Morgunblaðið - 17.11.1992, Blaðsíða 32

32
MORGUNBLAÐIÐ ÞRIÐJUDAGUR 17. NÓVEMBER 1992
Iðjuþjálfafélag íslands
Mótmælt nið-
urskurði til
Kristnesspítala
IÐJUÞJÁLFAFÉLAG íslands
mótmælir fyrirhuguðum niður-
skurði á fjárveitingar til Krist-
nesspítala, segir í ályktun frá
félaginu.
„Félagið telur mikilvægt að íbúar
Norðurlands eigi kost á endurhæf-
ingu sem næst sinni heimabyggð.
Það auðveldar mjög öll tengsl sjúkl-
ings og starfsfólks endurhæfingar-
deildar við nánasta umhverfi hans,
þ.e. heimili, vinnustað og tóm-
stundaiðkun. Þetta ár er nauðsyn-
legt til að auðvelda sjúklingi að
hverfa aftur til eðlilegs lífs að end-
urhæfingu lokihni.
Einnig er ljóst að neyðarástand
skapast í öldrunarmálum á Akur-
eyrarsvæðinu verði öldrunardeild-
inni á Kristnesspítala lokað.
Nauðsynlegt er að í stað þess að
Kristnesspítala verði gert ófært að
sinna hlutverki sínu sökum niður-
skurðar verði fagfólki á sviði endur-
hæfingar og öldrunarþjónustu
fjölgað. Yrði þá unnt að fullnægja
þeirri þörf sem fyrir hendi er á
svæðinu og fullnýta þá aðstöðu sem
þegar er fyrir hendi á Kristnesspít-
ala.“
(Fréttatilkynning)
Fjöldi skoðaði niðursuðuverksmiðjuna
Á fimmta hundrað manns komu og skoðuðu Niðurs-
uðuverksmiðju K. Jónssonar á Akureyri á laugardag-
inn, en verksmiðjan var þá sýnd almenningi í tilefni
af 45 ára afmæli hennar. „Þetta gekk ljómandi vel
og við erum ánægð með viðtökumar," sagði Mar-
grét Ólafsdóttir ijármálastjóri hjá K. Jónssyni. Um
95% af heildarframleiðslu fyrirtækisins er flutt út
og er stærsti hluti þess í umbúðum undir erlendum
vörumerkjum. Helstu vörutegundir sem framleiddar
em til útflutnings em frystar og niðursoðnar rækj-
ur, en á innanlandsmarkað framleiðir fyrirtækið
m.a. fiskbollur, fiskbúðing, sardínur, grænmeti og
síld, en nú nýlega var hafin framleiðsla á síld með
sjö bragðtegundum undir heitinu Sjö daga síld. Fyrir-
tækið veltir um 900 milljónum króna á ári og em
starfsmenn þess um 90 talsins.
Iðnþróunarfélag Eyjafjarðar
Nokkur smáfyrirtæki voru
stofnuð að loknu námskeiði
NÁMSKEIÐI um stofnun og
, rekstur fyrirtælqa, sem Iðnþró-
unarfélag Eyjafjarðar efndi til
síðasta vetur, lauk nú í vikunni,
en námskeiðið var kallað „stofn-
áætlun“. Tíu manns luku nám-
skeiðinu, en það var ætlað fólki
sem áhuga hefur á að fara af
stað með atvinnurekstur, væri
að hefja slíkan rekstur, eða fólki
sem starfað hjá fyrirtækjum sem
væri að fara af stað með nýjung-
ar í rekstri.
Morgunblaðið/Rúnar Þór
Þátttakendur á námskeiði Iðnþróunarfélags Eyjafjarðar um stofnun og rekstur fyrirtælq'a luku sjö
mánaða verkefni sínu í vikunni og afrakstur námskeiðsins er þegar farin að líta dagsins ljós með stofn-
un nokkurra smárra fyrirtælqa.
