Morgunblaðið - 20.03.1992, Blaðsíða 11
MORGUNBLAÐIÐ FÖSTUDAGUR 20. MARZ 1992
B 11
Þrír þýzkir
kostagripir bornir saman
Þýzku bílatímaritin, Mot og Auto
Motor und Sport, þykja stundum
full hlutdræg og höll undir þýzka
framleiðslu til þess að alveg sé
mark á þeim takandi, þegar þýzk-
ir bílar er bornir saman við bíla
annarra þjóða. En þegar þeir bera
saman sína eigin bíla er síður von
á slíkri slagsíðu og slíkur saman-
burður er raunar mjög vísindalega
unninn; Bílunum gefín stig eftir
þáttum, sem taka mið af 1) yfir-
byggingu, 2) vél og drifrás, 3)
þægindum, 4) aksturseiginleikum
og 5) rekstri.
Auto Motor und Sport tók á síð-
astliðnu ári til samanburðar þijá
þýzka gæðagripi, Mercedes 260
E, BMW 525i og Audi 100 2,8
E. Eftir okkar skilgreiningu eru
þeir allir í flokki lúxusbíla. I form-
álá var þess getið, að ekki væru
gefin stig fyrir „útlit“ eða „feg-
urð“ og í því sambandi var vitnað
í orð þýzka 15. aldar málarans
Albrechts Durer, sem sagði:
„Schöriheit, was ist das?“- Feg-
urð, hvað er það? Bretinn á gam-
alt orðtak, sem segir að fegurðin
búi í augum þess sem horfir. Hún
er með örðum orðum eitthvað,
sem engin mælistika verður lögð
á og þessvegna vékst blaðið alveg
undan því að leggja slíkt mat á
þessa keppinauta. Hitt er svo ann-
að mál, að oft er reynt að leggja
mat á hönnun; það er talað um
góða og miður góða hönnun og
þá með tilvísun til þess hver ætl-
unin var og hvort hönnuðinum
hafi tekizt að ná settu marki. En
einnig það er mjög umdeilanlegt.
Hér er ekki rými til að fara
yfir þann samanburð, sem Auto
Motor und Sport gerði í smáatrið-
um; aðeins skal vikið að niðurstöð-
um hinna fyrrnefndu þátta, svo
og heildarniðurstöðu. Lengd bíl-
anna er á bilinu 4.72-4,79 (Audi
er lengstur) en stærðin má heita
nákvæmlega sú sama.
í 1. þætti um yfirbyggingu er
litið á rými og farangursrými,
öryggi, útbúnað og frágang. Nið-
urstaða: Audi vinnur með 91 stigi
á móti 91 hjá Benz og 83 hjá
BMW.
í öðrum þætti um vélarafl og
drifrás er litið á hröðun, eyðslu,
gang vélar, gírkassa, sjálfskipt-
ingu og fleira. Þar urðu Audi og
BMW jafnir með 92 stig, en Benz
varð að láta sér nægja 85.
í þriðja þætti er litið á þægindi
og metin atriði svo sem fjöðrun,
sæti, upphitun/jafnhitabúnaður,
stjórntæki og hávaða. Niðurstað-
an varð sú, að Benz vann þennan
þátt með 95 stigum, BMW var
alveg á hælum hans með 94 stig,
en Audi fékk 86.
í fjórða þætti er hugað að
aksturseiginleikum og þar koma
við sögu atriði eins og hegðun í
beygjum, stefnufesta/viðkvæmni
fyrir hliðarvindi, lipurð, vinnsla
og hemlar. Niðurstaða varð sú,
að hér var Audi beztur með 95
stig, BMW fékk 92 og Benz 90.
I fimmta þætti var litið á rekst-
arhliðina og þar koma við sögu
kaupverð, endursala, fastakostn-
aður, ábyrgð og bensíneyðsla.
Niðurstaðan hér var aftur sú, að
Audi fékk bezta útkomu með 94
stig, BMW fékk 93 og Benz 89.
Þá kemur að lokaniðurstöðu,
sem fengin er með því að leggja
stigatölu hinna einstöku þáttaT
saman. Þá kemur í ljós, sem
kannski hefur komið einhveijum
á óvart, að hinn nýi Audi 100 er
sigurvegari með 459 stig. í öðru
sæti er BMW 525 með 454 stig,
en Mercedes Benz 260E verður
að gera sér að góðu að reka lest-
ina með 450 stig. ■
Spillir radarinn
heilsu löggunnar?
