Morgunblaðið - 12.04.1992, Blaðsíða 22
22 C
MORGUNBLAÐIÐ
FÓLK í FRETTUM
SUNNUDAGUR 12. APRIL 1992
SÝNING
Trúin og kirkjan við-
fangsefni sýningar á
dagblaðaauglýsingum
Sýning á dagblaðaauglýsingum
var opnuð í gær í Galleríi G15
á Skólavörðustíg 15. Það er Félag
íslenskra teiknara sem stendur fyr-
ir sýningunni og voru auglýsingam-
ar sérstaklega unnar fyrir þessa
sýningu. Viðfangsefni auglýsing-
anna er trúin og kirkjan og gefa
auglýsingarnar hugmyndir um hver
útkoman gæti orðið ef kirkjan not-
aði þessa miðlun til að breiða út
boðskapinn.
Björn Brynjúlfur Björnsson, for-
maður Félags íslenskra teiknara,
segir að hugmyndin að þessu við-
fangsefni hafi orðið til vegna pásk-
anna. „Það má í raun segja að þessi
sýning sé blanda af gamni og al-
vöru. Þetta er ekki alltof hátíðlegt
heldur eru höfundar auglýsinganna
einnig að leika sér svolítið að efn-
inu. Þetta er alls ekkert níð um
kirkjuna og er reyndar mjög langt
frá því. Þar sem þetta er páskasýn-
ing þótti okkur við hæfi að vinna
þemasýningu í kringum þetta,“ seg-
ir Björn.
Hann segir að hugmyndin að
baki þessari sýningu hafi verið að
nota þá tækni og þá boðmiðlun sem
auglýsingar séu fyrir efni sem aldr-
ei sé auglýst á þennan hátt. Því
gefi sýningin skemmtilega sýn bæði
inn í trúnað og kirkjuna og í fagið
sjálft. „Þetta er svolítið öðruvísi
sýning en við sjáum venjulega. Að
auki eru þetta öðruvísi auglýsingar
en við eigum að venjast í blöðunum
og fjallar um annað efni,“ segir
hann.
Tuttugu auglýsingar eru á sýn-
ingunni og lýkur henni 30. apríl
næstkomandi.
Björn Brynjúlfur Björnsson við nokkrar af
auglýsingunum sem eru á sýningunni.
Morgunblaðið/Þorkell
Umsóknir um
Sumardvöl í
Orlofshúsum VR
Auglýst er eftir umsóknum um dvöl í orlofshúsum VR sumarið 1992. Umsóknir á þar til gerðum
eyðublöðum sem fást á skrifstofu VR, þurfa að berast skrifstofu VR, Húsi verslunarinnar 8. hæð
í síðasta lagi fimmtudaginn 30. apríl 1992.
Orlofshúsin eru á eftirtöldum stöðum:
Húsafelli í Borgarfirði
Svignaskarði í Borgarfirði
Stykklshólmi
Akureyri
lllugastöðum í Fnjóskadal
Einarsstöðum, Suður-Múlasýslu
Kirkjubæjarklaustri
Flúðum, Hrunamannahreppi
Miðhúsaskógi í Biskupstungum
Ölfusborgum við Hveragerði
Húsin eru laus til umsóknar á tímabilinu 29. maí til 18. september.
BREYTTAR ÚTHLUTUNARREGLUR.
Fram að þessu hefur tölva dregið úr öllum fullgildum umsóknum. Við þessa úthlutun byggist réttur
til úthlutunar á félagsaldri í VR, að frádregnum fyrri úthlutunum orlofshúsa.
Nánari uþplýsingar um úthlutunarreglur fást á skrifstofu VR og er reglunum dreift með
umsóknareyðublaðinu.
Leigugjaldið er Kr. 8.500.- til 9.500,- á viku.
Sérstök athygli er vakin á því að umsóknir verða að berast skrifstofu VR í síðasta lagi 30.
apríl n.k.
Upplýsingar um hverjir hafa fengið úthlutað orlofshúsi munu liggja fyrir 8. maí n.k.
Umsóknareyðublöð ásamt reglum um úthlutun eru afhent á skrifstofu VR, Húsi verslunarinnar 8.
hæð. Ekki verður tekið á móti umsóknum símleiðis, en senda má útfyllt umsóknareyðublöð í
myndrita númer 678356.
Verzlunarmannafélag
Reykjavíkur
Morgunblaðið/Júlíus
Vala Baldursdóttir og Jón Yngvi Jóhannsson unnu ljóða- og
smásagnasamkeppni framhaldsskólanna.
FRAMHALDSSKOLAKEPPNI
Vala og Jón Yngvi
unnu í ljóða- og
smásagnagerð
Ljóða- og smásagnasamkeppni
var nýlega haldin á vegum
útgáfufélags framhaldsskólanna og
eru báðir sigurvegararnir nemendur
í Menntaskólanum við Hamrahlíð.
Vala Baldursdóttir vann í smá-
sagnasamkeppninni með söguna
Kóngulóarsokkabuxur og ' Jón
Yngvi Jóhannsson vann í ljóðasam-
keppninni með ljóðið í afa og ömmu
húsi.
„Ég segi það eitt um efni sögunn-
ar að hún gerist eina kvöldstund á
kaffihúsi í Reykjavík. Hún er um
dulúð hversdagslegra atburða,"
segir Vala um smásöguna sína og
bætir því við að sagan komi út i
sögu- og ljóðabók útgáfufélags
framhaldsskóla á næstunni.
Vala segist hafa gaman af því
að skrifa en að þetta sé enn á til-
raunastigi hjá sér en þrátt fyrir það
sé þetta ekki fyrsta sagan hennar.
Hún er á félagsfræðibraut í
Menntaskólanum við Hamrahlíð og
útskrifast næsta vor. „Framtíðin
er alveg óráðin en mig langar til
að skrifa meira,“ segir Vala.
Jón Yngvi segir ljóðið sitt vera
mynd af kvöldverðarborði í húsi hjá
gömlu fólki. „Ég hef verið að dútla
heillengi við að skrifa ijóð en þau
hafa nú bara farið niður í skúffu,"
segir Jón Yngvi.
Hann er í stjórn skólablaðsins í
MH og segir að nokkrir félagar sín-
ir í stjórninni hafi tekið sig saman
og ákveðið að senda efni í keppnina
og að ljóðið sem bar sigur úr býtum
hafi þess vegna komið úr skúff-
unni. „Ég skrifa ekki ljóð í skóla-
blaðið heldur skrifa ég margt ann-
að. Það gæti að vísu verið skemmti-
legra að skrifa í skólablaðið ef
maður hefði meiri tíma,“ segir
hann, en hann útskrifast nú í vor
og ætlar að fara í bókmenntafræði
og heimspeki í Háskóla íslands i
haust.
Bæði segjast þau hafa haft gam-
an af því að taka þátt í keppninni
og sérstaklega gaman að vinna
hana. í verðlaun fengu þau hvort
sínar 40 þúsund krónurnar og auk
þess fékk Vala bókina Sjálfstætt
fólk eftir Halldór Laxness og Jón
Yngvi fékk Ljóðasafn Steins Stein-
ars. Bæði vita þau nákvæmlega
hvernig þau ætla að eyða peningun-
um. „Þeir fara í ferðasjóð því að
ég ætla til Bandaríkjanna og Mex-
íkós í sumar,“ segir Vala. Jón Yngvi
segist hins vegar þurfa að borga
ýmsa reikninga og auk þess á hann
kött sem hann segist þurfa að fæða.