Morgunblaðið - 11.07.1992, Blaðsíða 24

24
MORGUNBLAÐIÐ LAUGARDAGUR 11. JÚLÍ 1992
Morgunblaðið/Eiríkur
Frá borði og upp íbílinn
Skemmtiferðaskipið F'jodor Dostojevskíj kom til Akureyrar á fimmtudag. Meirihluti farþeganna er Þjóðveij-
ar og flestir hópuðust þeir í langferðabfla við skipshlið og óku sem leið lá austur í Þingeyjarsýslur.
Mývatnssveit:
Fugl hefur afrækt
egg í hreiðrum
Bjðrk, Mývatnssveit.
Margir telja að andavarp hafi
verið gott hér við Mývatn í sumar
og eggjataka verulega meiri en
undanfarin ár, enda mikill fugl í
varplöndum.
Þetta leit því allt mjög vel út þeg-
ar Jónsmessuhretið gerði svo óvænt.
Síðan hafa varpstöðvarnar verið
kannaðar og kemur þá í ljós að mik-
ið af andareggjum er enn í hreiðrun-
um, sem fuglinn hefur hreinlega
afrækt, vafalaust vegna kulda og
bleytu í hretinu. Þá hefur einnig
mikið fundist af dauðum kríuungum
í hreiðrum. Hætt er því við að fáir
eða engir kríuungar hafi komist á
legg að þessu sinni hér. Þeir hafi
rétt verið skriðnir úr eggjunum þeg-
ar kólanði og því verið á afar við-
kvæmu stigi. Eitthvað hefur líka
fundist af dauðum hettumávsung-
um.
Allt eru þetta hin válegustu tíð-
indi og hætt við að fuglastofninn
bíði mikið afhroð af þessum sökum.
Menn óttast nú að mun færri unga-
hópar sjáist á Mývatni næstu daga
en á síðasta sumri, en þá var líka
sérlega hagstætt veðurfar öllu fugla-
lífi á vatninu. -Kristján.
----♦ ♦ ♦--
Síðara nám-
skeið Sum-
arskólans
á Akureyri
FYRRA námskeiði Sumarskólans
á Akureyri er lokið og hið síðara
hefst 18. júlí. __ Forstöðumaður
Sumarskólans, Örn Ingi, segir
starfið hafa gengið vel og nú sé
hafin innritun í síðari hlutann.
Svíar vilja kaupa allt að 10
þúsund hesta af heyi héðan
Miklir þurrkar valda heyleysi o g hallæri fyrirsjáanlegt
Búnaðarfélagi íslands hafa bor-
ist fyrirspurnir frá Svíþjóð um
það hvort Islendingar geti selt
þeim hey. Bændur í Eyjafirði eru
vel aflögufærir um hey, en mál
þetta er í athugun og engar
ákvarðanir hafa verið teknar um
það hvort af sölunni verður.
Grenivík:
Bílvelta við
Grýtubakka
Bíll valt út af veginum neðan við
Grýtubakka um hádegi í gær,
föstudag. Ekki urðu slys á fólki
en bíllinn er mikið skemmdur.
Bíllinn átti leið um veginn neðan
við Grýtubakka. Ökumaður varð
skyndilega var við kind með tvö
lömb á veginum og þegar hann
gerði tiiraun til að sveigja frá tii
að forðast að aka á ána og lömbin
vildi ekki betur til en svo að bíllinn
fór út af veginum og valt eina veltu.
Svo vel fór að engin slys urðu á
fólki en bíllinn skemmdist mikið.
-Haukur.
Svíar hafa lýst áhuga á að kaupa
allt að 10.000 hestum af heyi.
Útlit er fyrir afar góðan heyf-
orða Eyfirðinga og háarspretta
er mjög góð.
Að sögn Áma Snæbjörnssonar
hjá Búnaðarfélagi íslands er
ástand á vissum svæðum í Svíþjóð
orðið hörmulegt vegna langvarandi
þurrka. Þar hefur jafnvel ekki
komið dropi úr lofti að heitið geti
síðan í byijun maí og jörð sviðin
af þurrki og ekkert gras að hafa.
