Morgunblaðið - 15.02.1992, Blaðsíða 20

20
.f.i SiroAflHAftiífcl fflQAMM’IðHOM
MORGUNBLAÐIÐ LAUGARDAGUR 15. FEBRÚAR 1992
Nokkrar staðreyndir um
uppsagnir Þjóðleikhúss
Athugasemd frá þjóðleikhússtjóra
Morgunblaðinu hefur borist eft-
irfarandi athugasemd frá Þjóð-
leikhússtjóra:
Vegna ummæla, sem höfð eru
eftir Brynju Benediktsdóttur, leik-
stjóra, í frétt Morgunblaðsins í gær
um uppsagnir í Þjóðleikhúsinu, þar
sem farið er með rangt mál, er
óhjákvæmilegt að benda enn einu
sinni á eftirfarandi staðreyndir:
Ágreiningur sá er upp kom í fyrra
um uppsagnir undirritaðs á 9 starfs-
mönnum Þjóðleikhússins snerist um
þá grein Þjóðleikhúslaga sem snýr
að verka- og valdaskiptingu fráfar-
andi og viðtakandi Þjóðleikhús-
stjóra. Samkvæmt lögum starfar
nýr Þjóðleikhússtjóri samhliða frá-
farandi leikhússtjóra í 8 mánuði og
ber honum að undirbúa starfsáætl-
un fyrir næsta leikár, þ.e. sitt fyrsta
leikár, sem hefst 1. september.
Starfsáætlun felur í sér, hvernig
starfsemi leikhússins skuli háttað,
hvað skuli sýnt og hvetjir starfi að
þeim verkefnum. Engin uppsögn
undirritaðs átti að taka gildi fyrr
en 1. sept. 1991, þ.e. samhliða því
að undirritaður tók að fullu við
störfum.
Brynja Benediktsdóttir talar um
ólöglegar uppsagnir. Enginn hefur
úrskurðað uppsagnimar ólöglegar.
Pjögur formleg lögfræðiálit voru
lögð fram um túlkun fyrmefndrar
lagagreinar. Þijú þeirra töldu undir-
ritaðan hafa haft fullt umboð til
uppsagnanna og að réttilega hefði
verið að þeim staðið. Þetta voru
niðurstöður lögfræðings þess, sem
menntamálaráðuneytið leitaði til,
Gunnars Sæmundssonar hrl.; lög-
fræðings Þjóðleikhússins, Þórunnar
Guðmundsdóttur hrl. og Sigurðar
Líndal lagaprófessors. Fjórði aðilinn
sem leitað var til, Gunnlaugur
Claessen ríkislögmaður, taldi hins
vegar að margnefnd lagagrein um
umboð viðtakandi Þjóðleikhússtjóra
væri ekki ótvíræð og bæri því að
túlka greinina þröngt og líta svo á
að fráfarandi Þjóðleikhússtjóri færi
með húsbóndavald til 1. sept. Það
var á grundvelli þessa síðasta álits
að Gísli Alfreðsson, fyrrverandi
Þjóðleikhússtjóri, ákvað að draga
uppsagnimar til baka, þó svo að
hann hefði ekki gert við þær neinar
Athugasemd
Helgi Jóhannsson fram-
kvæmdastjóri Samvinnu-
ferða/Landsýnar og formað-
ur Félags íslenskra ferða-
skrifstofa hefur beðið blaðið
að birta eftirfarandi athuga-
semd:
Á bls. 4 í Morgunblaðinu 14.
febrúar er m.a haft eftir mér,
að samkeppni Flugleiða sé
óheiðarleg. Þama valdi ég
rangt orð. Það er ekkert óheið-
arlegt við samkeppni Flugleiða,
fyrirtækið hefur markað sér
ákveðna stefnu eins og sjálf-
sagt er af slíku stórfyrirtæki.
Sem talsmanni ferðaskrifstofa
er það skoðun mín að þessi
staða ferðaskrifstofanna gagn-
vart Flugleiðum verði frekar
að teljast ósanngjörn.