í Bandaríkjunum hefur stærsta fagfélag löggæslumanna, Fratern-
al Order of Police, farið þess á leit við Bandaríkjaþing að það
láti rannsaka þau áhrif sem lögregluradarar liafa á þá sem við
þá vinna. í nokkrum fylkjum Bandaríkjanna hefur lögregla hætt
að nota við hraðamælingar radartæki sem komið er fyrir r lög-
reglubílum þar sem grunur leikur á að tengsl séu milli notkunar
tækjanna og þess að lögreglumenn sem við þau hafa unnið hafa
fengið sortuæxli í augu og andlit. Framleiðendur tækjanna neita
því að þau auki hættu á krabbameini en nýlegar rannsóknir á
rafsegulsviði tækjanna þykja benda til að um samband þarna á
milli kunni að vera að ræða.
Að sögn Ómars Smára Ár-
mannssonar aðstoðaryfirlögreglu-
þjóns fylgist lögreglan hér á landi
með þessu máli vestra enda eru
líkir radarar notaðir við hraðamæl-
ingar þar og hér. Ómar sagði að
engar ráðstafanir hafa verið gerð-
ar vegna þessarar umræðu enda
hefði ekkert komið fram hér sem
kallað hefði á það. Ómar Smári
sagði að hingað til hefði því verið
haldið fram að geislun frá hraða-
mælingaradar væri álíka og frá
einni ljósaperu en ef annað kæmi
á daginn þyrfti að sjálfsögðu að
bregðast við því. ■
Ahrif styrjaldar á val
fjölskyldubifreiðar
EIN AF afleiðingum Persaflóa-
styijaldarinnar er sú að nú
keppast Kúvætar allir sem einn
við að kaupa fjórhjóladrifna
bíla og jeppa.
Sala jeppa og fjórhjóladrifinna
ökutækja í Kúvæt hefur ríflega
tvöfaldast samanborið við sölu fyr-
ir innrás íraka. Flestir telja að
ástæðan sé einkum sú að margir
óttist aðra innrás og vilja því
skipta á lúxusvögnunum og öku-
tækjum sem treysta má að komist
um torfærna eyðimörkina. Margir
þeirra sem reyndu að flýja yfir
eyðimörkina á sínum tíma, sátu
fastir í eðalvögnunum og vilja
ekki eiga það á hættu á ný.
Nú er svo komið að stór fjór-
hjóladrifinn bíll sem tekur allt að
sjö farþega þykir nauðsynlegur á
hveiju heimili og er einnig orðinn
stöðutákn. Meira að segja nokkrir
meðlimir furstafjölskyldunnar
hafa íjárfest í slíkum tækjum. Þá
þykir bráðnauðsynlegt að bílarnir
séu búnir ýmsum aukaútbúnaði,
svo sem gylltum hjólkoppum.
Einhveijir telja þó að þessar
auknu vinsældir séu ekki tilkomn-
ar af ótta við nýja innrás, þó svo
að ástæðurnar séu ef til vill tengd-
ar styijöldinni. Sumir telja að
áhrifin af komu Bandaríkjamanna
í stórum og öflugumjeppum sínum
er þeir ráku flótta íraka séu þess
eðlis að hrifningin sitji enn í íbúum
landsins.
Aðrir benda á að víða um heim
hafí stórir og öflugir bílar notið
mikilla vinsælda og að engin
ástæða sé til annars en að ætla
að slík tíska berist einnig til Kú-
væt. Þeir benda á að kaupenda-
hópurinn sé breiður, allt frá 18
ára upp í 50 ára, og að um helm-
ingur kaupenda sé kvenkyns. Það
vilja þeir túlka sem aðferð kvenn-
anna til þess að storka samfélagi
þar sem kvenfólk má sín enn lítils.
Niðurstaða
Auto Motor und
Sport: Audi 100-.
fékk flest stig,
BMW 525 var
annar og
Mercedes Benz
260 rak lestina.
