Morgunblaðið - 21.11.1991, Blaðsíða 27
26
MORGUNBLAÐIÐ FIMMTUDAGUR 21. NÓVEMBER 1991
JHtffigtitifrlftfrií
Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Ritstjórnarfulltrúi
Árvakurh.f., Reykjavík
Flaraldur Sveinsson.
Matthías Johannessen,
Styrmir Gunnarsson.
Þorbjörn Guðmundsson,
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Björn Vignir Sigurpálsson.
Ritstjórn og skrifstofur: Aðalstræti 6, sími 691100. Auglýsingar: Aðal-
stræti 6, sími 691111. Afgreiðsla: Kringlan 1, sími 691122. Áskriftar-
gjald 1200 kr. á mánuði innanlands. I lausasölu 110 kr. eintakið.
Erlend fiskiskip,
löndun og þjónusta
að hefur mikið vatn runnið
til sjávar frá árinu 1922
þegar Alþingi setti lögin, sem
banna erlendum fiskiskipum að
landa afla sínum í íslenzkum
höfnum og fá þar þjónustu. Nú,
tæpum sjö áratugum síðar, eru
landsfeður farnir að tala um
það í fullri alvöru að nema þessi
gömlu lög úr gildi.
Gífurlegar breytingar hafa
orðið í íslenzku þjóðfélagi frá
1922. Þá var fiskveiðilandhelg-
in aðeins 3 mílur og fjöldi er-
lendra skipa stundaði veiðar við
landið, stundum upp í kartöflu-
görðum eins og það var kallað
áður fyrr. Höfuðrökin fyrir
setningu laganna 1922 voru
þau að gera útlendingum físk-
veiðar á íslandsmiðum eins erf-
iðar og kostnaðarsamar og unnt
væri og bæta þar með sam-
keppnisstöðu landsmanna
sjálfra. íbúar voru aðeins
96.386 talsins 1922. Afli ís-
lendinga þetta ár var 157.311
tonn þar af 127.138 tonn bol-
fiskur. Afli útlendinga á ísland-
smiðum var taisvert meiri, eða
267.542 tonn, þar af 227.352
tonn bolfiskur.
Það var engin furða, að •
landsmönnum yxi í augum sókn
útlendinga í auðlind hafsins og
vildu draga úr henni eins og
kostur var. En lögin virðast lít-
11 áhrif hafa haft í þá veru,
a.m.k. er frá leið, því stóraukin
togaraútgerð og bættur tækja-
kostur auðveldaði sókn á ís-
landsmið.
Islendingar urðu því að leita
nýrra leiða til að .tryggja sér
yfirráð yfir auðlindinni. Stærsta
og merkasta skrefíð í þá átt var
setning laganna 1948 um vís-
indalega verndun landgrunns-
ins, sem fól í raun í sér íslenzk
jÆrráð yfír hafsvæðinu um-
hverfis landið og fískistofnun-
um. A landgrunnslögunum var
útfærsla fískveiðilögsögunnar
síðan byggð, í 4 mílur 1952, í
12 mílur 1958, í 50 mílur 1972
og loks í 200 mílur 1978.
Það er þessi þróun, sem í
raun hefur gert úrelt lögin frá
1922 um bann við löndunum
erlendra skipa í íslenzkum höfn-
um. Islendingar hafa full yfir-
ráð yfír hafsvæðunum um-
hverfis landið og auðlindinni og
keppa ekki lengur við útlend-
inga um veiðarnar og sölu af-
urðanna af Islandsmiðum. Sú
mikilvæga breyting hefur og
orðið, að fiskveiðar við landið
eru ekki lengur fijálsar, því
Alþingi hefur sett lög um há-
marksafla og kvótakerfið í því
skyni að vernda fiskstofnana.
Afleiðingin er sú, að framboð á
fiski er langtum minna en eftir-
spurnin og fiskvinnsluna skortir
sárlega hráefni. Stórt skref var
stigið til að auka löndun aflans
heima með stofnun fiskmarkað-
anna og gefa þannig fiskvinnsl-
unni færi á því að bjóða í físk-
inn á móti kaupendum erlendis.
