Morgunblaðið - 09.08.1992, Blaðsíða 18

MORGUNBLAÐIÐ SUNNUDAGUR 9. ÁGÚST 1992
18
Innilegt þakklœti sendi ég ykkur öllum sem
glödduö mig með kveðjum, blómum og gjöfum
eÖa meÖ nœrveru ykkar á 75 ára afmœli mínu,
þann 28. júlí sl.
Sérstakt þakklœti sendi ég börnunum mínum
sjö og fjölskyldum þeirra sem gerÖu mér dag-
inn ógleymanlegan.
Bestu kveÖjur,
ÞrúÖur Elísabet Guðmundsdóttir,
Sléttuvegi 11, Reykjavík.
„ANIMA NORDICA“
Myndlist
Bragi Ásgeirsson
í Hafnarborg sýna um þessar
mundir fjórir einstaklingar, sem
hafa það sameiginlegt að hafa
numið við Valand listaskólann í
Gautaborg, sem ýmsir munu
kannast við.
Listhópurinn sem hyggst sýna
um öll Norðurlönd og jafnvel víð-
ar um Evrópu nefnir sig „Anima
Nordica" og samanstendur af
þeim Lenu og Michael Hopsch
frá Svíþjóð, Ónnu Makela frá
Finnlandi og Steinunni Helga-
dóttur frá íslandi.
Það er nokkur breidd í þessari
sýningu og listamennimir ólíkir,
þótt meiri hlutinn þræði nýjar
slóðir, en um leið virkar hún
undarlega hrá og listaskólaleg.
Þetta kemur einkum vel fram
í myndverkum þeirra Lenu og
Michael Hopsch en þau virðast
bæði gagntekin af nýjum
straumum í listinni og myndverk
þeirra einkennast af mikilli hugs-
un og nákvæmri útfærslu. Og
þó að myndverk Steinunnar geri
það einnig bregður fyrir mal-
erískum töktum í sumum þeirra,
en hér eru umgerðimar full kald-
ar og hráar.
Öll em þau vel frambærilegir
fulltrúar gjörbreyttra viðhorfa í
rýmislist á síðari ámm og þá
ekki síst innan listaskóla, þar
sem fjölþætt efni era tekin í
notkun og hvers konar hug-
myndir virkjaðar, oft á kostnað
hins nákvæma handverks og
þjálfuðu skynjunar. Handverkið
getur að vísu verið fullkomið, en
er þá oftar en ekki verk annarra
en myndlistarmannsins, og jafn-
vel tekið traustataki úr iðanar-
framleiðslu (Ready made).
Á bak við þetta er viðamikil
og flókin heimspeki, sem alls
ekki skal hafnað, en ber í sér
þá hættu að listin einangrist við
fámennan hóp innvígðra, nema
í þeim tilvikum að markviss
kýmni sé með í spilinu. Þá er
hættan að vísu sú að sýningar
fái svip af Disneylandi fyrir full-
orðna eins og sumir listrýnar
stórblaðanna nefna t.d. Doku-
menta í Kassel að þessu sinni.
Finnski fulltrúinn Anna Mak-
ela er að mestu ósnortinn af
þessum viðhorfum og hún sýnir
mjög vel gerð myndverk, sem
em í einu og öllu hennar þó fram
komi áhrif frá ýmsum norrænum
listamönnum. Teikningarnar eru
sérstaklega * athyglisverðar
vegna þeirrar skynrænu útgeisl-
unar sem þær búa yfir og lita-
beitingin í málverkunum er ná-
kvæm og hnitmiðuð. Auðséð er
að hér er gagnmenntaður lista-
maður á ferð, sem veit hvað
hann vill.
Dreifðar ljósmyndir
Undanfarið hafa verið uppi
átta ljósmyndasýningar á höfuð-
borgarsvæðinu, sem Ljósmynd-
arafélag íslands stendur fyrir í
tengslum við norrænt ljósmynd-
aramót að Höfn í Homafirði.
Sýningamar em að Kjarvals-
stöðum, í Kringlunni, Perlunni
og Ráðhúsinu. Það er nýlunda
hér á landi að dreifa á þennan
hátt ljósmyndasýningum, en ekki
er ég viss um að þetta form
henti í okkar litla þjóðfélagi, því
það er svo lítið og margfalt auð-
veldara að ná til fólksins en í
stærri þjóðfélögum. Þær eiga þó
fullan rétt á sér og einkum eins
og deildimar em settar upp í
Ráðhúsinu og Perlunni, en þá
er sá hængurinn að þær standa
alltof stutt yfir á versta tíma
ársins fyrir okkur er fjöllum um
myndlist og þá einnig fyrir al-
menning er kannski uppgötvar
of seint hvað hér er á ferðinni.
í vestursal Kjarvalsstaða
hverfur sýningin í hinu mikla og
opna rúmi, nema hvað stærstu
myndirnar snertir, sem nutu sín
vel, og átti ég erfitt með að átta
mig á að hér væri um sýningu
að ræða er ég leit þar fyrst inn,
hélt frekar að verið væri að setja
upp sýningu.
