Morgunblaðið - 26.10.1991, Blaðsíða 23

22
MORGUNBLAÐIÐ LAUGARDAGUR 26. OKTÓBER 1991
MORGUNBLAÐIÐ LAUGARDAGUR 26. OKTÓBER 1991
jnftttSmiUafetfe
Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Ritstjórnarfulltrúi
Árvakur h.f., Reykjavík
Haraldur Sveinsson.
Matthías Johannessen,
Styrmir Gunnarsson.
Þorbjörn Guðmundsson,
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Björn Vignir Sigurpálsson.
Ritstjórn og skrifstofur: Aðalstræti 6, sími 691100. Auglýsingar: Aðal-
stræti 6, sími 691111. Afgreiðsla: Kringlan 1, sími 691122. Áskriftar-
gjald 1200 kr. á mánuði innanlands. í lausasölu 110 kr. eintakið.
EES og atvinnulífið
Iviðtali við Morgunblaðið sl.
miðvikudag um samning-
ana um evrópskt efnahags-
svæði og áhrif aðildar að því
á atvinnulífið, sagði Ólafur
Davíðsson, framkvæmdastjóri
Félags ísl. iðnrekenda, að að-
stöðugjald af heildartekjum
fyrirtækja væri séríslenzkur
skattur, sem atvinnulíf í öðr-
um löndum þyrfti ekki að bera.
Síðan sagði Ölafur Davíðsson:
„Þó ekki sé kveðið á um það
í samningunum að það eigi
að samræma skatta, þá teljum
við, að það hljóti að fylgja í
kjölfarið, að aðstöðugjaldið
verði lagt niður. Að gerðar
verði breytingar á tekjuskatti
fyrirtækja og skatthlutfallið
lækkað. Við teljum, að skattur
á fyrirtæki sé víðast að verða
í kringum 30% og um það
hefur reyndar verið samið við
álfyrirtækin, sem.ætla að reisa
hér álver. Jafnframt verði
gerðar aðrar breytingar á
tekjuskattlagningunni þannig,
að þetta þýði ekkert endilega
verulegt tekjutap fyrir ríkið.”
í samtali við Morgunblaðið
í fyrradag í tilefni af þessum
orðum framkvæmdastjóra Fé-
lags ísl. iðnrekenda, sagði Vil-
hjálmur Þ. Vilhjálmsson, borg-
arfulltrúi Sjálfstæðisflokksins
í Reykjavík og formaður Sam-
bands ísl. sveitarfélaga: „Það
er nýbúið að endurskoða lög
um tekjustofna sveitarfélaga
og ég legg áherzlu á nauðsyn
þess, að slíkum reglum sé ekki
umbylt á fárra ára fresti. At-
vinnurekendur hafa haft á
orði að fella eigi aðstöðugjald
niður og tryggja sveitarfélög-
um aðra tekjustofna í staðinn
en engar hugmyndir hafa
komið fram um, hvernig eigi
að tryggja slíkt. Við viljum
alls ekki, að tekjur verði í stað-
inn sóttar í vasa einstaklinga
í sveitarfélögunum.” Vilhjálm-
ur Þ. Vilhjálmsson sagði enn-
fremur: „Samband sveitarfé-
laga hefur lagt áherzlu á að
reynsla fáist á þessi nýju
tekjustofnalög, áður en farið
er að krukka í þau á nýjan
leik.”
í tilefni af þessum orðum
formanns Sambands ísl. sveit-
arfélaga sagði Ólafur Davíðs-
son í Morgunblaðinu í gær:
„Sveitarfélögin og hið opin-
bera munu einfaldlega standa
frammi fyrir þeirri spurningu,
þ.e.a.s. ef þau ekki geta dreg-
ið saman útgjöldin, hvort að
leggja eigi skatta á almenn-
ing. Þau verða að svara því
en það er nær samdóma álit
manna, að það sé algjörlega
ófært að leggja þá skatta á
fyrirtæki á Islandi, sem ekki
þekkjast annars staðar og
íþyngja þannig fyrirtækjum
með skattlagningu meira hér
en annars staðar.”