Þetta hefur gefizt vel að mörgu
leyti, aukið hagkvæmni í vinnsl-
unni, leitt til sérhæfíngar, ekki
sízt hjá mörgum smáum fyrir-
tækjum, sem sprottið hafa upp.
Á móti hefur komið, að verðið
hefur hækkað svo, að vinnslan
á erfitt með að rísa undir því.
Útgerðarmenn og sjómenn
hagnast hins vegar á háu fisk-
verði.
Nú blasir við enn veruleg
skerðing á afla og það hefur í
för með sér að fiskvinnsluna
skortir stórlega hráefni. Það
þýðir einnig minnkandi vinnu
landverkafólks og jafnvel at-
vinnuleysi sums staðar. Það er
því tími til kominn að leita úr-
bóta og ein leiðin getur verið
sú, að heimila erlendum fiski-
skipum að landa afla sínum í
íslenzkum höfnum og selja
hann. Það færir fiskvinnslunni
hráefni og íslenzkum höndum
verk að vinna.
Algerlega er óljóst, hvort er-
lend fískiskip munu að ráði
landa afla sínum hér, en það
má aftur á móti ganga út frá
því sem vísu, að mörg þeirra
munu leita eftir hvers kyns
þjónustu, t.d. viðgerðum og
kosti. íslenzkur málmiðnaður
hefur lengi hvatt til þess, að
viðgerðir á erlendum skipum
verði heimilaðar og hefur m.a.
bent á, að smiðjur í Færeyjum
og Noregi hafí af þeim miklar
tekjur og vinnu. Bæjarfélög
víðs vegar um land eru þess
mjög hvetjandi að lögunum
verði breytt til að blása nýju
lífí í fábrotið atvinnulíf og vinna
gegn samdrættinum sem fyrir-
sjáanlegur er í sjávarútvegi.
Þorsteinn Pálsson, sjávarút-
vegsráðherra, hefur lagt fram
frumvarp um breytingar á lög-
unum frá 1922. í þeim er fyrir-
vari um áframhaldandi löndun-
arbann úr skipum, sem veiða
úr sameiginlegum fiskstofnum,
er ekki hefur verið samið um
nýtingu á.
Allar horfur eru því á, að
innan tiðar verði horfið frá
stefnumörkuninni frá 1922 og
sem í raun varð úrelt með út-
færslu fiskveiðilögsögunnar í
200 mílur. Því fyrr sem nýju
lögin ná fram að ganga því
fyrr færa þau ný verkefni til
fiskvinnslunnar, verkstæða og
hvers kyns annarra þjónustu-
fyrirtækja.
Magnús L. Sveinsson formaðuP Verslunarmannafélags Reykjavíkur:
Lengri afgreiðslutími staðfest-
ir góða afkomu verslunarinnar
Verslunarmenn leggja fram kröfur sínar á morg-un
„ÞAÐ að kaupmenn skuli stöðugt sækjast eftir því að lengja af-
greiðslutímann og.þar með auka launagreiðslur með 80% álagi á
dagvinnutímakaup sýnir ótvírætt að verslunin er miklu betur stödd
en látið hefur verið í veðri vaka,” sagði Magnús L. Sveinsson for-
maður Verslunarmannafélags Reykjavíkur, aðspurður um viðbrögð
við fréttum af þeirri þróun sem orðið hefur í verslunarmálum í
Reykjavík undanfarið með sífellt lengri afgreiðslutíma. „Þetta
kemur raunar heim og saman við niðurstöður könnunar sem Versl-
unarráð Islands hefur gert og sýndi að meðalhagnaður í verslun
hafi verið 16% á síðasta ári. Eg hygg að það þætti gott í mörgum
öðrum starfsgreinum miðað við það sem talað er um núna,” sagði
Magnús. Verslunarmenn leggja fram kröfur sínar í komandi samn-
ingum á fundi með viðsemjendum á föstudag.
