Morgunblaðið - 25.09.1991, Blaðsíða 31

MORGUNBLAÐIÐ MIÐVIKUDAGUR 25. SEPTEMBER 1991
31
Ný frímerki
9. okt. nk.
Frímerki
Jón Aðalsteinn Jónsson
Fyrir stuttu kom út fimmta til-
kynning Póst- og símamálastofn-
unarinnar, þar sem boðuð er út-
gáfa fimm nýrra frímerkja. Ég hef
tekið eftir þeirri breytingu, að frá
annarri tilkynningu _ þessa árs
stendur einungis PÓSTUR OG
SÍMI, en ekki hið löglega heiti
stofnunarinnar. Raunar skiptir
þetta ekki miklu máli, enda býst
ég við, að þeim á þeim bæ hafi
eins og mér þótt nafn það, sem
alþingismenn samþykktu á sínum
tíma á stofnunina, heldur þungla-
malegt og fara illa í munni. Hún
heitir engu að síður Póst- og síma-
málastofnunin, enda þótt það af
eðlilegum ástæðum styttist í það
að vera Póstur og sími. Samt er
hæpið að breyta nafni stöfnunar á
opinberri tilkynningu, hversu andk-
annalegt sem það kann að þykja.
Fyrsta frímerkið, sem kemur út
9. október, er gefið út til að heiðra
hundrað ára afmæli Stýrimanna-
skólans í. Reykjavík. Hann var ein-
'mitt settur í fyrsta skipti 1. októ-
ber 1891. Þess er getið í tilkynning-
unni, að Jón Sigurðsson forseti
hafi ritað um Skóla á íslandi í rit
sitt, Ný félagsrit, árið 1842 og
minnzt þar fyrstur manna á stýri-
mannaskóla á íslandi. Víst er það
rétt, því að Jón Sigurðsson víkur
einmitt í þessari merku ritgerð
bæði um skóla „handa kaupmanna-
efnum, stýrimannaefnum, og
handa öllum þeim sem læra ætla
handiðnir eða aðra borgara-athöfn.
Hins vegar tel ég það ósmekklegt
af póststjórninni að minnast ekki
í frásögn sinni einu orði á fyrsta
skólastjóra Stýrimannaskólans,
Markús F. Bjarnason, en hann átti
einmitt drýgstan þátt í stofnun
skólans á sinni tíð, enda hafði hann
um nær áratug á undan veitt ung-
um mönnum tilsögn í stýrimanna-
fræði að vetri til, þótt hann fengi
engan styrk til þess fyrstu árin.
Þegar þetta er haft í huga, hefði
mátt ætla, að íslenzka póststjórnin
eða þeir, sem hún hefur haft til
ráðuneytis um minningarfrímerki
af þessu tilefni, hefði valið mynd
af fýrsta skólastjóra Stýrimanna-
skólans á slíkt frímerki. Með hlið-
sjón af framansögðu hefði að mín-
um dómi verið ólíkt skemmtiiegra
að hafa gamla skólann við Stýri-
mannastíginn á merkinu en hina
nýju byggingu í Rauðarárholtinu.
Á það hefði svo mátt teikna mynd
af Markúsi með sextantinn efst á
palli skólahússins, þar sem nem-
endur hans æfðu homamælingar.
Þess konar frímerki hefði sómt
bæði Stýrimannaskólanum og
fyrsta skólastjóra hans. En úr
þessu verður auðvitað engu breytt.
Frímerki þetta hafa þeir Tryggvi
T. Tryggvason og Guðjón Davíð
Jónsson teiknað á vegum auglýs-
ingastofunnar Yddu hf., en þeir
hafa áður komið við sögu ísl. frí-
merkja. Verðgildi þess er 50 kr.
Merkið er prentað í Englandi með
svokallaðri offset litógrafíu-aðferð
hjá The House of Questa Ltd. í
London. Eru 50 frímerki í örk.
Dagoir frímerkisins 9. okt. nk.
Um allmörg ár hefur ísl. póst-
stjómin minnzt þessa dags með

ÍHasÓfiíÞ AOuí'
.... JÍ Á

mwmwwmwm 'wmwmm'm m ww%
ifaumm
f.
'ÍTW
-.V
• >r-.;. ?j THÞW’Bt!
