Morgunblaðið - 23.10.1991, Blaðsíða 31

MORGUNBLAÐIÐ MIÐVIKUDAGUR 23. OKTÓBER 1991
31
Amnesty-vika:
„Engin undanbrögð”
ÁRLEGA efna mannréttindasamtökin Amnesty International til kynn-
ingarviku sem að þessu sinni stendur frá 20.-27. október. Tilgangur-
inn er tvíþættur: í fyrsta lagi að vekja athygli á fórnarlömbum mann-
réttindabrota af ýmsu tagi, allt frá fangelsun vegna skoðana sinna,
til pyntinga, dauðadóms og lífláts án dóms og laga. í öðru lagi að
hvetja fólk til að ganga til liðs við samtökin sem styrktarfélagar eða
virkir félagar.
Þegar litið er yfir 30 ára sögu
samtakanna kemur í ljós að alþjóð-
legur þrýstingur á ríkisstjórnir sem
gerast sekar um mannréttindabrot
hefur áhrif. Ríkisstjórnir sem áður
báru fyrir sig vanþekkingu á ástandi
mála á þessu sviði hafa verið sviptar
þeirri afsökun vegna aukinnar bar-
áttu alþjóðlegra mannréttindahreyf-
inga og upplýsinga.
Markmið mannréttindahreyfinga
eins og Amnesty International á
næstu árum er að auka þekkingu
og vitund fólks um mannréttindi; að
tryggja að engin ríkisstjórn komist
upp með ólöglega meðferð þegna
sinna á laun; að jafnvel réttindi hinna
smæstu þegna séu virt; og að stuðla
að áframhaldandi uppbyggingu al-
þjóðlegrar mannréttindahreyfingar
sem er fær um að bregðast við
mannréttindabrotum hvar sem þau
eiga sér stað - án undanbragða.
Dag hvern er sarnvisk'uföngum
sleppt og af þeim 30 málum sem
íslandsdeild samtakanna hefur beitt
sér fyrir á árinu, m.a. með út-
breiðslu veggspjalds hafa 5 einstakl-
ingar nú þegar verið leystir úr haldi.
Meðal þeirra 25 sem enn eru í haldi
er Aung Sang Suu Kyi sem hlýtur
friðarverðlaun Nóbels í ár.
Félagar í íslandsdeildinni munu
safna undirskriftum og veita upplýs-
ingar um þau 25 mál sem enn bíða
úrlausnar, m.a. í Kolaportinu nk.
sunnudag og á skrifstofu saintak-
anna í Hafnarstræti 15 alla virka
daga.
Einnig hefst á sama tíma árleg
sala jólakorta samtakanna en kortin
prýðir að þessu sinni mynd eftir
Karl Kvaran með góðfúslegu leyfi
eigandans; Listasafns Islands.
(Fréttatilkynning)
Sálarfræði-
námskeið
fyrir konur
Sálfræðistöðin mun um miðjan
nóvember halda sérstakt nám-
skeið í sálarfræði fyrir konur, það
fyrsta sinnar tegundar hér á landi.
Markmið námskeiðsins er að gefa
innsýn i hvernig sálarlíf kvenna
er sérstakt og hvernig þær skynja
sjálfar sig út frá fyrri reynslu.
Sérstaklega fjallar námskeiðið um
samstarf og samskipti á milli
kvenna á vinnustað. Leiðbcinend-
ur verða sálfræðingarnir Álfheið-
ur Steinþórsdóttir og Guðfinna
Eydal.
Á námskeiðinu verða teknir fyrir
jákvæðir þættir eins og vinátta á
milli kvenna en einnig samkeppni,
öfund og afbrýðisemi.
Álfheiður Steinþórsdóttir og Guðfinna Eydal sálfræðingar.
Að sögn Álfheiðar Steinþórsdóttur
leiða hæfileikapróf í ljós mun á milli
kynja varðandi ýmsa þætti. „Konur
hafa t.d. mikla innlifunarhæfileika
og eiga því auðveldara með að setja
Vélritunarkennsla
Vélritunarskólinn, sími 28040.