Aðild að evrópska efna-
hagssvæðinu færir okkur ís-
lendingum ekki sjálfkrafa
ábata en hún opnar ný tæki-
færi fyrir okkur til þess að
hazla okkur völl á margfalt
stærri markaði en nokkru
sinni fyrr, sem við höfum nán-
ast óhindraðan aðgang að. Það
byggist því algerlega á því,
hvernig við nýtum þessi tæki-
færi, hvað ávinningur okkar
verður mikill.
Augljóst er, að samkeppni
mun aukast hér heima fyrir
og íslenzk fyrirtæki þurfa að
keppa við erlend fyrirtæki
bæði á heimamarkaði og á
hinum stóra markaði í Evrópu.
Þau verða ósamkeppnisfær,
ef þau búa ekki við sömu
rekstrarskilyrði og fyrirtækin,
sem þau keppa við. Það á
m.a. við um skattlagningu.
Hún þarf að vera sambærileg
við það, sem tíðkast í öðrum
ríkjum, sem aðild eiga að evr-
ópska efnahagssvæðinu.
Þess vegna dugar ekki fyrir
stjórnmálamenn að hafa uppi
fyrirslátt, þegar að því kemur
að laga rekstrarskilyrði okkar
fyrirtækja að aðstæðum á hin-
um nýja markaði. Það verður
að gerast fyrir lok næsta árs,
þannig að fyrirtækin verði í
stakk búin til að standa sig
við hinar nýju aðstæður. For-
ráðamenn sveitarfélaga á ís-
landi þurfa eins og aðrir að
átta sig á þessum breyttu að-
stæðum. Ef með rökum er
hægt að sýna fram á, að að-
stöðugjald sé skattur, sem
hvergi tíðkast annars staðar
verður hann að hverfa. Sú
krafa verður líka í vaxandi
mæli gerð til sveitarfélaga,
þ.á m. til Reykjavíkur, að þau
skeri niður útgjöld og dragi
úr umsvifum sínum ekkert síð-
ur en ríkið. Umræður um sam-
drátt í opinberum umsvifum
hafa að langmestu leyti beinzt
að ríkinu. Þær hljóta að bein-
ast að sveitarfélögunum ekki
síður á næstu mánuðum og
misserum. Atvinnureksturinn
á afdráttarlausa kröfu á hend-
ur stjórnmálamönnum á Al-
þingi og í sveitarstjórnum um
jöfn starfsskilyrði. Stjórn-
málamennirnir verða að upp-
fylla þær kröfur.
Þorsteinn Pálsson talar á kirkjuþingi:
Kirkjan fær óskertar tekjur af
sóknar- og kirkj ugarðsgj öldum 1993
„Þorsteinn sýnir mikinn skilning á hlutverki kirkjunnar” segir biskup íslands
M orgu nbl aðið/KG A
Þorsteinn Pálsson ávarpar kirkjuþing í gær. Á myndinni má einnig sjá biskup íslands herra Ólaf Skúlason
og vígslubiskup séra Bolla Gústavsson.
23
Tónlistardagar Dómkirkjunnar:
Kórverk Jóns Þórar-
ínssonar frumflutt
Mogunblaðið/Þorkell
Jón Þórarinsson tónskáld og Marteinn H. Friðriksson stjórnandi Dóm-
kórsins og organisti Dómkirkjunnar.
ÞORSTEINN Pálsson dóms- og
kirkjumálaráðherra ávarpaði
kirkjuþing í gær. Sagði hann að
í fjárlagagerð fyrir árið 1993
fengi kirkjan aftur óskertar
tekjur af kirkjugarðsgjaldi.
Sagðist hann enn vera þeirrar
skoðunar að þjóðkirkjunni beri
þeir fjármunir sem ríkið hafi
tekið að sér að innheimta fyrir
hana og að ríkissjóður hafi tek-
ið fé kirkjunnar ófrjálsri hendi.
