Morgunblaðið - 05.06.1992, Blaðsíða 4

4
MORGUNBLAÐIÐ FÖSTUDAGUR 5. JÚNÍ 1992
Morgiinblaðið/Júlíus
Tætti upp flöt til að fegra garð
Vegfarendur við Lokinhamra í Grafarvogi urðu vitni að því
í gær hvar stórum tíu hjóla vörubíl var, með þeim afleiðingum
sem sjá má á myndinni, ekið yfír grasflöt og síðan eftir göngu-
stíg með fullfermi af jarðvegi. Vörubíllinn staðnæmdist svo
við garð í hverfínu sem verið var að fegra og sturtaði þar af
sér farminum.
Verið að leita nýrra leiða til að fjármagna hjartaaðgerðir:
Hugmyndir um að inn-
heimta þjónustugjöld
- segir Friðrik Sophusson fjármálaráðherra
Friðrik Sophusson fjármálaráðherra segir að verið sé að leita nýrra
leiða til að fjármagna hjartaaðgerðir hér á landi og hafi þjónustu-
gjöld verið nefnd í því sambandi. Hann segir að þau myndu felast í
því að þeir sem fengju þjópustu hjá hinu opinbera greiddu fyrir
hana að einhverju marki ef þeir hefðu efni á því þannig að hægt
yrði að afla fjár til að standa straum af kostnaði við þjónustuna
fyrir þá sem helst þyrftu á henni að halda.
„Mér sýnist að fjármagn sé
tryggt til að gera rúmlega 200
hjartaaðgerðir á yfirstandandi ári
og ég minni á að það eru helmingi
fleiri aðgerðir en ráðgert var að
þyrfti að framkvæma hér á landi
þegar ákveðið var að hefja hjarta-
skurðlækningar við Landspítal-
ann,“ segir Friðrik.
Hann segir að íslendingar hafí
ekki efni á því frekar en aðrar þjóð-
ir að gera allar aðgerðir sem tækni-
lega sé hægt að gera. „Þess vegna
höfum við verið að leita nýrra leiða
VEÐUR
Helmlltf: Veðurstola lílantfs
/ (Byggt á veðurspá kl. 16.1S í gær)
VEÐURHORFUR I DAG, 5. JÚNÍ
YFIRLIT: Vtð hvarf a Grænlandi er vaxandi og víðóttumikil 990 mb lægð
sem þokast austur og síðan norðnorðaustur en 1.029 mb hæð yfir Skot-
landi og hafinu norðvesturundan.
SPÁ: Suðvestlæg átt, víðast kaldi eða stinningskaldi. Rigning og síðar
skúrir vestanlands. rigning og súld sunnanlands, en norðaustanlands
verður urkomulítið. Hiti 6 til 18 stig, hlýjast norðaustanlands.
VEÐURHORFUR NÆSTU DAGA:
HORFUR Á LAUGARDAG OG SUNNUDAG: Sunnan- 09 suðveEtanátt
skurtr vestanlands, rrgnrng sunnanlands, en norðanlands verður skýjað
en úrkomulítið. Hiti á bilinu 7 til 17 stig, hlýjast norðaustanlands.
Svarsfmí Veðurstofu íslands — Veðurfregnir: 990600.
0
Heiðskírt
Alskýjað
*
V
Skúrir Slydduél Él
Sunnan, 4 vindstig.
Vindörin sýnir vindstetnu
og fjaðrimar vindstyrk,
heil fjöður er 2 vindstig.(
10° Hitastig
y Súld
= Þoka
stig.u
FÆRÐÁ VEGUM:
(Kl. 17.30ígær)
Allir helstu þjóðvegir iandins eru nú færir utan einstaka vegarkaflar sem
lokaðir eru vegna aurbleytu s.s. Þorskafjarðarheiði á Vestfjörðum. Vegna
aurbleytu eru sums staöar sérstakar öxuiþungatakmarkanir á vegum á
sunnanveröum Vestfjörðum og austan Þórshaínar á Norðausturlandi
og eru þær tilgreindar með merkjum ó viökomandi vegum. Allir hálendis-
vegir landins eru iokaðir vegna aurbleytu og snjóa.
