209 301.136 9.315.934 2.451.746
Friðrik Gíslason 98.000
Stefán Örn Stefánsson 381.926
Rögnvaldur Gíslason 9.856
Símtækni sf. 342.607
Sigurður Jónsson 136.984
Gunnar 1. Ragnarsson 351.195 18.444
Samtals kr.: 19.863.908 101.795.755 100.124.812 79.811.580 35.467.268 337.063.323
UMSJÓN og EFTIRLm
Mat sf. 1.777.868 15.276.139 17.935.292 18.483.526 13.809.838
Byggingad. borgarverkfr. 1.000.000 1.500.000
Samtals kr.: 1.777.868 15.276.139 18.935.292 19.983.526 13.809.838 69.782.663
SAMTALS KR.: 21.641.776 117.071.894 119.060.104 99.795.106 49.277.106 406.845.986
Þjóðhagsstofnun metur hag fiskveiða og fiskvinnslu:
Tap á sj ávarútvegi áætlað
5V2% af tekjum á næsta ári
Þjóðhagsstofnun áætlar að sjáv-
arútvegur í heild verði rekinn með
5‘/r% tapi sem hlutfall af tekjum
á næsta ári þegar tekið er tillit
til fyrirsjáanlegs aflasamdráttar
en stofnunin telur að um þessar
mundir sé sjávarútvegurinn rek-
inn með 1% hagnaði. Þjóðhags-
stofnun telur að fiskvinnsla sé nú
rekin með 7Vi%. halla, þar af sé
saltfiskvinnsla rekin með 14 Vi°/0
halla en frysting með 4‘/2% halla.
Þá telur stofnunin að 8% hagnaður
sé nú af útgerð en verði l’/2% á
næsta ári. I mati á afkomu næsta
árs er ekki gert ráð fyrir neinni
frekari hagræðingu í sjávarútvegi
og afla- og framleiðslusamdráttur
dreifist jafnt yfir öll fyrirtæki í
greininni.
Þorsteinn Pálsson sjávarútvegs-
ráðherra kynnti þessar niðurstöður
Þjóðhagsstofnunar á ríkisstjórnar-
fundi í gær. Hann sagði aðspurður
við Morgunblaðið, að ef þetta gengi
eftir kæmi til álita að stjórnvöld
gerðu einhveijar almennar ráðstaf-
anir á næsta ári. „Eins og þessar
tölur bera með sér er ljóst að þá
verða menn komnir í mjög almennan
vanda, sem verður miklu meiri og
þyngri en aflasamdrátturinn segir til
um,“ sagði Þorsteinn.
Hann sagði, að þama væri að hluta
til um tekjuskiptingarvandamál að
ræða. „Eins og sakir standa er ágæt-
ur hagnaður af útgerðinni í heild. Á
næsta ári verður hagnaður milli 1-2%
af þeim þætti en það er svo sem
ekki meira en lágmarkskröfur segja
til um. í annan stað hlýtur sjávarút-
vegurinn að mæta þessu með auk-
inni hagræðingu og betri nýtingu á
IJáiTestingu."
Þjóðhagsstofnun segir, að þrátt
fyrir miklar hækkanir á verði unn-
inna botnfiskafurða, og þrátt fyrir
hóflegar kostnaðarhækkanir á flest-
um öðrum aðföngum en hráefni,
hafi hagur vinnslunnar versnað mik-
ið frá því sem var á árinu 1990.
Ástæða þessa sé, að hráefnisverð
liafi hækkað mjög mikið. í þeim
áætlunum um afkomu botnfiskveiða
og vinnslu, sem stofnunin kynnti í
gær, er gert ráð fyrir að hráefnis-
verð sé 32% hærra en það var að
meðaltali á árinu 1990. Þetta þýðir
að hráefnisverð hefur hækkað 15%
meir en verð á afurðum vinnslunnar.
í áætlunum um afkomuna nú, er
hlutfall hráefniskostnaðar af tekjum
orðið tæplega 60% í frystingu og
tæplega 75% í söltun. Þetta háa hrá-
efnisverð færi hagnað frá vinnslunni
til veiðigreinanna.
