Morgunblaðið - 28.09.1991, Page 25
24
MORGUNBLAÐIÐ LAUGARDAGUR 28. SEPTEMBER 1991
MORGUNBLAÐIÐ. I.AL'GARDAGUR 2.8.. .SEPTJEMBER, J99I
?-■« * •* » » * #. S
25
Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Ritstjórnarfulltrúi
Arvakur h.f., Reykjavík
Haraldur Sveinsson.
Matthías Johannessen,
Styrmir Gunnarsson.
Þorbjörn Guðmundsson,
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Björn Vignir Sigurpálsson.
Ritstjórn og skrifstofur: Aðalstræti 6, sími 691100. Auglýsingar: Aðal-
stræti 6, sími 691111. Afgreiðsla: Kringlan 1, sími 691122. Áskriftar-
gjald 1100 kr. á mánuði innanlands. I lausasölu 100 kr. eintakið.
Einstaklingiirinn og
réttarkerfið
Fyrsta júlí næstkomandi
verður gjörbreyting á
aldagamalli skipan réttar-
kerfisins í landinu. Þá koma
til framkvæmda lög, sem
samþykkt voru vorið 1989,
og fela í sér fullan aðskilnað
dómsvalds og umboðsvalds í
héraði. Breytingin rekur fyrst
og fremst rætur til þess að
núgildandi réttarskipulag var
ekki talið tryggja með óyggj-
andi hætti hlutleysi dómara
í héraði, þar sem sýslumenn
og bæjarfógetar hafa afskipti
af málum bæði sem lögreglu-
stjórar og dómarar. Það var
heldur ekki talið samræmast
ákvæðum Mannréttindasátt-
mála Evrópu um rétt ein-
staklinga til að fá mál sín
útkljáð fyrir óhlutdrægum
dómstóli. Með hinni nýju
skipan er fyrir það girt að sá,
sem rannsakar mál, kveði
jafnframt upp dóm í því.
Undirbúningur þess að
skilja að dómsvald og um-
boðsvald í héraði hefur nú
staðið í tvö ár - og kemur
til framkvæmda um mitt
næsta ár. Af því tilefni efndi
Þorsteinn Pálsson dómsmála-
ráðherra til blaðamannafund-
ar í fyrradag. Þar sagði hann
m.a. að þessar breytingar
væru erhhveijar þær um-
fangsmestu sem gerðar hefðu
verið á réttarskipan í nokkru
landi á síðari tímum, en með
þeim væri bylt því fyrirkomu-
lagi sem ætti rætur að rekja
til þess er allir þættir ríkis-
valdsins sameinuðust í kon-
ungsvaldi.
Hin nýja réttarskipan felur
það í sér að komið verður á
fót átta héraðsdómstólum,
sem dæma bæði í einkamál-
um og refsimálum. Umdæm-
in fylgja kjördæmismörkum,
með þeirri undantekningu, að
Seltjarnarnesbær, Mosfells-
bær og Kjalarness- og Kjós-
arhreppar heyra til umdæmi
héraðsdóms Reykjavíkur.
Héraðsdómstólarnir verða í
Reykjavík, Borgarnesi, á
ísafirði, Sauðárkróki, Akur-
eyri, Egilsstöðum, Selfossi og
í Hafnarfirði. Embætti borg-
arfógeta og bæjarfógeta
leggjast af. Framvegis verður
stærsti hluti stjórnsýslu rikis-
ins í héraði í höndum sýslu-
manna í 27 stjórnsýsluum-
dæmum að Reykjavík meðtal-
inni.
Breytingin hefur og í för
með sér mikla tilfærslu á
verkefnum. Embætti verða
lögð niður og önnur ný stofn-
uð. Sýslumenn munu sinna
flestum þeim verkefnum, sem
dómarar í fógeta-, uppboðs-
og skiptarétti hafa með hönd-
um, svo og þinglýsingum, en
héraðsdómstólar munu leysa
úr ágreiningi um gerðir sýslu-
manna. Margskonar fram-
kvæmdastörf varðandi gjald-
þrota- og dánarbúskipti verða
falin sérstökum skiptastjór-
um, en úrskurðir um opinber
skipti á dánarbúum, gjald-
þrotaúrskurðir o.fl. færast til
héraðsdómstóla. Ýmis verk-
efni, sem nú eru í höndum
dómstóla, færast til sýslu-
manna, s.s. skráning ýmissa
réttinda, leyfisveitingar og
borgaralegar hjónavígslur.