Hann hafi, þrátt fyrir yfirlýsing-
ar sínar á síðasta ári, staðið
frammi fyrir þeirri staðreynd
að niðurfelling skerðingar sókn-
ar- og kirkjugarðsgjalda hefði
kallað á hækkun sparnaðar-
markmiðs dóms- og kirjumála-
ráðuneytisins í 780 miHjónir
króna, en því hafi verið falið að
ná sparnaði upp á 700 milljónir
króna. Auk þess sagðist hann
vilja að kirkjan fengi aukið fjár-
hagslegt sjálfstæði og nefndi
m.a. í því sambandi jarðeignir
þjóðkirkj unnar.
Þo'rsteinn sagði að uppbygging
og starf kirkjunnar kostaði vitan-
lega peninga og hún gæti ekki
staðið við skuldbindingar sínar án
tekjustofna. Það væri ánægjulegt
að vita að með því að innheimta
markaðar tekjur kirkjunnar með
ríkissköttunum í staðgreiðslukerf-
inu hafi fjárhagur hennar batnað
mikið. Á næsta ári væri áætlað
að sóknar- og kirkjugörðsgjöld
næmu 1.210 milljónum króna sam-
anborið við 1.218 milljónir króna
fyrir skerðingu árið 1989, mælt á
föstu verðlagi. Vísitala þessara
gjalda hefði meira en tvöfaldast
frá 1984 og hækkunin næmi 130%
á sama tíma og vísitala almennra
skatttekna hafí hækkað um 34%.
Ætlunin hafi verið að bæta fy'ár-
hagsstöðu kirkjunnar og það hafi
tekist.
Dóms- og kirkjumálaráðherra
sagði að með fjárlögum fyrir árið
1990 hafi skerðing á tekjustofnun
kirkjunnar fyrst verið ákveðin og
sóknargjald skert um 5% og kirkju-
garðsgjald um 15%. Þegar endur-
taka átti skerðinguna hafí hann
verið í hópi manna sem mest mót-
mæltu því. Mótmælin hefðu borið
þann árangur að á Alþingi hafi
skerðing sóknargjalds verið af-
numin en kirkjugarðsgjald skert
um 20%. „Allt það sem sagt var
stendur enn óhaggað. Óumdeilt er
að þau mótmæli sem ég og aðrir
höfðu frammi, og hér hafa verið
rifjuð upp, höfðu áhrif í þágu kirkj-
unnar. Frá skerðingu sóknargjalda
var fallið og sá draugur endanlega
kveðinn niður og verður því ekki
vakinn upp aftur,” sagði Þorsteinn.
Þorsteinn sagðist ekki hafa ver-
ið tilbúinn að klípa af sneið’t.a.m.
löggæslunnar og björgunarsveitar
Landhelgisgæslunnar til að bæta
kirkjunni skaðann. „En við fjár-
lagagerð næsta árs verður þessi
tekjustofn óskertur eins og ég
skýrði biskupi fyrir nokkru frá að
í undirbúningi væri. Kirkjunnar
menn vita að það er ekki alltaf
hlaupið að því að kveða niður
drauga, sem vaktir hafa verið upp,
en það verður eigi að síður að því
er þennan varðar gert við næstu
fjárlagagerð, sem verður sú fyrsta
sem þessi ríkisstjórn vinnur að með
fullum undirbúningstíma,” sagði
Þorsteinn.
Jafnframt sagði Þorsteinn að
ríkið og kirkjan þyrftu að greiða
úr jarðeignarmálum kirkjunnar.