Tillaga Norræna fjárfestingarbankans:
Norðurlönd komi upp
fj árfestingarbanka í
Eystrasaltsríkjunum
Framlag Islands yrði 60 milljónir króna
NORRÆNI fjárfestingarbankinn
Ieggur til að Norðurlöndin liafi
forgöngu um að koma upp sér-
stökum fjárfestingarbanka fyrir
Eystrasaltslöndin þrjú með útibú
í hverju landi. Samkvæmt tillögu
Norræna fjárfestingarbankans
yrði framlag Islands um 60 millj-
ónir króna sem dreifðist á fimm
ára tímabil.
Friðrik Sophusson kynnti þetta á
ríkisstjórnarfundi í gær. Sam-
kvæmt skýrslu, sem Norræni fjár-
festingarbankinn hefur skilað, er
mikil þörf fyrir nýtt fjármagn í
Eystrasaltslöndunum. Hins vegar
sé fjármagnsmarkaður þar ófull-
kominn og nái engan veginn að fjár-
magna nauðsynlegar framkvæmdir
og því er tillagan um fjárfestingar-
bankan lögð fram. Friðrik Sophus-
son sagði við Morgunblaðið, að
Finnar hefðu þegar samþykkt til-
löguna, og Danir hefðu tekið já-
kvætt í málið, þannig að greinilegur
áhugi væri á málinu á hinum Norð-
urlöndunum. En íslendingar þyrftu
að taka ákvörðun fyrir sitt leyti,
fyrir fund fjáfmálaráðherra Norð-
urlandanna í nóvember.
Á ríkisstjórnarfundinum í gær,
lagði Jón Sigurðsson viðskiptaráð-
herra til, að ríkisstjórnin tæki til
sérstakrar umræðu þá möguleika
sem Islendingar ættu á að veita
Eystrasaltslöndunum tækniaðstoð
og fjárhagsaðstoð.
Jón sagði fjölmargar tillögur og
aðgerðir uppi, bæði í norrænni sam-
vinnu og einstökum ráðuneytum.
Enginn vafi léki á, að íslendingar
gætu getum miðlað af reynslu sinni
til þessara þjóða sem nú væru að
setja upp markaðsbúskaparkerfi.
„Við höfum reynslu af því hvern-
ig breytingar verða á starfsemi hins
opinbera við slíkar aðstæður. Ég
veit að það er mikill áhugi hjá þeim
að kynnast því hjá okkur. Starfs-
menn iðnaðar- og viðskiptaráðu-
neytis hafa kynnt slík mál á vett-
vangi Eystrasaltsríkjanna, og þau
hafa mikið leitað til okkar um frek-
ara samstarf,“ sagði Jón Sigurðs-
son.
Menntamálaráð-
herra um LIN:
Tillögur um
breytingar
þarf að nota
„EINHVERJAR þeirra liug-
mynda sem ræddar hafa verið í
nefnd um breytingar á Lánasjóði
íslenskra námsmanna þarf að
mínu viti að nota. Tillögurnar
eru ekki komnar til mín en ég
veit að meðal þeirra eru vextir
á námslán og styttra greiðsl-
utímabil,“ segir Ólafur G. Einars-
son menntamálaráðherra.
Ólafur segir komið að þeim mörk-
um sem fjárveitingavaldið treysti
sér í beinum framlögum til lána-
sjóðsins. Hann hafi sett nefnd til
að leggja fram tillögur um breyting-
ar á lögum sjóðsins, en viti enn
aðeins af viðræðum^við nefndar-
menn um hugmyndir hennar.
Ólafur segir að ekki þurfi að
vera of mikið í einu skrefi að setja
vexti á námslán og stytta þann tíma
sem þau eru borguð til baka á.