Námskeiðið stóð í sjö mánuði og
það sótti bæði fólk sem talsverða
reynslu af atvinnurekstri sem vildi
bæta þekkingu sína og fólk sem
var að stíga sín fyrstu skref sem
sjálfstæðir atvinnurekendur.
Á námskeiðinu var farið í fjöl-
marga þætti er lúta að stofnun
fyrirtækis, m.a. um athugun á
markaði fyrir viðskiptahugmyndir,
sérstöðu vörunnar og hvernig hún
stæðist í samanburði við . vöru
keppinauta, hvað kostaði að fram-
leiða hana og hvað kaupendur
væru tilbúnir til að greiða fyrir
hana, þá var farið í að áætla rekstr-
amiðurstöðu hugsanlegs fyrirtækis
og hvemig ætti að fjármagna það.
Bent var á leiðir til að leysa vanda-
mál er upp koma við stofnun fyrir-
tækis. Þegar farið 'hafði verið í
gegnum alla þætti í áætlun hvers
og eins höfðu þátttakendur öðlast
meiri og betri skilning á því hvern-
ig þeirra eigin fyrirtæki þyrfti að
vera uppbyggt.
Fram kom í máli Ásgeirs Magn-
ússonar, framkvæmdastjóra Iðn-
þróunarfélags Eyjafjarðar, að í
kjölfar verkefnisins em ýmis fyrir-
tæki að hefja starfsemi, að vísu
væri ekki um að ræða stóra viðbót
við atvinnulífið enn sem komið
væri, en flest fyrirtæki væra lítil í
upphafi.
Þeir sem luku námskeiðinu voru
Helgi Jóhannsson og Bjarkey
Gunnarsdóttir frá Ólafsfirði, en þau
reka fyrirtækið íslensk tónbönd
sem framleiðir segulbandsspólur;
Hugrún Magnúsdóttir, Dalvík, en
hún hóf í ársbyrjun framleiðslu á
umhverfisvænum bleium undir
heitinu Draumableian; Jakob Þórð-
arson á Grenivík, framkvæmda-
stjóri Vélsmiðjunnar Víkur, sem
m.a. framleiðir snjóblásarann
Barða; Lena Zakhariassen, Dæli í
Skíðadal, en hún framleiðir ýmsa
handunna muni og minjagripi úr
ull, kanínufiðu, hrosshári og fleiru;
Óli Þorsteinsson, Akureyri, en hann
hóf í vikunni rekstur fyrirtækis
síns, Tölvuljósmynda, sem sérhæfir
sig í sérhæfðri prentun; Sigríður
Sverrisdóttir, framkvæmdastjóri
Leðuriðjunnar Teru á Grenivík, sem
m.a. framleiðir fatnað, töskur og
fleiri muni úr leðri; og þau Sigþór
Heimisson og Hrönn Einarsdóttir á
Akureyri, sem hafa unnið að undir-
búningi á stofnun framleiðslufyrir-
tækis, og þá sótti námskeiðið Þröst-
ur Haraldsson á Dalvík, en hann
hóf nýlega rekstur útgáfuþjónustu
þar í bæ, sem sérhæfir sig í gerð
kynningarefnis, umsjón með
vinnslu prentgripa, textagerð og
fleira.
8,5 milljónir g'efn-
ar til líknarmála
ÁTJÁNDA júní 1991 lést Jón Benediktsson fyrrverandi yfirlög-
regluþjónn á Akureyri, Laxagötu 9, háaldraður. Hann gaf fimm
félögum og stofnunum á Akureyri alls 8,5 miiyónir kr.
Hann lét eftir sig erfðaskrá þar
sem hann arfleiddi eftirtaldar
stofnanir að eignum sínum: Fjórð-
ungssjúkrahúsið á Akureyri,
Dvalarheimilið Hlíð, Sólborg,
Bjarg, Náttúralækningafélagið á
Akureyri, en allar eru stofnanim-
ar á Akureyri.
í árslok 1989 hafði hann gefíð
þessum stofnunum 1.000.000 kr.
hveiri, en arfurinn nemur til við-
bótar rúmum 700.000 kr. í hlut
hverrar stofnunar. Samtals gaf
Jón því þessum stofnunum 8,5
milljónir kr.
