Morgunblaðið - 27.09.1991, Blaðsíða 26

26
MORGUNBLAÐIÐ FÖSTUDAGUR 27. SEPTEMBER 1991
Stofnþing Landsbjarg-
ar og hátíðarfundur
á morgun á Akureyri
STOFNÞING Landsbjargar - landssambands björgunarsveita verður
haldið í Iþróttahöllinni á Akureyri á morgun, laugardag, og að því
loknu verður hátíðarfundur haldinn, að viðstöddum forseta íslands.
Dagskrá fundarins hefst með
hátíðarræðu formanns Landsbjarg-
ar, sem kosinn verður á stofnþing-
inu, en dr. Ólafur Proppé er nú
formaður undirbúningsstjórnar. Þá
flytur frú Vigdís Finnbogadóttir
forseti íslands ávarp sem og Þor-
steinn Pálsson dómsmálaráðherra.
Biskup íslands, herra Ólafur Skúla-
son, flytur blessun sína og flutt
verða ávörp og kveðjur.
Jóhann Már Jóhannsson og
Margrét Pétursdóttir syngja ein-
söngslög, Þráinn Karlsson les ljóð
og flutt verður kammertónlist, en
að lokinni dagskrá verða kaffíveit-
ingar.
Um kvöldið er sameiningarfagn-
aður í Iþróttahöllinni, en skömmu
fyrir miðnætti verður glæsileg flug-
eldasýning og verður flugeldum
skotið á loft af varðskipinu Tý sem
staðsett vérður á Pollinum.
Þijátíu björgunarsveitir víðs veg-
ar að af landinu taka þátt í stofnun
Landsbjargar, en það eru Lands-
samband hjálparsveita skáta og
Landssamband flugbjörgunarsveita
sem sameina munu krafta sína í
hinum nýju samtökum.
Sálin hans Jóns míns

■ HLJÓMS VEITIN Sálin hans
Jóns míns heldur tii Akureyrar
um helgina og leikur í skemmtihús-
inu 1929. Sálveijar hafa undanfarn-
ar vikur unnið ötullega að þriðju
breiðskífunni sem út kemur áður
en langt um líður. Nokkur af nýju
lögunum hljóma nyrðra um helgina.
Þess ber að geta að áður hafði ver-
ið auglýst að Sálin léki í 1929 helg-
ina 4. og 5. október, en af því verð-
ur ekki.
■ TÓNLEIKAR verða í íþrótta-
höllinni á Akureyri í dag, föstu-
dag, kl. 18. Þar leika hljómsveitirn-
ar Stjórnin og GCD. Á undan þeim
leika akureyrsku hljómsveitirnar
Svörtu kaggarnir og Helgi og
hljóðfæraleikararnir. Ekkert ald-
urstakmark er á tónleikana, sem
standa til kl. 21. Frá kl. 22-03 verð-
ur dansleikur með Stjórninni og
GCD. Þá leikur Stjórnin í Sjallan-
um á laugardagskvöld.
Morgunblaðið/Rúnar Þór
Biskup Islands, herra Ólafur Skúlason, er nú á vísitasíuferð um Eyjafjarðarprófastsdæmi. Hann
var við messu í Bægisárkirkju í Oxnadal í gær, en með honum á myndinni eru prófastur Eyfirð-
inga, sr. Birgir Snæbjörnsson, og sóknarpresturinn, sr. Torfi Hjaltalín Stefánsson.
Eyjafjarðarprófastsdæmi:
Biskupi hvarvetna vel
tekið á vísitasíuferðinni
VÍSITASÍUFERÐ biskups íslands, herra Ólafs Skúlasonar, um
Eyjafjarðarprófastsdæmi hefur gengið mjög vel, en hún er nú
hálfnuð.
Hvarvetna hafa biskup og
fylgdarfólk hans hlotið hinar
bestu móttökur og samverustund-
ir með söfnuðum og á sjúkrastofn-
unum verið hinar ánægjulegustu.
Með biskup í för er eiginkona
hans frú Edda Sigurðardóttir, en
prófastur Eyfirðinga, séra Birgir
Snæbjörnsson á Akureyri, fylgir
þeim um héraðið.
Ferðin hófst síðastliðinn sunnu-
dag og kom biskup þá við í þrem-
ur kirkjum, að Möðruvöllum í
Hörgárdal, Glæsibæjarkirkju og
Glerárkirkju. í vikunni hefur hann
heimsótt Kaupangskirkju,
Munkaþverárkirkju, Lögmanns-
hlíðarkirkju, staldrað við á Krist-
nesspítala, að Hóium og verið við
messu í Möðruvallakirkju í Eyja-
fjarðarsveit og Saurbæjarkirkju,
en í þremur síðasttöldu kirkjunum
var þétt setinn hver bekkur við
messu á miðvikudag.
