Morgunblaðið - 25.10.1991, Blaðsíða 33

MORGUNBLAÐIÐ FÖSTUDAGUR 25. OKTÓBER 1991
33
Minning:
Pétur Wiencke
Fæddur 16. ágúst 1941
Dáinn 15. október 1991
Vinur okkar, Pétur Wiencke, er
allur. Enn einu sinni hefur það
sannast hve örstutt augnablik skil-
ur á milli lífs og dauða. Eina stund-
ina var hann í fullu fjöri, en eins
og hendi væri veifað var öllu lokið.
Eftir sitja ijölskylda ög vinir harmi
slegin og trúa vart því sem orðið er.
Pétur var af þýsku bergi brot-
inn, fæddur í Hamborg og var ann-
ar í aldursröð þriggja barna þeirra
hjónanna Else og Bernhard Wi-
encke. Hin systkinin eru Karen,
sem býr í Bandaríkjunum, og Ragn-
ar, _sem búsettur er í Reykjavík.
Árið 1949 flutti fjölskyldan til
íslands og settist að í Reykjavík
þar sem Bernhard vann lengst af
sem bókari á Ferðaskrifstofunni
Orlofi. Foreldrar Péturs eru bæði
látin.
Eftir að hefðbu,ndnu skólanámi
lauk vann Pétur hin ýmsu störf,
en nú um langt árabil var hann
starfsmaður í þýska sendiráðinu.
Árið 1965 giftist hann eftirlifandi
eiginkonu sinni, Ástu Kristinsdótt-
ur, f. 2. október 1944, og eignuð-
ust þau 3 börn. Þau eru: Sigrún,
f. 16. nóvember 1964, búsett í
Reykjavík, börn hennar eru Ásta
og Hallgrímur, sambýlismaður er
Barði M. Barðason; Bernharð
Kristinn, f. 13. apríl 1966, býr í
Reykjavík, sonur hans ér Einar
Þór, sambýliskona Erla Gunnars-
dóttir; yngst er Þórdís, f. 27. júní
1967 og búsett í Svíþjóð, hennar
sonur er Georg Finnur og sambýl-
ismaður Axel Órlygsson. Pétur og
Ásta hafa alltaf átt heimili sitt í
Reykjavík, hin síðari ár á Túngötu
18.
Fyrir tæpum tuttugu árum fluttu
þau í íbúð sína í nýju fjölbýlishúsi
í Breiðholti. Tilviljun réð því auðvit-
að að við fluttum í sama stigahús
um svipað leyti. Aldrei er hægt að
sjá fyrir hvernig til tekst í nánu
sambýli við fjölda fólks, eins og er
í fjölbýlishúsum þar sem sameign
er töluverð og allt veltur á góðu
samkomulagi og samvinnu. En við
vorum heppin því þarna lögðu allir
sig fram um að nágrennið væri sem
þægilegast, og átti Pétur sinn stóra
þátt í því, með hljóðlátu fasi, jafn-
lyndi og virðingu fyrir náunganum.
Hann kom eins fram við alla, börn
og fullorðna, og öllum var áreiðan-
lega hlýtt til hans.
Fljótlega myndaðist með okkur
ágætur vinskapur, sem hefur stað-
ist tímans tönn. Pétur var regluleg-
ur höfðingi heim að sækja og naut
þess að vera veitandi, og hann
hafði lag á að láta óvænta gesti
finna að þeir væru sérstaklega vel-
komnir. Þó hann væri á vissan
hátt hlédrægur var hann í eðli sínu
samkvæmismaður sem leið vel í
hæfilega stórum hópi fólks og var
þá oft og tíðum hrókur alls fagnað-
ar. Pétur var íslendingur, og vel
að sér í sögu þjóðar okkar, hann
unni landinu og náttúru þess, og
naut þess að ferðast og sjá með
eigin augum staði sem hann hafði
áður lesið um. En hann var líka
Þjóðveiji sem gleymdi aldrei upp-
runa sínum og var tryggur fyrra
heimalandi og ættingjum þar, og
fór á tímabili næstum árlega til
fundar við þá. Það var reyndar hún
amma hans sem hann fyrst og
fremst var að heimsækja. Það var
aðdáunarvert, og áreiðanlega fá-
gætt, hversu vel hann reyndist
henni, þó að höf skildu þau að,
þegar elli og einmanaleiki sóttu að
henni síðustu æviár hennar. Það
lýsir í raun best þeirri manngæsku
og hjartahlýju sem hann bjó yfir.
Hann Pétur hafði ekki hátt, hann
safnaði ekki auði né heldur byggði
hallir. En hann átti þann auð sem
aðeins þeir einir eiga, sem með
persónu sinni laða fram það besta
í öðrum og hafa á þann hátt mann-
bætandi áhrif á umhverfi sitt. í
hugum margra markaði hann spor,
og svo sannarlega verður sætið
hans vandfyllt.