Þá munu sýslumenn annast
verkefni eins og lögskilnaðar-
leyfi, umgengnisrétt og með-
lagsgreiðslur með börnum,
en þau hafá áður heyrt undir
dómsmálaráðuneytið.
Með nýjum lögum um með-
ferð opinberra mála verður
lögreglustjórum falið ákæru-
vald í málúm, sem varða brot
á umferðarlögum og öðrum
brotum þar sem ekki liggur
við þyngri refsing en sekt eða
varðhald. Með breytingu á
sömu lögum verður ákærða
gert skylt að vera viðstaddur
málsmeðferð, réttarstaða
sakbornings verður gerð
skýrari og heimildir lögreglu-
stjóra til að ljúka málum með
sektargreiðslum verða
víðtækari en nú er í því skyni
að létta álagi af dómstólum.
Ástæða er til þess að ætla
að þessar víðtæku breytingar,
með og ásamt bættri starfs-
aðstöðu og tölvuvæðingu,
sem fram undan eru, hraði
málum í dómskerfinu, sem á
stundum hefur verið svifa-
seint. En mergurinn málsins
er þó sá, að þessar breytingar
tryggja betur, eftir en áður,
hlutleysi dómara í héraði,
eyða tortryggni og koma
heim og saman við ákvæði í
Mannréttindasáttmála Evr-
ópu. Með öðrum orðum, þær
styrkja réttaröryggi einstakl-
inganna í samfélaginu. Sá er
höfuðkostur þeirra. Af þeim
sökum er þessi breyting á
aldagamalli skipan réttar-
kerfisins í landinu fagnaðar-
efni.
AÐALFUNDUR SAMTAKA FISKVINNSLUSTOÐVA
Stöðugleiki brýnasta hags-
munamál fiskvinnslunnar
Akureyri. Frá Agnesi Bragadóttur, blaðainanni Morgunblaðsins.
AÐALFUNDUR Samtaka fiskvinnslustöðva ályktaði í fundarlok í
gær að brýnasta hagsmunamál íslenskrar fiskvinnslu sé að áfram-
hald verði á þeim stöðugleika í efnahagslífinu sem náðist í þjóðar-
sáttarsanmingunum í ársbyrjun 1990. I ályktuninni segir að með
þeim hafi verið sköpuð skilyrði til hagvaxtar og heilbrigðis í allri
stjórn efnahagsmála. Halda beri áfram á sömu braut og verði kjara-
samningar, gengisstefna og ríkisfjármál að taka mið af þessari
stefnumótun.
„Það gengur ekki að á aðhalds-
tímum sé af opinberri háifu dælt
inn i efnahagslífið lánveitingum
sem nema tugum milljarða eins
og gerist í húsnæðiskerfinu,
lánsfjáreftirspurn sem knýr vexti
upp á við fyrir alla landsmenn og
fyrirtæki," segir síðar í ályktun-
inni.
Jafnframt segir að fjármagns-
kostnaður sé umtalsverður hluti
rekstrarkostnaðar fiskvinnslu-
stöðva, þess vegna sé nauðsynlegt
að vaxtagjöld séu sambærileg við
það sem gerist í samkeppnislönd-
unum. Til að tryggja það verði
samkeppni í bankastarfsemi að
vera virk meðal annars með er-
lendri samkeppni og að vaxtamun-
ur verði ekki óeðlilega hár vegna
ógætilegrar útlánastefnu banka,
sjóða og opinberra aðila.
Aðalfundur SF telur að for-
senda lítillar verðbólgu næstu ár
sé trúverðug gengisstefna sem
feli í sér að raungengi hækki ekki
frá því sem nú er. „Aðalfundurinn
hafnar öllum hugmyndum um auð-
lindagjald og minnir á að framsal
veiðiréttinda er hornsteinn í þeirri
stefnu að ná fram meiri hag-
kvæmni í útgerð. Sá ábati sem
smátt og smátt mun koma í ljós
við þetta stjórnunarkerfi er skatt-
lagður af fullum þunga af samfé-
laginu,“ segir í ályktuninni. Þar
segir jafnframt að tillögur um
álögur sem hafi ekkert með stjórn-
un að gera og séu rökstuddar „af
meintum réttlætissjónarmiðum“
séu ekki til þess fallnar að auðlind-
in skili sem mestum arði fyrir þjóð-
arbúið í heild.
