Morgunblaðið - 21.08.1992, Blaðsíða 12
12 B
MORGUNBLAÐIÐ FÖSTUDAGUR 21. ÁGÚST 1992
Viljugur Pony
á skaplegu verði
TALSVERT á annað hundrað Hyundai bílar frá Suður Kóreu
hafa selst hérlendis frá því þeir voru kynntir í lok maí hjá umboð-
inu Bifreiðum og landbúnaðarvélum en þeir eru fáanlegir i fjór-
um aðalgerðum. Nærri 50 bílar af Elantra gerðinni hafa selst
og svipað af Pony en heidur minna af sportgerðinni Scoupe og
flaggskipinu Sonata. Fjallað hefur verið-ítarlega hér á bílasíðum
um Hyundai bílana og verður hér að síðustu lítillega litið á fimm
manna framdrifinn Hyundai Pony þriggja hurða hlaðbak með
1300 rúmsentimetra vél, bíl sem kostar 719 þúsund krónur án
skráningar. Bifreiðar og landbúnaðarvélar hafa að undanförnu
verið að ganga frá sölu- og þjónustuneti um landið og hefur
þegar verið samið við 7 aðilar. Um þessa helgi verða Hyundai
bílarnir sýndir víða á Suðurlandi.
Ekki er hægt að segja að Pony
sé beint framúrstefnulegur eða
straumlínulagaður í útliti en þó
má segja að hlaðbakurinn sé
skemmtilegri útlits en stallbakur-
inn. Fimm hurða útgáfan hefur
lítinn glugga aftast á hliðum en á
þriggja hurða útgáfunni er aftari
hliðarrúðan nokkuð stór. Raunar
eru allar rúður stórar og útsýni
gott.
Að innan er flest með hefð-
bundnu sniði og þrátt fyrir ágætan
búnað virkar frágangur nokkuð
hrár. Sætin fara vel með ökumann
sem farþega og þau eru vel still_an-
leg. Grip á stýri er gott og sömu
sögu er að segja um gírstöng.
Nauðsynlegir mælar eru á sín-
um stað en þó ekki snúnings-
hraðamælir. Af staðalbún-
aði má nefna litað gler,
vindskeið að framan,
svarta hliðarlista og
svarta spegla. Þá er far-
ið að búa bílinn út með
útvarpi og kostar hann
með því 719 þúsund krónur.
Sé vandlega skoðað sjást
stöku smáatriði í frágangi sem
fínna má að. Þannig fellur aftur-
hlerinn ekki nákvæmlega í miðju
milli afturluktanna, neðsti hluti
þess er nær hægri luktinni en þeirri
vinstri. Þetta hefur vitaskuld engin
áhrif á eiginleika bílsins og telst
til smáatriða.
Vélin í þessari útgáfu af Pony
er 1300 rúmsentimetrar, fjögurra
strokka og 72 hestöfl. Hún gefur
þessum 980 kg bíl ágætt viðbragð
með fímm gíra handskiptingu og
er vinnslan líka þokkaleg. Þurfa
menn að vera dálítið viljugir að
skipta upp og niður til að
ná sem mestu úr vélar-
orku bílsins. Hlað-
bak-
sútgáfan er örlítið styttri en stall-
bakurinn eða 4,1 m á móti 4,27
en hjólhafið er það sama, 2,38
metrar. Bensíneyðsla í bæjarakstri
er sögð 9 lítrar á hundraðið. Fjöðr-
un er sjálfstæð MacPherson
gormafjöðrun.
í akstri er þessi þriggja hurða
Pony með minni vélinni furðu vilj-
ugur og spila vinnslan og gírskipt-
ingin vel saman. Skiptingin er
kannski harðari en á ýmsum öðrum
bílum en þó vandalaus en mætti
vera liðugri. Pony er sæmilega lip-
ur í miðborgarsnúningum og vélin
er ekki hávaðasöm né heldur heyr-
ist vegarhljóð mikið inn í bílinn.
Það gem einkum er galli á þessari
gerð er að stýrið er heldur þungt.
Þeir sem eru vanir þungu stýri
finna það þó lítið en þeir sem hafa
mikið ekið bílum
Pony hefur ágætan búnað hið
innra en virkar samt nokkuð
hrár. Fyrir 719 þúsund krónur
(án skráningar) fæst hins vegar
alhnikið.
með laufléttu vökvastýri finna til
þyngsla.
í heild má fullyrða að í þessari
gerð af Pony fáist þokkalegur bíll
fyrir fjárfestinguna, 719 þúsund
krónur. Hann er lipur, með nauð-
synlegum búnaði, þokkalega
vinnslu og ágætlega rúmgóður. ■
Jóhannes
Tómasson
Morgunblaðið/Kristinn
Hyundai Pony er fá-
anlegur eins og þessi,
þriggja hurða hlaðbakur,
einnig fimm eða fjögurra
hurða stallbakur.