Sagði hann að kirkjueignanefnd,
sem skipuð var af kirkjumálaráð-
herra árið 1982, hefði fyrir nokkru
skilað fyrri hluta álits síns og þar
komi fram hin mikilvæga lögfræði-
lega niðurstaða að jarðeignir sem
kirkjur hafí átt, og ekki hafí verið
seldar frá þeim með lögmætri
heimild, séu enn kirkjueignir. Sé
honum tjáð að í seinni hluta álits-
ins komi fram jarðir þessar séu
um 400 talsins. Sagði Þorsteinn
fyrsta skrefið til að koma þessum
málum í lag, ætti að vera, að ríkið
annars vegar og þjóðkirkjan hins
vegar, skipi menn af sinni hálfu
til að komast að samkomulagi um
það hver framtíðarskipan kirkju-
eigna skuli vera.
Að lokum sagði dóms- og kirkju-
málaráðherra að þrátt fyrir þreng-
ingar við fjárlagagerð sé í frum-
varpi til fjárlaga gert ráð fyrir 13
milljónum króna til sérstakra verk-
efna í Skálholti. Sé það von hans
að Skálholtsstaður skipi áfram
þann verðuga sess sem hann ger-
ir, með þjóðkirkjunni og þjóðinni
allri.
Biskup íslands herra Ólafur
Skúlason sagði heimsókn Þorsteins
á kirkjuþing vera tímamótaheim-
sókn. „Hann kemur á miðju kirkju-
þingi því hann á erindi við okkur,
ekki aðeins til að bera hönd yfir
höfuð sér, heldur til að boða tvennt.
Annars vegar að ekki verði lengur
um skerðingu á sóknar- og kirkju-
garðsgjöldum að ræða frá 1993,
o g hins vegar að tekið verði á þessu
viðkvæma en ■ þýðinarmikla máli
sem eru eignir kirkjunnar. Hann
gerði það að tillögu sinni að nefnd
yrði síripuð af beggja hálfu, til að
gera tillögur í eignarmálum kirkj-
unnar. Þorsteinn sýnir mikinn vel-
vilja og skilning á hlutverki kirkj-
unnar, bæði í dag og þeim arfi sem
gerir íslenska þjóða að því sem hún
nú er,” "sagði biskup.
TÓNLISTARDAGAR Dómkirkj-
unnar verða haldnir í tíunda
sinn dagana 6.-10. nóvember nk.
en það er Dómkóriim í Reykja-
vík sem efnir til Tónlistardag-
anna. Tvennir tónleikar verða í
Dómkirkjunnfyog einir í Landa-
kotskirkju auk þess sem Dóm-
kórinn syngur í messu í Dóm-
kirkjunni. A efnisskrá Tónlistar-
daganna er m.a. frumflutningur
á verkinu „Vakna þú, sál mín”
eftir Jón Þórarinsson.
Margir listamenn hafa komið
fram á tónleikum Dómkórsins. Á
hverju ári hafa ýmist tónskáld,
hljóðfæraleikarar, stjórnendur eða
einsöngvarar verið fengnir að utan,
til að taka þátt í Tónlistardögun-
um. Að þessu sinni kemur Sigríður
Ella Magnúsdóttir, 'operusöng-
kona, sem búsett er á Englandi,
og Ann Toril Lindstad, frá Nor-
egi, heldur orgeltónleika, en hún
var fyrir nokkrum árum organisti
hér á landi.
Að sögn Marteins H. Friðriks-
sonar, stjórnanda Dómkórsins og
organleikara Dómkirkjunnar, hef-
ur Dómkórinn fengið á hveiju ári
tónskáld til að semja nýtt tónverk
í tilefni Tónlistardaganna. Nú var
leitað til Jóns Þórarinssonar til að
semja tónverk fyrir tónleikana.
„Ég samdi þessa mótettu
„Vakna þú, sál mín” við texta úr
57. Davíðssálmi. Þetta eru 8-10
tónverk fyrir kór án undirleiks, og
þó að verkið sé sungið allt í einni
lotu þá skiptist það efnislega í fjóra
þætti. Annars hef ég oft sagt það,
að tala um tónlist sé annað hvort
gagnslaust eða óþarfí. Ef maður
heyrir tónlistina þarf ekki að tala
um hana og ef maður heyrir hana
ekki þá er maður engu nær þó
talað sé um hana,” segir Jón Þórar-
insson.
