Morgunblaðið - 22.10.1991, Blaðsíða 15
MORGUNBLAÐIÐ ÞRIÐJUDAGUR 22. OKTÓBER 1991
15
síðar í þessari grein, kom fyrrver-
andi heilbrigðisráðherra á fót svo-
kölluðu samstarfsráði heilsugæslu-
stöðva með setningu reglugerðar.
Þannig tókst honum að sjá til þess
að flokksbræður hans í Framsókn-
arflokknum hefðu tögl og hagldir í
stjórn heilsugæslunnar í Reykjavík.
Fulltrúum Reykvíkinga var haldið
utan við samstarfsráðið og þannig
gert erfitt um vik, að fylgjast með
áætlunum og athöfnum ráðsins.
Starfshættir samstarfsráðsins
eru tortryggilegir og benda til þess,
að það ætli sér að koma á heilsu-
gæslukerfi, eins og áður er lýst, þar
sem ekkert tillit er tekið til þeirrar
starfsemi, sem fýrir er. Samstarfs-
ráðið hefur starfað í anda þess ein-
strengingslega lagafrumvarps, sem
lagt var fyrir Alþingi haustið 1989.
I meðförum Alþingis voru margir
stærstu gallarnir sniðnir af frum-
varpinu, en það var til lítils, ef
ákvæði um valfrelsi í frumheilbrigð-
isþjónustunni eru ekki virt í raun.
Þessa dagana er samstarfsráð
heilsugæslustöðva að skila tillögum
til heilbrigðisráðherra og aldrei
þessu vant hafa þær verið kynntar
í stjórn Heilsuverndarstöðvar
Reykjavíkur og í stjórnum heilsu-
gæsluumdæmanna. Meðal sér-
stakra forgangsverkefna í tillögum
samstarfsráðsisn er útvegun nýs
húsnæðis fyrir heilsugæslustöð
Hlíðasvæðis hið fyrsta. Aðeins 5
ár eru síðan þessi heilsugæslustöð
var opnuð og er fyrri stofnkostnað-
ur farinn fyrir lítið, ef starfsaðstað-
an úreldist á svo skömmum tíma.
Það er betra að flýta sér hægt og
taka yfirvegaðar ákvarðanir um
framtíð þessarar heilsugæslustöðv-
ar, ef það mætti verða til þess að
spara skattgreiðendum endurnýjað-
an stofnkostnað á nokkurra ára
fresti.
Hér þarf að huga að því, að eng-
inn skortur er á læknis- eða heilsu:
verndarþjónustu á þessu svæði. í
jaðrinum á „upptökusvæði” heilsu-
gæslustöðvar Hlíðahverfis í Drápu-
hlíð er Heilsuverndarstöð Reykja-
víkur starfrækt í rúmgóðu húsnæði
með þrautþjálfuðu starfsfólki í
heilsuvernd og heimahjúkrun. í
Domus Medica starfa 10 heimilis-
læknar og auk þess starfar einn
heimilislæknir á Laugavegi 42 og
annar á Háteigsvegi 1.
Fjárfesting í nýju húsnæði á
þessu svæði er í anda þess laga-
frumvarps, sem getið var um hér
að framan og er fremur í ætt við
þröngsýna hugmyndafræði en heil-
brigða skynsemi. Ofangreindar
hugmyndir eru móðgun við þá íbúa
Reykjavíkur, sem hafa enga heil-
brigðisþjónustu í hverfum sínum og
þær eru í andstöðu við boðaðar
aðhaldsaðgerðir í þjóðfélaginu.
Leggjum samstarfsráðið niður
Samkvæmt gildandi lögum um
heilbrigðisþjónustu er Reykjavík
skipt í 5 heilsugæsluumdæmi. Að-
eins 4 þeirra eru þó talin til heilsu-
gæsluumdæma Reykjavíkur, því 5.
umdæmið er talið til heilsugæslu-
umdæmis Seltjarnarness og nær
yfir allt svæðið sunnan Hringbraut-
ar og vestan flugvallar.
I hvetju heilsugæsluumdæmanna
í Reykjavík er 5 manna stjórn. For-
maður stjórnar er skipaður af ráð-
herra án tilnefningar, en Reykjavík-
urborg tilnefnir 3 fulltrúa og starfs-
fólk heilsugæslustöðva 1.
