Morgunblaðið - 01.10.1992, Blaðsíða 23

MORGUNBLAÐIÐ FIMMTUDAGUR 1. OKTÓBER 1992
23
40 ára stj órnmálasambands
Þýskalands og Islands minnst
FJÖRUTÍU ár eru liðin frá því
stjórnmálasambandi var komið á
á milli Sambandslýðveldisins
Þýskalands og íslands. Þýska
sendiráðið, Goethe-stofnunin og
Germanía minnast þessara tíma-
móta með ýmsu móti í vikunni,
meðal annars með tónleikum og
málþingi.
Um 80-90 Þjóðverjar hafa lagt
leið sína hingað til Islands til að
taka þátt í ýmsu því sem boðið er
upp á og hófst dagskráin sl. mánu-
dag og stendur til laugardagsins
3. október. Þjóðveijunum hefur ver-
ið boðið í skoðunarferðir utan
Reykjavíkursvæðisins og að að
skoða ýmis fyrirtæki. Gestirnir
koma frá Bremerhaven, Miinchen
og Cuxhaven, sem er vinabær Hafn-
arfjarðar.
I kvöld verða tónleikar í Gerðu-
bergi þar sem fram koma lista-
mennirnir Signý Sæmundsdóttir
sópransöngkona, Elsa Waage alt-
söngkona og Jónas Ingimundarson
píanóleikari. Þau munu flytja bæði
þýska og íslenska tónlist. Tónleik-
arnir heijast kl. 20.30.
Málþing verður haldið í Háskóla-
bíói laugardaginn 3. október í sal
4, en ekki á Hótel Sögu eins og
fyrirhugað var. Þingið hefst kl.
13.30 ogstendurtil 16.30. Málþing-
ið hefst á ávarpi Jóns Baldvins
Hannibalssonar utanríkisráðherra
en þingið setur formaður Germaníu,
Þorvarður Alfonsson. Þeir sem taka
til máls eru prófessor Franz Klein,
sem ijalla mun um Evrópumál, Jo-
hann C. Lindenberg, forstjóri út-
gerðar- og fiskvinnslufyrirtækisins
Nordsee í Bremerhaven, ræðir um
fiskiðnað og markaðsmál, Andrés
Sveinbjörnsson verkfræðingur fjall-
ar um orkubúskap íslendinga og
Karin Steinecke líffræðingur tekur
fyrir umhverfismál. Málþinginu lýk-
ur á almennum umræðum.
í tengslum við hátíðarhöldin hafa
verið settar upp tvær sýningar. í
Gerðubergi er sýning á verkum
Bernd Löbach-Hinweiser er kallast
vistrýnin list og stendur hún til
sunnudags. Sett hefur verið upp
sýning í anddyri Háskólabíós á
vetnistækni og lýkur henni þriðju-
daginn 6. október.
Germanía stendur fyrir hinni ár-
legu „Októberfest" sem haldin er í
Borgartúni 6 en í ár hlýtur hátíðin
styrk frá viðskipta- og samgöngu-
ráðuneytinu í Múnchen. Hátíðin
verður með hefðbundnu sniði og
12 manna hljómsveit frá Múnchen
mun skemmta gestum.
LÍN
Samið um mánaðargreiðslur
Lánasjóður íslenskra náms-
manna og Landsbanki íslands
hafa gert með sér samkomulag
um mánaðargreiðslur námslána.
Mánaðargreiðslukerfið gerir
greiðendum námslána kleift að
safna fyrir greiðslum af náms-
lánum, en greiðslur af þeim eru
tvisvar á ári.
Þær greiðslur miðast við tekjur
og geta því verið talsvert háar. í
frétt frá Landsbankanum kemur
fram, að til að auðvelda greiðendum
að leggja fyrir hafí Lín leitað sam-
starfs við bankann til að nýta þá
sparnaðarþjónustu sem bankinn
bjóði viðskiptamönnum sínum og
nefnd er RS, regtulegur sparnaður.
Þjónusta þessi standi hins vegar til
boða fyrir alla greiðendur náms-
lána, en ekki bara þá sem séu með
reikning í Landsbanka íslands. Á
myndinni undirrita Björgvin Vil-
mundarson, formaður bankastjórn-
ar Landsbankans og Lárus Jónsson,
framkvæmdastjóri LÍN, samning-
inn.
-------» » ♦------
Carola Grindea
heldur píanó-
námskeið
PRÓFESSOR Carola Grindea,
stofnandi og aðalritari Evrópu-
sambands píanókennara (EPTA),
heldur námskeið fyrir píanó-
kennara og nemendur dagana
3. og 4. október nk. í Gerðu-
bergi. Námskeiðið verður frá kl.
10—12 f.h. og 13—16 e.h. báða
dagana.
Viðfangsefni hennar verða skap-
andi byijendakennsla og aðferðir
til að fyrirbyggja sinabólgur og
ýmis önnur handarmein píanóleik-
ara. Grindea sýnir hinar sérstöku
aðferðir sínar í byijendakennslu,
þar sem lögð er áhersla á hina skap-
andi hlið kennslunnar, og auk þess
leiðbeinir hún nemendum á efri stig-
um píanónáms með aðferðum sem
fyrirbyggja alls kyns kvilla sem
hijá píanóleikara og aðra hljóðfæra-
leikara, en hún er þekkt sem braut-
ryðjandi á því sviði.
Grindea heldur sams konar nám-
skeið á Akureyri og ísafirði síðar.
(Úr fréttatilkynningu)
m
ÍSLENSK
VERSLUN
NIDURFELLING
ADSTÖDUGJALDS?
ÍSLENSK VERSLUN, þ.e. Félag íslenskra stórkaupmanna,
Bílgreinasambandið og Kaupmannasamtök íslands,
boðar til hádegisverðarfundar í dag, 1. október, kl. 12:00
í Átthagasal Hótels Sögu.
Nýlega skipaði félagsmálaráðherra starfs-
hóp, sem fjallað hefur um breytingar í
tekjuöflun sveitarfélaga við
niðurfellingu aöstöðugjalds, og hefur
starfshópurinn nú skilað skýrslu til félags-
málaráðherra um málefnið.
Gestir fundarins verða Vilhjálmur Þ. Vil-
hjálmsson, borgarfulltrúi, og Óttar
Yngvason, framkvæmdastjóri, formaður
starfshópsins.
Munu þeir fjalla um áðurnefnda skýrslu.
Að loknum framsöguerindum verður
opnað fyrir fyrirspurnir fundarmanna.
Vinsamlega tilkynnið þátttöku í síma 678910.
Þátttökugjald með hádegisverði er kr. 2.500,-
FUNDURIIMN ER ÖLLUM OPINN
HAGKAUP
- allt í einni ferd
finnkrisp
hrökkbrauð.bautt
áðub
102,-

aður
64,-