Marteinn H. Friðriksson segir
verkið vera heilsteypt og í því sé
ekki verið að leita að einhveiju
nýju. „I verkinu er mikil fegurð,
en það er allt í senn ákall, bæn
og lofsöngur. Þetta er í raun nútí-
matónlist sem þó tengist áhrifum
18. aldar tónlistar. Verkið gefur
okkur sem flytjendum mikið og það
er okkur áhægjulegt að vinna við
það. Við enim Jóni mjög þakklát
fyrir þetta verk,” segir Marteinn.
Tónverk Jóns Þórarinssonar
verður frumflutt miðvikudaginn 6.
nóvember kl. 20.30 og þá syngur
einnig Sigríður Ella Magnúsdóttir
einsöngslög eftir Bach, Wolf o.fl.
Laugardaginn 9. nóvember kl.
17 verður Ann Toril Lindstad með
orgeltónleika, þar sem hún flytur
tónlist eftir G. Böhm, J.S. Bach,
W.A. Mozart o.fl. Dómkórinn flyt-
ur messusvör eftir Jón Þórarinsson
við messu í Dómkirkjunní sunnu-
daginn 10. nóvember. Sama dag
kl. 17 verður Dómkórinn með tón-
leika í Landakotskirkju. Þar flytur
kórinn verk sem hann söng á liðnu
sumri á kóramóti á Spáni, m.a.
eftir Hjálmar H. Ragnarsson, Jón-
as Tómasson, Knut Nystedt og
Siegfried Thiele, en þeir hafa allir
á liðnum árum samið verk fyrir
Tónlistardaga. Einnig verður flutt
Krýningarmessa W.A. Mozart fyrir
einsöngvara, kór og hljómsveit.
Sigríður Gröndal, Sigríður Ella
Magnúsdóttir, Þorgeir J. Andrés-
son og Tómas Tómasson einsöngv-
arar syngja og Úlrik Ólafsson leik-
ur einleik á orgel. Stjórnandi er
Marteinn H. Friðriksson.
Sextánda þingi Verkamannasambands íslands lokið:
Björn Grétar Sveins-
son kjörinn formaður
BJÖRN Grétar Sveinsson, verkalýðsfélaginu Jökli á Höfn í Horna-
firði, var kjörinn nýr formaður Verkamannasambands Islands á
þingi sambandsins sem lauk í gær, en Guðmundur J. Guðmundsson
fráfarandi formaður gaf ekki kost á sér í embættið. Jón Karlsson,
verkamannafélaginu Fram á Sauðárkróki var kjörin varaformaður
VMSI í stað Karls Steinar Guðnasonar sem ekki gaf kost á sér og
Karítas Pálsdóttir, verkalýðsfélaginu Baldri á Isafirði, var kjörin
ritari í stað Rögnu Bergmann, sem ekki gaf heldur kost á sér til
endurkjörs.
Björn Grétar sagði þegar hann
sleit þinginu að verkafólk um allt
land hefði fylgst með hvaða niður-
staða yrði af þinginu og hvaða
stefnu það mótaði til framtíðarinn-
ar og bættra lífskjara. „Það hvílir
mikil ábyrgð á okkur sem hér erum
og við þurfum að láta reyna veru-
lega á það á næstunni að leysa
sameiginlega þau verkefni sem
okkar bíða. Sá andi sem ríkt hefur
á þinginu segir mér að sú sam-
staða er til staðar.”
Stungið var upp á Jóni Kjartans-
syni úr Vestmannaeyjum í for-
mannskjör á móti Birni Grétari og
féllu atkvæði þannig að Björn
Grétar fékk 112 atkvæði gegn 26
atkvæðum Jóns. Hrafnkell A. Jóns-
son var boðinn fram til varaform-
anns sambandsins gegn Jóni Karls-
syni og fékk Jón 95 atkvæði og
Hrafnkell 43. Einnig var kosið um
stöðu gjaldkera sambandsins.