Biðst ég velvirðingar á því
að hafa notað orðið óheiðarleg-
ur því að ég hef aldrei reynt
Flugleiðir að óheiðarleika, þótt
á ýmsu hafa gengið í sam-
keppninni í gegnum árin.
0
athugasemdir á fundum Þjóðleik-
húsráðs í upphafi.
Brynja talar um að starfsmönn-
um hafi ekki verið færðar þakkir í
fyrri uppsagnarbréfum. Eins og
Brynju er vel kunnugt um, ræddi
undirritaður við þessa níu starfs-
menn hvern og einn, skýrði ástæð-
urnar fyrir uppsögn og lýsti þeim
vilja sínum fyrir hönd leikhússins
að þeir ættu þess kost að starfa
áfram við leikhúsið, þegar svo bæri
undir, þótt föstum samningi væri
rift. Stór hluti listamanna leikhúss-
ins hefur starfað og starfar á þeim
forsendum. Það var því ástæðulaust
að orða umrædd bréf eins og um
endanlegan skilnað leikhússins og
listamannanna væri að ræða, þótt
sumir þeirra hafa kosið að bregðast
þannig við.
Að lokum fullyrðir Brynja Bene-
diktsdóttir að hún hafi ekki geta
tekið að sér ábyrgðarmikil leik-
stjórnarverkefni utan Þjóðleikhúss-
ins végna stöðu sinnar við leikhús-
ið. Hið sanna í þessu máli er, að
hún hefur aldrei leitað eftir leyfi til
slíkra verkefna, hvorki þeirra sem
hún segist hafa neitað né þess sem
hún vann utan Reykjavíkur í haust.
Hefði slíkt að sjálfsögðu verið auð-
sótt eins og málum er háttað, enda
hefur leikhúsið greitt götur annarra
úr umræddum hópi, sem þess hafa
óskað.
Stefán Baldursson,
Þjóðleikhússtjóri.
Forstjóri Urvals-Utsýnar:
A
Asökunum um óheið-
arlega samkeppni
alfarið vísað á bug
„í FRAMHALDI af frétt Morgunblaðsins 14. febrúar þar sem for-
stjóri Samvinnuferða-Landsýnar lætur hafa eftir sér að ferðaskrif-
stofan Úrval-Útsýn standi óheiðarlega að verki í þeirri samkeppni
sem nú ríkir á ferðamannamarkaðinum er rétt að skoða eftirfar-
andi atriði," segir í athugasemd frá Herði Gunnarssyni, forsljóra
Úrvals-Útsýnar hf.
INNLENT
„Fyrir árið 1991 var mörkuð sú
stefna að lækka verð á sólarlanda-
ferðum um 20% frá því sem verið
hafði árið ’ áður með markvissu
starfi við innlenda og erlenda við-
skiptaaðila. Árangurinn lét ekki á
sér standa, farþegafjöldi í leigu-
flugi Útvals-Útsýnar jókst um 35%
og náðist fyrir bragðið jöfnuður í
rekstri fyrirtækisins á sl. ári.
Með því að byggja á góðum ár-
angri ársins 1991 hefur Úrvali-
Útsýn tekist að viðhalda stefnu
sinni í þá átt að bjóða landsmönnum
sífellt hagstæðari ferðamöguleika
eins og berlega mun koma í ljós
við útgáfu ferðabæklings fyrirtæk-
isins fyrir 1992 sem kynntur verður
nk. sunnudag. Sem gott dæmi má
nefna að gistikostnaður á hinni vel
metnu Royal-hótelkeðju á Mallorca
mun nú lækka um 15% á milli ára.
Önnur samkeppnisfær fargjöld sem
við munum bjóða eru eingöngu
árangur þrotlausrar vinnu við
endurskipulagningu ferðaskrifstof-
unnar við erlenda þjónustaðila. Eg
vísa því alfarið á bug órökstuddum
yfirlýsingum forstjóra Samvinnu-
ferða-Landsýnar um að Úrval-
Útsýn „bjóði vildarkjör á öllum
hluturn". Fyrirtækið býður við-
skiptavinum sínum eingöngu hag-
stæðustu kjör sem völ er á hveiju
sinni.