„Það fer eftir því hve háir vextir
verða ákveðnir," segir hann. „Ég
held það skipti miklu meira máli
fyrir námsfólk að fá nægileg lán
til að framfleyta sér meðan á nám-
inu stendur, heldur en að borga þau
til baka á mjög löngu tímabili.
Þorlákshöfn:
F ólkið er kvíðafullt vegiia
framtíðar byggðarlagsins
Sala á kvóta Meitilsins til Dalvíkur yrði reiðarslag fyrir atvinnulífið í Þorlákshöfn
Selfossi.
MIKILL kvíði er í fólki í Þorlákshöfn vegna yfirvofandi sölu á Meitlin-
um til Útgerðarfélags Dalvíkur og flutningi á kvóta Meitilsins norður.
íbúar Þorlákshafnar telja það ógn við samfélagið þar ef af verður.
Kvóti Meitilsins er helmingur af veiðikvótanum í Þorlákshöfn og starf-
semi fyrirtækisins veitir 130 manns
óbein áhrif víðar en í Þorlákshöfn.
Einn viðmælenda í Þorlákshöfn
sagði það furðulegt að samvinnu-
menn sem áttu stóran þátt í að
byggja upp Þorlákshöfn vildu nú
leggja byggðina í rúst. Fiskverkunar-
kona sem rætt var við benti á þá
ísköldu staðreynd að eina iðnfyrir-
tækið á staðnum hefði brunnið fyrir
skömmu síðan. Það væri ærið að
kvótinn minnkaði sífellt þó þetta reið-
arslag með sölu á kvótanum norður
bættist ekki við. Það gengi ekki að
slíkar ákvarðanir væru teknar á bak
við tjöldin.
Treystum á góða menn
„Það er auðvitað dökkt hljóð í
okkur ef helmingur af kvótanum
hérna fer norður. Það verður lítið
að gera hérna ef þetta fer,“ sagði
Pétur Friðriksson hafnarvörður.
„Það sér hver heilvita maður að það
eru ekki bara þeir sem vinna hjá
Meitlinum sem finna fyrir þessu.
Fólk getur bara ekki hugsað sér það
að Meitillinn verði seldur. Við treyst-
beina atvinnu ásamt því að hafa
um því að góðir menn bjargi þessu,"
sagði Andrés Hannesson hafnarvörð-
ur.
Við eigum öll fiskinn í sjónum
„Þettá er nú bara þannig að ef
fólk ætlar að halda sönsum þá má
það bara ekki hugsa um þetta,“ sagði
Jóna Engilbertsdóttir vigtarmaður.
„Það er alveg ógurlegt til þess að
hugsa að hægt sé að leggja heilt
þorp í rúst með því að selja kvóta.
Þetta er sama staðan og á Stokks-
eyri ef Grandi kaupir þar. Á meðan
það viðgengst að hægt sé að selja
kvóta þá er þessi hætta fyrir hendi.
Það er búið að lána ómælt fé í
þetta fyrirtæki svo það geti starfað
hér á staðnum en ekki til þess að
flytja það burtu. Og það er ömurlegt
að örfáir menn geti ráðskast með
fiskinn í sjónum, sem þjóðin á, og
orðið milljónamæringar á því að selja
kvóta. Það á að banna kvótasölu, við
eigum öll fiskinn í sjónum," sagði
Jóna.
Getum ekki hugsað
þetta til enda
„Við getum ekki hugsað þá hugs-
un til enda að þetta fari. Það fólk
sem vinnur hér er allt heimafólk og
það hrynur allt hér ef helmingur af
kvótanum fer norður," sagði Ævar
Agnarsson verkstjóri í Meitlinum.
Hann sagði að þegar fyrra tilboðið
kom frá Dalvík í hlutabréf Hlutafjár-
sjóðs hefðu starfsmenn Meitilsins
sent Byggðastofnun viljayfirlýsingu
um að ekki væri gengið frá sölu
hlutabréfa án þess að starfsmenn
fengju að vita um það.