;50
ý/' '
.. i
0 :
=
■HÍIbi ; íWliWSíBi
frímerkjaútgáfu og þá oftast með
fallegum smáörkum. Má segja, að
þetta sé næstum hið eina, sem
gerist þennan dag, því að smám
saman virðist því miður mjög hafa
dregið úr starfí frímerkjafélaga til
þess að kynna frímerkjasöfnun fyr-
ir almenningi. Er það miður, því
að ekki veitir af að örva menn og
þá helzt unglinga til þess að sinna
þessu holla og fræðandi tóm-
stundagamni.
Að þessu sinni fitjar póststjórn
okkar upp á skemmtilegri nýjung
með útgáfu fjögurra merkja með
myndum af þekktum skipum úr
siglingasögu Islendinga á 19. og
20. öld. Fer vissulega vel á útgáfu
slíkra frímerkja og hefði fyrr mátt
verða.
Sitthvað hef ég einnig hér við
útgáfu þessa að athuga. I tilkynn-
ingu Pósts og síma er talað um
smáörk. Á þá notkun .orðsins get
ég tæplega fallizt. Smáörk hefur
fram að þessu verið haft um litla
örk með einu eða fleiri frímerkjum
í og ævinlega með einhveijum texta
í kring, sem skýrir tilgang útgáf-
unnar. Hér virðist þessu ekki til
að dreifa, ef marka má tilkynning-
una. Þetta er í raun aðeins frí-
merkjaörk með átta frímerkjum í,
en tvö og tvö þeirra hafa sama
myndefnið. Ekki veit ég, hver hefur
ráðið þessu fyrirkomulagi, sem er
alveg nýtt í ísl. frímerkjasögu.
E.t.v. liggur hér einhver söluaðferð
að baki, eða svo gæti virzt. Hér
má sem sé fá fram tvö og tvö frí-
merki samhangandi, bæði lárétt og
lóðrétt, svo að úr geta orðið átta
mismunandi tvenndir. Þykir mér
ekki annað líklegt en margir safn-
arar vilji eiga þær allar í söfnum
sínum. Síðan má búast við, að
framleiðendur albúma taki slíkar
tvenndir upp í albúmblöð sín. Ljóst
er af þessu, að sala merkjanna
eykst verulega við þetta. Þá bætist
svo það við, að skipamyndir á frí-
merkjum eru orðin útbreidd mótíf-
söfnun um allan heim.
Ekki verður séð, að þessar tvær
útgáfur 9. okt. tengist í raun á
nokkurn hátt Degi frímerkisins,
nema ef vera skyldi,á þann hátt,
að skipin fluttu öll póst til og frá
landinu á sinni tíð.
Skipin, sem valin eru á frímerk-
in, eru þessi: Elzt er Sölöven eða
Sæljónið, eins og það nefndist á
íslenzku. Var það tvímöstruð
skonnorta og síðasta póstseglskipið
í íslandssiglingum. Fórst það undir
Svörtuloftum við Snæfellsnes
haustið 1857 með allri áhöfn og
nokkrum kunnum kaupmönnum
hér í Reykjavík. Þá tók við sigling-
um næsta ár gufuskipið Arcturus,
sem var einnig með seglabúnaði.
Prýðir mynd þess næsta frímerki
arkarinnar. Þá er mynd af Gull-
fossi eldra, sem var fyrsta skip
Eimskipafélags íslands hf. Var það
flaggskip íslenzka kaupskipaflot-
ans í aldarfjórðung eða fram að
síðari heimsstyijöld, þegar Þjóð-
vetjar kyrrsettu það í Danmörku.
Loks er fjórða skipið Esja (II), sem
lengst af var í strandsiglingum.
Hér er mér enn spum. Hvers vegna
var ekki mynd af fyrstu Esju valin?
Hún var um allmörg ár fljótandi
pósthús og þar var notaður sérstak-
ur stimpill, merktur Skip 1. Hins
vegar er mér ekki kunnugt um, að
seinni Esja hafi haft sérstakt póst-
hús um borð.
Hinn gamalreyndi og smekkvísi
frímerkjahönnuður póststjómar-
innar, Þröstur Magnússon, hefur
teiknað þessi skipafrímerki. Þau
eru prentuð í Englandi með offset-
lítógrafískri aðferð hjá BDT Inter-
national Security Printing Ltd. í
Buckinghamshire.
Verðgildi allra þessara skipa-
merkja er hið sama, 30 kr. Má lík-
legt telja, að það boði almenna
hækkun burðargjalds upp í þá upp-
hæð innan skamms.
Hvað um sérstimpil á
Degi frímerkisins?
