Morgunblaðið - 27.06.1992, Blaðsíða 23

MORGUNBLAÐIÐ LAUGARDAGUR 27. JÚNÍ 1992
23
Fjöldamorðið í S-Afnku:
Deilt um aðild lögreglu
Pretoríu. Reuter.
SUÐUR-afrískur öryggisvörður
skýrði frá því í gær að liðsmaður
lögreglusveitar, sem Afríska
þjóðarráðið (ANC) sakar um að
vera viðriðin morð á 41 blökku-
manni, hefði sagt sér að sveitin
hefði tekið þátt í morðinu. Lög-
reglumaðurinn vísaði þessu hins
vegar á bug.
Oryggisvörðurinn er félagi í Af-
ríska þjóðarráðinu og starfar í kola-
námu í grennd við Boipatong, þar
sem morðið var framið. Hann
greindi nefnd, sem rannsakar mál-
ið, frá því að lögreglumaðurinn Jer-
emiah Sekongu hefði viðurkennt að
sveit sín hefði tekið þátt í morðinu.
Lögreglusveitin starfar á náma-
svæðinu og er skipuð 40 mönnum,
aðallega Namibíumönnum.
„Ég er ekki stjórnmálamaður...
Ég sinni bara lögreglustörfum,"
sagði Sekongu er hann vísaði þess-
ari staðhæfingu á bug. Lögreglan
og ANC hafa fundið níu sjálfvirka
riffla og skotfæri í húsi sem hvítir
liðsmenn lögreglusveitarinnar not-
uðu.
SÍMANÚMER
OKKAR ER
650 666
BIFREIÐASTÖÐ
HAFNARFJARÐAR
Þýskaland:
Rýmri reglur um fóstureyð-
ingar taldar áfall fyrir Kohl
Bonn. Frá Sæmundi Halldórssyni, fréttaritara Morgunblaðsins.
ÞÝSKA þingið samþykkti á fimmtudagskvöid lög sem fela í sér veru-
Iega rýmkun á reglum um fóstureyðingar. Samþykkt laganna er taiið
nokkuð áfall fyrir Helmut Kohl kanslara þar sem hluti þingmanna flokks
hans snerist á sveif með stjórnarandstöðunni í málinu sem gerði það
að verkum að frumvarpið náði fram að ganga. Fóstureyðingar verða
nú leyfðar fram að tólftu viku meðgöngu, samkvæmt frjálsri ákvörðun
konunnar sjálfrar, að uppfylltum vissum skilyrðum. Fóstureyðing má
þannig ekki eiga sér stað nema konan hafi fyrst leitað til félagsráð-
gjafa. Rikisstjórn Bæjaralands og nokkrir þingmenn Kristilegra demó-
krataflokksins (CDU) hafa hótað að bera nýju lögin undir stjórnarskrár-
dómstólinn i Karlsruhe til að freista þess að fá þau felld úr gildi.
Umræður um málið stóðu í fjórtán
klukkustundir en kosið var um tvö
lagafrumvörp. Var annað þeirra, og
það sem náði fram að ganga, lagt
fram sameiginlega af þingmönnum
Jafnaðarmannaflokksins (SDP),
Frjálsra demókrata (FDP) og minni-
hluta þingmanna CDU. Tveir stjórn-
arflokkanna, CDU og Kristilega sós-
íalsambandið (CSU), vildu hins vegar
halda áfram þeim lögum sem fram
til þessa höfðu gilt í vesturhluta
Þýskalands og að þau myndu gilda
í sameinuðu Þýskalandi. Hefði það
þýtt að konur í austurhluta iandsins
hefðu misst rúman rétt sinn til fóst-
ureyðinga.
Mun rýmri lög voru í gildi um
fóstureyðingar í Austur-Þýskalandi
en í Vestur-Þýskalandi og hafa mis-
munandi lög gilt áfram í landinu frá
sameiningu Þýskalands. Fóstureyð-
Viðræður íslands og EB:
Líkur á að samn-
mgum ljúki í júlí
Brussel. Frá Kristófer M. Kristinssyni, fréttaritara Morgunblaðsins.
ÞRIÐJA samningafundi Islend-
inga og Evrópubandalagsins
(EB) um gagnkvæm skipti á
veiðiheimildum lauk í Brussel í
gær án þess að niðurstaða feng-
ist. Akveðið var að boða til
fjórða samningafundarins 7. júlí
og allar líkur eru taldar á því
að á þeim fundi verði gengið
frá samningum.