Magnús L. Sveinsson kvaðst
hljóta að álykta. að verslunin í land-
inu væri tiltölulega vel í stakk
búin til að hækka dagvinnulaun
verslunarfólks. „Við erum fúsir til
samstarfs og viðræðna um ha-
græðingu sem skili sér þannig að
hluti af þessum miklu næturvinnu-
greiðslum verði færður yfír á dag-
vinnunlaun fólksins,” sagði Magn-
ús. Hann sagðist aðspurður ekki
vera að ræða um vaktavinnusamn-
ing enda yrði slíkt aðeins til að
lækka laun en ekki til að koma á
raunverulegum vöktum nema af-
greiðslutími væri kominn upp í
tvöfaldan dagvinnutíma.
Magnús segir að sú þróun sem
nú er að verða í átt til sífellt lengri
afgreiðslutíma verslana í Reykja-
vík komi ekki á óvart. Undanfarin
misseri hafi verslanir í nágrana-
sveitarfélögum verið hafðar opnar
fram eftir kvöldum og um helgar
og ekki það hafí ekki gengið til
lengdar að Reykjavík eitt sveitar-
félaga á svæðinu hefði þrengri
reglur hvað þetta varðar. Hins
vegar sagði hann það mikið
áhyggjuefni að auk þess sem vin-
nutíminn sé orðinn óhemjulangur
færist í vöxt að vinnuveitendur
vilji láta vinnudaginn hefjast síðar
og standa fram til 10-11 á kvöldin.
Magnús sagðist telja það
ánægjulegar fréttir að hópbónus-
samningar í fískvinnslunni hefðu
skilað fiskvinnslufólki 60-70%
álagi á dagvinnulaun og kaup-
máttaraukningu á þjóðarsáttar-
tímanum en á sama tíma hefði
kaupmáttur launa afgreiðslufólks
hins vegar fallið. „Það sýnir að
við verðum að komast út úr því
samningsformi sem verið hefur og
hefur tekið mið að afkomu físk-
vinnslu en ekki einstakra starfs-
greina,” sagði Magnús L. Sveins-
son. Hann sagðist aðspurður ekki
líta á það sem áfellisdóm yfír for-
ystu verslunarmanna að samning-
ar fiskvinnslufólks hefðu skilað
þeim mun betri hækkunum en
verslunarmenn hefðu náð fram og
sagði að niðurstaðan úr því dæmi
hefði skilað meiri hækkunum en
menn hefðu séð fyrirfram. Hins
vegar hefðu allir hagnast á þjóðar-
sáttarsamningunum og með lækk-
aðri verðbólgi og auknum stöðug-
leika auk þess sem kaupmáttur
hefði að meðaltali hrapað um
15-16% árið fyrir gerð þeirra
samninga, í febrúar 1990.
Dræmt á loðnumiðunum:
Loðnan dreifð og
stendur nú djúpt
-segir Geir Garðarsson skipstjóri á Helgu H
LOÐNUVEIÐARNAR hafa
gengið illa það sem af er vertíð-
inni en nú eru átta skip á loðn-
umiðunum auk þess að rann-
sóknarskipið Bjarni Sæmunds-
son leitar loðnu norður af Kol-
beinsey. Geir Garðarsson skip-
stjóri á Helgu II segir að loðnan
sé dreifð og standi nú djúpt en
skipið hefur veitt um 500 tonn
á síðustu tveimur dögum sem
telst léleg veiði.
„Þetta hefur verið léleg veiði
hjá öllum skipunum hérna. Ætli
Súlan sé ekki með mestan afla eða
um 700 tonn enda búin að vera
hér lengst,” segir Geir Garðarsson
en er Morgunblaðið ræddi við hann
seint í gærkvöldi var Helga II
stödd norður af Sléttu. „Auk þess
hamlar nokkuð veiðum hve mikið
er af-smáloðnu og hólf lokuð af
þeim sökum.”
Geir segir að þrátt fyrir mikla
leit loðnuskipa á miðunum hafí lít-
ið fundist af veiðanlegri' loðnu.