I tilkynningu Pósts og síma er
ekki minnzt á sérstimpil á þessum
degi, en þess konar stimpill hefur
verið notaður óslitið frá 1961. Er
hér um að ræða einhveija stefnu-
breytingu hjá póstinum? Eða er hér
um bein mistök að ræða?
__________Brids____________
Umsjón Arnór Ragnarsson
Bridsfélag Sauðárkróks
Á mánudaginn var spilaður eins
kvölds tvímenningur og varð röð efstu
para þessi:
Kristján Blöndal - Bjarni Brynjólfss. 71
Ólafur Jónsson - Sólrún Júlíusdóttir 68
LárusSigurðsson-SigurðurGunnarsson 67
JónÖmBemdsewn-GunnarÞórðarson 67
Næsta mánudag verður einnig spil-
aður eins kvölds tvímenningur. Spilað
verður með forgjöf og peningaverð-
launum. Spilað er í Bifröst og hefst
spilamennska kl. 19.45.
Baldur og Jón Skeggi unnu á
Jöklamóti BH
Höfn.
Baldur Kristjánsson og Jón
Skeggi Ragnarsson sigruðu í Jökla-
móti Bridsfélags Hornafjarðar, sem
spilað var á Höfn um síðustu helgi
og hlutu kaldasta titilinn í þessari
grein íþrótta, Jöklameistarar 1991.
Það kom vel á vondan því séra
Baldur hafði áminnt menn við setn-
ingu móts um „að vega hvern ann-
an í bróðerni“ og taldi Guðbrandur
Jóhannsson við verðlaunaafhend-
ingu að menn hefðu sýnt Baldri og
Jóni Skeggja full mikið bróðerni í
leiknum.
Mótið fór mjög vel fram undir
góðri stjóm Sveins Rúnars Eiinks-
sonar og ánægjulegt var að sjá
spilara úr nær öllum landshornum
viðstadda. 30 pör tóku þátt í leikn-
um. Um lengstan veg kom par frá
ísafirði annað frá Vopnafirði, fimm
pör úr Reykjavík og eitt úr Kópa-
vogi og annað frá Hvolsvelli.
Heimamenn voru með 15 pör og
frá Reyðarfirði og af Héraði voru
6 pör.
Úrslit urðu:
Baldur Kristjánsson - Jón Sk. Ragnarss., Höfn 221
Jón V. Jónmundss. - Eyjólfur Magnússon, Rvk. 195
Jón B. Stefánsson - Siguijón Stefánsson, Egl. 188
Jón Hjaltason - Sigfús Ö. Ámason, Rvk. 179
Ólafur Sigmarsson - Kristján Magnúss., Vopn. 159
Bemódus Kristinss. - Þröstur Ingimarss., Kóp. 134
Arnar G. Hinrikss. - Guðmundur H. Jónss., ísaf. 109
Sveinn S. Sveinsson - VeigarSveinsson, Egl. 104
Ingvar Þórðarson - Gísli Gunnarsson, Höfn 87
Gestur Halldórsson - Magnús Jónasson, Höfn 76
Heimamenn eru þegar famir að
hlakka til næsta Jöklamóts og voru
jafnvel uppi raddir um að spila það
á jöklinum sjálfum en það skýrist
nú í fyllingu tímans.
- JGG
Morgunblaðið/JGG.
Jón Skeggi Ragnarsson og Baldur Kristjánsson sigruðu í Jöklamóti
Bridsfélags Hornafjarðar sem fram fór um síðustu helgi. Þeir hlutu
þar með titilinn jöklameistarar BH. Guðbrandur Jóhannsson afhenti
verðlaunin. Talið frá vinstri: Guðbrandur, Jón Skeggi og Baldur.
Bridsfélag kvenna
Nú er tveimur kvöldum af þremur
lokið í Mitchell tvímenningnum og er
staða efstu para þannig:
Þorgerður Þórarinsdóttir - Steinþór Ásgeirss. 703
Halla Bergþórsdóttir - Soffla Theodórsóttir. 653
Lovísa Jóhannsdóttir - Kristín Karlsdóttir 653
Margrét Margeirsdóttir - Júliana ísebam 611
Kristín Þórðardóttir - Ása Jóhannesdóttir 604
Kristín ísfeld - Hrafnhildur Skúladóttir 603
Ólína Kjartansdóttir - Ragnheiður Tómasdóttir 588
Ásgerður Einarsdóttir - Rósa Þorsteinsdóttir 576
LAUSBLAÐA-
MÖPPUR
frá Múlalundi...
... þær duga sem besta bók.
Múlalundur
SÍMI: 62 84 50