44% féllu á ökuprófi
í Kaupmannahöfn
TÆPLEGA helmingur þeirra
féllu, sem þreyttu ökupróf á
síðasta ári á Kaupmannahafn-
arsvæðinu í Danmörku. Af
þeim 26.964 sem fóru í verk-
legt próf féllu 11.864, eða 44%,
en það er 2% aukning frá árinu
áður. Alls gengust 19.371 und-
Hjólharöar
í stað kola
PORTLAND sementverksmiðjan
í Álaborg í Danmörku ætlar að
kynda sementsofna verksmiðj-
unnar með 25 þúsund notuðum
hjólbörðum á næstunni í stað
kola sem annars eru notuð.
Forsvarsmenn verksmiðjunnar
telja að með því að brenna gömlum
hjólbörðum megi minnka kolanotk-
unina um 10-25%. Komið verður
upp sérstökum móttökustöðvum
fyrir hjólbarða, sem síðan verða
flokkaðir áður en búinn verður til
salli úr þeim. Óskemmdir stofnar
úr hjólbörðunum verða sendir í end-
urvinnslu, en restin hökkuð niður
og notuð til brennslu, sem veldur
minni mengun en brennsla kolanna.
ir skriflegt ökupróf, og á því
féllu 31%, eða rúmlega sex
þúsundmanns.
Samtals voru gefin út eða end-
urnýjuð 17.074 ökuskírteini í
Kaupmannahöfn í fyrra, og er það
mesti fjöldi síðan 1988. Vegna
aksturs undir áhrifum áfengis
voru 848 sviptir ökuleyfi, og 24
misstu leyfið vegna ógætilegs
aksturs. Innkölluð voru samtals
683 ökuskírteini, þar af voru inn-
kölluð 166 skírteini vegna sjúk-
dóms ökumanns og í 507 tilfellum
voru skírteinin innkölluð vegna
vanhæfni viðkomandi í umferð-
inni. Af þeim voru 450 látnir gang-
ast undir hæfnispróf, og féllu 147
þeirra eða gáfust upp. Lögregla
tók 550 ökumenn sem voru við
akstur þrátt fyrir að hafa misst
ökuleyfið tímabundið, og 94 voru
handteknir fyrir að aka eftir öku-
leyfíssviptingu. ■
Sektuöu
látinn
ökumann
ÁRVÖKULIR stöðumælaverðir í
Oklohoma City í Oklohoma fylki
í Bandaríkjunuin festu nýlega 12
sektarmiða við bíl sem lagt var
ólöglega í þrjá daga í borginni.
Hins vegar létu þeir það fara
fram hjá sér að ökumaðurinn sat
allan timann látinn undir stýri.
Talsmaður lögreglunnar í borg-
inni sagði að rannsókn hefði leitt í
ljós að ökumaðurinn, sem var 67
ára gamall, hefði látist úr hjarta-
slagi. Að gefnu tilefni gaf hann svo
út þessa yfirlýsingu: „Það er ekki
til þess ætlast að stöðumælaverðir
rannsaki mál. Þeir eru ekki lög-
regluþjónar." ■
Dodge Intrepid frá Chrysler-verksmiðjunum, sem mikla athygli vakti
á bílasýningunni í Detroit.
Nýjar geröór ff rá Chrysler
Á DETROIT-bíIasýningunni sem nýlega var haldin í Bandaríkjunum
vöktu helstu tromp Chrysler-verksmiðjanna, Dodge Intrepid, Chrysl-
er Concorde, Eagle Vision og Chrysler New Yorker, geysilega at-
hygli. Crysler New Yorker kemur á markaðinn vorið 1993, en hinar
gerðirnar þijár eru væntanlegar í september næstkomandi, og er
um svokallaða LH-stallbaka að ræða.
LH-gerðirnar verður hægt að fá
með tvenns konar vélum; annars
vegar OHV 3,3 lítra V-6 vél, og
hins vegar nýrri 3,5 lítra V-6 vél,
sem er rúmlega 200 hestöfl í 24
ventla útgáfu. Ódýrustu gerðirnar
munu kosta tæpa eina milljón kcóna
í Bandaríkjunum, en dýrasta gerðin
af Dodge Intrepid mun kosta um
eina og hálfa milljón. Talsmenn
Chrysler-verksmiðjanna segjast
reiðubúnir að selja um 200 þúsund
bíla af LH-gerðinni á ári, en mögu-
legt er að framleiða um 300 þúsund
bíla árlega í verksmiðjum fyrirtæk-
isins í Ontario í Kanada. ■