Að sögn embættismanna í
Brussel eru flest atriði afgreidd
en útistandandi eru nokkur atriði
sem varða tryggingar fyrir því að
umsaminn afli veiðist. Islendingar
leggja á það áherslu í samningun-
um að loðnustofninn sé duttlunga-
fullur fiskstofn og með tilvísun í
síðustu loðnuvertíð telja þeir
skikkanlegt að EB taki á sig skerð-
ingu á sínum kvóta veiðist loðnan
ekki.
Samkvæmt heimildum í Brussel
telja embættismenn EB að í slíku
samkomulagi geti falist viðsjárvert
fordæmi fyrir bandalagið. Bent er
á að samningurinn feli í sér gagn-
kvæm skipti á veiðiheimildum og
það tíðkist t.d. ekki að veiðimenn
sem kaupi veiðileyfi fái endur-
greiðslur ef þeir fara „með öngul-
inn heim í rassinum".
Embættismenn beggja samn-
ingsaðila munu á næstu vikum
freista þess að finna viðunandi
lausn á þessum ágreiningi og góð-
ar líkur eru taldar á að ganga
megi frá samningnum í byijun júlí.
Noregur:
Skógarhöggi
verði hætt
Osló. Frá Jan Gunnar Furuly, fréttaritara
Morgunblaðsins.
SAMTÖK norskra skógareigenda
hvöttu í gær félagsmenn sína, 42
þúsund að tölu, til að fresta aliri
skógarvinnu í suðurhluta landsins
vegna hættu á skógareldum. Fara
samtökin fram á að vinna verði
ekki hafin á ný fyrr en byrjar að
rigna.
Slökkviliðsmenn um allan Noreg
segja skrafþurrann skóginn vera
hreina púðurtunnu en á mörgum
stöðum hefur úrkomu ekki orðið vart
síðan í apríl. Gætu hiti eða neistar
frá vélsögum og vinnutækjum nægt
til að kveikja mikið bál að sögn sam-
taka skógareigenda.
Samkvæmt upplýsingum samtak-
anna hefur skógur að verðmæti um
hálfs milljarðs íslenskra króna þegar
eyðilagst í skógareldunum. Þá hefur
hundrað milljón króna timburverk-
smiðja og mörg hús og sumarbústað-
ir orðið eldnum að bráð.
ingar hafa löngum verið mikið deilu-
efni í vesturþýskum stjórnmálum og
má nefna að ríkisstjóm SPD og FDP
rýmkaði lögin í Vestur-Þýskalandi
árið 1973 en þau lög voru síðan
dæmd ógild af stjórnarskrárdóm-
stólnum tveimur árum síðar.
Frá þeim tíma hefur verið í gildi
málamiðlun, sem í orði kveðnu bann-
ar fóstureyðingar en leyfir þær í
„neyðartilvikum". Þess rriá geta að
níu af tíu fóstureyðingar síðan hafa
verið af félagslegum ástæðum og
flestar þeirra í norðurhluta Þýska-
lands. Kaþólsku sambandslöndin í
suðurhlutanum hafa hins vegar hald-
ið sig við þrönga túlkun laganna og
konur þaðan því þurft að leita til
nyrðri sambandslanda eða annarra
ríkja til að fá fóstri eytt.
Alls greiddu 357 þingmenn at-
kvæði með rýmkun laganna þar af
32 þingmenn kristilegra demókrata.
294 þingmenn greiddu atkvæði gegn
nýju lögunum. Einn helsti talsmaður
breyttrar lagasetningar var kristilegi
demókratinn Rita Sussmuth, forseti
þingsins, sem setti sig þar með upp
á móti formanni flokks síns, Helmut
Kohl kanslara.
Reuter.
Rallý í Líbanon
Þátttakendur í Miðausturlandarallinu óku í gær í gegnum Líbanon. Á
myndinni má sjá vopnaðan hermann fylgjast með einum hinna 79 bíla
þar sem hann brunaði gegnum borgina Kaslik austur af Beirút.
450 bar
KYNNUM
STÓRVIRKAR HÁÞRÝSTIDÆLUR
FRÁ OERTZEN
I®
Getum boðið háþrýstidælur fyrir verktaka og aðra aðila sem þurfa kraftmiklar dælur.
Dælur og dælustöðvar fyrir sjávarútveginn.
Sérstakar rörahreinsidælur sem losa og hreinsa úr stífluðum rörum.
Sýning laugardag 27. júní kl. 14:00 -17:00
Komið og reynið tækin og kynnist möguleikum þeirra.
Skeifan 3h-Sími 812670-FAX 680470
□ERTZEN