Morgunblaðið - 25.10.1991, Blaðsíða 1

Morgunblaðið - 25.10.1991, Blaðsíða 1
72 SIÐUR B/C/D *fguuH*Mfe STOFNAÐ 1913 243.tbl.79.árg. FOSTUDAGUR 25. OKTOBER 1991 Prentsmiðja Morgunblaðsins Bardagarnir við Dubrovnik: Varðlið Króata lætur undan síöfa Zagreb. Reuter. ^ ^ SVEITIR úr landher og flota Júgóslavíu héldu áfram hörðum árás- um á hafnarborgina Dubrovnik í Króatíu í gær og tókst að hrekja þjóðvarðliða Króata út úr suðurhluta borgarinnar. Flotinn setti á land hermenn á ferðamannaströndinni við bæinn Kupari, sem er um sex km suðaustan við Dubrovnik og hrakti þar einnig lið Kró- ata á brott. Stríðsaðilar samþykktu vopnahlé í bardögunum um Dubrovnik síðdegis í gær en ólíklegt var tahð að það yrði traust- ara en fyrri vopnahlé. Sambandsherinn beitir skrið- drekum, sprengjuvörpum og eld- flaugum gegn léttvopnuðum sveit- um Króata og eru skemmdir sagð- ar miklar í Dubrovnik sem er afar forn og fræg fyrir miðaldamann- virki sín. Eftirlitsmenn Evrópu- bandalagsins segja að sprengjur hafi fallið á gamla borgarhlutann í gær en skýrðu ekki frá því hvort tjón hefði orðið þar. íbúar voru um 50.000 áður en umsátrið um borg- ina hófst fyrir þrem vikum en talið er að þar sé öllu fleira fólk núna vegna flótta þangað frá byggðum Króata í nálægum héruðum. Á hinn bóginn hafa 12.000 manns Skoðanakönnun Le Monde: Rúm 30% sammála LePen París. Reuter. HÆGRI öfgamaðurinn Jean- Marie Le Pen hefur, ef marka má skoðanakönnun, sem birt var í gær, tvöfaldað fylgi við skoðanir sínar á einu ári. Sam- kvæmt könnuninni, sem gerð var fyrir dagblaðið Le Monde, segjast 32% Frakka vera sam- mála skoðunum hans en fyrir einu áru var sú tala í sambæri- legri könnun 18%. Le Monde segir að ekki megi túlka þessar tölur sem svo að 32% franskra kjósendu séu reiðubúnir að kjósa Le Pen í kosningum þó svo þeir séu sammála skoðunum hans. Flestir séu þetta kjósendur hinna hefðbundnu hægriflokka. Raunar sögðu 76% aðspurðra í sömu skoðanakönnun að þeir vildu ekki að flokkur hans, Þjóð- arfylkingin, kæmist í ríkisstjórn og í nýlegum könnunum hefur fylgi flokksins mælst í kringum 15%. Meginuppistaða stefnu Le Pens er að stöðva verði straum innflytjenda og senda heim eins marga og hægt er af þeim fjórum milljónum innflytjenda sem nú búa í Frakklandi. Þeir séu rótin að flestum þeim vandamálum sem Frakkland eigi við að stríða. Sem skýringu á hinu aukna fylgi við skoðanir Le Pens nefnir Le Monde að margir virtir stjórn- málamenn, s.s. Valéry Giscard d'Estaing, fyrrum forseti, hafi að undanförnu viðrað skoðanir þess efnis að gera verði grundvallar- breytingar á stefnu Frakka gagn- vart innflytjendum. fengið leyfi til að yfirgefa hana með ferju. Ekki er vitað um mann- tjón meðal óbreyttra borgara og þjóðvarðliða en sambandsherinn segist hafa misst um 50 manns við Dubrovnik frá því átök hófust þar. Skýrt var frá skothríð sam- bandshersins á Vukjovar, Osijek og Vincovci í austurhluta Króatíu í gær en þar hefur umsátrið staðið í tvo mánuði. Einnig var barist við borgirnar Karlovac, Novska, Sisak og Nova Gradiska. Serbar og bandamenn þeirra í forsætisráði Júgóslavíu, valda- stofnun er Króatar og bandamenn þeirra hundsa, segjast vilja stofna nýtt sambandsríki þeirra þjóða Júgóslavíu er vilji taka þátt í slíkri ríkisstofnun. Þeir hafna tillögu EB um að myndað verði laustengdara sambandsríki upphaflegu lýðveld- anna sex en samt er talið að Slobodan Milosevic, forseti Serbíu, muni taka þátt í viðræðum deiluað- ila í Haag sem hefjast eiga í dag um tillöguna. Þing Ukraínu: Kosningabarátta íPóllandi Reuter. Kosið verður til þings í Póllandi á sunnudaginn og verða það fyrstu algjörlega frjálsu þingkosningar sem haldnar hafa verið í landinu. Alls bjóða 120 flokkar