Morgunblaðið - 10.11.1991, Blaðsíða 25

MORGUNBLAÐIÐ MINNINGAR SUNNUDAGUR 10. NÓVEMBER 1991
C 25
Minning:
Guðmundur Grímsson
Fæddur 1. júlí 1935
Dáinn 1. nóveniber 1991
Guðmundur var föðurbróðir okk-
ar systkina og er okkur bæði ljúft
og skylt að minnast hans nú þegar
vegir skiljast, svo mjög sem við
nutum hans í uppvexti okkar.
Guðmundur fæddist í Reykjavík,
sonur hjónanna Gríms Bjarnasonar
tollvarðar og Ólafar Guðmundsdótt-
ur konu hans. Eina systkini hans
var Bjarni, faðir okkar. Guðmundur
ól allan sinn aldur í Reykjavík, en
þegar í hernsku fékk hann sjúkdóm,
heilahimnubólgu, sem læknavísindi
þess tíma réðu ekki betur við en
svo að hann bjó við nokkra örorku
allt sitt líf eftir það. Hann naut því
ekki margs þess sem sjálfsagt þyk-
ir að börn og unglingar njóti, svo
sem skólagöngu. Af sömu ástæðu
gat hann heldur ekki tekið þátt í
leikjum og hvers konar samveru
jafnaldra sinna, enda var tíðarandi
þá annar en nú og þeir sem á ein-
hvern hátt voru fatlaðir guldu þess
meir. Þegar talað er um framfarirn-
ar sem orðið hafa á undanförnum
áratugum, — og þá ef til vill aðal-
lega tæknilegar, vill stundum
gleymast að tíunda þær sem orðið
hafa á afstöðu okkar til þeirra sem
minna mega sín í samfélaginu
vegna einhvers konar fötlunar. Þar
hafa margs konar samtök og líknar-
félög lyft Grettistaki á þessu sviði
og sem betur fer starfa þau ótrauð
áfram okkur öllum til heilla.
Guðmundur frændi okkar hlaut
grundvallarfræðslu í foreldrahúsum
og, sem oft vill verða um þá sem
eitthvað eru skertir á einu sviði,
náði hann þeim mun meiri þroska
á öðru. Hans svið var stærðfræði,
reyndar aðeins takmarkaður hluti
hennar og á forsendum sem hann
gaf sér sjálfur. Ekki var neinn
meðalmaður öruggur um að vera
Guðmundi fljótari í margföldun, eða
deilingu, þótt hann styddist við
vasatölvu, en frændi reiknaði í hug-
anum.
Guðmundur kvæntist aldrei og
bjó hjá foreldrum sínum framundir
það að honum bauðst að flytja í
sambýli á vegum Styrktarfélags
vangefinna fyrir fjórum árum.
Styrktarfélagið, stjórnendur þess
og starfsfólk á miklar þakkir skild-
ar fyrir þann aðbúnað og atlæti sem
hann naut þar. Óhætt er að fullyrða
að innan vébanda Styrktarfélagsins
hafi hann notið sín hvað best í lífi
sínu.
Hann starfaði sem lagermaður
hjá SÍS Austurstræti á annan ára-
tug en síðar við samskonar störf í
birgðastöð ÁTVR.
Þegar við nú minnumst hans, þá
er það sem Búbba frænda, enda
hét hann það í okkar munni sem
barna, og reyndar æ síðan.
Búbbi var stóri frændinn okkar.
Hann fór gjarnan með okkur í bíó
og í skrúðgöngu þegar svo bar
undir. Bæði þá og endranær var
hann jafn óspar á nammið sem tím-
ann til að sinna okkur. Mannkostir
hans voru líka slíkir að þeir hlutu
að laða að honum jafnt börn sem
fullorðna, gæfu þeir sér tóm til að
hyggja að þeim. Búbbi frændi var
öðrum mönnum orðvarari, sann-
gjarnari, heiðarlegri, hóglátari og
prúðari. Þetta eru stór orð, en eiga
fyllilega við þegar um hann er rætt.
Ef til vill mætti af þessu ætla að
hann hafi verið skaplaus maður, en
svo var ekki. Hann kunni bara öðr-
um betur að stilla sitt skap.
Á barnsárum okkar stundaði
hann langar göngur og fór einfari,
jafnvel um allt höfuðborgarsvæðið.
Aldrei mun það líða einu okkar úr
minni þegar það hafði gleymt sér
og álpast svo langt að heiman að
allar áttir glötuðust. Þegar örvænt-
ingin var að ná sínum heljartökum
á barnshuganum kom Búbbi frændi
gangandi fyrir næsta horn og öll
veröldin var í einni svipan orðin
örugg og hvergi betra að vera en
einmitt þarna, hvar sem það var.