Vegna þessa hafí borist fyrirspurn-
ir um það hvort íslendingar gætu
selt Svíum hey. Oft berist að vísu
fyrirspurnir af þessu tagi þar sem
lýst sé áhuga á heykaupum en iðu-
lega séu verðhugmyndir svo víðs
fjarri veruleikanum að málin falli
um sjátf sig. Óljóst sé í raun hvaða
alvara búi að baki þessum fyrir-
spurnum Svía nú, eða hvort verð
verði á þeim nótum að þessi við-
skipti geti farið fram. Hér sé um
flókin viðskipti að ræða, til dæmis
sé flutningurinn viðkvæmur,
vandasamur og kostnaðarsamur.
Júlíus J. Daníelsson, ritstjóri
Freys, sagði að Inge Mösner, for-
svarsmaður samvinnufélags í
Kalmar í Svíþjóð sem sjái um inn-
HASKOLINN A AKUREYRI
Laus er til umsóknar staða deildarfulltrúa heil-
brigðisdeildar Háskólans á Akureyri.
Starfið er í mótun og krefst tölvufærni, ná-
kvæmni og sjálfstæðis. Stúdentspróf eða sam-
bærileg menntun áskilin, háskólamenntun æski-
leg. Laun eru samkvæmt kjarasamningum BSRB.
Umsóknarfrestur ertil 7. ágúst nk. cg umsóknum
skulu fylgja upplýsingar um menntun og fyrri
störf ásamt meðmælum.
Upplýsingar um stöðuna veitir forstöðumaður
heilbrigðisdeildar, Sigríður Halldórsdóttir, í
hs. 96-27676, vs. 96-11770 og 96-11790-21.
Háskólinn á Akureyri.
kaup fyrir bændur, hafi hringt til
sín fyrir fáum dögum. Hann hefði
kvartað yfir veðráttu, allt væri
skrælnað og ekki hefði komið nema
7 millimetra úrkoma frá því í byij-
un maí. Menn sæju fram á hey-
leysi og hallæri. Hann hefði spurst
fyrir um það hvort hér væri fáan-
legt hey.
Júlíus sagðist í samráði við bún-
aðarmálastjóra og Ólaf Dýrmunds-
son, forðagæslumann Búnaðarfé-
lagsins, hafa haft samband við
Ævarr Hjartarson á Akureyri og
beðið hann að athuga möguleika
á þessu meðal eyfirskra bænda,
svo málið væri í athugun norðan
fjalla. Ekki sagði Júlíus að Inge
Mösner hefði nefnt verð heldur
fremur óskað eftir tilboðum, en
hann hefði lýst áhuga á að fá 5.000
til 10.000 hesta af heyi frá íslandi
og þetta vildi hann helst fá í sept-
ember.
Guðmundur Steindórsson varð
fyrir svörum hjá Búgarði á Akur-
eyri. Hann sagði að þessi fyrir-
spurn um hey handa Svíum hefði
borist en hefði ekki verið afgreidd,
væri í athugun. Hann sagði eyf-
irska bændur vel aflögu færa um
hey, þeir ættu mikið af fyrirtaks-
góðum heyjum frá síðasta ári og
á þeim væri ekki ýkja mikill mun-
ur og heyi þessa sumars. Allt útlit
væri fyrir að bændur ættu gríðar-
lega mikil hey í haust, vel hefði
viðrað og háarspretta væri mjög
góð. Ef vel semdist um verð hlyti
því að geta talist góð búbót að
geta selt eitthvað af umframbirgð-
um til útlanda.
Á fyrra námskeiðinu voru alls 24
nemendur á aldrinum 10 til 14 ára.
Örn Ingi sagði að starfið með þeim
hefði verið afar skemmtilegt og
börnin verið mjög ánægð með þessa
tilbreytingu. Námskeiðinu lauk með
svolítilli listahátíð en að sögn Arnar
Inga var henni of lítill gaumur gef-
inn af öðrum en nánum aðstandend-
um barnanna. Hann sagði það hálf-
gerða synd því listahátíðir barna
væru jafnan miklu skemmtilegri og
betri en fullorðinna.