Seat og
Suzukií
samvinnu
SAMNINGAR eru nú á lokastigi
milli Seat verksmiðjanna á Spáni
og Suzuki í Japan um framleiðslu
á fólksbíl af minni gerðinni. Verð-
ur bíllinn smíðaður samkvæmt
hönnun Seat verksmiðjanna en
tæknilegri útfærslu Suzuki.
Könnun á hagkvæmni samvinnu
þessara bílaframleiðenda hafa staðið
yfir í eitt ár, og er búist við að samn-
ingar verði undirritaðir á næstunni.
Gert er ráð fyrir að framleiðsla bíls-
ins hefjist árið 1995 í Seat verksmiðj-
unurh í Barcelona, og fyrst um sinn
verða framleiddir þar 150 þúsund
bílar fyrir Evrópumarkað. ■
Isuzu tapar
milljörðum
UM 20 milljarða króna tap varð á
rekstri Isuzu Motors í Japan á síð-
asta ári miðað við árið áður, en
árið 1991 dróst fólksbílasala Isuzu
verulega saman bæði í Japan og
Bandaríkjunum.
Forsvarsmenn Isuzu hafa neitað
fregnum í japönskum fjölmiðlum um
að fyrirtækið hyggist hætta fram-
leiðslu fólksbíla vegna taprekstrar-
ins, og segja þeir horfur á að um
20 þúsund bílar seljist í Japan á þessu
ári. ■
Rover stef nir raf-
bílaframleiöanda
ROVER verksmiðjurnar í Bret-
landi hafa stefnt framleiðanda
þriggja hjóla rafbíls fyrir notkun
á nafninu MINI, en rafbíll þessi
hefur verið til sölu undanfarin
fjögur ár í Evrópu undir nafninu
Miniel City.
City Com sem framleiðir rafbílinn
hefur þegar breytt nafninu í City-el
PCV í Bretlandi. Eftir að stefnan
kom frá Rover sagði talsmaður City
Com að um harkaleg viðbrögð væri
að ræða hjá Rover, þar sem öllum
ætti að vera ljós munurinn á hinum
þriggja hjóla rafbíl og Rover Mini
sem verið hefur á markaðnum árum
saman. Sagði talsmaðurinn að vin-
samleg aðvörun frá Rover verksmiðj-
unum hefði átt að nægja til að leysa
þetta mál. ■
Morgunblaðið/SPB
Jónas Finnbogason og Hólmfríður Friðgeirsdóttir taka við nýja bíln-
um af Jóni Gestssyni.
Ellert sannaði sig í Barcelona
DANSKI rafbíllinn Ellert þótti sanna
getu sína svo um munaði á ólympíuleik-
unum í Barcelona, en þar voru fimm
bílar af þessari gerð notaðir fyrir sjón-
varpsmyndatökumenn er fylgdust með
langhlaupum. Þótti bíllinn standa sig
það vel að í kjölfar ólympíuleikana
hafa pantanir meðal annars borist á
50 bílum frá þýskri bílaleigu.
Verksmiðjan sem framleiðir Ellert er í
Randers, og hefur hún gengið í gegnum
margvíslega erfiðleika frá því fyrstu bíl-
amir komu á götuna árið 1986, en þeir
þóttu á ýmsan hátt misheppnaðir. Eftir
endurhönnun bílsins í tvígang og mikið
fjárhagslegt tap virðist þó vera bjart fram-
undan, en rekstur verksmiðjunnar
er nú loksins farinn að skila nokkr-
hagnaði. Við framleiðsluna
um
starfa 35 manns, og fyrirliggjandi
pantanir tryggja framleiðsluna
fram á næsta vor. Það eru þó ekki
Danir sjálfir sém eru farnir að
kaupa bílinn svo neinu nemur held-
ur hefur markaðurinn í Þýskalandi
verið að opnast fyrir alvöru. Á
þessu ári verða framleiddir 500
bílar í verksmiðjunni í Randers, og búist
er við að framleiddir verði 2.000 bílar á
næsta ári. ■
Fimm bílar af þessari
gerö voru notaðir
fyrir sjónvarps-
myndatökumenn er
f ylgdust með lang-
hlaupum.
Nýr umboðsmaður
fyrir bíla á Húsavík
Húsavík.
VÍKURBARÐINN — Jón Gestsson — Húsavík, hefur tekið við bílaum-
boði fyrir Ingvar Helgason hf. í Reykjavík, sem selur Subaru- og
Nissan-bíla.
Samdægurs og Jón fékk umboðið
seldi hann fyrsta Subaru-bílinn Jón-
asi Finnbogasyni og Hólmfríði Frið-
geirsdóttur, Raufarhöfn. „Þetta er
sjötti Subaru-bíllinn, sem við hjónin
kaupum, enda er ég orðinn allgam-
all,“ sagði Jónas þá hann tók við
nýja farartækinu.
Víkurbarðinn rekur fyrst og
fremst dekkja- og smurþjónustu og
hefur nokkuð rúmgott húsnæði.
Viðgerðarþjónustu annast Bif-
reiðaverkstæði Tryggva Guð-
mundssonar. ■
- Fréttaritari