Morgunblaðið - 31.10.1991, Blaðsíða 10
iao
^bitóuW'Éíl^ÐÍÐ MiWjtiÁÓÍlá SÍ. ÓiWóBER' Íí)91
Myndlist frá Grænlandi
Myndlist
EiríkurÞorláksson
Undanfarin mánuð hefur staðið
yfir í Norræna húsinu mikil dagskrá
um Grænland, sögn þess og menn-
ingu að fornu og nýju. Meðal annars
hafa verið sýndir leikþættir og kvik-
myndir, haldnir fyrirlestrar, vísna-
tónleikar og grænlenskt rokk mun
hljóma um næstu helgi, bæði í
Reykjavík og á Akureyri; loks hefur
myndlistarsýning frá Grænlandi
staðið yfir í sýningarsal Norræna
hússins frá 5. október. Þessi dagskrá
er árangur samstarfs Norræna húss-
ins í Reykjavlk og Norrænu stofnun-
arinnar á Grænlandi.
Sýningin „Myndlist frá Græn-
landi” telur rúmlega eitt hundrað
verk úr safni Astri Heilmann, sem
lést á miðju þessu ári. Astri bjó á
Grænlandi í rúma þijá áratugi, og
starfaði lengst af sem lektor við
Kennaraskóla Grænlands, aðallega í
listgreinum. Hún hafði þannig mikil
áhrif á heila kynslóð af kennurum,
sem áttu eftir að annast listfræðslu
í skólum, en hún var einnig sjálf lista-
maður og meðiimur í listafélagi í
Nuuk. Hún safnaði grænlenskri list
með það í huga að kynna hana er-
lendis og þau fjölbreyttu tjáningar-
form, sem þar er unnið með. - Sú
sýning sem hér er á ferðinni hefur
áður verið sett upp í Færeyjum og
á fjölmörgum stöðum í Danmörku,
en þetta er í fyrsta sinn sem hún
kemur til íslands.
Á sýningunni eru verk eftir um
þijátíu grænlenska listamenn, sem
tilheyra mismunandi kynslóðum.
Þarna getur meðal annars að líta
dúkristur, ætingar, akvatintur, sáld-
þrykk og vatnslitamyndir, svo nokk-
uð sé nefnt, svo og verk eftir Astri
Heilmann unnin með olíu á rekavið.
Sýningin er vegna þessa nokkuð fjöl-
breytt, en ber þrátt fyrir það með
sér ákveðinn heildarsvip, sem í hug-
um áhorfenda tengist óneitanlega
lífsháttum á Grænlandi.
Það sem einkum skapar þessi
tengsl eru myndefnin, sem flestir list-
amannanna haf valið að takast á
við. í þeim er náttúran afar áberandi
þáttur, og einkum er það ísinn og
hafíð sem birtast sem ríkjandi öfl í
umhverfi Grænlendinga. I mörgum
tilvikum er fjallað um litadýrð íssins,
líkt og sést í vatnslitamyndinni
„ísjakar” (nr. 13) eftir Astri Heil-
mann, en í öðrum eru það fjöllin sem
heilla, t.d. í „Heimþrá” (nr. 42) eftir
Nýjar íbúðir
SELTJARNARNES
Nú er tækifæri að eignast nýja íbúð
á Seltjarnarnesi
Til sölu mjög vandaðar 2ja, 3ja og 4ra herb. íbúðir við
Tjarnarmýri á Seltjarnarnesi sem afh. tilb. u. trév. og
málningu með öllum milliveggjum, hlöðnum og pússuð-
um (ekki spónap.).
Að utan verður húsið fullfrág. og málað. Lóð verður
tyrfð. íb. er með rúmg. suðursvölum. Stæði í bíla-
geymslu fylgir hverri íbúð. Hluti íb. fokh. nú þegar.
Fyrstu íbúðirnar verða afh. í febrúar '92.
Teikningar og byggingarlýsing liggja frammi á
fasteignasölu.
©FJÁRFESTING
FASTEIGNASALA,
Borgartúnl 31,106 Rvk., 1.824260.
