Morgunblaðið - 20.03.1992, Blaðsíða 9

MORGUNBLAÐIÐ FÖSTUDAGUR 20. MARZ 1992
B 9
Blómauppboð í fullum gangi.
Ó, Hú Tulípanaland
Túlípanar, lírukassar og bjór er eitthvað af því fyrsta er kemur
í hug fólks þegar minnst er á hið blauta Holland eins og landinu
er lýst I Islandsklukku Laxness. Á seinni árum hefur einnig færst
í vöxt að menn tengi landið verslun og viðskiptum ýmis konar.
Þannig niá til dæmis reikna með því að meirihluti þeirra tæplega
30.000 Islendinga er fóru um Schiphol-flugvöll á síðasta ári hafi
lagt upp í ferðalagið í þeim tilgangi að gera innkaup fyrir fjöl-
skyldúna enda ekki undarlegt þegar tekið er tillit til þess að
vöruúrval er gott í borginni og þar má oft og tíðum gera afar
hagstæð innkaup.
Hollensk baðströnd
Ferðalangarnir vilja þó oft
gleyma því að Holland er meira
en Amsterdam og fleira er hægt
að gera en að rölta um verslanir.
Má í því sambandi nefna að aðeins
um 40 km suðvestur af höfuðborg-
inni er 25.000 manna borg sem
byggir afkornu sína nærri ein-
göngu á ferðamönnum yfir sumar-
tímann. Borgin sú heitir Noord-
wijk og stendur við eina stærstu
baðströnd Hollendinga. Á veturna
er mikið um ráðstefnuhald í
Noordwijk en á túlípanatímanum
í sumarbyrjun flykkist þangað fjöl-
skyldufólk, mest annars staðar að
úr Hollandi og Þýskalandi, til þess
að slappa af og njóta þess sem
staðurinn hefur upp á að bjóða.
Ákaflega vinsælt er að liggja á
ströndinni og sleikja sólskinið en
staðsetning borgarinnar í einu
mesta blómaræktendahéraðinu
gerir stuttar skoðunarferðir einnig
ákjósanlegar.
Geimurinn
Meðal þess sem borgin sjálf
hefur upp á að bjóða er eitt full-
komnasta geimvísindasafn í Evr-
ópu, Space Expo. Mönnum kann
að virðast eðli safnsins full alvar-
legt meðan sólin skín úti en það
er langt í frá. Á safninu er rakin
saga geimvísinda með mjög lifandi
og skemmtilegum hætti þannig
að bæði böm og fullorðnir ættu
að hafa gaman af. Má þar nefna
að í safninu má sjá líkön af gervi-
tunglum í fullri stærð, kvikmynd
um rannsóknir í geimnum og
sýningarbás til útskýringar á
þyngdarleysi. í skemmtilegri
minjagripaverslun í safninu er
lögð áhersla á að hægt sé að kaupa
bæði ódýra og dýra minjagripi
fyrir alla.
15 milljónir blóma boðnar
upp daglega
Ekki langt frá Noordwijk (VBA
i Aalsmeer) er stærsta blómaupp-
boð í heimi. Sem dæmi um umfang
þess má nefna að húsnæði þess
nær yfir 630.000 fm svæði, þar
vinna 1.700 starfsmenn og 15
milljónir blóma em boðnar upp á
hverjum degi. Starfsemin er í
gangi allan sólarhringinn. Á nótt-
unni, milli kl. 3 og 4, koma blóma-
bændurnir með blóm á markaðinn,
um fimm-leytið koma kaupend-
urnir til að kanna gæði blómanna
og fyrsta blómauppboðið hefst kl.
6 á morgnana. Þá koma kaupend-
urnir sér fyrir í básum sínum og
fylgjast með uppboðsklukku sem
slær þeim blóm á um það bil 4
sekúndna fresti. 350 heildsalar og
kaupmenn eiga fasta bása á
blómauppboðinu en 80% blómanna
er flutt úr landi. Um það bil
200.000 gestir koma árlega til að
fylgjast með blómauppboðinu.
Blóm, blóm, blóm
Og áfram með blóm. Stolt Hol-
lendinga í ár er heimsins stærsta
blómasýning á 8.000 fm svæði í
Zoetermeer 10. apríl til 11. októ-
ber. Þegar ég var þar á ferð fyrr
í mánuðinum var lítið annað að
sjá en göngustíga, mold, gijót og
einstaka gróðurhús en þegar sýn-
ingin hefst er reiknað með að þar
verði hægt að sjá 35.000 tegundir
af jurtum. Reyndar er réttara að
tala um skemmtigarð í þessu sam-
band en blómasýningu því auk
jurtanna verður fjöldinn allur af
skemmtilegum uppákomum á
svæðinu. Má þar nefna litla jám-
brautarlest fyrir böm, leiksýning-
ar, tónleika og sitthvað fleira.