í heilbrigðisþjónustulögunum,
sem afgreidd voru frá Alþingi 4.
maí 1990, eryfirlætislítil en afdrifa-
rík setning, þar sem segir:
„Ráðherra setur reglugerð í sam-
ráði við héraðslækni um fyrirkomu-
lag á samvinnu heilsugæslustöðva
innan Reykjavíkurlæknishéraðs.”
Á þessari setningu í lögum um
heilbrigðisþjónustu byggði fyrrver-
andi ráðherra reglugerð, sem gefin
var út 4. september 1990. Þar var
kveðið á um stofnun „samstarfsráðs
heilsugæslustöðva” og að í þessu
ráði skyldu sitja 4 formenn stjórna
heilsugæsluumdæmanna, sem að
sjálfsögðu voru allir flokksbræður
ráðherrans úr framsóknarflokkn-
um. Auk þess skyldi héraðslæknir-
inn í Reykjavíkurlæknishéraði sitja
í ráðinu og til bráðabirgða formaður
stjórnar Heilsuverndarstöðvar
Reykjavíkur.
Samstarfsráð heilsugæslustöðva
hefur að verulegu leyti sniðgengið
stjórnir heilsugæsluumdæmanna og
stjórn Heilsuverndarstöðvar
Reykjavíkur. Af því hef ég reynslu,
sem fulltrúi Reykvíkinga í stjórn
Heilsuverndarstöðvar Reykjavíkur
og í stjórn heilsugæsluumdæmis
Vesturbæjar.
Samstarfsráð heilsugæslustöðva
á sér hæpna stoð í lögum um heil-
brigðisþjónustu, eins og valdsvið
þess og umfang er skilgreint í reglu-
gerð um samvinnu heilsugæslu-
stöðva. Samstarfsráðið hefur tekið
sér það vald, að vera yfirstjórn
stjórna heilsugæsluumdæmanna og-
stjórnar Heilsuverndarstöðvar
Reykjavíkur. Að mínu mati hefur
samstarfsráðið fremur stuðlað að
stjórnunarlegri óvissu og sundr-
ungu en samræmingu og ég hef
áður lýst þeirri skoðun minni, að
nafngift þess sé löngu orðin að
öfugmæli. Ég legg því til, að sam-
starfsráð heilsugæslustöðva verði
lagt niður og að framkvæmdastjóri
heilsugæslustöðva og héraðslæknir-
inn í Reykjavík sjái um samræm-
ingu á starfi heilsugæslustöðvanna
í samráði við stjórnir heilsugæslu-
umdæmanna og heilbrigðisráð-
herra. Þetta er viðunandi bráða-
birgðalausn, en breytir ekki þeirri
staðreynd, að ný ríkisstjórn Sjálf-
stæðisflokks og Alþýðuflokks þarf
að breyta heilbrigðisþjónustulögun-
um í átt til aukinnar valddreifingar
og sjálfstæðis heilbrigðisstofnana,
eins og stjórnarsáttmáii flokkanna
gefur fyrirheit um.
Höfundur er læknir og
varaborgarfulltrúi í Reykja vík.
Hann á sæti í stjórn
Heilsu verndarstöðvar
Reykjavíkur og
heilsugæsluumdæmis
Vesturbæjar.
[ 6 0 *
^ VEUUM ÍSLENSKT 4>
Verslunareigendur — innkaupastjórar §|pv
Okkar stolt eru íslensk kort eftir íslenskt listafólk
■ Málverkakort eftir meistara Kjarval — 12 teg. fl klippimyndir eftir Sigrúnu Eldjárn —15 teg.
■ Vetrarljósmyndir eftir Rafn Hafnfjörð — 55 teg. fl Einnig 70 teg.af hefðbundnum kortum
VÖNDUM VALIÐ — VELJUM ÍSLENSKT cW
■■■ LSTRM kf PRENTSMIÐJA B»8 1 Dl\f1 ni KORTAUTGAFA
■■■ Símar 22930 - 22865, fax 622935.
Listasmíð
RÍngO hurðirnar eru þýsk meistarasmíö sem
sameinar stílfegurð og notagildi.
Þær eru fallegar og hlýlegar, úr völdum
efniviði og í framleiðsiu þeirra ráða
umhverfissjónarmið ferðinni.
RÍngO hurðirnar hafa opnað nýjar víddir með
óvenjulegri fjölbreytni í litum og gerð,
miklum styrk, hljóðeinangrun og ótrúlega
einfaldri uppsetningu.
HIIRfllR
ÁRMÚLA 10 • S í M I 812888
Líttu inn e&a hringdu
eftir glæsilegum
íslenskum Ringo bæklingi
me& fjölda hugmynda.