Morgunblaðið - 08.10.1991, Blaðsíða 44

44
MORGUNBLAÐIÐ ÞRIÐJUDAGUR 8. OKTÓBER 1991

*
5|7
,Jtbn<irL MÍH*blés þes&ct, upp. "
Ast er...
5-30
... að lofa henni að sofa út.
TM Reg. U.S. Pat Off.—all rights reserved
® 1991 Los Angeles Times Syndicate
Með
morgnnkaffinu
Hundurinn er veikur. Eitthvað
varð ég að gera...
Vandi minn er að það nennir
enginn að hlusta á mig...
HÖGNI HREKKVISI
„SKR.ITIO! -• þESSI LÖGGA
Eie ENN 'A EFTI^ OKKUR í "
Þessir hringdu . ..
Afnema þungaskatt
Jón Trausti hringdi og sagðist
vilja koma með ábendingu til rík-
isstjórnarinnar um það að koma
til móts við díselbílaeigendur í
landinu og afnema allan þunga-
skatt. Hann sagði að ríkisstjórnin
hefði lofað því að minnka álögur
og hún ætti að standa við það
með því að afnema þungaskatt-
inn. Það gæti verið næsta skref
til þjóðarsáttar og myndi án efa
afla ríkisstjórninni vinsælda.
Týndi poka í flugstöðinni
Anna hringdi og sagði ömmu
sína hafa komið frá Mallorka að-
faranótt 2. október en svo illa
hefði viljað til að hún tapaði hvít-
um poka í flugstöðinni. Sennilega
hefur einhver tekið hann með sér
heim óvart og biður Anna þann
hinn sama að hafa samband við
sig. Pokinn er hvítur með Rodier-
merki og í honum var ein pappír-
skilja, ilmvatnsglas og nýir barna-
strigaskór. Anna er í síma 16119.
Næsti kúnni
Guðrún vildi koma á framfæri
athugasemd við matvörukaup-
menn. Hún sagðist hafa farið í
matvöruverslun nú á dögunum og
þegar hún hefði verið komin að
kassanum hefði blasað við henni
skilti sem á stóð: Næsti kúnni”.
Hún sagði að sér fyndist þetta
ljót íslenska og auðvelt væri að
segja Næsti viðskiptavinur” í stað-
inn. Hún sagðist hafa heyrt að
margir viðskiptavinir hefðu kvart-
að yfir þessu en ekkert væri gert.
Handklæðaþjófnaður
Björk hringdi og sagði frá því
að handklæði dóttur hennar hefði
verið stolið frá henni í sundmið-
stöð Keflavíkur. Þetta var Fanta-
handklæði sem dóttir hennar hafði
unnið í samkeppni á vegum Fanta.
Björk sagðist hafa heyrt að hand-
klæðaþjófnaður í sundlaugum
væri mjög algengur og hún vildi
beina þeirri spurningu til þeirrar
stúlku er tók handklæðið hvernig
henni þætti að lenda í því að uppá-
haldshandklæðið hennar yrði tek-
ið? Björk er í síma 92-14806 ef
einhver veit um Fanta-handklæði
dóttur hennar.
Gullhringur
Gullhringur fannst fyrir utan
verslunina Arnarhraun í Hafnar-
firði 3. október. Upplýsingar veitt-
ar í síma 652274.
Vísan með Rannveigu og
krumma
Hinrik Bjarnason sagði vísuna
með Rannveigu og krumma, sem
amma spurði um á dögunum,
væri að finna í litlu kveri sem
gefið hefði verið út árið 1968 eða
1969. Kverið heitir Ég sá mömmu
kyssa jólasvein” og það var prent-
smiðja Jóns Helgasonar sem gaf
það út. í því eru þessar vísur sem
og aðrir textar eftir Hinrik. Hann
sagði ömmu áreiðanlega geta
fengið þetta á bókasöfnum.
Stormviðvörun
Almannavarna
Maður hringdi og vildi gera
athugasemd við stormviðvörun
Almannavarna sem gefin var út
fyrir óveðrið í síðustu viku. Hann
sagði að þær hefðu einungis aug-
lýst stormspá en ekkert úr hvaða
átt stormurinn væri. Hann sagði
það skipta heilmiklu máli fyrir sig
þar sem í suðaustanátt þyrfti
hann að byrgja allt niður en fyrir
norðanáttinni fyndi hann lítið.
Sami maður vildi þakka Byko fyr-
ir góða fyrirgreiðslu. Hann sagð-
ist hafa farið í Bykoverslun og
beðið um ákveðinn hlut sem ekki
hefði verið til en þeir Bykomenn
hefðu pantað hann og eftir 1 og
‘Míma hefði hann verið kominn
með hlutinn í hendurnar.
Busavígslur fínar
Busi vildi koma því á framfæri
að honum fyndist ástæðulaust að
vera að agnúast út í busavígslur,
þær væru ekki hræðilegar eins
og fólk léti af. Hann sagði að sér
hefði fundist gaman að vera bus-
aður og vildi alls ekki láta busa-
vígslur leggjast.af.
Fyrirspum til borgarstjómar
Vegna óeðlilega langs tíma sem
tekið hefur að undirbúa Tjarnar-
götuna vegna ráðhússins spyr íbúi
við götuna borgarstjórn eftirfar-
andi spurninga:
1. Hversu lengi þurfum við að
sætta okkur við stöðugt vatnsleysi
sem aldrei er tilkynnt fyrirfram?