Búist er við að hver íjölskylda
eyði að minnsta kosti 5 tímum í
garðinum.
Rétt er að geta þess hér í fram-
hjáhlaupi að Hollendingar rækta
mikið grænmeti og seldu til dæm-
is 2.164 tonn af því til íslands á
síðasta ári. Mest var selt af lauk
eða 530 tonn, en einnig töluvert
af eplum (206 tonn) og perum
(159 tonn). Minnst er flutt inn af
tómötum (104 tonn) og gúrkum
(300 kg). Grænmetið er boðið upp
á svipaðan hátt og blómin í upp-
boðssölum í Zoetermeer. Um
l. 000 bændur standa að uppboð-
inu þar -sem boðnar eru upp um
100 tegundir af grænmeti og allt-
af eru nýjar tegundir að bætast
við. Mestur hluti grænmetisins er
ræktaður við lífræn skilyrði og
gerðar eru strangar kröfur um
gæði.
Amsterdam
Ekki má skilja svo við Holland
að ekki sé minnst á höfuðborgina
Amsterdam og hvað hún hefur upp
á að bjóða. Má í því sambandi
minnast á listasöfn borgarinnar
og nefni ég hér sérstaklega Sted-
elijk-safnið (Picasso, Monet, Deg-
as o.fl), Ríkissafnið (Rembrandt
m. a.) og Vincent van Gogh-safnið.
Þá er gaman að kynna sér fyrrum
húsakynni Önnu Frank og fjöl-
skyldu hennar í Amsterdam. En
ferðum á listasöfn ber ætið að
stilla í hóf og eitt af því skemmti-
legasta sem hægt er að gera í
Amsterdam er að fá sér leigt reið-
hjól og virða fyrir sér borgina á
hjóli. Svo er notalegt að koma sér
fyrir á litlu kaffihúsi og virða fyr-
ir sér íjölskrúðugt mannlífíð á
götunum. Um kvöldið er svo hægt
að bregða sér á krá, dansstað eða
jafnvel spilavíti í miðborginni.
Veitingastaðimir eru líka áhuga-
verðir og má að öðmm ólöstuðum
mæla sérstaklega
með japanska veit-
ingastaðnum á
Krasnapolsky-hót-
elinu á Damtorgi.
Fyrir bjóráhuga-
menn er vert að
geta sérstaklega
heimildarsafns um
Heinekenbj órfram-
leiðslu í miðborg-
inni. Þar kostar
bjórinn 2 gyllinni.
Ekki er ólíklegt
að Islendingar líti í
verslanir í Hollandi,
einkum ef tekið er tillit til þess
að verðlag er þar oft 20-30% lægra
en á Fróni. Sem dæmi má þá nefna
að Levis-gallabuxur kosta um 150
gyllinni í Amsterdam eða um
4.800 kr. en Levis 501-gallabuxur
kosta tæplega 7.000 kr. á íslandi.
Vöruúrvalið er líka gott, verslun-
arfólkið afar liðlegt og fagfólk á
sínu sviði. Einnig er heilmikil
skemmtan fólgin í því að rölta um
markaði í Amsterdam í góðu veðri.
Þar má finna flest sem hugurinn
girnist. Á heimleiðinni er svo
óhætt að mæla með einni ódýrustu
fríhöfn í heimi, á Schiphol-flug-
velli. ■
Anna G. Ólafsdóttir.
15 milljónir blóma eru boðnar upp á dag á
stærsta blómauppboði í heimi.
FERDIR UM HELGINA
Að Reynivöllum
ÚTIVIST fer 6. áfanga Kirkju-
göngunnar sunnudaginn 22.
mars. Kl. 10.30 verður farið frá
Umferðarmiðstöðinni og ekið
að Meðalfelli í Kjós og
gengið um Laxárnes
að Bollastöðum og
þaðan gömlu þjóð-
leiðina að Reyni-
völlum. Að lok-
inni heimsókn í
Reynivallakirkju
verður gengið
áfram að Vindási.
Kl. 13 er för frá
Umferðarmiðstöð-
inni og ekið að Bollastöð-
um og sameinast sá hópur
morgunhópnum. Stansað verður
við Árbæjarsafn og Kaupfélagið í
Mosfellsbæ í báðum ferðum.
Hafnarganga
í tilefni þess að Reykjavíkur-
höfn verður 75 ára á þessu ári
verða famar nokkrar gönguferðir
til kynningar á lendingar- og
hafnaraðstöðu í Reykjavík gegn-
um aldirnar og á flutningaleiðum
á landi til hafnarinnar.
