Morgunblaðið - 27.06.1992, Blaðsíða 28

28
MORGUNBLAÐIÐ LAUGARDAGUR 27. JÚNÍ 1992
Pedromyndir í nýtt húsnæði:
Atti að vera auka-
starf, en sneri ekki
að prentvélinni aftur
- segir Friðrik Vestmann.
PEDROMYNDIR hafa flutt starfsemi sína í nýtt húsnæði við Skipa-
götu 16. Eigendumir Friðrik Vestmann og Guðrún Hjaltadóttir
byggðu húsið, sem er fjórar hæðir, íbúð er á þeirri efstu, en á
annarri og þriðju hæð verða skrifstofur.
Áður starfræktu þau Friðrik og
Guðrún tvær verslanir, í Hafn-
arstræti og Hofsbót, en hafa nú
flutt starfsemina undir sama þak.
Boðið er upp á framköllunarþjón-
ustu með fullkominni framkölíun-
arvél, þá hafa kaup verið fest á
litljósritunarvél, sem er sú eina
sinnar tegundar í bænum auk þess
sem í versluninni er úrval af Íjós-
myndavörum af öllu tagi.
„Ég byijaði að framkalla svart-
hvítar myndir í hjáverkum með
störfum mínum sem prentari árið
1965. Þetta varð fljótlega svo um-
fangsmikið að málin þróuðust
þannig að ég kom ekki nálægt
prentverkinu aftur, hef verið í
þessu síðan,“ sagði Friðrik. Nú
starfa sjö manns hjá Pedromyndum
og sagði Friðrik að verkefni væru
næg.
Ekki eru nema 10 mánuðir liðn-
ir frá því byijað var að byggja
húsið í Skipagötunni og þar til flutt
var inn í það. Fanney Hauksdóttir,
arkitekt á Teiknistofu Hauks Har-
aldssonar teiknaði húsið, en aðal-
verktar voru SJS-verktakar.
Morgunblaðið/Rúnar Þór
Starfsfólk Pedromynda í nýja húsnæðinu við Skipagötu, frá vinstri
er Þórhallur Jónsson, Guðrún Hjaltadóttir, Inga Vestmann, Frið-
rik Vestmann, Kalla Yngvadóttir, Sigrún Guðmundsdóttir og Jón
Andri Sigurðarson.
Akureyrarbær:
Bæjarsjóður
í ábyrgð-
um fyrir 634
milljónum kr.
Á bæjarsjóði Akureyrar hvíldu
ábyrgðarskuldbindingar að fjár-
hæð 634 milljónum króna um síð-
ustu áramót.
Halldór Jónsson bæjarstjóri sagði
að stærsti hluti þeirrar upphæðar
er bærinn væri í ábyrgðum fyrir
væri einföld ábyrgð og um helming-
ur heildarupphæðarinnar væri vegna
lána er tekin voru er loðnuverksmiðj-
unni í Krossanesi var breytt í hluta-
félag. Að litlu leyti er um að ræða
sjálfsskuldarábyrgð vegna eldri
lána, en Halldór sagði það liðna tíð
að veitt væri sjálfsskuldarábyrgð,
slíkt væri óheimilt nú.
Halldór sagði að líta mætti þann-
ig á að þetta væri fé sem bærinn
hefði látið atvinnulífinu í té, en vart
'kæmi til þess að bærinn þyrfti að
greiða þessa upphæð, enda væri
meirihluti ábyrgðanna einföld
ábyrgð sem þýddi að fyrirtækin'
þyrftu að verða gjaldþrota til að
gengið yrði að bænum.
í tilefni af 90 ára afmæli Landsbankans á Akureyri voru fjórum stofnunum færðar peningagjafir. Frá
vinstri á myndinni eru Halldór Guðbjarnason, bankastjóri, Björgvin Vilmundarson, bankastjóri, sr.
Gunnlaugur Garðarsson og Gunnhildur Ásgeirsdóttir frá Glerárkirkju, Stefán Jónsson frá Háskólanum
á Akureyri, Bernharð Haraldsson, skólameistari VMA, Tryggvi Gíslason, skólameistari MA, Helgi Jóns-
son, útibússtjóri, Magnús Björnsson, skrifstofustjóri og Birgir B. Svavarsson, afgreiðslustjóri.
Landsbankinn á Akureyri 90 ára:
Sprengisandur opnað-
ur umferð í næstu viku
GERA MÁ ráð fyrir að Sprengi-
sandsleið verði opnuð fyrir um-
ferð í næstu viku.
Svavar Jónsson rekstrarstjóri
Vegagerðar ríkisins á Húsavík
sagði að hann hefði farið upp á
Sprengisand nú í vikunni til að
skoða aðstæður. Þrír snjóskaflar
væru enn eftir á leiðinni og bjóst
hann við að nú um eða upp úr helg-
inni yrði farið til að hreinsa veginn.