Ifyrir þennan höfðingsskap og
hlýhug, sem hann sýndi þessum
stofnunum, vilja þær nú þakka
og votta minningu hans virðingu.
Angóla
*
Islending-
arnir bíða
enn eftir
pappírum
EMBÆTTISMENN í Angóla og
stjórnarerindrekar telja óhjá-
kvæmilegt að það slái aftur í
brýnu milli stjórnarhersins og
UNITA-skæruliðahreyfingarinn-
ar, en mörg þúsund manns létu
lífið í hörðum bardögum milli
þessara aðila fyrir tveimur vik-
um. Vamarmálaráðuneytið í
Angóla hefur lýst því yfir að
UNITA-skæraliðar séu að und-
irbúa árás á borgina Malange,
um 400 km austan Luanda, höf-
uðborgar Angóla, þar sem þrír
íslendingar eru við störf fyrir
Sun Angola, stærsta olíufélag
landsins.
íslendingarnir era Kjartan Guð-
mundsson flugstjóri, Smári Sig-
urðsson flugvirki og Jóhann Jó-
hannsson flugmaður. Kjartan sagði
í samtali við Morgunblaðið að þeir
félagar biðu enn eftir að leyfi bær-
ist frá stjórnvöldum svo þeir gætu
hafíst handa við þjálfun áhafnar á
flugvél Sun Angola.
„Svo virðist sem UNITA-menn
séu með 60% af landinu á sínu valdi.
Mér skilst að þeir vilji semja, en
hvoragur aðilinn er tilbúinn að gefa
neitt eftir og virðast vantreysta
hvor öðram. Eg verð ekki var við
neina bardaga hér í Luanda, en ég
heyri skothvelli endrum og eins. Það
er allt líf hér með eðlilegum hætti
að öðru leyti en því að það er ekki
ráðlegt að vera utan dyra á kvöld-
in,“ sagði Kjartan.
Hann sagði að þeir myndu bíða
eitthvað áfram eftir leyfinu, en hins
vegar lyki þeirra starfstíma 1. des-
ember og þá færa þeir heim.
-----».------
Jafnréttisráð
Frystihús
mismuna
starfsfólki
eftir kynjum
JAFNRÉTTISRÁÐI hafa borist
fyrirspurnir frá karlmönum
vegna ráðninga starfsfólks í
pökkun og snyrtingu í frystihús-
um. Karlmenn sem hafa gefið
sig fram til starfsins hafa fengið
þau svör, að konur séu eingöngu
ráðnar í þessi störf og eru þess
dæmi að erlendar konur hafa
verið ráðnar á sama tíma og ís-
lenskum karlmönnum er hafnað.
„Þetta er brot á jafnréttislög-
um,“ sagði Birna Hreiðarsdóttir
framkvæmdastjóri Jafnréttisráðs
en ráðinu hafa enn ekki borist
formlegar kærur vegna þessara
ráðninga. „Samkvæmt lögunum er
óheimilt að mismuna fólki eftir
kynferði þegar ráðið er í störf. Það
er auglýst eftir starfsfólki í snyrt-
ingu og pökkun og þegar karlmenn
gefa sig fram er þeim sagt að kon-
ur séu eingöngu ráðnar í þessi
störf. Mér skilst að í frystihúsum
séu ákveðin kvenna- og karlastörf.
Það er þannig að karlar brýna hnífa
en konur eru í snyrtingu og pökkun
en ég veit ekki til þess að konur
geti ekki brýnt hníf. Spurningin er
hvort þessi ákvörðun byggir á ein-
hverjum rannsóknum, eða hvort
hægt sé að rökstyðja með einhveij-
um hætti að karlmenn séu síður
hæfír til að snyrta og pakka. Ég
veit ekki til þess að nokkur rann-
sókn hafi farið fram og ég held að
þetta sé byggt á úreltum viðhorf-
um.“