Fyrsta gangan verð-
ur laugardaginn
21. mars. Lagt
o verður af stað frá
Miðbakka, framan
við Hafnarhúsið,
og gengið á stór-
straumsfjöru þar
sem gamla strandlínan
lá fyrir 1914 og út í
Grandahólma. í Granda-
hólma er talið að verslunar-
hús hafi staðið fyrr á öldum
og kaupskipin verið svínbundin þar
út af. Til baka verður gengið þar
sem alfaraleið út á Örfíriseyjar-
granda lá og að Hafnarhúsinu.
Þetta er fróðleg gönguferð við
allra hæfi. Ekkert þátttökugjald.
Hótel Hekla skammt
frá Costa Brava
HOSTEL Hekla er lítið hótel í
eigu íslendings, Magnúsar
Kristjánssonar, í ferðamanna-
bænum Tossa de Mar á Costa
Brava ströndinni á Spáni. Magn-
ús hefur ver búsettur þarna í
30 ár og í bæklingi frá hótelinu
segir að þar sem hann sé öllum
hnútum kunnugur á Spáni gæti
þetta verið hagstæður áningar-
staður islenskum ferðamönnum.
Ferðablaðið sló á þráðinn til
Magnúsar að forvitnast um hvað
væri í boði hjá Heklu. Hann sagði
að þetta væri lítið fjölskylduhótel
með alls tíu herbergjum, flest eru
tveggja manna og fjögur hafa sér-
bað en þijú baðherbergi era á
göngunum. Hann sagðist hafa
byijað með hótelið fyrir 28 áram
en það væri varla fyrr en á allra
síðustu áram að íslendingar hefðu
látið sjá sig. „Áður vora þeir allir
í hópferðum en nú er meira um
að fólk fljúgi til meginlandsins og
fái sér bíl og ákveði sjálft sína
ferðatilhögun og þar með gisti-
staði,“ sagði Magnús.
Tossa de Mar er lítið og vinalegt
þorp með 3.500 íbúum yfir vetrar-
tímann en íbúar fara upp í 40-50
þúsund yfír ferðamannatímann.
Verð á tveggja manna herbergj-
um með baði er 6 þús.pesetar, sem
lætur nærri að vera tæplega 3.000
kr. Herbergi án baðherbergis kost-
ar 5 þúsund peseta. Ef rnenn óska
geta þeir fengið morgunverð en
Hostel Hekla.
Magnús sagði að gestir hans vildu
borða á þeim veitingastöðum sem
þeim dytti í hug og hann teldi
ekki ástæðu til að hafa mat. Þó
væri hægt að útbúa snarl að ósk
gesta, svo sem hamborgara eða
samlokur.
Athugið sértilboð
í flughöfnum
FLESTAR stærstu flughafnir
hafa ákveðin sértilboð öðru
hverju og ættu flughafnargestir
að kynna sér þau og oft eru gefn-
ir út sérstakir
bæklingar um
þessi tilboð sem
stundum eru hin
hagstæðustu.
Ferðablaðinu hef-
ur verið sendur
bæklingur Schipol-flugvallar fyr-
ir marsmánuð og áhugamenn um
demanta geta til mánaðamóta
fengið hring úr 18 karata gulli
með demanti fyrir 3.600 krónur
og 7 demanta sett kostar 25.800
en venjulegt verð þess er um 34
þúsund.
Meðal annarra tilboða eru Gucci-
slæður á 6.400 krónur í stað 8.000,
súkkulaðiaskja frá Anton Berg fyrir
1.200 krónur, eða um 400 kr. ódýr-
ari en alla jafna, og lítil Panasonic-
útvarpstæki á 8.400 krónur sem er
2 þúsund krónum lægra en venju-
lega. ■
GENGIS-
SKRÁNING
9. mars 1992
AlSÍr dínar 2,6986
Ástralía dollar 45,2171
Bahrein dínar 158,6261
Bolivia bolivíanó 15,7920
Costa Rica kolon 0,4378
Equador sukra 0,0460
Gíbraltar pund 102,8690
Hondúras lempíra 10,9929
Indland rúpía 2,1887
ísrael sikill 24,9198
Jemen ríal 4,6157
Kína yan 10,8953
Kýpur pund 128,0261
Líbanon pund 0,0511
Madagaskar franki 0,0332
Marokkó dírham 6,9225
Mexíkó peso 0,0198
Nígeria naíra 3,9849
Sierra Leone leone 0,1377
Súdan pund 0,6641
Sýrland pund 2,9518 „
Tékkóslóvakía kómna 2,0471
Thailand baht 2,3340
Víetnam dong 0,0052