Svavar var á ferð um Sprengi-
sand er norðanáhlaupið gerði í vik-
unni og sagði hann að veðrið þar
efra hefði verið mun skaplegra en
niðri í byggð.
Eftir að búið verður að hreinsa
veginn verður hann opnaður fyrir
umferð og bjóst Svavar við að það
yrði einhvern daginn í næstu viku.
„Það fer að styttast í að vegurinn
verði opnaður fyrir umferð og vafa-
laust eru einhveijir orðnir óþreyju-
fullir að fara um hann,’“ sagði Svav-
ar.
Þrettán tóku þátt í mið-
næturþríþrautarkeppni
ÞRETTÁN keppendur tóku þátt í fyrstu miðnæturþríþrautarkeppn-
inni sem fram fór á Akureyri síðastliðið sunnudagskvöld. Fimm
kepptu í ólympískri vegalengd og átta í helmingi styttri vegalengd.
Þremur skólum og Glerár-
kirkju færðar peningagjafir
LANDSBANKI íslands á Akur-
eyri færði fjórum stofnunum
peningagjafir í tilefni 90 ára
afmælis síns en útibú var stofn-
-*ett á Akureyri 18. júní árið
1902. Allt frá þeim tíma hefur
bankinn gegnt stóru hlutverki
í atvinnusögu á Norðurlandi.
í tilefni af tímamótunum færði
Landsbankinn Háskólanum á
Akureyri, Menntaskólanum á Ak-
ureyri, Verkmenntaskólanum á
Akureyri og Glerárkirkju peninga-
gjafír. Stjórnendum þessara stofn-
ana hefur verið falið að ákvarða
til hvaða verkefna gjafímar verði
nýttar og eru því af bankans hálfu
afhentar án skilyrða um ráðstöfun.
Um síðustu áramót námu inn-
stæður í bankanum á Akureyri
3.710 milljónum króna, en útlán
námu 5.187 milljónum króna.
Skipting útlána var þannig að til
sjávarútvegs fóru 25% útlána, til
iðnaðar 21%, 18% til verslunar,
13% til landbúnaðar og til einstakl-
inga og annarra 23%.
Landsbankinn á Akureyri rekur
þijár afgreiðslur, Brekkuaf-
greiðslu í Kaupangi við Mýrarveg,
á Raufarhöfn og á Svalbarðseyri
og eru stöðugildi í bankanum 64
talsins.
Haukur Eiríksson, Þór, Akureyri
sigraði í ólympískri vegalengd, þ.e.
1.500 m sundi, 40 km hjólreiðum
og 10 km hlaupi. I öðru sæti var
Ingimar Guðmundsson, Bolungar-
vík, þá Kári Hreinsson, Akureyri,
Ólafur Björnsson, Ólafsfirði og
Elín Harðardóttir, Bolungarvík, en
hún er fyrsta konan hér á landi
sem keppir í þessari vegalengd.
Mikill aldursmunur var á milli
yngsta og elsta keppenda í styttri
vegalengdinni, en Birgir Fanndal,
Mývatnssveit, sem er á sextugs-
aldri var elsti keppandinn, en sá
yngsti, Þóroddur Ingvarsson er
fjórtán ára.
Albert Arason, Ólafsfírði var
fyrstur í mark í styttri vegalengd,
þá Tryggvi Sigurðsson, Olafsfírði
og Þóroddur Ingvarsson var þriðji.
Mótið tókst í alla staði vel og
er ráðgert að halda slík miðnætur-
mót á hveiju ári.
Raufarhöfn:
Ung hjón taka rekst-
ur hótelsins á leigu
Raufarhöfn.
HÓTEL Norðurljós á Raufarhöfn opnaði um hvíta-
sunnuhelgina. Raufarhafnarhreppur sem er eigandi
hótelsins hefur rekið það undanfarin ár. Nú hafa ung
hjón tekið það á leigu, Dóra Guðmundsdóttir og Ole
R. Hansmar.
Rekstur hótelsins verður
með hefðbundnum hætti,
þar verður hægt að fá mat
og gistingu, en einnig verð-
ur þar opinn bar í suðurenda
hótelsins með útsýni yfir
höfnina og hægt verður að
fýlgjast með umferð fiski-
báta um höfnina og löndun-
um þeirra á aflanum.
Hugmyndin er að reka
Hótel Norðurljós allt árið,
gistirými er fyrir allt að 50
manns. Helgi
Morgunblaðið/Helgi
Dóra Guðmundsdóttir og Ole R. Hansmar hafa tekið hótel Norðuryós á
Raufarhöfn á leigu.