Hvað framtíðina varðar segir Geir
að erfítt sé að spá í þessa veiði
eins og er en hann vonar að veið-
in fari að glæðast á næstunni.
„Við lifum allir í voninni hér enda
annað ekki hægt,” segir hann.
Vaka berst fyrir hags-
mumim námsmanna
eftirElsuB.
Valsdóttur
Þessa dagana er starfandi nefnd
á vegum menntamálaráðuneytisins
sem hefur það hlutverk að semja
frumvarp til laga um Lánasjóð ís-
lenskra námsmanna. Námsmenn
eiga tvo fulltrúa í þeirri nefnd. f
sumar komu fram hugmyndir um
breytingar á Lánasjóðnum sem
fæstir gátu sætt sig við. Þær gengu
í meginatriðum út á að setja 4%
vexti á námslánin, afnema tekju-
tengingu endurgreiðslna og að lána
ekki einstaklingum undir 20 ára
aldri.
Námslán beri ekki vexti
Vaka hafnar þeirri kröfu að
námslánin beri vexti. Lán til fram-
færslu eru ekki fjárfestingarlán,
þau eru ætluð til að tryggja öllum
jafnan rétt til náms óháð efnahag.
Það er lykilatriði að sjóðurinn gegni
áfram því hlutverki sínu að vera á
þann hátt félagslegur jöfnunarsjóð-
ur. Arðsemi þess fjármagns sem
sett er í sjóðinn á hveijum tíma
skilar sér kannski ekki í krónum
og aurum heldur því sem ætti að
vera jafnmikils virði; betur mennt-
uðum einstaklingum, þjóðfélaginu
öllu til hagsbóta.
Hertar endurgreiðslur
Eitt af vandamálum sjóðsins er
hve hægt endurgreiðslur námslána
skila sér og eins áð á þeim verða
viss afföll. Vaka telur eðlilega kröfu
að lánin séu greidd að fullu til baka
og leggur til hertar endurgreiðslur
sem útfærist þannig: Endurgreiðsl-
ur verði tengdar við tekjur þ.a. Ián-
þegi greiði ákveðið hlutfall tekna
sinna til sjóðsins. Fyrsta árið yrði
þetta hlutfall 4%, en hækkaði um
0,15% á ári í 15 ár og héldist svo
í 6,25%. Langflestir yrðu búnir að
greiða lánið sitt til baka áður en
því marki yrði náð. Markmiðin með
þessueru: 1) Að stytta endur-
„Markmiðin með þessu
eru: 1) Að stytta endur-
greiðslutímann. 2) Að
draga úr afföllum og
3) Að þyngja ekki'
greiðslubyrðina rétt
eftir að fólk kemur úr
námi heldur gefa því
færi á að koma undir
sig fótunum, kaupa
húsnæði o.s.frv.”
greiðslutímann. 2) Að draga úr af-
föllum og 3) Að þyngja ekki
greiðslubyrðina rétt eftir að fólk
kemur úr námi heldur gefa því
færi á að koma undir sig fótunum,
kaupa húsnæði o.s.frv. Þessi hug-
mynd sparar sjóðnum 300—400
milljónir. Gert er ráðfyrirsérstöku
MORGUNBLAÐIÐ FIMMTUDAGUR 21. NÓVEMBER 1991
27
Moigunblaoið/KUA
Fundurinn á Hótel Sögu var fjölmennur og þar mátti sjá marga sveitarstjórnarmenn víða af landinu auk starfsmanna Ríkisskipa.
Undirbúningsnefnd vínnur að stofnun hlutafélags um Ríkisskip:
Þjónustugjöld þurfa að hækka
um 40-50% til að komast á núllið
- segir Guðmundur Einarsson forstjóri
Á FUNDI sem Starfsmannafélag Ríkisskipa efndi til á Hótel Sögu
í gærkvöldi var samþykkt samhljóða ályktun þess efnis að unnið
skyldi að stofnun hlutafélags um rekstur Ríkisskipa. Jafnframt var
skipuð níu manna undirbúningsnefnd á fundinum sem vinna skyldi
að þessu máli og efna síðan til formlegs stofnfundar hlutafélagsins.