Dylgjur ofangreinds forstjóra
um meinta yfirtöku Flugleiða á
skuldum Úrvals-Útsýnar tel ég
koma úr hörðustu átt því eins og
hann væntanlega veit sjálfur, en
kannast samt ekki við í Morgun-
blaðinu 14. febrúar, hafa hluthafar
Samvinnuferða-Landsýnar oft
þurft að auka hlutafé ferðaskrif-
stofunnar vegna taprekstrar á liðn-
um árum, síðast á aðalfundi félags-
ins 1990. Það er því ekkert nýtt
að til slíkra aðgerða verði að grípa
þegar illa árar í þessum atvinnu-
vegi, og skiptir þá ekkí máli hvort
stærsti hluthafi er Samvinnuhreyf-
ingin, Flugleiðir eða einhver annar.
Það er því markleysa ein að Sam-
vinnuferðir-Landsýn hafi aldrei
lent í rekstrarörðugleikum sem
kallað hafi á björgunaraðgerðir
hluthafa.
Með minnihlutaeign ASI og
ýmissa verkalýðshreyfinga að
Samvinnuferðum-Landsýn hefur
ferðaskrifstofan fengið einkarétt á
sölu svokallaðra „verkalýðssæta".
í þessum viðskiptum hafa engin
fijáls útboð verið og öðrum ferða-
skrifstofum ekki verið gefinn kost-
ur á þeim. Það gefur því augaleið
að slíkur einkaréttur rýrir vaxtar-
möguleika annarra ferðaskrifstofa.
Það er skoðun mín að illt umtal
forstjóra Samvinnuferða-Landsýn-
ar um keppinauta sína komi ekki
til með að auka álit viðskiptavina
okkar á íslenskum ferðaskrifstof-
um heldur hið gagnstæða. Við skul-
um því láta væntanlegum við-
skiptavinum eftir að meta okkur.
Höfrungur III
Færeyjum.
Höfrungur III til
Akraness í kvöld
Akranesi.
HINN nýji togari Haraldar Böðvarssonar hf. á Akranesi kemur
væntanlega til heimahafnar í kvöld. Togarinn sem fengið hefur
nafnið Höfrungur III AK 250 er keyptur frá Færeyjum og hét
þar Pólarborg H.
Skipið er 55 metra langt, 12,8
metra breitt og mælist 784 brút-
tólestir og er smíðað í Noregi.
Kaupverð skipsins er um 500
milljónir króna og var togarinn
Krossvík AK sem er 20 ára gam-
alt skip látið ganga upp í kaupin.
Skipið er vel búið tækjum og
öflugt togskip, aðalvél skipsins
er 4076 hestöfl. Frystigeta skips-
ins er um 55 tonn af afurðum á
sólarhring og í því 864 rúmmetr:
ar fiystilest.
Fyrst í stað verður skipið gert
út jafnhliða á ferskfískveiðar og
frystingu um borð en innan
tveggja mánaða verður sett ný
vinnslulína fyrir bolfísk í skipið.
Samið hefur verið við Þorgeir
og Ellert hf. um hönnun og smíði
á vinnslulínunni og verða ýmsar
nýjungar í þessari vinnslulínu.
Með þessum kaupum sem eru
fyrirtækinu hagstæð er Haraldur
Böðvarsson hf. að færa frekari
stoðir undir vinnslu fyrirtækisins
en það rekur jafnframt eitt ■
stærsta frystihús landsins ásamt
fiskmjölsverksmiðju. Auk hins
nýja skips gerir fyrirtækið út tvo
togara og tvö síldar- og loðnu-
skip en loðnukvóti fyrirtækisins
er 9,5% af heildar loðnukvóta
landsmanna.