Á morgun, föstudag, verður
vísiterað í Grímsey og að Völlum
í Svarfaðardal. Messað verður að
Stærra-Árskógi fyrir hádegi á
laugardag og um kvöldið í Hrísey-
jarkirkju. Á sunnudag heimsækir
biskup Ólafsfirðinga, en um
kvöldið verður hann í Akureyrar-
kirkju. Eftir helgi verða Tjarnar-
og Urðarkirkjur heimsóttar. Pró-
fastur Eyfirðinga segir þess
vænst að fólk fjölmenni og fagni
biskupi sínum.
í efstu röð eru Björn Bjartmarz, Finnbogi Þorláksson og Óskar Jóhannsson. í miðröðinni eru
Guðmundur Stefánsson, Lárus Gunnlaugsson, Jóhanna Ragnarsdóttir, Bjarni Sigtryggsson, Finnur
Baldursson, Hilmar Sigurbjartsson, Róbert Agnarsson og Bjarni Hafþór Helgason, fremstir eru
Kristján Siguijónsson, Einar Viðarsson, Benedikt Bjarnason og Davíð Hjaltested.
Víkingar - Norðurlandi:
Stuðningsfélag stofnað
VÍKINGAR - Norðurlandi er heiti á stuðnings- og átthagafélagi sem
eldheitir stuðningsmenn Víkinga stofnuðu á Akureyri i vikunni. Um
20 manns hafa skráð sig í félagið, sem er meiri þátttaka en reiknað
var með.
Kristján Siguijónsson sem kjör-
inn var forseti sagði að fyrsta verk-
efni hins nýstofnaða félags væri
að efna til hópferðar norðanmanna
er Víkingar vígðu nýtt íþróttahús
sitt í nóvember.
Björn Bjartmarz framkvæmda-
stjóri og hetja Víkinga færði hinum
norðlensku Víkingum að gjöf
treyju sína nr. 17, þá er hann
klæddist er hann skoraði mörkin
tvö gegn Víði í keppninni um
ístandsmeistaratitilinn.
Þeim Norðlendingum sem taug-
ar bera til Víkinga geta skráð sig
í félagið hjá forsetum þess þeim
Róbert Agnarsson í Reykjahlíð í
Mývatnssveit og Einar Viðarsson
á Akureyri auk Kristjáns
Brids:
Stórmót Bridsfélags Akur-
eyrar og Flugleiða um helgina
STÓRMÓT Bridgefélags Akur-
eyrar og Flugleiða verður hald-
ið á Akureyri dagana 27. og 28.
september.
Spilað verður í Hamri, félags-
heimili íþróttafélagsins Þórs. Mót-
ið hefst kl. 20. annað kvöld, föstu-
dagskvöld, og eru mótslok áætluð
um kl. 19 á iaugardag. Peninga-
verðlaun eru fyrir þijú efstu sæt-
in, en auk þess verður keppt um
tvenn aukaverðlaun í annarri og
þriðju lotu, þannig að keppendur
þurfa ekki að leggja upp laupana
þó illa gangi framan af spila-
mennskunni.
Amtsbókasafnið:
Sýning á amerískum
bókum og tímaritum
SÝNING á amerískum bókum og tímaritum verður opnuð á Amts-
bókasafninu á Akureyri næstkomandi mánudag, 30. september,
kl. 13.00. Á sýningunni verða um 380 titlar frá um 80 útgefendum.
Viðfangsefni þessara rita, sem
flest eru gefin út á árunum 1989-
1991 er umhverfismál, séð frá öll-
um sjónarhornum, en meginá-
herslan er á þau atriði sem helst
hafa verið í brennidepli undanfarin
ár; gróðurhúsaáhrif og loftmeng-
un, súrt regn, offjölgun, orkumál,
vatnsmengun, eyðing skóga og
þurrkar. Þá eru nokkur sýnishorn
bóka sem fjalla um það hvernig
hægt er að hafa áhrif á umhverfið
með breyttum lifnaðarháttum og
samfélagslegum aðgerðum.
Sýningin verður opin á opnun-
artíma safnsins og stendur hún
yfir fram til miðvikudagsins 2.
október. Bókasýning þessi er á
vegum Menningarstofnunar
Bandaríkjanna og verður hún sett
upp á Egilsstöðum er henni lýkur
á Ákureyri, eða 3. október næst-
komandi og þar á eftir í Banda-
ríska bókasafninu í Reykjavík 9.
október.
Fréttatilkynning