FÉLAGSÚF
HELGAFELL 599110237 VI 2
I.O.O.F. 7 = 17310238V2 =9.ll
★ GLITNIR 59911023 - 1
I.O.O.F. 9 = 17310238V2 =
IOGT
St. einingin nr. 14
Fundur í Templarahöllinni
v/Eiríksgötu í kvöld kl. 20.30.
Dagskrá í umsjá Ásgerðar, Hall-
dórs og Árna. Félagarfjölmennið.
Æ.T.
Hörgshlíð 12
Boðun fagnaðarerindisins.
Almenn samkoma í kvöld
kl. 20.00.
Seltjarnarneskirkja
Samkoma í kvöld kl. 20.30 á
vegum Seltjarnarneskirkju og
sönghópsins Án skilyrða.
Mikill söngur, predinkun og fyrir-
bænir.
,,,,, SAMBAND ÍSLENZKRA
kristmiboðsfélaga
Kristniboðssamkoma á Háaleit-
isbraut 58 í kvöld kl. 20.30.
Ræöumaður: Páll Friðriksson.
Þórður Búason syngur.
Allir velkomnir.
Hvítasunnukirkjan
Fíladelfía
Biblíulestur í kvöld kl. 20.30.
Ræðumaður Hafliði Kristinsson.
Allir hjartanlega velkomnir.
FERÐAFELAG
ÍSIANDS
ÖLDUGÖTU 3 S: 11798 19533
Miðvikudagur 23. okt.
kl. 20.00.
Kvöldganga á fullu tungli í
Heiðmörk
Fyrsta tunglskinsganga í reit fé-
lagsins í Skógarhliðakrika i Heið-
mörk. Gengið um rómantíska
skógarstíga þar og í nágrenninu.
Skemmtiganga fyrir fólk á öllum
aldri. Verð kr. 500,- frítt f. börn
með foreldrum sínum. Brottför
frá Umferðarmiðstöðinni, aust-
anmegin. Gerist félagar í Ferða-
félaginu, skráning í ferðum og á
skrifstofunni. Sunnudaginn 27.
okt. kl. 13.00verðurvetri heilsað
með tveimur ferðum; göngu á
Vífilsfell og láglendisgöngu,.
Ferðafélag íslands,
ÚTIVIST
HALLVEIGARSTÍG 1 • REYKJAVIK • SÍMI 14606
Fjallaferð um veturnætur
Óvissuferð 1,25.-27. okt.
Ein af hinum sígildu vinsælu úti-
vistarferðum.
Upplýsingar og miöar á skrif-
stofu, Hallveigarstíg 1. Pantanir
óskast sóttar fyrir kl. 18.00
fimmtud. 24. okt. Fararstjóri:
Lovisa Christiansen. Brottför frá
BSl, bensínsölu kl. 20.00.
Sjáumst!
Útivist.
sig í spor annarra og skynja líðan
þeirra. Með því að nýta þessa eigin-
leika geta þær fundið út úr alls kon-
ar tengslum og leyst vandamál sem
upp koma t.d. á vinnustöðútn,” sagði
Álfheiður, í samtali við Morgunblað-
ið.
„Á námskeiðinu verður unnið að
því að konurnar fái innsýn inn í
hvemig þessir eiginleikar og fleiri
virka í þeim sjálfum ti! að þær geti
nýtt sér þá,” sagði Álfheiður.
Námskeiðið verður haldið að Hótel
Loftleiðum og hefst 13. nóvember
nk. Leiðbeinendurnir hafa verið sam-
starfi við erlenda sérfræðinga sem
standa fyrir þeim rannsóknum og
fræðilega grunni sem námskeiðið
byggir á.
Morgunblaðið/Arnór
Hluti þátttakenda á bridssambandsþingi sem fram fór um helgina.
Brids
Arnór Ragnarsson
Stjórn bridssambandsins
endurkosin
Ársþing bridssambandsins var haldið
sl. sunnudag og mættu þar fulltrúar
víðs vegar að af landinu, en 47 full-
trúar áttu rétt til setu á þinginu
skv. kjörbréfum.