Fundurinn var mjög fjölsóttur og
auk starfsmanna Ríkisskipa voru
sveitarstjórnarmenn víða af landinu
áberandi meðal fundarmanna.
Fundarstjóri var Ellert B. Schram
ritstjóri en framsögumenn voru þeir
Eyjólfur Konráð Jónsson alþingis-
maður, Hjörtur Emilsson gjaldkeri
Starfsmannafélagsins, Eiríkur
Greipsson frá Flateyri og Jón Kristj-
ánsson alþingismaður.
Hjörtur Emilsson sagði í ræðu
sinni að ástæða þess að starfsmenn
Ríkisskipa hefðu forgöngu um mál
þetta væri sú að þeir þekktu best
mikilvægi þeirrar þjónustu sem fé-
lagið veitir og þyrfti að veita áfram.
Eigið fé Ríkisskipa um síðustu ára-
mót var um 455 milljónir króna en
stærstu eignir voru skipin, vöru-
skemma, um 800 gámar og ýmis
tæki. Framlag ríkisins til reksturs
Ríkisskipa hefði stöðugt minnkað
að raungildi á undanfömum árum.
Það væri um 235 milljónir króna í
ár en færi í 204 milljónir á næsta
ári.
í máli Hjartar kom fram að þær
hugmyndir hefðu komið upp meðal
starfsmanna hvað nýtt hlutafélag
varðar að eigendur þess yrðu í
fyrstu starfsmennirnir sjálfír auk
þeirra aðila sem byggja á þjónu’stu
Ríkisskipa auk þess að æskilegt
væri að ríkið yrði eignaraðili fyrstu
árin en seldi síðan hlut sinn.
Eyjólfur Konráð Jónsson greindi
fundarmönnum frá því hvernig
hlutaíjárlöggjöfin er byggð upp og
hvaða möguleikar væru í stöðunni.
Hann taldi ekki óeðlilegt í þessu
máli að farin yrði sú leið sem farin
var við uppbyggingu fyrjrtækja í
Þýskalandi að lokinni seinni heims-
styijöldinni. Það er að allir starfs-
menn fengju. gefin hlutabréf eða
þyrftu að greiða lítið fyrir þau og
þeim sem lengi hefðu starfað hjá
félaginu en væri komnir á ellilaun
gæfíst kostur á að verða hluthafar
einnig.
Eiríkur Greipsson sagði að um-
ræðan um Ríkisskip að undanförnu
hefði markast nokkuð af fordómum
en það væri að hans mati mikil-
vægt að það hlutverk sem félagið
hefði sinnt á undanförnum árum
yrði áfram við lýði.
Jón Kristjánsson sagði að Ríkis-
skip væri sú lífæð sem mestu máli
skipti fyrir atvinnulíf á Austfjörðum
þar sem strandlengjan þar væri
löng og vegakerfíð oft sundurskor-
ið. Fólk á Austfjörðum hefði því
miklar áhyggjur af framtíð Ríkis-
skipa og hann fyrir sitt leyti fagn-
aði því að umræður um að breyta
íélaginu í hlutafélag væru nú komn-
ar á skrið.
Að Ioknum framsöguræðum
gafst fundarmönnum kostur á að
beina fyrirspurnum til Guðmundar
Einarssonar forstjóra Ríkisskipa.
Guðmundur var m.a. spurður að því
hve þjónustugjöld Ríkisskipa þurftu
að hækka mikið til að koma rekstri
félagsins niður á núllpúnktinn.
Hann svaraði því til að líklega
þyrfti 40-50% hækkun þeirra en
það væri mun meira en markaður-
inn þyldi. Guðmundur var einnig
spurður afhveiju félagið væri ekki
með farþegaflutinga á sínum snær-
um eins og á árum áður. Guðmund-
ur svaraði því til að slíkt hefði alls
ekki reynst hagkvæmt en sjálfsagt
væri að hlutafélagið skoðaði þennan
möguleika í framtíðinni.
