Morgunblaðið - 23.08.1992, Blaðsíða 32
wgtmfrlafrft
Hraðori póstsendingar
milli landshluta
PÓSTUR 06 SlMl
MORGVNBLAÐW, AÐALSTRÆTl 0, 101 REYKJAVÍK
SlMl 691100, SÍMBRÉF 69118/, PÓSTHÖLF 1555 / AKUREYRI: HAFNARSTRÆTI 85
SUNNUDAGUR 23. ÁGÚST 1992
VERÐ í LAUSASÖLU 110 KR.
Kranabíll
fastur á brú
yfír Jökulsá
Jökuldalur.
KRANABÍLL ók út á brúna yfir
Jökulsá á Dal á föstudag með
krana í vinnslustöðu. Við það
rakst kranabóman upp í yfir-
bygginguna á brúnni þannig að
bíllinn festist.
Sökum þessa lokaðist brúin og
ekki var búið að opna hana aftur
um hádegisbil á laugardag. Ekki
er ljóst hvað skemmdirnar á brúnni
eru miklar en þær verða metnar
þegar búið er að losa bílinn.
Eftir að bíllinn festist fór öku-
maður hans á næsta bæ, Brú á
Jökuldal, sem er í um 200 metra
fjarlægð. Þar óskaði hann aðstoð-
ar lögreglu. Er hann kom aftur
að brúnni hafði hún sigið, en brú-
in var byggð 1953 og endurbyggð
og hækkuð fyrir tæplega 20 árum
síðan. Sökum þess hve brúin var
sigin þorði ökumaðurinn ekki að
hreyfa við bílnum fyrr en lagt
hefði verið mat á hvort brúin þyldi
það eða ekki.
Verkfræðingur frá Vegagerð-
inni hélt austur á föstudagskvöld,
en jafnvel var þá talið að það
væri vörubíllinn sem héldi brúnni
uppi*
-Sig.Að.
--------------
Stuðlafoss
seldur til
S-Ameríku
SAMNINGAR um sölu á Stuðla-
fossi, skipi Eimskipafélagsins,
til Guyana í S-Ameríku eru á
lokastigi. Söluverð skipsins er
tæpar 70 milljónir króna og
gert er ráð fyrir því að skipið
verði afhent nýjum eigendum í
lok september.
Stuðlafoss hefur verið í strand-
siglingum hér við land. Að sögn
Þorkels Sigurlaugssonar, fram-
kvæmdastjóra hjá Eimskipafélag-
inu, er nú verið að endurskipu-
leggja strandsiglingarnar og er
sala Stuðlafoss liður í þeirlri endur-
►skipulagningu.
Stuðlafoss getur flutt 50 gáma
og auk þess 500 tonn af frystri
vöru og lausavöru í lest, en í tillög-
um að endurskipulagi strandsigl-
inganna er gert ráð fyrir skipi sem
flutt getur 150 gáma. Þorkell Sig-
urlaugsson segir að í athugun sé
að annað hvort taka á leigu eða
kaupa skip til þessara flutninga.
Það skip á að fara svokallaðar
pendúlferðir eins og Stuðlafoss
hefur gert að undanfömu, þannig
að skipið fer annars vegar frá
-Hafnarfirði á sunnudögum vestur
um land og aðra ferð á miðviku-
dögum austur um land. Reykjafoss
sem flutt getur 300 gámaeiningar
mun sigla áfram eftir óbreyttri
áætlun vestur og norður um land.
Með þessu fyrirkomulagi er hægt
að anna strandflutningum með
tveimur skipum í stað þriggja áð-
ur. Auk þess áformar Eimskipafé-
lagið að auka landflutninga.
> ^ Morgunblaðið/Kristinn
HALFNAÐ ER VERK ÞA HAFIÐ ER
Fjölmennt í
fangaklefum
í Keflavík
MIKIL ölvun var í Keflavík að-
faranótt laugardagsins og
þurfti lögreglan að hafa af-
skipti af fjölda manna. Að sögn
lögreglunnar voru fanga-
geymslurnar í bænum nánast
tvísetnar og þurfti að flylja fólk
í fangageymslur bæði til
Grindavíkur og á Keflavíkur-
flugvöll.
Alls voru fjórir teknir vegna
ölvunar við akstur, töluverður
fjöldi vegna ölvunar og óspekta á
almannafæri og eitt fíkniefnamis-
ferli er í rannsókn. Samkvæmt
upplýsingum frá Karli Hermanns-
syni aðstoðaryfirlögregluþjóni er
þar um að ræða neyslu á hassi
en hann vildi ekki tjá sig nánar
um málið þar sem rannsókn þess
er ekki lokið.
Alls gistu 14 manns fanga-
geymslurnar í Keflavík um nótt-
ina, tveir voru fluttir til geymslu
í Grindavík og einn á Keflavíkur-
flugvöll.