Kjörnefnd stakk upp á Halldóri
Björnssyni, verkamannafélaginu
Dagsbrún, en uppástungur úr sal
bárust um Elínbjörgu Magnúsdótt-
ur, Akranesi, og Sigurð T. Sigurðs-
son, Hafnarfírði. Halldór var kjör-
inn gjaldkeri með 71 atkvæði, Elín-
björg fékk 56 og Sigurður 12 at-
kvæði. Karítas Pálsdóttir var ein-
róma kjörin ritari sambandsins.
Auk þessara fjögurra sitja í níu
manna framkvæmdastjórn sam-
bandsins, Guðmundur J. Guð-
mundsson, Hervar Gunnarsson,
Guðmundur Finnsson, Sigurður
Ingvarsson og Björn Snæbjöms-
son.
Björn Grétar sagði í samtali við
Morgunblaðið að sér væri efst í
huga það traust sem þingið hefði
sýnt sér með svo afgerandi kosn-
ingu. Það væri gott veganesi.
Stærstu verkefnin framundan
sagði hann vera nýja kjarasamn-
inga, auk þess sem þingið hefði
falið stjórninni fjölmörg verkefni.
Hann sagði að ekki yrði farið að
ræða við vinnuveitendur sameigin-
lega fyrr en gengið hefði verið frá
sérkjaraviðræðum, sem bæði væru
í höndum aðildarfélaganna og
deilda VMSÍ. „Við höfum ekki
ótakmarkaðan tíma. Það er ákveð-
in verðbólga í gangi og á meðan
ekki er samið rýrnar kaupmáttur-
inn. Það verður að láta fljótt á það
reyna hvort þessar sérkjaraviðræð-
ur takast eða ekki, það er fyrsta
skrefíð,” sagði Björn Grétar.
Á þinginu voru fráfarandi for-
ystu þökkuð störf fyrir hreyfing-
una. Karl Steinar Guðnason hafði
orð fyrir þeim og sagði þegar ný
forysta hafði verið kjörin að sam-
starf þeirra hefði verið með ágæt-
um, það væri mikið mannkostafólk
sem hann hefði unnið með. Hann
og Guðmundur J. Guðmundsson
hefðu siglt margan sjóinn. „Við
höfum átt samstarf sem er senni-
lega emstakt í íslenskri verkalýðs-
hreyfíngu. Það sem hefur svo mjög
þjáð íslenska verkalýðshreyfingu á
undangengnu árum eru pólitískar
Morgunblaðið/Ámi Sæberg
Guðmundur J. Guðmundsson, fráfarandi formaður VMSÍ(t.h.) óskar Birni Grétari til hamingju ineð kjörið.
Á milli þeirra stendur Sævar Frímannsson.
illdeilur sem hafa skaðað hreyfíng-
una. Okkur hefur tekist að vinna
saman eins og einn maður. Okkur
hefur tekist að móta þá stefnu sem
við höfum sameiginlega talið rétta
fyrir hreyfínguna... Við þijú höfum
freistað þess að ná saman því sam-
staðan ein, einingin ein getur
bjargað íslensku verkafólki, ís-
lenskri verkalýðshreyfingu, fólkinu
í landinu. Áfram skulum við vinna
í þeim anda. Áfram skulum við
halda, lengra, ofar og hærra í bar-
áttunni fyrir betri lífskjörum, fyrir
stærri þjóðarköku, fyrir betra og
réttlátara mannlífi, það er ósk okk-
ar þriggja að leiðarlokum í þessu
starfí.”
Konur juku áhrif sín í 23 manna
sambandsstjórn 15 manna vara-
stjórn hennar. í sambandsstjórn
sitja eftirtalin, auk framkvæmda-
stjórnarmanna: Agnes Jóna Gam-
alíelsdóttir, Hofsósi, Benóný Bene-
diktsson, Grindavík, Einar Karls-
son, Stykkishólmi, Elsa Valgeirs-
dóttir, Vestmannaeyjum, Guðríður
Elíasdóttur, Hafnarfirði, Guðrún
Gísladóttir, Hellissandi, Guðrún
Haraldsdóttir, Hellu, Guðrún E.