Þingið gekk mjög vel fyrir sig að
þessu sinni. Forseti, varaforseti og
gjaldkeri voru nieðal þeirra sem áttu
skv. reglum að ganga úr stjórn. All-
ir stjórnarmenn og endurskoðendur
voru endurkosnir án mótframboðs.
Ellert B. Schram, forseti ÍSÍ, færði
bridssambandinu 39 þúsund kr. styrk
frá ÍSÍ. Þá brá Ellert sér í gervi rit-
stjóra DV og gaf BSÍ sex forsíður
af DV sem rammaðar höfðu verið inn
og óskaði þess að þær yrðu hengdar
upp í húsakynnum bridssambands-
ins.
Nokkrar umræður urðu um hvort
bridssambandið ætti að óska inn-
göngu í íþróttasambandið. Lyktir
urðu þær að stjórn sambandsins var
falið að skoða vandlega allar hliðar
þess máls og fékk umboð fundarins
til að taka ákvarðanir í framhaldi
af því.
Nokkrar lagabreytingar voru sam-
þykktar á þinginu. Helzt að telja er
að nú skal spilaður 4 spila bráðabani
í bikarkeppninni ef sveitir eru jafnar
eftir tilskilinn spilafjölda. Þá skal í
framtíðinni spila með skermum í lok-
uðum sal og á töflu í úrslitakeppni
íslandsmótsins.
Heimsmeistararnir mættu á þingið
og sátu fyrir svörum en þeir félagar
hafa átt annríkt frá því að þeir komu
heim.
Skipting sveita í undankeppni ís-
landsmóts hefir verið ákveðin.
Reykjavík fær 11 sveitir, Reykjanes
3 sveitir, Suðurland 2 sveitir, Aust-
firðir 4 sveitir, Norðurland eystra og
vestra 4 sveitir hvort svæði, Vestfirð-
ir 2 sveitir og Vesturland 2 sveitir.
Bridsfélag Akureyrar greiddi
hæstu gjöld til Bridssambands ís-
lands 1990-1991, samtals 126.975
krónur. Bridsfélag Reykjavíkur var
í öðru sæti með tæplega 123 þúsund
og Bridsfélag Breiðfirðinga greiddi-
liðlega 117 þúsund kr.
íslandsmót kvenna og yngri
spilara í tvímenningi 1991
íslandsmót kvenna og yngri spilara
verður haldið í Sigtúni 9 helgina
26.-27. október nk.
Þeir seni ætla að vera með og eru
ekki búnir að láta skrá sig eru vinsam-
lega beðnir um að gera það ekki seinna
en strax, í síma Bridssambandsins
91-689360. Spilaður verður Barómet-
er og spilað bæði á laugardag og
sunnudag. Síðasti skráningardagur er
fimmtudagurinn 24. október. Til yngri
spilara teljast þeir sem fæddir eru
1966 eða síðar. Spilað er um Evrópu-
stig í þessari keppni og gefa 3 efstu
sætin stig, 8, 5 og 3. Einnig er spilað
um gullstig eins og venjulega í öllum
íslandsmótum. Keppnisgjaid er 4.000
á parið og greiðist við upphaf keppni.
Bridsfélag Kópavogs
Sl. fimmtudag var spiluð önnur
umferð í sveitahraðkeppni. Staðan:
Sv. Ólínu Kjartansdóttur 1214
Sv. Ármanns J. Lárussonar 1168
Sv. HelgaViborg 1157
Sv. A.A. 1123
Hæsta skori náðu:
Sv. Ólínu Kjartansdóttur 620
Sv. Helga Viborg 578
Sv. Ármanns J. Lárussonar 569
Næsta fimmtudag lýkur þessari
keppni og fimmtudaginn 31. okt. hefst
5 kvölda barómeter.
Breskir dagar í Háskólabíói:
RAUÐU SKÓRNIR
kvikmyndir
Sæbjörn Valdimarsson
Rauðu skórnir - ”The Red Sho-
es”
Leikstjórar og handritshöfund-
ar Michael Powell og Emeric
Pressburger. Kvikmyndataka
Jack Cardiff. Tónlist Brian
Easdale. Listræn hönnun Hein
Heckroth, Arthur Lawson. Að-
alleikendur: Anton Walbrook,
Moira Shearer, Marius Goring,
Robert Helpmann, Albert Bass-
erman, Leonide Massine,
Ludmilla Tacherina. Bretland
1948.