18 mánaða fang-
elsi fyrir nauðgnn
SAKADÓMUR Reykjavíkur hefur dæmt 27 ára gamlan mann í 18
mánaða fangelsi fyrir að hafa nauðgað 16 ára gamalli stúlku á heim-
ili sínu í Breiðholti milli jóla og 'nýárs í fyrra. Hann er einnig dæmd-
ur til að greiða stúlkunni 500 þúsund króna miskabætur. Móðir manns-
ins og maður hennar voru stödd á heimilinu þegar nauðgunin átti
sér stað. í frásögnum af atburðinum hjá lögreglu og fyrir dómi þótti
maðurinn verða margsaga. Vitnisburður móður hans og manns henn-
ar þótti ekki trúverðugur eða óvilhallur enda í andstöðu bæði við
frásögn stúlkunnar og þess dæmda. Framburður stúlkunnar, sem kom
heim og saman við frásagnir manns sem hún leitaði ásjár hjá eftir
atburðinn, lögreglumanns sem kom á vettvang og rannsókn á fatnaði
og líkama stúlkunnar, var því lagður til grundvallar og talið sannað
að maðurinn hefði þröngvað enni til holdlegs samræðis með ógnunum
Elsa B. Valsdóttir
öryggiskerfí handa þeim sem hvað
lægstar tekjur hafa og þola ekki
þunga greiðslubyrði.
Hlutalán
Vaka telur eðlilegt að gefa náms-
mönnum kost á að taka minna lán
en þeim býðst samkv. úthlutunar-
reglum. Þó lánin dugi mörgum ekki
til framfærslu eru aðrir sem hafa
minni fjárþörf og ættu þeir að geta
takmarkáð lántöku sína sjálfír.
Breytt tekjumeðferð
í dag er það þannig að hafi náms-
maður í sumarleyfí tekjur umfram
ákveðið mark skerðist lánið hans
um 50 aura fyrir hveija krónu sem
hann vinnur sér inn umfram. Þessi
upphæð er í dag u.þ.b. 145.000
fyrir námsmann í leiguhúsnæði.
Þetta kerfí hvetur námsmenn ekki
til að afla sér tekna í sumarleyfinu
en þeim sem það gera er refsað
með skertu láni. Vaka telur eðlilegt
að kerfið hvetji menn til vinnu og
tekjumeðferðinni verði breytt þann-
ig að frítekjumarkið svokallaða
verði hækkað verulega en umfram-
tekjur dragist að fullu frá veittu
láni.
Mikilvægi iðnnáms
Vaka telur það hættulega stefnu
að miða lánshæfni við ákveðinn ald-
ur. Verði þeirri reglu beitt mun hún
aðallega bitna á iðnnemum og fólki
í stuttu starfstengdu námi. Iðn-
menntun er mjög mikilvæg fyrir
þjóðfélagið og því ætti að hvetja
fólk í þannig nám með því að hafa
það lánshæft.
Höfundur er formaður Vöku og
fulltrúi félagsins í nefnd um LIN.
Maðurinn og stúlkan hittust í
fyrsta skipti á veitingastað í borg-
inni þetta kvöld. Þau fóru saman í
leigubíl á ananð veitingahús en
komu við á heimili mannsins sem
ætlaði að ná sér þar í peninga og
áfengi en í stað þess fór fólkið inn
og ræddi um stund við móður
mannsins og mann hennar. Hinn
dæmdi bað stúlkuna að ræða eins-
lega við sig í herbergi sínu en þeg-
ar liann gerði sig líklegan til að
nauðga henni hljóp hún út úr íbúð-
inni. Maðurinn elti hana fáklæcidur
út sló haha b^ lltó naíiú'húúbu&a’ £
með sér inn í íbúðina og kom síðan
fram vilja sínum við hana inni í
herberginu.