fram í kosningunum og.heyja þeir nú harða baráttu sem birtist ekki síst á húsveggjum í pólskum borgum. Sannkallað „veggspjaldastríð" er í gangi og veigra menn sér ekki við að rífa niður veggspjöld anstæðinganna eða líma sín eigin yfir þau. Skoðanakannanir benda til þess að kjósendur séu almennt óánægðir með frammistöðu ríkisstjórnar Samstöðu í efnahagsmál- um og ekki er búist við því að þátttaka í kosningunum verði meiri en 50%. Ætla ekki að afhenda Rússum kjarnavopnin Stjórnvöld segjast vilja tryggja að vopnunum verði eytt ÞING Úkraínu krafðist þess í gær að fá að ráða yfir kjarnavopnum í lýðveldinu ásamt sovéskum yfirvöldum. Georgíj Tsjernevsky, blaða- fulltrúi forsætisnefndar Æðsta ráðs Úkraínu, sagði í símaviðtali við Morgunblaðið í gær að stefnt væri að því að landið yrði kjarnorku- vopnalaust. Hins vegar vildu yfirvöld tryggja að kjarnavopnin sem nú eru í lýðveldinu, bæði langdræg og skammdræg, lentu ekki í hönd- unum á Rússum heldur að þeim yrði eytt. Ef Sovétherinn hygðist fjar- lægja vopnin þá yrði gripið til aðgerða á grundvelli stjórnarskrárinn- ar til að hindra það. Tsjernevskíj minnti á að Úkraína hefði lýst yfir sjálfstæði 24. ágúst síðastliðinn. „Afstaða okkar til kjarnorkuvopnanna sem hingað til hafa verið í Úkraínu, er að þau séu ekki komin til að vera. Núna eru þau undir stjórn stofnana Sovétríkj- anna fyrrverandi. Stjórnvöld í Úkra- ínu vilja ráða yfír vopnunum með þessum stofnunum. Stefna okkar er að eyða öllum kjarnavopnum í Úkra- ínu. Við ætlum að reyna að ná þessu fram á sem skemmstum tíma. Við höfum samþykkt áætlun um endur- skipulagningu hergagnaiðnaðarins. Við viljum að hann þjóni efnahags- legri og þjóðfélagslegri þróun. Við munum hlíta START-sáttmálanum sem George Bush Bandaríkjaforseti og Míkhaíl Gorbatsjov, forseti Sovét- ríkjanna, gerðu í sumar. Hann snert- ir hluta af kjarnavopnunum á okkar landsvæði. Við erum reiðubúnir að hefja viðræður við Hvíta-Rússland, Kazakhstan og Rússland og stofnan- ir Sovétríkjanna fyrrverandi um eyð- ingu vopna sem falla undir þennan sáttmála. Við ætlum einnig að grípa til aðgerða til að eyða öllum öðrum kjarnavopnum í Úkraínu. En við erum með það í athugun hvort við teljum okkur bundna af yfirlýsingum Gorbatsjovs frá því í haust um þau vopn. Við munum ennfremur grípa til aðgerða til að tryggja öryggi þess- ara vopna þangað til þeim hefur verið eytt. Við viljum skrifa undir alþjóðlega sáttmála sem kjarnorku- vopnalaust ríki. Við viljum einnig gerast aðilar að Alþjóðlegu kjarn- orkumálastofnuninni." Tsjernevskíj sagði að eyðing kjarnavopnanna væri dýr og e.t.v yrði beðið um að- stoð alþjóðlegra stofnana við eyð- ingu þeirra. Blaðafulltrúinn var spurður hvort til greina kæmi að afhenda Rússum kjarnavopnin. „Nei, það er grund- vallaratriði að þessi vopn hverfa ekki af úkraínsku landsvæði nema til eyðingar. Við erum sjálfstætt ríki, við höfum stjórnarskrána okkar og á grundvelli hennar gætum við grip- ið til aðgerða til að koma í veg fyr- ir að Sovétherinn fjarlægði kjarna- vopnin án okkar samþykkis." Sjá nánar bls. 22 Hollensk fjölskylda: Itrekaðar klósettsprengingar Arnhem. Reuter. MJÖG óþægilegt vandamál tröllríður nú borginni Arnhem í Hollandi. Eiga menn þar á hættu að klósett, jafnt í heimahúsum sem annars staðar, springi í loft upp fyrirvaralaust. Fjölskylda, sem býr í grennd við iðnaðarsvæði, varð fyrir því að koma heim og finna heimilisklós- ettið í molum í þriðja sinn á þrjá- tíu mánuðum. „Það gjöreyðilagð- ist," sagði fjölskyldufaðirinn. Eftirlitsmaður frá borgaryfir- völdum í Arnhem, sem kom og kannaði aðstæður, sagði að líklega væri mengun í jórðu og lekum píp- um um að kenna.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.