Veiðigjald forsenda
gengisbindingar
- segir Þorkell Helgason, prófessor
ÞORKELL Helgason prófessor flutti erindi um veiðigjald á aðal-
fundi Samtaka fiskvinnslustöðva í gær. Hann sagðist telja að taka
yrði af skarið um álagningu veiðigjalds áður en ráðist yrði í varan-
íega bindingu gengisins. „Veiðigjald er forsenda þeirrar bindingar,"
sagði Þorkell.
Frá aðalfundi Samtaka fiskvinnslustöðva.
Morgunblaðið/Rúnar Þór
Þorsteinn Pálsson sjávarútvegsráðherra:
Sj ávarútvegur fengið óhóflega
mikið rúm í þjóðmálaumræðunni
»
Allt of margir tala með þeim hætti að atvinnugreinin sé afæta á þjóðfélaginu
Þorsteinn Pálsson, sjávarútvegsráðherra og Vilhjálmur Egilsson,
framkvæmdastjóri Verslunarráðs, ræðast við á fundinum í gær.
Akureyri. Frá Agnesi Bragadóttur, blaða-
manni Morgunblaðsins.
ÞORSTEINN Pálsson sjávarút-
vegsráðherra hélt ræðu á fundi
Samtaka fiskvinnslustöðva á
Akureyri í gær. Hann sagði að
sjávarútvegur á íslandi hefði
fengið óhóflega mikið rúm í
þjóðmálaumræðunni að undanf-
örnu.
„Allt of margir ábyrgir aðilar í
þjóðfélaginu tala um sjávarútvegs-
mál með þeim hætti að atvinnu-
greinin sé afæta á þjóðfélaginu
og maður fær það á tilfinninguna
að ýmsum finnist sem byrðum sé
af þeim létt í hvert sinn sem sjáv-
arútvegsfyrirtæki fer á hausinn,“
sagði sjávarútvegsráðherra. „Þeir
sem helst stýra flölmiðlaumræð-
unni virðast ekki hafa tekið eftir
eða kannski ekki viljað taka eftir
offjárfestingu á þjónustusviðinu.
Þar eru menn ekki kallaðir til
ábyrgðar og engum hefur komið
til hugar að leggja skatt á þjón-
ustu og verslun til að auka ha-
græðingu.“
Háir raunvextir éta fram-
leiðslufyrirtæki á gaddinn
- sagði formaður VSÍ á aðalfundi SF
Akureyri. Frá Agnesi Bragadóttur, blaðamanni Morgunblaðsins.
„ÞESSI notkun ríkisins á peningum er augsýnilega aðalorsök þess
að hér eru raunvextir ékki lengur upp til fjalla heldur eru þeir komn-
ir upp til himna og stefna hærra,“ sagði Einar Oddur Krisljánsson,
formaður VSI, er hann ræddi um nauðsyn þess að lækka raunvexti
á aðalfundi Samstaka fiskvinnslustöðva á Akureyri í gær.
Einár Oddur sagði að á langtíma-
lánym væru raunvextir nú áætlaðir
um 10% en vitað væri að á skamm-
tímalánum, sem fyrirtæki þyrftu
að miklu leyti að byggja daglegan
rekstur sinn á, værp raunvextir
15-20%.
„Þetta er hreinn voði,“ sagði Ein-
ar Oddur Kristjánsson. Hann sagði
ennfremur: „Líklega verður þetta
ár, ár sem hið opinbera tekur lán
upp á 31-33 milljarða króna. Á
sama tíma er áætlað að heildar-
sparnaður í landinu verði 26 millj-
arðar króna.“.
Einar Oddur sagði að ef eyðslu-
æði hins opinbera yrði ekki stöðvað
yrðu vandamálin óleysanleg. Hann
sagði að hæðist verðbólgustig hér
niður í 2-3% væri hægt að ná niður
raunvaxtastiginu. „Ef við náum
sátt við verkalýðshreyfinguna, Al-
þýðusambandið, verður stærsta
verkefnið að ná sátt í þjóðfélaginu
um að hið opinbera minnki notkun
sína á peningum,“ sagði Einar Odd-
ur.
Formaður VSÍ sagðist í þeim
efnum ekki vera með neinar smá-
upphæðir í huga heldur 15 milljarða
króna á ársgrundvelli á verðlagi
þessa árs, sem hann sagði vel fram-
kvæmanlegt, tækist það yrði hægt
að lækka hér raunvexti.