2. Er hægt að krefjast fulls afnota-
gjalds af síma sem aldrei er vitað
um hvort er í lagi eða ekki?
3. Hvers vegna er ekki íbúum
Tjamargötu svo og öðrum tryggð
mannsæmandi ganga yfir götuna?
4. Hvar eiga íbúar Tjarnargötu
að leggja bílum sínum í framtíð-
inni þar sem Búnaðarbankinn hef-
ur fengið bílastæðið gegnt hjálp-
ræðishernum og girt það af með
læstri keðju, Póstur og sími fær
leigðan hluta hinna 120 bílastæða
sem verða undir ráðhúsinu og af-
gangurinn eflaust notaður í þágu
ráðhúss? Finnst borgarstjórn ekki
eðlilegt að fella niður gjaldskyldu
á bílastæðum gegnt Happdrætti
Haskóla íslands?
5. Er þetta framlag borgarstjórnar
til viðhalds og lífs í gamla miðbæn-
um?
Afar óánægður sjálfstæðismað-
ur við Tjarnargötu sem finnst
flokkurinn hafa brugðist bæði
á borgar- og landsvísu.
Víkverji skrifar
Sýning íslenzku óperunnar á
Töfraflautu Mozarts er mjög
skemmtileg og full ástæða til að
hvetja fólk til að sjá hana. Sviðsetn-
ing er mjög óvenjuleg og einkennist
af mikilli hugmyndaauðgi. Sviðið í
Gamla bíói er svo lítið, að það er
með ólíkindum, hvað hægt er að
gera á þessum litla bletti. Þá er
ekki að ástæðulausu að gagnrýn-
endur hafa lofað sviðsbúnað.
Skærasta stjarna sýningarinnar
er hin kornunga týrkneska söng-
kona, sem syngur Næturdrottning-
una. Söngkonan er ekki nema 23
ára gömul en stendur sig frábær-
lega vel. Það áreiðanlega rétt, sem
Víkvetji hefur einhvers staðar séð
haft eftir Garðari Cortes, að þessi
unga söngkona á eftir að ná langt
á óperusviðinu.
Það er töluverð breidd að skap-
ast í hópi óperusöngvara okkar.
Ólöf Kolbrún Harðardóttir er burð-
arás í hverri sýningu óperunnar,
sem hún tekur þátt í. Raunar er
alveg ljóst, að þau Garðar Cortes
hafa borið uppi sýningar óperunnar
fram á síðustu ár. Viðar Gunnars-
son er sterkur söngvari og þau
Bergþór Pálsson og Sigrún Hjálm-
týsdóttir hafa náð því marki að
geta borið uppi sýningar, sem þau
taka þátt í. Þorgeir Andrésson er
ungur og óreyndur en einhvern tíma
verður ungt fólk að fá tækifæri til
að byija.
Þessi sýninger íslenzku óperunni
til mikils sóma og vonandi sýnir
fólk þakklæti sitt í verki með því
að sækja þessar sýningar. Óperan
þarf á góðri aðsókn að halda og
framundan er annað stórvirki, upp-
setning á Ótelló eftir áramótin.
xxx
að hefur lítið verið fjallað í fjöl-
miðlum hér um ráðningu
Garðars Cortes, sem óperustjóra við
óperuna í Gautaborg. Þessi ráðning
hefur hins vegar vakið athygli út-
lendinga. Fyrir skömmu var hér á
ferð ungverskur sendifulltrúi, sem
hefur aðsetur í Stokkhólmi. Tónlist-
ariíf, þ. á m. óperustarfsemi er ein-
staklega fjölbreytt í Ungveijalandi
og þá sérstaklega Búdapest, sem
stendur í raun og veru jafnfætis
Vínarborg í þeim efnum. Hinum
ungverska sendifulltrúa kom mjög
á óvart, að óperustjori hinnar litlu
íslenzku óperu hefði verið ráðinn
til óperunnar í Gautaborg, sem
væri mjög framarlega á sínu sviði
í Evrópu.
Þessi ráðning er auðvitað til
marks um, að þeir, sem horfa á
þessa starfsemi úr nokkurri fjar-
lægð gera sér betri grein fyrir því
en við hin, sem hér búum, hvers
konar afrek það er að hafa komið
íslenzku óperunni á fót og haldið
starfsemi hennar gangandi. Sá sem
það hefur gert hefur skipað sér í
röð fremstu brautryðjenda í menn-
ingarmálum á íslandi.
xxx
að hefur ekki verið beinlínis
þægilegt að sitja á hinum
gömlu og hörðu bekkjum Gamla
bíós á óperusýningum eða tónleik-
um. Nú er hins vegar orðin breyting
á. Stólarnir hafa verið bólstraðir
og mun þægilegra fyrir fólk að sitja
þar og fylgjast með sýningum! Is-
lenzka óperan er því síður en svo
að draga saman seglin. Hún er
þvert á móti að sækja á og það er
ekki sízt ánægjulegt, þegar svo víða
kreppir að. Þessi framsókn óper-
unnar byggist ekki á því, að hún
hafi úr svo miklu að spila. Hún
byggist á metnaði og hugsjón
þeirra, sem í forystu eru og lista-
fólksins, sem leggur hönd á plóginn
og áheyrenda, sem sýna stuðning
sinn í verki með ýmsum hætti. Hún
byggist líka á vaxandi skilningi
ráðamanna á þessari starfsemi.