Lögfr.: Pétur Þór Slgurðaton hdl.,
Sími 624250
BYGG&
BYGGINGAFELAG GYLFA S G U N N A R S
Til sölu í Hafnarfirði
Suðurgata: Sem nýtt og glæsilegt timburhús. 163 fm
íbúð á hæð og í risi. 36 fm kjallari og 35 fm bílskúr.
Skúlaskeið: Vandað timburhús 244 fm, hæð, kjallari og
ris. Tvær íbúðir. Bílskúr Mjög góður staður við Hellisgerði.
Öldutún: 2ja hæða 153 fm 6 herb. raðhús. Góður
bílskúr. Skipti á minni eign koma til greina.
Árni Gunnlaugsson, hrl.,
Austurgötu 10, sími 50764.
ODAL fyrirtækjasala
Skeifunni 11A
® 679999
Lögmaður: Sigurður Sigurjónsson hrl.
Eigendur fyrirtækja ath.!
Nú höfum við hjá fasteignasölunni Óðal farið af stað
með fyrirtækjasölu. Við leggjum áherslu á vönduð vinnu-
brögð og góða þjónustu. Ef þú ert í söluhugleiðingum
á þínu fyrirtæki þá vinsamlegast hafðu samband við
okkur. Ávallt heitt á könnunni.
Kveðja.
Jón G. Sandholt,
Svanur Jónatansson,
Jón Þór Ingimundarson.
Anne Lise Lavstram. Slík minni
ganga í gegnum verk margra þeirra
listamanna, sem hér ber fyrir augu.
Annað sem einkennir sýninguna
tengist mjög lífsbaráttunni í landinu,
en það eru myndir af dýrum, sem í
hugum Græníendinga hafa skiljan-
lega fyrst og fremst verið veiðidýr
og tákn um þá lífsafkomu, sem þeir
hafa þurft að beijast fyrir. Hreindýr,
fulgar, moskusuxar, selir, snæhérar,
hvítabirnir og refir sjást hér á veggj-
unum í fjölda mynda eins og „ísbjörn
og refur” (nr.99) eftir Aka Hoegh,
þar sem lífsbaráttan kemur skýrt
fram. Þetta er glögglega til vitnis
um hversu mikilvæg náttúrutengslin
hljóta alltaf að vera fyrir veiðimanna-
samfélagið - tengsl sem vilja rofna
fljótt hjá iðnaðarsamfélögum.
Það er einkum á einu sviði, sem
segja má að íslensk myndlist og
grænlensk tengist, og má ætla að
það sé sameiginlegt öllum norrænum
samfélögum, en það er í mikilvægi
birtunnar. Sólin, máninn og stjöm-
urnar eru mikilvægir þættir í fjölda
mynda hér, og minna á að eftir langa
og dimma nótt kemur bjart vor og
sumar eilífrar birtu; þá nýtur Græn-
lands þeirrar náttúrustemningar,
sem fmnst vart annars staðar.
Sýningunni „Myndlist frá Græn-
landi” í sýningarsölum Nörræna
hússins lýkur sunnudaginn 3.
nóvember.
Aka Hoegh: ísbjörn og refur. Æting. 1985.
Athyglisverður píanóleikari
Tónlist
Jón Ásgeirsson
Fyrstu tónleikar Tónlistarfélags-
ins á þessu starfsári voru haldnir í
íslensku óperunni sl. þriðjudag.
Ungur píanóleikari, Connie Shih,
frá Kanada, lék verk eftir Mozart,
Beethoven, Chopin, Debussy og
Liszt. Fyrsta viðfangsefnið var són-
ata í C-dúr, K330, eftir Mozart.
Connie Shih, sem er aðeins 17 ára,
lék þessa silfurtæru tónlist af mik-
illi tilfinningu fyrir opinskáu tón-
máli Mozarts.
í Waldstein-sónötunni, eftir
Beethoven, kom enn skýrar fram
hversu Shih er eiginlegt að leika
með sterkar andstæður í styrk og
áherslum og upphefja háttbundið
hljóðfall til undirstrikunar á ýmsum
blæbrigðum. Margir heimspekingar
hafa haldið því fram að tónlist sé
mál tilfmninganna og skilningur
manna sé túlkun á þeim áhrifum,
sem þeir upplifa sem áheyrendur.