Hann sagði að lífeyrissjóðirnir
yrðu að taka þátt í því brýna verk-
efni að lækka raunvexti. „Við verð-
um áð ætla þeim að geta séð lengra
nefi sínu. Núna, meðan vertíðin
stendur sem hæst, er freistandi að'
geta fengið 10-15% raunvexti, en
ég vona og trúi því að launþegar
þessa lands geri sér grein fyrir því
að háir raunvextir í landi þar sem
enginn hagvöxtur er og ekki von
um neinn hagvöxt, koma frá því
■ að éta framleiðslufyrirtækin út á
gaddinn," sagði formaður VSI.
Sjávarútvegsráðherra vék að
því að fyrirtæki í sjávarútvegi yrðu
að laga sig að þeim sveiflum sem
ávallt verði í afla og afurðaverði.
En hann sagði að til þess að fyrir-
tækin gætu tekist á við slík verk-
efni þyrftu þau vissulega að búa
við sanngjörn rekstrarskilyrði
þannig að þau gætu byggt upp
sterka eiginijárstöðu.
Ráðherra boðaði að margt benti
til þess að nauðsynlegt myndi
reynast að hafa verulegar tak-
markanir á afla næstu fjögur til
fimm árin.
Er ráðherra ræddi um gengis-
málin sagði hann að við þær að-
stæður sem nú blasa við teldi hann
óráðlegt og ógerlegt að binda
hendur íslendinga með því að
tengjast evrópska myntkerfinu,
ECU, með formlegum hætti.
„Slíkar ráðstafanir koma ekki til
greina að mínu viti nema við þau
skilyrði að sjávarútvegurinn búi
við verulega góða eiginfjárstöðu
og fyrirtækin geti mætt sveiflum
sem ávallt verða í rekstri sjávarút-
vegsfyrirtækja," sagði Þorsteinn.
Er ráðherra ræddi um verðjöfn-
unarsjóð sjávarútvegsins sagði
hann að hann hefði ákveðið að
setja á fót alveg á næstunni nefnd
til þess að fjalla um álitaefni um
málefni sjóðsins og gera tillögur
um hvemig sveiflujöfnun innan
sjávarútvegsins yrði komið í
framtíðinni. „Ég mun kappkosta
að þessu endurskoðunarstarfi
verði hraðað þannig að niðurstöður
geti legið fyrir í byijun næsta árs.“
Ráðherra ræddi möguleika þess
að draga úr útflutningi á óunnum
fiski og sagði að margar þær hug-
myndir sem ræddar hefðu verið
hyggju nærri skuldbindingum ís-
lendinga á alþjóðavettvangi og
væru andstæðar þeirri þróun sem
nú eigi sér stað varðandi viðskipti
í Evrópu. „Lausnin hér er ekki boð
og bönn,“ sagði ráðherra. í lok
máls síns sagði Þorsteinn Pálsson:
„Sjávarútvegurinn þarf sjálfur að
ganga á hólm við neikvæða þjóð-
málaumræðu með samstilltum
kröftum og þeim ásetningi að sýna
þjóðinni í verki að menn eru stöð-
ugt að gera betur.“
j,Vart et' til nema ein lausn innan
þess opinbera hagkerfis sem við
búum nú við eða stefnum að í æ
ríkari mæli. Hún er fólgin í lækkun
á raungengi samhliða álagningu
auðlindaskatts á beinan hátt,
þ.e.a.s. með veiðigjaldi," sagði Þor-
kell. Hann kvaðst telja að álagning
veiðigjalds gæti verið með tvennu
móti. Sölu eða leigu veiðileyfa í
formi uppboðs eða gjaldtöku fyrir
veitta aflakvóta. Þorkell kvaðst
telja að gengisfelling væri annað
meginatriðið í þeirri kerfisbreytingu
sem hann reifaði í máli sínu. Hana
mætti ekki gera óvirka með tilheyr-
andi kauphækkunum ella yrði ekki
um lækkun raungengis að ræða.
Því fæli tillagan í sér nokkra kjara-
skerðingu í bráð. „Allt annað væri
óraunsætt í ljósi þeirra tveggja
markmiða hennar, að eyða halla á
viðskiptunum við útlönd og að bæta
kjör útflutnings- og samkeppnis-
greina," sagði Þorkell.
