Morgunblaðið - 28.02.1992, Blaðsíða 17
\
MORGUNBLAÐIÐ FOSTUDAGUR 28. FEBRUAR 1992
Menningarverð-
laun D Y afhent
MENNINGARVERÐLAUN DV voru afhent í gær í fjórtánda sinn
í hádegisverðarboði í veislusalnum Þingholti. Menningarverðlaun-
in eru veitt fyrir listsköpun á síðasta ári í sjö listgreinum: bók-
menntum, myndlist, leiklist, tónlist, kvikmyndalist, byggingarlist
og listhönnun.
Þeir sem hljóta menningarverð-
laun DV í ár eru: Guðjón Peders-
en, Hafliði Arngrímsson og Grétar
Reynisson fyrir leiklist, en verð-
launin fá þeir fyrir leikstjórn og
uppsetningu á Rómeó og Júlíu sem
sýnt er í Þjóðleikhúsinu. Fyrir
myndlist fær Kristinn G. Harðar-
son verðlaunin fyrir sýningu sem
hann hélt í Nýlistasafninu, fyrir
bókmenntir fær Guðmundur Andri
Thorsson verðlaunin fyrir skáld-
sögu sína Islenski draumurinn,
Börn náttúrunnar hljóta verðlaun-
in fyrir kvikmyndalist, Ingimund-
ur Sveinsson hlýtur verðlaunin
fyrir byggingarlist fyrir hönnun
Perlunnar, Blásarakvintett
Reykjavíkur fær verðlaunin fyrir
tónlist og hönnunarverðlaunin fær
Þröstur Magnússon fyrir hönnun
frímerkja.
Menningarverðlaunahafar DV, talið frá vinstri: Þröstur Magnús-
son, Hafsteinn Guðmundsson (Blásarakvintett Reykjavíkur),
Ragnhildur Harðardóttir (tók á móti verðlaununum fyrir Krist-
in G. Harðarson), Friðrik Þór Friðriksson, Ingimundur Sveins-
son, Grétar Reynisson, Hafliði Arngrímsson og Guðmundur
Andri Thorsson.
Pakkhúsið
á Hofsósi
frágengið
Hofsósi.
GAMLA Pakkhúsið var afhent Þór
Magnússyni þjóðminjaverði í síð-
ustu viku eftir gagngerar endur-
bætur. Húsið er upphaflega byggt
árið 1777 á tímum Dönsku ein-
okunarverslunarinnar á Islandi.
í júní á síðastliðnu ári var ráðist
í það af miklum krafti að gera við
gamla pakkhúsið en áður hafði verið
bytjað smávegis á viðgerðum en fé
skorti til að hægt væri að ráðast í
stórframkvæmdir. Það má segja að
fyrst hafi komið skriður á málið er
hreppsnefnd Hofshrepps að frum-
kvæði sveitarstjóra Jóns Guðmundss-
onar bauð þjóðminjasafni að Hofs-
hreppur tæki lán til viðgerðanna sem
síðan endurgreiðist með framlögum.
Síðan var Þorsteinn Gunnarsson ark-
itekt fenginn til að hafa yfirumsjón
með verkinu en yfirsmiður var Val-
geir Þorvaldsson og til liðs við sig
fékk hann tvo smiði frá Siglufirði
þá Ágúst Stefánsson og Hjálmar
Jóhannesson.
Húsið var afhent þjóðminjaverði
við hátiðlega athöfn í sjálfu pakkhús-
inu og var helstu frammámönnum
héraðsins boðið að vera viðstöddum.
Tvö langborð höfðu verið sett upp
og á þeim var íslenskur þorramatur
og drykkur til að skola matnum nið-
ur, og er nokkrar ræður höfðu verið
fluttar var öllum viðstöddum boðið
að smakka á góðgætinu. Til borðs
þjónuðu tvær konur í íslenskum þjóð-
búningum.
Á efri myndinni af-
hendir Valgeir Þor-
valdsson Þór Magn-
ússyni þjóðminja-
verði Pakkhúsið á
Hofsósi.En á neðri
myndinni sést það
að utanverðu.
Morgunblaðið/Einar Jóhannsson
Jón Guðmundsson sveitarstjóri
flutti fyrst ræðu og bauð gesti vel-
komna, fór síðan vítt og breitt um
sögu hússins o.fl. Næstur tók til
máis Valgeir Þorvaldsson og í ræðu
hans kom fram að fyrirhugað væri
að í þessu húsi yrði Drangeyjarsafn
en það er þá átt við allt er viðkemur
sögu Drangeyjar svo sem fuglaveiðar
o.fl. Einnig sagðist Valgeir sjá fyrir
sér að þarna yrði ferðamönnum boð-
ið uppá að smakka íslenskan mat
og þar yrðu konur í íslenskum þjóð-
búningum sem biðu uppá þær veit-
ingar. Síðan afhenti Valgeir þjóð-
minjaverði húsið formlega. Þjóð-
minjavörður þakkaði fyrir og tók
undir orð Valgeirs um fyrirhugaða
notkun hússins, hann þakkaði sveit-
arstjóra Hofshrepps sérstaklega fyrir
hans framgöngu í því að viðgerð
hússins var möguleg. Það kom fram
í máli Þorsteins Gunnarssonar arki-
tekts að verkið væri alveg sérstak-
lega vel unnið og þakkaði hann þeim
er unnu að viðgerðinni.
Það skal tekið fram í lokin að fleiri
hús er ákveðið að varðveita í Hofs-
ósi og er þegar byijað á því verki.
- Einar.
1
Hefurþú ekið Ford - nýlega ? Lágmúla 5. Sími 68 15 55.
J&S