í tengslum við kynningu á
breskri verslunarvöru býður sú
ágæta menningarþjóð okkur uppá
örlítið sýnishorn af kvjkmyndaiðn-
aði þeirra, af nógu er að taka.
Þetta er hinn göróttasti kokkteill;
ein mynd úr James Bond röðinni,
sem er ein, ef ekki sú vinsælasta
í kvikmyndasögunni, önnur úr öllu
ábúðarminni en engu síður feyki-
vinsælli seríu sem kennd er við
„áfram”, þá harla undarlegt val,
The Thiity Nine Steps, ekki Hitc-
hcock myndin stórkostlega heldur
lítilvæg kvikmyndagerð Don
Sharps frá '18 með Astralanum
Robert Powell sem stenst illa sam-
anburð við nafna sinn Donat. En
rúsínan í pylsuendanum er vita-
skuld hin sígild balletmynd Rauðu
skárnir. Hún er byggð á ævintýr-
inu fræga eftir H.C. Andersen um
dansmærina sem féll fyrir skónum
fögru sem dönsuðu eiganda sinn
í hel. Kvikmyndin er fimlega
spunnin í kringum þennann sögu-
þráð; ung ballerína (Shearer), fær
starf hjá heimsfrægum ballet-
stjóra (Walbrook), sem gerir hana
að stórstjörnu, frægðarbrautin
hefst einmitt á glæstri frammi-
stöðu hennar í balletnum um
Rauðu skóna. Walbrook snýr við
Shearer. bakinu er hún verður
ástfangin af samverkamanni
þeirra, tónskáldinu Goring. Hún
snýr þó aftur til baka, ástin og
dansinn togast á með sorglegum
afleiðingum — í ætt við örlög
ballerínunnar í ævintýrinu hans
Andersens.
Hér fáum við tækifæri til að
sjá hrífandi mynd sem nýtur sín
illa annarstaðar en á stóra tjald-
inu. Svið og listræn stjórnun þess-
arar hálf-fimmtugu myndar eru
sláandi fögur og tæknin með ólík-
indum. Með tilliti til aldurs hennar
er óhætt að fullyrða að breskir
kvikmyndagerðarmenn hafa
sjaldan eða aldrei gert betur.
Hjarta myndarinnar er balletinn
sjálfur, svo glæstur að hann lætur
engann ósnortinn. Jafnvel þeir
sem hafa ýmugust á þessari list-
grein hljóta að hrífast með. Þá
er tónlistin — sem fékk Óskars-
verðlaunin á sínum tíma ásamt
liststjórninni og sviðsmyndinni —
unaðsleg og kvikmyndataka Cla-
vells er óaðfínnanleg. Þáttur leik-
aranna og dansaranna er einnig
sígildur. Meistaraleikarinn
Walbrook — sem er tíundi ættlið-
ur frægra sirkustrúða — hefur
þó best sem hinn metnaðarfulli
stjórnandi balletsins, fas gerist
ekki heimsborgaralegra né fág-
aðra. Shearer gefur honum lítið
pftir og er hreint út sagt töfrandi
á sviðinu, líkt og aðal meðdansar-
ar hennar báðir. Goring er einnig
athyglisverður sem tónskáldið og
stjórnandinn, það stormar af hon-
um er hann reiðir tónsprotann á
loft. Leikstjórarnir halda öllum
endum saman af hreinni snilld,
eftirminnileg eru atriðin sem ge-
rast baksviðs, áhorfandinn fyllist
sömu spennu, afbrýði og eftir-
væntingu og sem þeir séu sjálfir
að fara að stíga á sviðið.
Þeir sem að sýningunni standa
eiga miklar þakkir skyldar að
kynna okkur þetta ógleymanlega
og sérstaka meistaraverk og gefa
öðruin tækifæri til að rifja það
upp. Ég vil hvetja alla sem tæki-
færi hafa til að upplifa ævintýrið,
það er ekki ónýtt að eiga það í
minningasjóðnum.