Þá er merkingum myndanna
sums staðar mjög ávótavant og
þá einkum í Perlunni, og hér
vantar miða við hlið hverrar
myndar fyrir sig með skilmerki-
legum upplýsingum. Þetta gerir
þeim sem vill rannsaka myndirn-
ar gaumgæfilega býsna erfitt
fyrir og útilokar raunar að hægt
sé að fjalla hlutlægt um sýning-
amar, nema með því að leggja
á sig margfalt nánari skoðun en
í sambandi við venjulegar sýn-
ingar, auk þess sem dreifíng
sýninganna gerir starfíð vissu-
lega ekki auðveldara.
Hins vegar er deildin í Perl-
unni sýnu áhugaverðust um leið
og hún er umfangsmest. Hef ég
ekki séð sýningu jafn vel og
skipulega setta up á þeim stað
auk þess sem rýmið er býsna
erfítt viðureignar. Margt gull-
fallegra mynda getur þar að líta
bæði í lit og svart hvítu. Mikið
er um landslagsmyndir frá ís-
landi og þær sumar frábærar.
Deildin í Ráðhúsinu fylgir að
vísu fast fast eftir og er fjölþætt-
ust og einfaldast að njóta mynd-
anna.
í Kringlunni hverfa myndirnar
í mannfjöldann þegar örtröð er,
en það gera raunar einnig rýmis-
frekari fýrirtektir, nema að í
þeim bregði fyrir leik, sem yngri
kynslóðir kunna vel að meta.
Ég kýs að gefa framkvæmd-
inni mín bestu meðmæli og tel
að enginn verði svikinn af að
skoða deildimar í Perlunni og
Ráðhúsinu.
★ Grillaður svínahryggur w
m/bakaðri kartöflu og salati Kr. il £3)
★ Grillað lamba innra læri "ffitJI
m/bakaðri kartöflu og salati Kr. f iMJ
★ Grillaðar lambakótelettur
m/bakaðri kartöflu og salati Kr.
★ Pítur með úrvali af fyllingum
★ Hamborgarar
★ Samlokur
Opnunaóírfí'
•m
Tveir Bretar halda
tónleika í Hafnarborg
TÓNLEIKAR verða haldnir í
menningarmiðstöðinni Hafnar-
borg í Hafnarfirði fimmtudaginn
13. ágúst kl. 20.30. Þar verða á
ferðinni 2 listamenn frá Bret-
landi, Ilalli Cauthery, 16 ára fiðlu-
leikari og James Lisney píanóleik-
ari. Á efnisskrá tónleikanna verða
sónötur fyrir píanó og fiðlu eftir
Brahms og Mozart, einleikssónata
fyrir fiðlu eftir Ysaye og Impr-
omptu fyrir píanó eftir Schubert.
Halli er nemandi í skóla sem fiðlu-
leikarinn heimsfrægi Yehudi Menu-
hin stofnaði árið 1963 í Englandi
eftir að hafa kynnst Central skólan-
um í Moskvu en það er skóli sem
sinnir hæfileikaríkum ungmennum.
í skóla Yehudi Menuhins em aðeins
50 nemendur alls staðar að úr heim-
inum en þar er þeim gert kleift að
stunda skólanám og tónlistarnám
jafnhliða. Halli stundar ennfremur
nám í tónsmíðum en áhuga á tón-
smíðum á hann ekki langt að sækja,
því móðurafi hans er Árni Bjömsson
tónskáld. Nú í vor komst Halli í loka-
úrslit í „BBC Young Composer Of
The Year“ sem er liður í keppninni
„Young Musician of the Year“ sem
BBC sjónvarpið heldur annað hvert
ár, en þetta var í fyrsta skipti sem
keppt var til verðlauna fyrir tónsmíð-
ar meðal ungra breskra tónlistar-
manna.
James Lisney er píanóleikari i
Bretlandi sem hélt sína fyrstu ein-
leikstónleika í Wogmore Hall í Lond-
on árið 1986 en gagnrýnendur í Tim-
es og Guardiap luku miklu lofsorði
á leik hans. Árið 1988 var James
valin ungi einleikari ársins af dóm-
nefnd sem skipuð var heimsþekktum
listamönnum og hefur síðan oft kom-
ið fram sem einleikari í Royald Fest-
ival Hall og Barbican með þekktum
hljómsveitum, þ.á.m. Konunglegu
Fílharmóníunni, London Mozart
Players o.fl. Hann hefur ennfremur
haldið tónleika í Bandaríkjunum,
Frakklandi, Ítalíu, Þýskalandi, Rúm-
eníu og Póllandi.
------♦ ♦ 4------
Eru íslend-
ingar að éta
börnin sín?
ÚT ER komin bókin „Eru íslend-
ingar að éta bömin sín?“ eftir Jón
Þorleifsson.
Bókin „Em íslendingar að éta
bömin sín?“ er 28 blaðsíður og prent-
uð í Fjölritun Siguijóns Þorbergsson-
ar. í bókinni veltir höfundur fyrir sér
lífskjömm íslendinga fyrr og nú og
skoðar stöðu íslensku þjóðarinnar á
alþjóðavettvangi. Þetta er fímmt-
ánda bók höfundar hans fyrsta bók
„Nútímakviksetning“ kom á markað
árið 1974. . „ , . .
(Úr fréttatilkynmngu.)