Við mennirnir leiðum sjaldnast
að því hugann hve lífið er forgengi-
legt og að hver samverustund og
hvert handtak getur verið það síð-
asta. Við teljum svo sjálfsagt að
við hittumst öll að morgni en því
miður er það ekki alltaf svo. Það
er stutt síðan Pétur og Ásta áttu
með okkur síðdegisstund hér
heima. Við ræddum ferðalög nýlið-
ins sumars og áttum okkur drauma
fyrir næsta sumar þó varla væri
það tímabært. Við fylgdum þeim
til dyra, þau gengu burt í rökkrinu
og sneru sér við og veifuðu. Ekki
grunaði okkur þá að Pétur væri
að kveðja okkur í hinsta sinn.
Að leiðarlokum viljum við þakka
kærum vini áratuga langa sam-
fylgd. Við viljum þakka honum alla
tryggðina, ljúfmennskuna og allt
það sem þann var.
Elsku Ásta, Sigrún, Benni, Systa
og barnabörnin öll. Við og börnin
okkar sendum ykkur og öðrum
ástvinum Péturs okkar innilegustu
samúðarkveðj ur.
Hörður og Freyja
Elskulegur vinur okkar Pétur
Wiencke, er dáinn. Hann hefur ver-
ið kallaður til æðri starfa hjá al-
mættinu sem öllu ræður, langt fyr-
ir aldur fram. Við minnumst hans
sem kurteiss og góðs félaga sem
ávallt var boðinn og búinn til að
taka þátt í öllu sprelli með okkur.
Saman áttum við ógleymanlegar
stundir sem allar hafa rifjast upp
að nýju á þessum stutta tíma sem
hefur liðið síðan Pétur okkar kvaddi
þetta líf. Við eigum ákaflega erfitt
með að sætta okkur við þá stað-
reynd að Pétur sé ekki lengur á
meðal okkar, til að deila með okkur
ómetanlegum minningum um gaml-
ar og góðar stundir sem ylja okkur
um hjartarætur núna. Ekkert okkar
fær skilið hvers vegna hann fékk
ekki að vera lengur meðal okkar
en stundum fínnst okkur þessi
heimur vera einkennilegur.
Við kveðjum hann með sárum
söknuði, og þökkum honum fyrir
samveruna.
Elsku Ásta, börn, tengdabörn,
barnabörn, systkini og aðrir ætt-
ingjar og vinir. Við biðjum góðan
Guð að styrkja ykkur öll á þessari
erfiðu stundu.
Blessuð sé minning góðs vinar.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin strið.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem)
Fyrir hönd Guðmundar Guðleifs-
sonar, Sonju Guðmundsdóttur og
Ingibjargar H. Guðmundsdóttur.
Guðmundur Ólafsson
Með örfáum orðum langar okkur
að kveðja mág minn og vin okkar
Pétur Wiencke, sem lést langt um
aldur fram. Við erum harkalega
minnst á að enginn ræður sínum
næturstað. Minningarnar eru svo
ótalmargar og orð eru svo fátækleg
þegar kveðja á hinstu kveðju.
I kringum Pétur var alltaf létt
grín og gaman og átti hann auð-
velt með að koma orðum að því
spaugilega, sem hægt var að sjá í
hverju máli er um var rætt. Þannig
gátu heitar umræður um pólitík
endað í hlátri vegna einhvers sem
Pétur sagði. Hann var hreinskilinn
og sagði skoðanir sínar hiklaust.
Ferðalög voru hans yndi og fóru
þau Ásta systir víða um landið að
skoða það og kynnast því, og þó
að Pétur hafi fæðst í Þýskalandi
og átt þar heima til 7 ára aldurs,
leit hann á ísland sem landið sitt.
Honum leið vel innan um unga
fólkið og börnin og var oft mesta
barnið sjálfur.
Við hjónin og börnin okkar viljum
að leiðarlokum þakka góðum dreng
vináttu hans og allt sem hann var
okkur.
Innilegar samúðarkveðjur send-
um við Astu og börnum þeirra, Sig-
rúnu, Benna og Þórdísi, einnig
barnabörnum og systkinum Péturs.
Megi algóður Guð styrkja þau í
þeirra miklu sorg. Blessuð sé minn-
ing hans.
Palla og Bergur.
Nauðungaruppboð
annað og síðara á eftirtöldum skipum fer fram í dómsal embættis-
ins, Aðalgötu 7, Stykkishólmi, föstudaginn 1. nóvmeber 1991 og
hefst kl. 10.30.
Ársæli SH-88, þingl. eig. Sæver hf., eftir kröfum Tryggingastofnunar
ríkisins og Jakobs J. Havsteen hdl.
Gretti SH-104, þingl. eig. Sæfell hf., eftir kröfu Tryggingastofnunar
ríkisins.