Vegagerðln.
VEÐUR VIÐA UM HEIM
kl. 12.00 í gær að ísl. tíma
hiti veöur
Akureyri 11 hálfskýjað
Reykjavfk 8 þokumóða
Bergen 17 alskýjað
Helsinki 20 léttskýjað
Kaupmannahöfn 25 hálfskýjað
Narssarssuaq 2 rigning
Nuuk 0 skýjað
Ósló 26 skýjað
Stokkhólmur 24 léttskýjað
Þórshöfn 12 skýjað
Algarve 23 léttskýjað
Amsterdam 13 rigning
Barcelona 21 skruggur
Berlín 28 léttskýjað
Chicago 18 rigning
Feneyjar 23 þokumóða
Frankfurt 17 skýjað
Glasgow 14 skýjað
Hamborg 25 skýjað
London 17 rigning
LosAngeles 17 þokumóða
Lúxemborg 16 hátfskýjað
Madrid 17 skýjað
Malaga 24 léttskýjað
Mallorca 24 iéttskýjað
Montreal 17 Bkýjað
New York zi léttskýjað
Oriando 23 þokumóða
Paría 19 skýjað
Madeira 20 hálfskýjað
Róm 18 rignlng
Vín 20 skýjað
Washington 17 alskýjað
Winnipeg 11 rigning
til að fjármagna þessar aðgerðir og
í því sambandi hefur verið rætt um
þjónustugjöld."
Sú hugmynd segir hann að feli
ekki í sér að greitt yrði fyrir jafn
stórar aðgerðir og hjartaaðgerðir
heldur að greitt yrði t.d. fyrir fyrstu
legudaga á sjúkrahúsi.
Jafnframt segir hann að til
greina kæmi, að hans áliti, að nýta
þá getu sem til staðar sé á stóru
sjúkrahúsunum fyrir erlenda sjúkl-
inga og fá að fullu greitt fyrir það.
„Það er ekkert óeðlilegt að slíkt sé
gert jafnvel þó hér séu biðlistar
vegna viðkomandi aðgerða þegar
tillit er tekið til þess að íslenskir
sjúklingar eru í stórum stíl sendir
til útlanda til læknisverka sem
skattgreiðendur greiða að lang-
mestu leyti.“
Friðrik segir að það sé síður en
svo óþekkt fyrirbæri að íslendingar
greiði verulegan hluta læknisverka
erlendis, t.d. í tilvikum þegar þeir
hafi valið dýrari sjúkrahús
en
Tryggingastofnun hafi boðið upp á
°g því greitt mismuninn sjálfír.
„Ef fólk ætlar að bæta læknis-
þjónustuna með því að gefa fleiri
sjúklingum kost á dýrari aðgerðum
verður það ekki gert nema nýtt fjár-
magn fáist til slíkra hluta. Þess
vegna hljótum við að þurfa að svara
þeirri spurningu hvort ekki sé eðli-
legt að þeir sem meiri hafi efnin
og erú jafnvel á fullum launum í
veikindum sínum taki meiri þátt í
kostnaðinum en hingað til hefur
tíðkast. Að öðrum kosti verðum við
að sætta okkur við biðraðirnar,“
segir Friðrik.
Morgunblaðið spurði Grétar Ól-
afsson, yfirlækni á handlæknisdeild
Landspítalans, hvort læknar á
sjúkrahúsinu væru tilbúnir að gera
hjartaðgerðir á sjúklingum sem
greiða vildu fyrir þær fullu verði.
Grétar segir að slíkt myndi ekki
koma til greina. „Við búum í þjóð-
félagi sem við höfum viljað kalla
velferðarþjóðfélag. Almenningur
hefur byggt þetta þjóðfélag og það
væri hart ef einhver sem ekki hefur
komið nógu vel út fjárhagslega
ætti að gjalda fyrir það með því
að vera ýtt til hliðar á meðan þeir
sem ættu fé gætu látið gera aðgerð-
ir á sér. Það væri ekki hægt að
mismuna þegnunum með þeim
hætti,“ segir Grétar.