Ólafsdóttir, Keflavík, Hafþór Rós-
mundsson, Siglufirði, Hrafnkell A.
Jónsson, Eskifirði, Ingibjörg Sig-
tryggsdóttir, Selfossi, Jóhannes S.
Guðmundsson, Garði, Kári Arnór
Kárason, Húsavík, Páll Jónsson,
Vík, Pétur Sigurðsson, ísafírði,
Ragna Bergmann, Reykjavík, Sig-
ríður Rut Pálsdóttir, Ólafsfirði,
Sigi-ún D. Elíasdóttir, Borgarnesi,
Sigurður Rúnar Magnússon,
Reykjavík, SigurðurT. Sigurðsson,
Hafnarfirði, og Stella Guðnadóttir,
Reykjavík.
Kórhátíð MS-félagsins:
Dagskráin verð-
ur á léttum nótum
— segir Björn Guðjónsson skipu-
leggjari kórahátíðinnar
MS-FÉLAGIÐ stendur fyrir kórahátíð í Háskólabíói í Reykjavík
laugardaginn 2. nóvember, sein hefst klukkan þrjú síðdegis, og
mun ágóði af henni renna í húsbyggingarsjóð félagsins. Á hátíð-
inni koma fram fjölmargir kórar og gefa allir sem þar fram
koma vinnu sína og Háskólabíó lánar salinn endurgjaldslaust.
Björn Guðjónsson sem stjórnað hefur Skólahljómsveit Kópavogs
um árabil er maðurinn á bak við þessa kórahátíð og hefur hann
undirbúið hana. En hvernig gekk að fá allt þetta fólk til liðs við
félagið?
„Það var í rauninni afskaplega
auðvelt að fá fólk til að gera
þettá,” segir Björn. „Það byggist
náttúrlega eitthvað á því að ég
er búina að vera að gutla í músík
undanfarið og þetta er flest fólk
sem ég þekki. Allir aðilar gefa
vinnu sína og húsið gefur eftir
sitt gjald þannig að hér leggjast
allir á eitt með félaginu í þessari
fjáröflun.”
Björn segir að kórarnir velji
sjálfír efnisskrá sína, þeir muni
tnllega flestir bjóða upp á léttari
tónlist og hver kór muni syngjá
í 10 til 15 mínútur, kannski þijú
til fjögur lög. Björn Guðjónsson
hefur stjórnað Skólahljómsveit
Kópavogs í 25 ár og var hann
spurður hvort hljómsveitin væri
ekki í fullu fjöri. „.Jú, eigum við
ekki að segja það. Ég er hins
vegar ekki alveg í fullu fjöri, en
ég stjórna þeim nú ennþá. Ætli
ég komist ekki upp með það á
' frekjunni,” segir Björn og er ófá-
anlegur til að ræða málið á alvar-
legum nótum, endá sjálfsagt van-
ari léttu nótunum. „Við vorum í
fyrra með 21 konsert kringum
jólin og mér sýnist allt stefna í
að við verðum ekki með færri í
ár.”
Eftirtaldir kórar munu koma
fram: Skólakór Kársness, stjórn-
andi Þórunn Björnsdóttir, Kór
Oldutúnsskóla, stjórnandi Egill
Friðleifsson, Dómkórinn, stjórn-
andi Marteinn H. Friðriksson, Kór
Langholtskirkju, stjómandi Jón
Stefánsson, Karlakórinn Fóst-
bræður, stjórnandi Árni Harðar-
son og Karlakór Reykjavíkur,
stjórnandi Friðrik S. Kristinsson.
Kynnir á tónleikunum verður
Baldvin Halldórsson, leikari.