Guðjóni SH-500, þingl. eig. Lind hf., eftir kröfum Tómasar H. Heiðar
hdl., Steingrims Þormóðssonar hdl. og Einars B. Axelssonar hdl.
Sýslumaður Snæfellsness-
og Hnappadalssýslu.
Bæjarfógetinn í Ólafsvík.
ísland og
EES-samningurinn
Alþjóðamálastofnun Háskóla íslands gengst
fyrir opnum fundi um ísland og efnahags-
svæði Evrópu á morgun, laugardaginn 26.
október, í Átthagasal Hótels Sögu. Fundur-
inn, hefst kl. 13.15.
Framsöguræðurflytja Jón Baldvin Hannibals-
son, utanríkisráðherra, Kristín Einarsdóttir,
alþingismaður, Ásgeir Daníelsson, hagfræð-
ingur og Stefán Már Stefánsson, prófessor.
Að erindum loknum verða pallborðsumræður
um EES-samninginn og fyrirspurnir. Fundur-
inn er opinn öllum sem áhuga hafa á efni
hans.
Alþjóðamálastofnun Háskólans.
Knattspyrnudeild
Aðalfundur
Aðalfundur knattspyrnudeildar KR verður
haldinn í félagsheimili KR við Frostaskjól
föstudaginn 1. nóvember 1991 og hefst kl.
20.30. Venjuleg aðalfundarstörf.
Stjórn.
Tónlistarskóli
Mosfellsbæjar
í tilefni af degi tónlistarinnar verður opið hús
hjá skólanum laugardaginn 26. okt. kl. 10-12
f.h. Tónleikar söngnema verða haldnir í Safn-
aðarheimilinu miðvikudaginn 30. okt. kl.
17.30.
Allir velkomnir.
Skólastjóri.
Grtarkennsla
Nú getur þú lært á gítar í gegnum bréfa-
skóla. Bæði fyrir byrjendur og lengra komna.
Námskeið í rokk og blús hefjast í hverri viku.
Upplýsingar í síma 91-629234.
GEYMIÐ AUGLÝSINGUNA.
Félag íslenskra gítarleikara.
Háskólanemi/stúlka
óskar eftjr að taka á leigu litla íbúð sem fyrst
eða ekki seinna en um áramót. Reykir ekki.
Tilboð óskast send til auglýsingadeildar
Mbl. merkt: „Lítil íbúð” fyrir lok október.
FÉLAGS+ÍF
I.O.O.F. 12= 17310258 'h =
I.O.O.F. 1 = 1731025872 =9.0*
FERDAFELAG
ÍSLANDS
ÖLDUGÖTU 3 & 11798 19533
Vetri heilsað í sunnudags-
ferðum 27. okt. kl. 13.00.
Vífilsfell og Eldborgir - Jóseps- '
dalur. Verið með!
Ferðafélag islands.
H ÚTIVIST
HALLVEIGARSTIG I • REYKJAVIK • SIMI 14606
Dagsferðir sunnud. 27. okt.
Reykjavíkurgangan 12. og
síðasti áfangi: Bláfjallaleið.
Boðið verður upp á þrjár mis-
munandi vegalengdir, 30 km, 20
km og 10 km langar göngur. Kl.
8.30 frá Rauðuhnúkum, kl. 10.30
frá Heiðmörk og kl. 13.00 frá
Árbæjarsafni. Lagt af stað frá
BSÍ, bensínsölu í allar feröirnar
og þeim lýkur i Hljómskálagarð-
inum. Heilsið vetri með hress-
andi göngu með ötivist.
Sjáumst!
Útivist.
2
Samvera fyrir fólk á öllum aldri
í kvöld í Suðurhólum 35.
Bænastund kl. 20.05.
Samveran hefst kl. 20.30.
Persónulegt bænalíf - bæna-
starf. Dr. Sigurbjörn Einarsson
talar.
Ungt fólk á öllum aldri velkomið.
Frá Guöspeki-
félaginu
Ingóffwtrati 22.
AskHftaraimi
Ganglara w
39673.
i kvöld kl. 21.00 flytur Jón Arn-
alds erindi í húsi félagsins, Ing-
ólfsstræti 22.
Skrifstofa félagsins er opin á
fimmtudögum kl. 15.00 til kl.
17.30 en þá hefst hálftíma hljóð
stund, sóm er öllum opin.
Á laugardag, 26, okt,, kl. 15.00
verður opinber kynningarfundur
um starfsemi og markmið Guð-
spekifélagsins. Allir hinir for-
vitnu, sem enn hafa ekkl lagt í
að sækja fundi félagsins, eru
hvattir til að koma.
Guðspekifélagið er 115 ára al-
þjóðlegur félagsskapur, sem
leggur áherslu á mannrækt,
bræðralag og jafnrétti. I félaginu
rikir algert skoðana- og trúfrelsi.
Allir eru velkomnir á fundi félags-
ins og aðgangur ókeypis.