Varað við eftirlíking-
um af Lacoste-bolum
UNDANFARIÐ hefur borið á eftirlíkingum á Lacoste bolum á mark-
aðinum að sögn Guðmundar Ólafssonar umboðsmanns franska vöru-
merkisins Lacoste á íslandi. Guðmundur hefur vakið athygli neyt-
anda á þessu með auglýsingu til þess að þeir kaupi ekki óekta vöru
í góðrí trú.
að
Guðmundur Ólafsson sagði
álíka mál hefði komið upp síðastlið
inn vetur og hefði þá Rannsóknar-
lögreglan aðstoðað hann til að koma
í veg fyrir þessa sölu og gert óekta
vóruna upptæka. Að sögn Guðmund-
ar eru eftirlíkingar aftur komnar á
kreik. Það eru aðallega bolir sem
eru boðnir til sölu á vinnustöðum
og heimahúsum viða um land.
Guðmundur kvað mjög erfitt að
meðhöndla svona eftirlíkingarmál
þar sem þeir aðilar sem selja eftirlík-
ingarnar geti borið það fyrir sig að
hafa keypt vöruna í góðri trú. Þegar
sú staða kemur upp þarf að hafa
samband við framleiðanda vörunar
erlendis og fá það staðfest að varan
er ekki upprunin frá honum en slík
athugun getur verið mjög tímafrek.
Guðmundur benti á að auðveit
væri að þekkja eftirlíkingamar frá
ekta bolum. Hann sagði að það hafi
t.d. borið á því að vörumerkið væri
staðsett á ermi og tölum á eftirlík-
ingunum en það væri aldrei á þessum
stöðum á ekta vörunni. Einnig eru
ekta vörurnar eingöngu seldar í
viðurkenndum verslunum en ekki
gengið með þær í hús.
Hvítasunnan:
Tjaldstæði víða lokuð
HELSTU tjald- og útivistarsvæði verða lokuð eða aðgangur
takmarkaður að þeim um Hvítasunnuhelgina. Ekki er kunnugt
um auglýstar hvítasunnusamkomur nema hvað dansleikir verða
haldnir í Logalandi í Borgarfirði um helgina og verða sætaferð-
ir á þá frá Umferðarmiðstöðinni í Reykjavík, Akranesi, og Borg-
arnesi.
Á Laugarvatni, í Húsafelli og
í Þórsmörk er bannað að tjalda
um Hvítasunnuhelgina. Opið
verður í Þórsmörk en eingöngu
fyrir fólk er gistir í skálum þar
sem enn eru tjaldsvæði sem þarf
að hvíla. Gistiskálarnir eru öllum
opnir meðan pláss leyfir og eru
Austurleiðir, Utivist, og Ferðafé-
lag íslands með skipulagðar ferð-
ir um helgina. Hjá Þórunni Þórð-
ardóttur hjá Ferðafélagi íslands
fengust þær upplýsingar að góð
aðsókn væri í ferðir Félagsins,
enn er þó rúm fyrir um 30 manns
í skála Félagsins.
tjalda þar um Hvítasunnuhelg-
Þjóðgarðurinn í Skaftafelli
hefur þegar verið opnaður og að
sögn Stefáns Benediktssonar,
þjóðgarðsvarðar, er heimilt að
í Logalandi í Borgarfirði verða
tveir dansleikir um helgina.
Hljómsveitin Nýdönsk spilar
föstudagskvöldið 5. júní og hefst
sá dansleikur kl. 23.00. Á seinni
dansleik helgarinnar spilar
hljómsveitin Stjórnin en sá dans-
leikur er á sunnudagskvöldið 7.
júní og hefst hann kl. 24.00.
Miðasala á dansleikina hefst
klukkutíma' fyrir opnun hússins,
þ.e. kl. 22.00 á föstudagskvöld
og kl. 23.00 á sunnudagskvöld.
Magnús Magnússon, húsvörður
Logalandi, .sagðist búast við
góðri aðsókn en þetta er níunda
árið sem dansleikir eru haldnir í
félagsheimilinu um Hvítasunnu-
helgi.
I
I