Þorkell sagði undir lok máls síns
að hann hefði í erindi sínu fjallað
um álagningu veiðigjalds einvörð-
ungu „til þess að koma á eðlilegu
gengi og tryggja stöðugleika. Reynt
hefur verið að sýna fram á það að
það ætti að vera kappsmál fisk-
vinnslunnar að koma á slíkri skip-
an“.
Vilhjálmur Egilsson alþingismað-
ur og framkvæmdastjóri Verslunar-
ráðs íslands var andmælandi Þor-
kels á aðalfundinum um álagningu
veiðigjalds. Vilhjálmur sagði að
umræða um þessa gjaldtöku fyrir
veiðileyfi væri athyglisverð í Ijósi
þess að sjávarútvegurinn byggi að
nokkru við lægri skattheimtu en
aðrar atvinnugreinar og mætti þar
nefna að tryggingargjald sem
leggst á laun væri aðeins 2,5% í
sjávarútvegi og iðnaði meðan flest-
ar atvinnugreinar greiddu 6%.
„Eins njóta sjómenn sérstaks af-
sláttar frá tekjuskatti sem þýðir að
minni þrýstingur er á launahækk-
anir frá útgerðarfyrirtækjum. Hefði
mátt ætla að talsmenn gjaldtöku
vildu fyrst samræma núverandi
skatta sjávarútvegsins við aðrar
atvinnugre'inar áður en þeir legðu
til nýjar álögur,“ sagði Vilhjálmur
í ræðu sinni.
Vilhjálmur sagði að mikið hefði
verið íjallað um að fiskimiðin væru
sameign þjóðarinnar án þess að
nokkru sinni hafi verið skilgreint
hvað það þýddi. Þegar upp væri
staðið virtist þó svo sem flestir settu
samasemmerki milli þjóðarinnar og
ríkissjóðs í þessu tilviki þannig að
fiskimiðin væru í raun þjóðnýtt eign
íslenska ríkisins.
„Við sem höfum mælt á móti því
að ríkið selji veiðileyfi teljum meðal
annars að það sé ekki réttlátt að
sá sem hefur fengið úthlutað kvóta
og veiðir eingöngu sinn kvóta eigi
allt í einu að fara að greiða fyrir
þann rétt sem hann hefur alltaf
haft. Ennfremur er það ljóst að sá
sem hagnast af því að selja sinn
rétt að hann gerir með því að spara
fyrir heildina og greiðir af því tekju-
skatt af þeim söluhagnaði sem hann
hefur fengið. Því er ekki réttlátt
að skattleggja þennan sparnað sér-
staklega hvað þá heldur að þvinga
hann fram,“ sagði Vilhjálmur.
FiskvÍHnslunni er spáð
10% taprekstri á næsta ári
Opinberir sjóðir hafa óskað uppboðs yfír 50 sjávarútvegsfyrirtækja
AÐALFUNDUR Samtaka fiskvinnslustöðva var haldinn á Akureyri í
gær. Arnar Sigurmundsson, formaður SF, sagði í skýrslu stjórnar fyr-
ir liðið starfsár að þrátt fyrir dökkt útlit fyrir afkomu fiskvinnslunnar
á þessu ári, taprekstur upp á 7,5% samkvæmt mati Þjóðhagsstofnun-
ar, væru horfúr næsta árs enn verri, eða taprekstur upp á 9,6%, sem
jafngildir 3,7 milljarða króna tapi.
mæli en áður, gjaldþrotum myndi
fjölga í kjölfar aukinna vanskila.
„Fiskvinnslan mun ekki þola
þennan taprekstur. Auðvitað er af-
koma fyrirtækja mjög misjöfn en
það breytir ekki þeirri staðreynd að
meðalhalli upp á tæp 10% mun færa
nær öll fiskvinnslufyrirtæki í tap-
rekstur á næsta ári,“ sagði Arnar.
Arnar sagði aflasamdrátt á næsta
ári kalla á sársaukafullar aðgerðir
hjá mörgum sjávarútvegsfyrirtækj-
um, ættu þau að hafa minnstu
möguleika á að lifa af. Sameining
aflaheimilda og fiskvinnslufyrir-
tækja myndi eiga sér stað í ríkari
„Opinberir sjóðir hafa nú óskað
uppboðs hjá yfir 50 sjávarútvegsfyr-
irtækjum vegna vanskila við
Byggðastofnun og Atvinnutrygging-
arsjóð. Vanskil sjávarútvegsfyrir-
tækja við þessa sjóði nema 1.200
milljónum króna af 1.900 milljóna
heildarvanskilum við sjóðina," sagði
Arnar Sigurmundsson.
