Morgunblaðið - 05.06.1992, Blaðsíða 21

MORGUNBLAÐIÐ FÖSTUDAGUR 5. JÚNÍ 1992
21
Skipti endurupptekin í þrotabúi Ólafs Laufdals:
Sagðist eignalaus
en reyndist eiga í
11 íbúðum á Spáni
SKIPTI í þrotabúi Ólafs Laufdals veitingaraanns hafa verið endur-
upptekin eftir að í Ijós hefur komið að Olafur átti ásamt eiginkonu
sinni helmingshlut í 11 íbúðum í íbúðarhótelinu Benal Beach við
Torremolinos á Costa del Sol á Spáni. Ólafur Laufdal lýsti því yfir
í skiptarétti eftir að bú hans var tekið til gjaldþrotaskipta í septem-
ber 1991 að hann væri eignalaus en í febrúar varö bústjóri í þrota-
búi hans, Þorsteini Einarssyni, hdl, áskynja um eignirnar á Spáni.
Þetta mál hefur verið til rannsóknar hjá RLR ásamt atriðum er
varða gjaldþrot þeirra félaga um veitinga- og útvarpsrekstur sem
Ólafur Laufdal rak en eru nú til gjaldþrotameðferðar.
í skýrslu bústjórans til skipta-
réttar er einnig lagt til að höfðað
verði riftunarmál til að fá rift, sem
gjafagerningi ógjaldfærs þrota-
manns, kaupsamningi frá í júní
1990 milli Ólafs, sem seljanda, og
sonar hans, sem kaupanda, um
sölu á 54 fermetra sumarbústað á
'/3 hektara eignarlandi við Álfta-
vatn í Grímsnesi fyrir 1,5 milljónir
króna.
í skýrslu bústjórans segir að
íbúðimar á Spáni hafi verið keypt-
ar á árinu 1985 fyrir 34,3 milljón-
ir peseta, sem í dag jafngildir um
19,5 milljónum króna en bústjóri
telur ekkert óhætt að fullyrða um
verðmæti hluta þrotabúsins í þeim
nú. Kaupsamningnum um íbúðirn-
ar hefur ekki verið þinglýst á nafn
Ólafs og eiginkonu hans og eru
þær enn skráðar á nafn seljanda
þeirra. Til að gæta hagsmuna
þrotabúsins vegna þessara eigna
hefur verið ráðinn lögmaður í
Malaga.
Hvað varðar sumarbústaðinn við
Álftavatn kemur fram að Ólafur
hafi afsalað sér honum til sonar
síns í júní 1990, 15 mánuðum fyr-
ir gjaldþrotið, og samkvæmt skatt-
framttali Ólafs sé söluverð fast-
eignarinnar, 1,5 milljónir króna að
fullu greitt. „Þrátt fyrir áskoranir
hafa engin gögn komið fram sem
styðja þá fullyrðingu að kaupverð
hafi verið greitt, auk þess sem
bústjóri telur söluverð fasteignar-
innar vera óeðlilega lágt,“ segir í
skýrslu bústjórans. Ennfremur
segir að bústjóri hafi rift þessari
sölu með bréfi en riftuninni hafi
verið mótmælt og hafi bústjórinn
nú ráðið dómkvadda matsmenn til
að meta söluverð eignarinnar. Bú-
stjórinn lítur svo á að um gjöf
hafi verið að ræða og sé hún riftan-
leg þar sem Ólafur hafi ekki verið
gjaldfær á þeim tíma.
Um skuldir þrotabúsins kemur
fram að þegar skiptum hafi verið
lokið í fyrra skiptið, áður en þau
voru endurupptein hafi verið lýst
kröfum að upphæð 83,4 milljónir
króna. Skiptum var lokið án þess
að greitt væri upp í kröfur enda
ekki vitað um eignir en þau voru
tekin upp eftir að greiðsla barst
frá þrotabúi Hljóðvarps hf., vegna
krafna er Ólafur hafði lýst í það
þrotabú. I skýrslunni kemur einnig
fram að einbýlishús Ólafs hafi ver-
ið selt á 33 milljónir króna sem
talið sé viðundandi verð. Ólafur
búi enn í húsinu og hlutafélag
barna hans greiði af veðskuldum
og hafi fengið heimild til að veð-
setja fasteignina,
Yfirlitssýning á
verkum Hjörleifs
Sigurðssonar
í TENGSLUM við Listahátíð í
Reykjavík 1992, standa Nor-
ræna húsið og Félag íslenskra
myndlistarmanna sameiginlega
að yfirlitssýningu á verkum
Hjörleifs Sigurðssonar listmál-
ara. Verður hún á tveimur stöð-
um, í FÍM-salnum við Garða-
stræti og i sýningarsal Norræna
hússins.
Sýningin verður opnuð á báðum
stöðum, laugardaginn 6. júní og
stendur til 5. júlí. Gefst listunnend-
um þar með tækifæri til að kynn-
ast verkum Hjörleifs þar sem elstu
verkin á yfirlitssýningunni eru frá
1949 en þau nýjustu frá þessu ári.
Hjörleifur er fæddur í Reykjavík
1925. Hann stundaði nám í mynd-
list og listasögu í Stokkhólmi,
París og Ósló á árunum 1946-
1952. Hann hefur tekið þátt í íjöl-
mörgum sýningum hér heima og
erlendis og haldið margar einka-
sýningar.
Hann er einn af frumheijum
íslensks módernisma í myndlist og
tók þátt í þeim sýningum í upp-
hafi sjötta áratugarins sem mörk-
uðu tímamót í myndlistarsögu Is-
lands, segir í fréttatilkynningu frá
FÍM.
Hjörleifur skrifaði um myndlist
í tímaritið Birting og Vísi um ára-
Hjörleifur Sigurðsson,
bil. Hann var forstöðumaður Lista-
safns ASÍ og gegndi því starfi frá
1969-1979. Einnig hafði hann
með höndum listfræðslu í skólum
á vegum ríkisins og Reykjavíkur-
borgar á árunum 1961-1968.
Hjörleifur var formaður FÍM frá
1974-1979. Hann sat í fyrsta ráði
og vann að undirbúningi að stofn-
un listmiðstöðvarinnar á Sveaborg
ásamt fulltrúum hinna Norður-
landanna.
Rekin smiðshöggin
Breska þungarokkhljómsveitin Iron Maiden var væntanleg til landsins seint í gærkvöldi, en hljómsveitin leikur
í Laugardalshöll í kvöld. Mikið umstang er jafnan í kringum aðra eins tónleika og undanfarið hefur verið
unnið myrkranna á milli við að búa Laugardalshöllina undir tónleikana. Alls verður hljóðkerfið 100 kW
(100.000 W) og til skrauts verða 400 tölvustýrð ljós m.a.
GriHkótUettur,
Hytop maískorn 480 g.
Kók, Fanta, Sprite, 2i
Lasagne, beint í ofninn kg.
Súkkulaaihúðaðkex,
Milk/Plain 200 gr.
íslenskir tómatar
Grilikol 2,26 kg.
KologríU 3.955.
Ferðogas
gritt W*
KAUPSTADUR
ALLAR BÚÐ/R