Morgunblaðið - 27.02.1992, Blaðsíða 21
MORGUNBLAÐIÐ FIMMTUDAGUR 27. FEBRUAR 1992
21
Róstusamt
í Albaníu
AÐ MINNSTA kosti tveir
menn létu lífið þegar þúsundir
manna réðust inn í matvöru-
verslanir og birgðaskemmur í
bænum Pogradec í Albaníu í
fyrradag. Var fólkið í leit að
mat en svo mikill skortur er á
flestum nauðsynjum í landinu
að liggur við hungursneyð. Að
sögn útvarpsins í Tirana, höf-
uðborginni, tróðust mennirnir
undir og köfnuðu í látunum en
fólkið lét sem vind um eyru
þjóta þótt lögreglumenn skytu
af byssum sínum upp í loftið í
viðvörunarskyni. Komst ekki
ró á fyrr en hermenn höfðu
verið kvaddir á vettvang.
Ovænt
verðlauna-
veiting
LÖNGU dáinn söngvari, ást-
kær dóttir hans og 41 árs gam-
alt sönglag urðu sigursælust
þegar
Grammy-
verðlaunin
voru afhent í
New York í
fyrrinótt.
Fengu þau sjö
verðlaun alls,
þar á meðal
fyrir bestan
söng. Var hér
um að ræða
söngvarann Nat „King“ Cole,
sem lést 1965, dóttur hans,
Natalie Cole, og sönginn
„Ógleymanlegt" eða „Unfor-
gettable“. Var röddum þeirra
feðginanna blandað saman
með sérstakri tækni.
Loftbrúnni
lokið
MATVÆLA- og lyfjafiutning-
um Bandaríkjamanna til sam-
veldisríkjanna lauk í gær en
þeir hafa staðið yfir í tvær vik-
ur. Var farið í 65 flugferðir til
20 borga en þessir flutningar
voru fyrst og fremst táknrænir
fyrir þá aðstoð, sem í vændum
er við sovétlýðveldin fyrrver-
andi. Verður hún flutt með
lestum og skipum. Ella Alex-
androvna Pamfílova, ráðherra
í Rússlandsstjórn, sagði í gær,
að leið Rússa til lýðræðis væri
erfið en ekki óyfirstíganleg
með hjálp góðra vina. í síðustu
viku sagði rússneskur embætt-
ismaður, að þörf væri fyrir
milljón tonn af matvælum fljót-
lega og þrjár milljónir tonna
að auki á árinu.
Carrington í
Júgóslavíu
CARRINGTON lávarður, milli-
göngumaður Evrópubanda-
lagsins, átti í gær viðræður við
Slobodan Mil-
osevic, forseta
Serbíu, um
hugsanlegt
framhald á
friðarráð-
stefnunni um
Júgóslavíu.
Friðargæslu-
lið Sameinuðu
þjóðanna
kemur til
landsins á næstu vikum en
Carrington sagði, að það eitt
leysti ekki úr ágreiningi þjóðar-
brotanna. Ætlar hann sérstak-
lega að kynna sér ástandið í
Bosníu-Herzegovínu en þar er
loft lævi blandið eftir að mú-
slimar og Króatar í ríkinu
ákváðu að keppa eftir sjálf-
stæði þrátt fyrir andstöðu serb-
neska þjóðarbrotsins.
Asíumenn, sem búsettir eru í New York, mótmæla mannréttindabrot-
um í Kína fyrir utan aðalstöðvar Sameinuðu þjóðanna.
Kína:
Dagblað alþýðunnar
lofar kapítalismann
Peking. The Daily Telegraph.
DAGBLAÐ Alþýðunnar, málgagn kínverska kommúnistaflokksins, fór
lofsamlegum orðum um kapitalismann og „merkar menningarhefðir
Vesturlanda" í forsíðugrein um helgina.
Harðlínukommúnistar hafa haft
bæði tögl og hagldir innan dagblaðs-
ins frá því herinn kvað niður mót-
mæli lýðræðissinna á Torgi hins him-
neska friðar í júní 1989 og upp frá
því hafa þeir varað við samsæri
Vesturlanda um að grafa undan sós-
íalismanum í Kína með friðsamleg-
um hætti.
í forsíðugreininni er hins vegar
lögð áhersla á að sósíalisminn geti
ekki þróast án aukinnar samvinnu
og nánari tengsla við umheiminn.
í greininni er einnig farið lofsam-
legum orðum um þá efnahagslegu
umbótastefnu sem Deng Xiaoping,
87 ára leiðtogi landsins, mótaði.
Greinin þykir benda til þess að Deng
og bandamenn hans í forystusveit
kommúnistaflokksins séu nú að
sækja í sig veðrið í baráttunni við
harðlínuöflin. Þeir blésu til nýrrar
sóknar fyrir rúmum mánuði þegar
Deng kom fram opinberlega í fyrsta
skipti í eitt ár og hvatti til örari og
djarfari umbóta. Upp frá því hafa
hvatningarorð leiðtogans enduróm-
að í kínverskum fjölmiðlum en það
er ekki fyrr en nú um helgina að
Dagblað alþýðunnar tekur við sér.
GRILLIÐ OPNAÐ
EFTIR GAGNGERAR
BREYTINGAR
Við bjóðum gesti okkar velkomna í nýtt Grill - nýjar
innréttingar, nýtt eldhús, nýr bar, nýr matseðill, nýr vínseðill
og lifandi tónlist í flutningi Carls Möller fimmtudags - til
sunnudagskvölds. Áfram leggjum við allan metnað í að
gestir okkar njóti bestu þjónustu og frábærrar matargerðarlistar.
Velkomin í nýtt Grill!