Morgunblaðið - 24.10.1991, Page 15
MORGUNBLAÐIÐ FIMMTUDAGUR 24. OKTÓBER 1991
15
Formrænn samruni
Myndlist
Bragi Ásgeirsson
í öllum samanlögðum sölum
Nýlistasafnsins hefur ung lista-
kona, Inga Ragnarsdóttir að
nafni, komið fyrir skúlptúrverkum
sem byggjast öðru fremur á sam-
runa listar og iðnhönnuðar.
Inga nam upprunalega í MHÍ
en seinna við listaháskólann í
Miinchen og var fyrst nemandi í
leirlistadeild (keramik) hjá próf-
essor Scultze en seinna í mynd-
mótunardeild hjá hinum nafn-
kennda Eduardo Luigi Paolozzi,
sem fleiri Islendingar hafa stund-
að nám hjá. Það er líka merkjan-
legur viss innbyrðis skyldleiki
milli verka íslendinganna og án
vafa má rekja það til áhrifa frá
lærimeistaranum. Er því ærið til-
efni að kynna örlítið þennan lista-
mann og áhrifavald.
Margur álítur vafalítið vegna
nafnsins að Paolozzi sé ítalskur
en svo er ekki því að hann telst
enskur myndhöggvari, málari og
grafíklistamaður, og einn af frum-
kvöðlum popptónlistar á Eng-
landi. Myndverk hans höfðu vakið
óskipta athygli á alþjóðlegum sýn-
ingum um árabil er hann var loks
ráðinn prófessor við höggmynda-
deild listaháskólans í Munchen
árið 1981.
Veigurinn í listrænum athöfn-
um Paolozzis er maðurinn and-
spænis hátækni nútímans og eru
t.d. sáldþrykk hans byggð upp á
mjög nákvæman og vélrænan
hátt. Þá notfærir hann sér í mót-
unarverkum sínum hluti frá
tækniheimi nútímans, allt frá
ódýrum hlutum sem á vegi hans
verða eða hann finnur í ruslhaug-
um, t.d. bíla- og brotajáms, til
verðmætari málma svo sem gæða-
stáls og bronz. Þetta tengir hann
saman þannig að úr verða nokk-
urs konar kyrralífsmyndir ólíkra
efna, t.d. gólf- og veggverk.
Þessa höfum við einmitt séð
stað í verkum nokkurra íslenskra
myndlistarmanna er numið hafa
við skólann og þessa sér einmitt
ríkulega merki í myndverkum
Ingu Ragnarsdóttur.
Til að fyrirbyggja misskilning
skal tekið fram að það er mjög
algengt að nemendur við listahá-
skóla nútímans feti fyrst í stað í
fótspor lærimeistara sinna eftir
að námi lýkur og getur það tekið
mörg ár að losa sig undan áhrifun-
um. Áhrifín geta verið fírna sterk
enda vinna nemendur oftar en
ekki innan skólans líkt og þeir
væru aðstoðarmenn lærimeistar-
ans eða í verkstæðum meistara
fyrri alda og er beinlínis ætlast
til þess af þeim. Þá kemur jafnvel
fyrir að þeir aðstoði lærimeistar-
ann við útfærslu stærri verkefna,
en í því er að sjálfsögðu heilmik-
ill formrænn sem verklegur lær-
dómur að vinna í fundnum hlutum
sem neysluþjóðfélagið skilur eftir
sig og menn nefna „Moyens
Pauvres” og einnig „Object tro-
uvé” í Frans, og til verðmætari
og ekta efna, er ekki alveg nýtt
í íslenzkri myndlist og var gert
þegar á sjöunda áratugnum. En
merkilegt er til þess að hugsa,
að ekki sé fastar að orði komist,
að þegar slík nýviðhorf koma
fram, þurfa þau helst að koma
beint og milliíiðalaust frá útland-
inu eða útlendingum til að öðlast
viðurkenningu hér á útskerinu!
Myndhugsun og viðhorf Ingu
Ragnarsdóttur er hún kemur fram
með sína fyrstu einkasýningu hér
á landi eru í kjama sínum ákaf-
lega svipuð og meistarans, en hún
leitast auðvitað við að bæta eigin
heimspeki og þróaðri formkennd
við útfærslu verka sinna.
Á sýningunni eru margs konar
gólfverk, sem hafa formræna upp-
istöðu sína í hlutum úr gömlum
bílhræjum, sem Inga hefur sankað
að sér úr bflakirkjugörðum. Hlut-
ina klippir hún niður og býr til
ný form með aðstoð jám- og stál-
platna, sem hún tengir við þá með
logsuðutækninni.
Að nefna þetta eins konar kyrr-
alífsmyndir, eða kannski frekar
samstillingar, eins og menn orða
það stundum, er alveg rökrétt, og
lausnirnar geta á köflum verið í
senn spennandi sem mettaðar
formrænni fegurð og yndisþokka.
Inga hefur þegar öðlast mikils-
verða viðurkenningu fyrir verk sín
ytra, hlotið bæði verðlaun og við-
urkenningar og því hefur fylgt
að útfæra opinber verkefni svo
sem fram hefur komið í fréttum.
Líta má á þessa sýningu sem
fullgilda og athyglisverða fram-
raun og engu síðri en annarra
íslendinga sem numið hafa í mót-
unardeild listaháskólans í Munc-
hen og hjá hinum sterka áhrifa-
valdi.
SIEMENS
Öflug rvksugai
VS91153
• StillanlcgursogkTaftur
(250- 1100 W).
• 4 fylgihlutir í inn-
byggðu hólfi.
• Fjórföld sýklasía í
úlblæstri.
• Sjálfinndregin snúra
og hleðsluskynjari.
• SIEMENS framleiðsla J
tryggir endingu og gæði. |'
• Verð kr. 17.400,-
SMÍTH&
NORLAND
Nóatúni 4 - Sími 28300
Þeita tilbo
stendur
aðeins I
nokkra
^daqa^
SÆVARHÖFÐA 2 ® 674848
i húsi Ingvars Helgasonar