Leyndardómur tilfinninganna verð-
ur aldrei afhjúpaður eða numinn
með einum eða öðrum hætti og í
Connie Shih
tónlist, eins og Ballöðunni nr. 1
eftir Chopin, nægir ekki að leika
nóturnar, því þar er kallað til okkar
úr dulardjúpum tilfinninganna.
Hvort allir heyra þann seið með
sama hætti og Connie Shih, skiptir
engu, heldur það að hún magnar
fram sína eigin mynd og þar er hún
sannfærandi.
KRINGWN KRINGWN
KBIHeNM KBIHeNM
MARKAÐSTORG
KRINGLUNNAR
Markaðstorg Kringlunnar hefur nú starfað
í hartnær 4 ár á 3. hæð Kringlunnar,
Kringlunni 8-12
Nú fyrir jólin er besti sölutíminn okkar.
Þær verslanir og heildverslanir, sem
áhuga hafa á að koma og selja vöru sína
á markaðstorginu, hafi samband sem
allra fyrst í síma 678857 milli kl. 1 3 og
1 8 virka daga eða í síma 642425 eftir
kl. 19.00 á kvöldin.
Markaóstorg Kringlunnar er
markaóur sem er opinn allt árió.
KRINGMN KRINGMN
KBIMeNM KBIHeNM
í Eyju gleðinnar eftir Debussy
kveður við annan tón en í tónlist
eftir Chopin og Beethoven. Þar er
verið að fást við túlkun og útlistun
á mynd og þó þessi myndræna
umsköpun í tónlist sé þrungin af
tilfínningu, er hún fyrst og fremst
leikur, þar sem ekkert er sagt bein:
um orðum, aðeins gefið í skyn. I
túlkun Shih á Eyju gleðinnar vant-
aði nokkuð á þessa glæsilegu mynd-
lýsingu og flutningurinn, tæknilega
vel útfærður, var einum of þrung-
inn.
Tónleikunum lauk með fyrsta
Mefistóvalsinum eftir Liszt. Þar fór
þessi unga stúlka á kostum og lék
þetta erfiða verk af glæsibrag. Það
er engum vafa undirorpið að Connie
Shih er „virtúós” í bestu merkingu
orðsins, ræður yfir mikilli tækni og
hefur náð tökum á mjög persónu-
legri túlkun og er óhrædd við að
ganga í því efni eins langt og hægt
er. Það er þessi vogun, sem er heill-
andi í leik hennar og reyndar mikil-
væg, því margbrotin listfjölmiðlun
nútímans hefur ieitt af sér alþjóð-
lega stöðlun, er síðan hefur umtum-
ast í kröfu, sem fjötrað hefur marg-
an efnilegan listamanninn, þá hann
villtist af leið, í leit sinni að dular-
máli listarinnar. Connie Shih hefur
fundið sína leið og í Ieik má heyra
óma dvergmála úr hulduheimum
hinnar eilífu fegurðar.
--------------------
■ Á TVEIMUR VINUM í kvöld,
fimmtudaginn 31. október, verða
tónleikar með Orgli og flytur
hljómsveitin eigið efni. Föstudags-
og laugardagskvöld skemmtir
hljómsveitin Loðin rotta en sú sveit
hefur tekið breytingum að undan-
förnu og má þar m.a. nefna nýjan
bassaleikara sem er hljóðmaðurinn
Bjarni Bragi. Sunnudag til mið-
vikudags skemmtir bandaríska
söngkonan, gítar- og munnhörpu-
leikarinn Cindy Smith. Hún er
þekkt kráarsöngkona í nokkrum
fylkjum Bandaríkjanna og er núna
á ferð um Evrópu til að skemmta.
Hún flytur blandaða tónlist, blús,
rokk, kántrí svo eitthvað sé nefnt.
VZterkurog
L/ hagkvæmur
auglýsingamiðill!