Skipstjóri Höfrungs III verður
Kristján Pétursson og yfíivél-
stjóri Reynir Magnússon. Nafn
skipsins er gamalkunnugt í skip-
aflota Akurnesinga. Höfrungur
III var til hjá útgerðinni á sjö-
unda áratugnum og var þá mik-
ið aflaskip, m.a. undir skipstjóm
Kristjáns Péturssonar. Það skip
hefur undanfarin ár verið gert
út frá Þorlákshöfn undir sama
nafni.
Áætlað er að áhöfn skipsins
verði 27 manns þegar vinnslu-
búnaðurinn er kominn um borð,
en til að byija með verður 17
manna áhöfn.
Skipið verður til sýnis í Akra-
neshöfn eftir hádegi á sunnudag.
- J.G.
Ólafur Ragnar Grímsson:
Ekkí óeðlilegt að sama
auglýsingastofa starfi
fyrir ráðuneyti og flokk
Um óskyld mál að ræða í þessu tilfelli, segir Gunnar S. Pálsson
ÖLAFUR Ragnar Grímsson formaður Alþýðubandalagsins segist
ekki telja það óeðlilegt að sama auglýsingastofa starfi fyrir ráðu-
neyti og sjái um kosningabaráttu fyrir stjórnmálaflokk líkt og aug-
lýsingastofan Hvíta húsið gerði sl. vor er hún sá um kynningar fyr-
ir fjármálaráðuneytið og kosningabaráttu Alþýðubandalagsins á
sama tíma.
Ólafur Ragnar segir að alþýðu-
bandalagsmenn hafi einfaldlega
metið hvaða auglýsingastofa væri
best til þess fallin að sjá um kosn-
ingabaráttu flokksins og Hvíta hús-
ið hafí orðið fyrir valinu.
„Sú vinna sem Hvíta húsið hafði
unnið fyrir ijármálaráðuneytið
löngu áður en ég kom í ráðuneytið
og hélt áfram formlega meðan ég
var fjármálaráðherra hafði ekkert
með það að gera að Alþýðubanda-
lagið Ieitaði síðan til hennar. Það
var einfaldlega metið hver væri
besta auglýsingastofan," sagði 01-
afur Ragnar í samtali við Morgun-
blaðið.
„Mér fannst ekki hægt að ég sem
fjármálaráðherra neitaði mínum
flokki um að eiga viðskipti við bestu
auglýsingastofuna þó að fjármála-
ráðuneytið hefði um áraraðir átt
viðskipti við Hvíta húsið. Satt að
segja hafði ég meiri efasemdir um
að ég gæti falið auglýsingastofu
þar sem margir sjálfstæðismenn
ynnu í trúnaðarstöðum, kosninga-
baráttu Alþýðubandalagsins," sagði
Ólafur Ragnar.
Gunnar Steinn Pálsson, fram-
kvæmdastjóri Hvíta hússins, segist
ekki telja óeðlilegt að auglýsinga-
stofa vinni fyrir ráðuneyti annars
vegar og stjórnmálaflokk hins veg-
ar á sama tíma þegar um óskyld
mál sé að ræða eins og verið hafi
í þessu tilfelli.
„Þegar verkefni tveggja aðila
skarast eins og verkefni ríkisskatt-
stjóra og fjármálaráðuneytisins í
tengslum við átak um aukna notkun
sjóðvéla þá tel ég feng að því að
sami aðili annist vinnuna fyrir á
báða,“ sagði Gunnar Steinn í sam-
tali við Morgunblaðið.
„Hitt að við vinnum á sama tíma
fyrir Alþýðubandalagið er allt ann-
að dæmi en þegar auglýsingastofur
geta unnið fyrir tvo eða fleiri aðila
í sama fagi sé ég ekkert óeðlilegt
að auglýsingastofa vinni fyrir ráðu-
neyti annars vegar og stjórnmála-
flokk hins vegar með óskyld mál
eins og um var að ræða í þessu til-
felli,“ sagði Gunnar Steinn.