„Eg er viss um að starfsfólkið
beitir sér í þessu eins og hægt er
og það má alveg reikna með að tölu-
vert fé safnist í hlutafé hér á staðn-
um ef út í það fer,“ sagði Ævar og
einnig að það væri lýsandi dæmi um
vilja fólks að 75 ára gamall maður
hefði hringt í sig og sagst vera tilbú-
inn með eina milljón í hlutafé ef á
þyrfti að halda. „Hjá starfsfólki hér
gildir það viðhorf að hér sé fiskur
til staðar að vinna við,“ sagði Ævar.
Ekki hugsað um fólkið eða
sveitarfélagið
„Það gengur alls ekki að, þetta
fari og ég trúi því ekki að það ger-
ist. Þegar út í þessa kvótasölu er
komið er ekkert verið að hugsa um
fólkið eða sveitarfélagið," sagði Jóna
Bjarnadóttir verslunarmaður.
Atvinnulífið hérna lamast ef af
þessu verður og slíkt er keðjuverk-
andi. Fólk veltir þéssu auðvitað fyrir
sér, bæði þeir sem vinna í Meitlinum
og aðrir því þetta hefur alls staðar
áhrif. Maður kvíðir auðvitað framtíð-
inni og eitt er víst að ekki leggur
maður traust sitt á sambandið í þessu
efni. Ég trúi því að sveitarstjórnin
geti stöðvað þetta að einhverju leyti,“
sagði Jóna.
Það á að banna kvótasölu
„Það á að vera búið að banna það
fyrir löngu að selja kvóta,“ saðgi
Þórarinn Grímsson vöruflutningabíl-
stjóri. „Þetta lýsir Sambandinu vel.
Það byggði upp þennan stað og nú
ætlar það að drepa hann niður, bara
vegna þess að frammámenn SÍS búa
fyrir norðan.
Maður veltir þessu auðvitað fyrir
sér enda stendur rnaður uppi með
verðlausar eignir hérna ef af jiessu
verður og ekkert að gera. Ég vil
stöðva kvótasöluna og að kvótinn
verði staðbundinn en fari ekki á eft-
Morgunblaðið/Sigurður Jónsson
Pétur Friúriksson og Andrés Hannesson
hafnarverðir.
Ævar Agnarsson
verkstjóri.
Jóna Bjarnadótti
ir verslunarmað-
ur.
Jóna Engilberts-
dóttir vigtarmað-
ur.
Þórarinn
Grímsson vöru-
bílstjóri.
ir peningunum. Það gengur ekki að
peningamenn geti farið með eignir
fólks að eigin vild í gegnum þessar
kvótasölur. Við eigum öll þessi
auðævi sem eru í kringum landið,“
sagði Þórarinn Grímsson.
Sig.Jóns.
Miimihluti bæjarstjórnar Kópavogs:
Vill auglýsa reiti 12,13
og 14 í Kópavogsdalnum
Minnihluti bæjarstjórnar Kópavogs krafðist þess á bæjarstjórnarfundi
í gær að samþykkt bæjarráðs um lóðaúthlutanir til Ármannsfells hf. í
Kópavogsdal frá 12. september yrði afturkölluð og lóðirnar auglýstar.
Fulltrúar þeirra tveggja flokka sem mynda minnihluta í bæjarstjórn
gerðu athugasemdir við meðferð málsins og töldu afskipti Gunnars
Birgissonar, formanns bæjarráðs, af málinu óeðlileg þar sem liann ætti
hlut í fyrirtæki sem ætti hlut í Ármannsfelli hf. Auk þess hefði Gunnar
setið í stjórn fyrirtækisins á þessu ári. Meirihluti bæjarráðs telur að
minnihlutinn sé einungis að efna til pólitísks orðaskaks með athugasemd-
uin sínum.