Abendingar varðandi endurmat
á starfsemi Skipaútgerðar ríkisins
eftir Halldór Blöndal
Málefni Skipaútgerðar ríkisins
hafa verið til umræðu undanfama
daga í kjölfar þeirrar ákvörðunar
ríkisstjórnarinnar að starfsemi
fyrirtækisins skuli endurmetin og
kannað hvort enn um sinn sé þörf
á áframhaldandi rekstri Skipaút-
gerðarinnar eða hvort tímabært
sé að leggja hana niður. Margt
hefur í þessum umræðum verið
fullyrt, sem ekki á við rök að styðj-
ast. Þar má telja fullyrðingar for-
stjóra Skipaútgerðarinnar um
hagnað af Færeyjasiglingunum og
ýmis orð annarra manna um til-
gang þessa endurmats. Ég tel því
rétt að koma á framfæri eftirfar-
andi ábendingum:
Endurmat á starfsemi Skipaút-
gerðarinnar og þær aðgerðir sem
ákveðnar verða í framhaldi af því
byggjast á tveimur grundvallar-
forsendum. í öðru lagi að létt verði
af skattgreiðendum þeim bagga
sem rekstur Skipaútgerðarinnar
er.
Samningum við Samskip hf. um
Færeyjasiglingar hefur verið sagt
upp, enda hafa þær verið reknar
með halla, ef dæmið er reiknað til
enda. Forstjóri Skipaútgerðar
ríkisins hefur talið að einnar millj-
ónar króna hagnaður sé af þeim
á mánuði síðan um áramót. I út-
reikningum hans er ekki tekið til-
lit til allra þátta, þannig að endile-
ysa kæmi út úr dæminu, ef þjón-
usta við aðrar hafnir yrði reiknuð
með sama hætti. Þannig eru allar
tekjur af flutningi til og frá Fær-
eyjum tíundaðar að fullu, en á
hinn bóginn ekki gert ráð fyrir
neinni hlutdeild þessara siglinga í
fjármagnskostnaði eða afskriftum
ellegar í sameiginlegum kostnaði
eins og við stjórnun, vöruaf-
greiðslu, verkstæði og fleiri deildir.
Halldór Blöndal
„Forstjóri Skipaútgerð-
ar ríkisins hefur talið
að einnar milljónar
króna hagnaður sé af
þeim á mánuði síðan um
áramót. I útreikningum
hans er ekki tekið tillit
til allra þátta, þannig
að endileysa kæmi út
úr dæminu, ef þjónusta
við aðrar hafnir yrði
reiknuð með sama
hætti.“
Ég hef ákveðið að eitt af skipum
Skipaútgerðarinnar verði sett á
söluskrá, þar sem ekki eru not
fyrir það eftir að Færeyjasigling-
um er hætt, en í því er fólginn
verulegur sparnaður.
í næstu viku er að vænta
áfángaskýrslu sem Björgúlfur Jó-
hannsson endurskoðandi á Akur-
eyri er að vinna að um efnahag
og starfseini Skipaútgerðarinnar.
Þá verður haft formlegt samband
við þá aðila sem annast þjónustu
við ströndina. Ég nefni Samskip
hf. og Eimskipafélag íslands hf.
og vitaskuld Félag íslenskra stór-
kaupmanna, en formaður þess og
framkvæmdastjóri hafa ritað mér
bréf þar sem fram kemur „að inn-
an þess starfar hópur fyrirtækja,
sem væri hugsanlega reiðubúinn
til þátttöku í rekstri Skipaútgerð-
arinnar“.
Þetta var mér ókunnugt áður
og ég hlakka til að fá fund og
upplýsingar um hugmyndir þessa
hóps, ef vera kynni að þá fyndust
leiðir til þess að einkaframtakið
leysti ríkisreksturinn af hólmi.
Að lokum legg ég áherslu á að
ákvarðanir hafa ekki verið teknar
um fleiri skref varðandi rekstur
Skipaútgerðarinnar en fram komu
á blaðamannafundi síðastliðinn
þriðjudag og ég hef hér lýst. í
þeim efnum er mikil vinna fram-
undan. Líka í öðrum fyrirtækjum
og stofnunum, sem rekin eru fyrir
opinbert fé, þar þurfum við líka
að spara eins og í Skipaútgerð
ríkisins.
Höfundur er samgöngurádhcrra.