Nú stendur yfir innritun á síðara
námskeið sumarsins. Þá kveðst Örn
Ingi freista þess að ná meira til
Akureyringa, en aðeins fjórðungur
barnanna á fyrra námskeiðinu var
úr bænum. Sem fyrr verður lögð
áhersla á myndlist, leiklist, danslist
og matargerðarlist og ef veður leyf-
ir verður í auknum mæli reynt að
hafa starfsemina utan dyra. Kvað
Örn Ingi hafa gefist einkar vel að
láta börnin starfa úti og vekja með
þeim vitund um náttúru og um-
hverfi. Mest þætti sér um vert að
þessi námskeið byndu börnin vin-
áttuböndum og þau sem hefðu verið
á fyrra námskeiðinu hefðu mörg
boðað komu sína að ári auk þess sem
þau hefðu ákveðið að hittast aftur
í sumar eða haust.
Síðara námskeið Sumarskólans á
Akureyri stendur frá 18. júlí til 1.
ágúst.
Einsöngstónleikar í Ljósvetningabúð:
Torfunesbóndinn syng-
ur í miðjum heyönnum
BALDVIN Kr. Baldvinsson söngvari og bóndi í Torfunesi í KöIdu-
kinn heldur einsöngstónleika í kvöld í Ljósvetningabúð. Á söng-
skránni eru fjölbreytt verk íslenskra og erlendra höfunda.
Baldvin býr í Torfunesi í Köldu-
kinn og hefur þar hvort tveggja,
sauðfé og hesta. Hann var spurð-
ur hvemig það kæmi heim og
saman að bóndi héldi einsöngstón-
leika í miðjum heyönnum. Baldvin
sagði það lítið vandamál, sagðist
ekki finna neinn mun á því að
syngja að vetri eða sumri, þetta
væri spuming um áhuga og það
að halda sér í æfingu. Hann sagð-
ist syngja töluvert þegar um væri
beðið, meðal annars við jarðarfar-
ir og aðrar athafnir og auk þess
hefði hann verið starfandi með
karlakómum Hreimi allt frá stofn-
un hans 1975.
Að sögn Baldvins var ætlunin
að reyna að halda einsöngstón-
leika að sumri í fyrra, hann hefði
meðal annars æft allan sauðburð-
inn, en skömmu fyrir tónleikana
hefði hann veikst hastarlega og
þurft að aflýsa tónleikunum.
Hann hefði svo sungið hluta þeirr-
ar dagskrár að Laugum síðastliðið
haust fyrir fullu húsi. Nú ætlaði
hann að reyna að láta þetta ræt-
ast. Mörgum þætti sérkennilegt
að bóndi væri að standa í þessu
á þessum tíma en heyskapur væri
ekki lengur það stórmál sem verið
hefði áður. „Tækjabúnaðurinn
hefur breytt þessu öllu og það er
alltaf hægt að finna tóm tii að
syngja. Maður verður líka að hafa
ánægju af einhveiju, það er ekki
neitt ánægjulegt á þessum tímum
að grafa sig eingöngu niður í
áhyggjur af búskap,“ sagði hann.
Baldvin sagði að undirleikari
sinn væri Juliet Faulkner, tónlist-
arkennari við Hafralækjarskóla.
Þau hefðu unnið saman undanfar-
ið hálft annað ár og hann hefði
æft með henni reglulega einu sinni
í viku. Á efnisskránni í kvöld
væri fjölbreytilegt efni, íslensk
sönglög eftir Sigvalda Kaldalóns,
Sigfús Halldórsson, Jón Ásgeirs-
son og fleiri, þijú lög eftir Schum-
ann auk nokkurra verka eftir ít-
alska og enska höfunda.
Tónleikarnir í Ljósvetningabúð
hefjast í kvöld klukkan 21.00