Guðmundur Oddsson, fulltrúi Al-
þýðuflokks í bæjarstjórn, sagði að
upphaf málsins mætti rekja til þess
þegar ákveðið hefði verið að kaupa
36 hektara af landi í Kópavogsdal,
16. júlf, en eftir þá ákvörðun hefði
mikill hraði komist á málið. Á fundi
bæjarráðs 8. ágúst hefði skipulags-
stjóra verið heimilað að hefja skipu-
lagsvinnu á landinu en á sama fundi
hefði bæjarráð samþykkt erindi fyrir-
tækisins Gunnars og Gylfa sem ósk-
uðu eftir byggingarlóðum 12, 13 og
14 en einnig að skipuleggja lóðirnar
í samráði við skipulagsstjóra bæjar-
ins. Á fundi bæjarráðs 29. september
hefði verið lögð inn umsókn Ár-
mannsfells hf. um 30 raðhús, 6 par-
hús og 250 íbúðir á reitunum þremur
og hefði verið óskað umsóknar skipu-
lagsstjóra um hana. Á næsta fundi
hefði tillaga um að auglýsa umrædd-
ar lóðir verið felld en í stað þess
samþykkt tillaga Gunnars Birgisson-
ar, formanns bæjarráðs, um að Ár-
mannsfelli hf. yrði gefinn kostur á
reitum 12, 13 og 14 í Kópavogsdal
eða sama landi og fyrirtækinu Gunn-
ari og Gylfa hefði áður verið úthlut-
að. Þeir sem samþykktu tillöguna
voru Gunnar Birgisson, Guðni Stef-
ánsson og Sigurður Geirdal. Guðni
Stefánsson, fulltrúi Sjálfstæðis-
flokks, sagði að tillögur fyrirtækj-
anna Ármannsfells og Gunnars og
Gylfa hefði farið fyrir skipulagsnefnd
sem hefði komist að þeirri niðurstöðu
að tillögur Ármannsfells væru betri.
Guðmundur Oddsson sagði að
Gunnar hefði sagt ósatt á fundi
bæjarráðs þegar hann hefði neitað
því að hann hefði setið í stjórn Ár-
mannsfells hf. Hann sagði að Gunnar
hefði verið kosinn í stjórn fyrírtækis-
ins á aðalfundi í maí og úrsögn hans
hefði ekki borist firmaskrá fyrr en
2. maí þá hefði verið búið að ákveða
að Ármannsfell hf fengi umræddar
lóðir. Sagði Guðmundur að brotið
hefði verið gegn öllum siðareglum í
meðferð málsins.
Elsa Þorkelsdóttír, fulltrúi Alþýðu-
bandalags, tók í sama streng og
Gunnar en bætti við að í sínum huga
væri hér ekki einungis um brot á
siðareglum að ræða heldur einnig
lögbrot. Hún hvatti bæjarstjórn til
þess að samþykkja tillögu meirihlut-
ans um að auglýsa umræddar lóðir.
Ekki einungis til þess að bjarga
Gunnari Birgissyni heldur einnig
bæjarstjórninni allri.
Gunnar Birgisson, fulltrúi Sjálf-
stæðisflokks, sagðist vísa algjörlega
á bug öllum ásökunum í sinn garð.
Þær væru gripnar úr lausu lofti til
þess að efna til pólitísk orðaskaks.
Hann sagði að í stjórnartíð minni-
hlutans hefði verið skortur á lóðum
í Kópavogi en nú væri framboð nægi-
legt. Meirihlutanum hefði gengið vel
og hann myndi halda sínu striki.
Sagði Gunnar að tal um fjárhagsleg-
an ávinning vegna lóðanna til Ár-
mannsfells hf. væri gripið úr lausu
lofti.
Fundinum var frestað kl. 17, en
þá hafði hann staðið í tvo tíma, og
hófst aftur um klukkan 21. Éftir
umræður urn skipulagið var
gengið til atkvæða um það. Skipulag
á reitum 1-11 var samþykkt sam-
hljóða en fulltrúar minnihlutans sátu
hjá við atkvæðagreiðslu um reiti
12,13 og 14. Gerðu þeir grein fyrir
atkvæðum sínum þar sem fram kom
að hjásetan væri sökum þess að þeir
teldu óeðlilega hafa verið staðið að
úthlutun til verktaka á þeim reitum.
t