-----♦ ♦ ♦---
Listaháskól-
inn fær Slát-
urfélagshúsið
ÓLAFUR G. Einarsson, mennta-
málaráðherra, hefur ákveðið að
hús Sláturfélags Suðurlands á
Laugarnesi í Reykjavík, verði
tekið undir starfsemi Listahá-
skóla íslands.
Um tíma var uppi sú hugmynd
að Þjóðminjasafn íslands fengi
húsið til afnota og Listaháskólinn
fengi í staðinn hús safnsins við
Suðurgötu. Að sögn Knúts Halls-
sonar, ráðuneytisstjóra, hefur nú
endanlega verið ákveðið að Lista-
háskólinn fái inni í Sláturfélags-
húsinu.
Hugmyndir ræddar í atvinnumálanefnd um tillögur Byggðastofnunar
Heimalöndun og kvótakaup
skilyrði fyrir styrkveitingu
ÁSMUNDUR Stefánsson forseti ASÍ segir að ef tillögur Byggðastofnun-
ar um styrki til útgerðarfyrirtækja vegna kvótaskerðingar eigi að
koma að gagni til að styrkja atvinnulíf í byggðarlögum sem verst verða
úti verði að setja tvö skilyrði fyrir útgjöldunum. Annars vegar að eng-
in útgerð geti sótt um styrk nema hún landi til vinnslu a.m.k. sama
hlutfalli af afla á komandi kvótaári og hún gerði á því kvótaári sem nú
er að ljúka og í öðru lagi verði styrkur því aðeins veittur að hann sé
notaður til að afla viðbótarkvóta sem gangi allur til vinnslu í landi.
Ásmundur segir að þetta sé meðal þeirra hugmynda sem rætt sé um
í atvinnumálanefndinni sem komið var á fót í kjölfar síðustu kjarasamn-
inga. Þó endanlegar tiliögur liggi ekki fyrir hafi verið fjallað um hvern-
ig taka megi á fyrirsjáanlegum atvinnuvanda og hins vegar hvað megi
gera til að treysta atvinnuuppbyggingu til lengri tima.
Ásm'undur sagði að einnig væru
uppi feikn um aukið atvinnuleysi í
þjónustugreinum, iðnaði og ekki síst
við framkvæmdir. Gera verði ráðstaf-
anir til að auka framkvæmdir og
megi þá bæði auka vegaframkvæmd-
ir og viðhaldsframkvæmdir á vegum
hins opinbera, sem standist miklar
arðsemiskröfur, og geti þess vegna
réttlætt erlendar lántökur.
Friðrik Sophusson fjármálaráð-
herra segir að ríkisstjómin háfi fjall-
að um atvinnumálin í tengsíum við
gerð fjárlaga og í viðræðum við aðila
vinnumarkaðarins í atvinnumála-
nefndinni. „Ríkisstjóminni er ljóst
hver þáttur hennar er í þessu máli
en hins vegar viljum við varast að
gripið sé til óraunsærra skammtíma-
aðgerða sem geta fest óarðbæran
atvinnurekstur í sessi og viljum frek-
ar beina sjónum okkar að stuðningi
sem getur tryggt atvinnu og skapað
ný atvinnutækifæri til lengri tíma
Iitið,“ sagði hann.
Friðrik segir spár um aukið at-
vinnuleysi hljóta að beina athyglinni
að reglum um Atvinnuleysistrygg-
ingasjóð, um fjármögnun hans, út-
hlutunarreglur, sem þurfi að nýtast
þeim best sem á þurfa að halda, og
loks að hugmyndum um hvort nota
eigi sjóðinn til atvinnusköpunar.
Hann segir stjómvöld og aðila vinnu-
markaðarins þurfa að ræða þetta
mál ofan í kjölinn og að heilbrigðis-
ráðherra, sem fer með málefni sjóðs-
ins, hafi þegar látið hefja slíka athug-
un á hlutverki hans. Sighvatur Björg-
vinsson heilbrigðisráðherra staðfesti
að Atvinnuleysistryggingasjóður
væri til skoðunar en vildi að öðru
leyti ekkert tjá sig um málið.
Friðrik sagði að spá Þjóðhags-
stofnunar um atvinnuleysi á næsta
ári væri nokkuð lægri en spá VSÍ
eða innan við 4% og sagði að við fjár-
lagagerð ríkisstjórnarinnar væri nú
miðað við að atvinnuleysi á næsta
ári geti orðið um 3,5%. Sú tala kynni
þó að breytast þar til ijárlög verða
samþykkt í desember.
Ásmundur sagði að staðið hefði
til að endurskoða reglur Atvinnuleys-
istryggingasjóðs en sú vinna væri
ekki hafin.