Og honum lá að sjálfsögðu ekkert
á. Nægur tími gafst til að sinna
öilum hugðarefnum, bæði á staðn-
um og á leiðinni heim enda líka
yfrið umræðuefni milli stóra frænda
og litla skjólstæðingsins. Þannig
var Búbbi frændi.
Einn er sá félagsskapur ónefndur
sem frændi okkar naut sír vel í en
það er Ferðafélag íslands. Óteljandi
eru ferðir þær sem hann fór í á
þess vegum og spurður um áhuga
á sólarlandaferðum svaraði hann:
„Þórsmörk er mín Majorka.” Greini-
legt var að þar eignaðist hann góða
ferðafélaga.
Nú þegar Guðmundur frændi
okkar er lagður í sína hinstu för
viljum við þakka öllum þeim sem
auðsýndu honum hlýhug, skilning
og velvilja á lífsgöngu hans og
kveðjum hann fullviss þess að þar
sem góðir menn ganga eru Guðs
vegir.
Grímur, María, Helga og Hilmar.
+
Útför ömmu minnar,
ÁGÚSTÍNU HALLDÓRSDÓTTUR,
Kumbaravogi,
áður Öldugötu 32,
fer fram frá Fossvogskapellu þriðjudaginn 12. nóvember kl. 15.00.
Þeir, sem vilja minnast hennar, vinsamlega láti Blindrafélagið njóta
þess.
Helga Magnúsdóttir.
Hjartkær eiginmaður minn, faðir, stjúpfaðir, afi og langafi,
SVEINN GUÐMUNDSSON
húsasmfðameistari,
Norðurbrún 8,
verður jarðsunginn frá Áskirkju miðvikudaginn 13. nóvember
kl. 15.00.
Jónrna Sturlaugsdóttir,
Hjálmfríður R. Sveinsdóttir,
Hrönn Sveinsdóttir, Erlingur Guðmundsson,
Marfa Óladóttir,
Guðrún Óladóttir,
barnabörn og barnabarnabörn.
+
Útför móður okkar, tengdamóður, ömmu og langömmu,
VALBORGARBENTSDÓTTUR
fyrrverandi skrifstofustjóra,
verður gerð frá Langholtskirkju þriðjudaginn 12. nóvember
kl. 13.30.
Þeim, sem vilja minnast hennar, er vinsamlegast bent á Menning-
ar- og minningarsjóð kvenna.
Silja Sjöfn Eiríksdóttir,
Edda Völva Eiríksdóttir, Friðrik Theodórsson,
Vésteinn Rúni Eirfksson, Harpa Karlsdóttir,
barnabörn og barnabarnabörn.
+
Útför bróður míns og mágs,
GUÐMUNDAR GRÍMSSONAR,
verður gerð frá Nýju kapellunni í Fossvogi mánudaginn
11. nóvember kl. 13.30.
Blóm eru vinsamlegast afþökkuð, en þeim, sem vilja minnast
hans sérstaklega, er bent á Minningarsjóð Styrktarfélags
vangefinna (sími 15941).
Bjarni Grímsson, Hanna María Gunnarsdóttir.
+
Við þökkum auðsýnda samúð við andlát
og útför eigimanns míns, föður okkar,
tengdaföður, afa og langafa,
JÓNASAR HJÖRLEIFSSONAR,
Rauðafelli,
Austur-Eyjafjöllum.
Sérstakar þakkir til starfsfólks Sjúkra-
húss Suðurlands og hjúkrunarheimilis-
ins Ljósheima, Selfossi.
Ragnhildur Guðjónsdóttir
börn, tengdabörn, barnabörn
og barnabarnabörn.
ERFISDRYKKJUR
í þægilegum og
rúmgóöum salar-
kynnum okkar.
Álfheimum 74,
sími686220
Minning
Semjum minningargreinar,
afmælisgreinar,
tækifærisgreinar.
Önnumst milligöngu
við útfararstofnanir.
Sími 91-677585.
Fax 91-677586.
V J
Legsteinar
Framleiðum allar stærðir og gerðir af legsteinum.
Veitum fúslega upplýsingar og ráðgjöf
_______um gerð og val legsteina._
K S.HELGASON HF
SKEMMUV83I 48-SlMI 76677
4—L
KYNNINGARVIKA
WINDOWS
Notendaumhverfi framtíðarinnar
EjS sýnir spennandi nýjungar og fjölmarga möguleika Windows á sérstakri
Windows viku 11.-15. nóvember frá 9 - 18 daglega.
Meðal annars kynnt samvinna risanna tveggja, WordPerfect og Windows:
: Mest nota&a ritvinnslukerfi í heimi og vinsælasta notendaumhverfib.
■ Stöbugar kynningar á Windows forritum alla daga. Ennfremur sérstök
kynningardagskrá fjórum sinnum á dag.
Líttu inn á Windows viku hjá EJS.
EINAR J. SKULASON HF
Grensásvegi 10, 108 Reykjavík, Sími 686933
EJS
isniBd do
=1