Stúlkan sagði að móðir mannsins
og maður hennar hefðu ekki sinnt
beiðnum sínum um hjálp enda hefði
sonurinn verið æstur og ógnandi í
garð allra viðstaddra. Hún hefði því
ákveðið að veita ekki frekari mót-
spyrnu. Við læknisskoðun fundust
áverkar á stúlkunni, auk þess sem
föt hennar höfðu orðið fyrir
skemmdum í átökum við manninn.
i l’élur,. Gudgeirssou r sakadómai-i .
kvað upp aóminn.
Dagsbrún
leitar
verkfalls-
heimildar
DAGSABRÚN hefur boðað til
félagsfundar í Borgarbíó kl. 17
í dag en fundarefnið er verkfalls-
hcimild til handa stjórn og trún-
aðarmannaráði félagsins.
Guðmundur J. Guðmundsson for-
maður Dagsbrúnar segir að ástæð-
an fyrir því að leitað er eftir verk-
fallsheimild nú sé sú að engin al-
vara virðist vera af hendi vinnuveit-
enda í sérkjaraviðræðum við Dags-
brún á undanförnum vikum. „Við
erum búnir að hlusta á almennt
spjall um hagfræði og stöðu þjóðar-
búsins frá viðsemjendum okkar í
fjórar vikur og þeir virðist bara
vera að teygja tímann. Slíkt gengur
ekki lengur,” segir Guðmundur.
Leikskólar í Árbæ,
Artúnsholti og Selási:
Foreldrar
vilja að hag-
ur starfsfólks
verði bættur
FULLTRÚAR foreldrafélaga
barna í fjórum Icikskólum í Árbæ,
Ártúnsholti og Selási hafa afhent
Markúsi Erni Antonssyni, borgar-
stjóra, undii-skriftarlista 279 for-
eldra sem vilja að hagur starfs-
fólks barnaheimila í hverfunum
verði bættur í því skyni að fá festu
í starfsmannahald.
Guðlaug Ósk Gunnarsdóttir, í For-
eldrafélagi Heiðarborgar, sagði að
þess væri farið á leit við Dagvist
barna og borgarstjórn að athuga leið-
ir til þess að bæta aðbúnað starfs-
fólks í því skyni að ná festu í starfs-
mannahald leikskólanna. Hún sagði
að erfítt væri að fá fólk til starfa á
leikskólum í hverfunum og ör manna-
skipti væru á mörgum deildum.
Dæmi væru um að starfslið endurnýj-
aðist á þriggja mánaða fresti á sum-
um deildum. Fram kom að víða er
skortur á starfsfólki á barnaheimil-
um en ástandið er að sögn Guðlaug-
ar ívið verra á þessu svæði en ann-
ars staðar í borginni og tími til kom-
inn að vekja athygli á ástandinu.
Markús Örn Antonsson, borgar-
stjóri, tók á móti listunum á miðviku-
daginn. Að sögn Guðlaugar ætlar
hann að koma þeim til skila en benti
janframt á að erfítt væri um vik
varðandi launakröfur.
Guðlaug sagði að stefnt væri að
því að halda opinn fund með Dagvist
barna um málið.
Heitt vatn
fundið í
Hvammsvík
5-8 sekúndulítrar af 85 gráðu
heitu vatni hafa fundist við boranir
í Hvammsvík í Hvalfirði á um 1.100
metra dýpi. Að sögn Óskars
Bjartmarz, stjórnarmanns hjá Lög-
reglufélagi Reykjavíkur, sem er eig-
andi Hvammsvíkur, eru taldar
nokkrar líkur á að meira sé að finna
á um 1.500 metra dýpi en í frekari
boranir verður ráðist eftir nokkra
mánuði.
Óskar Bjartmarz sagði að Lög-
reglufélagið hugsaði sér að nýta
vatnið til að hita upp landið og
auka nýtingarmöguleika þess en ef
15 sekúndulítrar fyndust við
Hvammsvík væri það talið nægja
til hitaveitu fyrir Kjósina alla. í
Hvammsvík er rekin fiskeldisstöð
til áramóta auk þess sem almenn-
ingier.sel^ur aðgangur að golfyelli
og veiðiaðstöðu.