Morgunblaðið - 24.11.1992, Blaðsíða 39

MORGUNBLAÐIÐ ÞRIÐJUDAGUR 24. NÓVEMBER 1992
39
Auðveldara að segja
„fjall“ en klífa það
eftír Amal Qase
Laugardaginn 28. nóvember
næstkomandi verður haldin
mælsku- og rökræðukeppni III-
ráðs ITC á íslandi. Keppnin fer
fram í Menningarmiðstöðinni
Gerðubergi og hefst kl. 13. Fjögur
lið taka þátt í keppninni og þau tvö
lið sem sigra keppa síðan til úrslita
síðar.
Mælsku- og rökræðukeppni er
fastur liður í starfsemi samtakanna
og veitir þeim sem taka þátt í henni
mikla reynslu í því að koma fram
og standa fyrir máli sínu.
Ótrúlega margir einstaklingar
eiga erfítt með að tjá sig fyrir fram-
an hóp fólks eða í fjölmiðlum og
koma þar af leiðandi skoðunum
sínum aldrei á framfæri. Það sem
virðist vera lítið mál fyrir einn get-
ur verið óviðráðanlegt fyrir annan
eða eins og segir í málshættinum:
auðveldara er að segja FJALL en
klífa það.
Hjá ITC er reynt að takast á við
þetta vandamál því að ITC er eins
kona skóli þar sem allir hjálpast
að við að byggja upp sjálfstraustið.
Þar fyrirfínnst ekkert kynslóðabil
né neins konar fordómar. ITC er
fyrir alla, unga sem aldna og karla
jafnt sem konur.
Amal Qase
Þess vegna ættu allir sem áhuga
hafa á að gera eitthvað gott fyrir
sjálfan sig að koma á þessa ræðu-
keppni og sjá hvað þar fer fram,
því að sjón er sögu ríkari.
Þá er ITC líka kjörinn vettvang-
ur fyrir þá útlendinga sem vilja
aðlagast íslensku samfélagi og
bæta íslenskukunnáttuna. Þótt ís-
lenskukunnáttan sé ekki fullkomin
er óþarfí að láta það aftra sér frá
að tjá sig, því að hjá ITC eru allir
tilbúnir til þess að leiðrétta, leið-
beina og aðstoða á allan hátt.
Sem útlendingur tel ég gott fyr-
ir okkur sem viljum aðlagast ís-
lensku þjóðlífí og menningu að taka
þátt í þeim félagsskap sem boðið
er upp á hér á landi frekar en ein-
angra sig heima hjá sér eða í fé-
lagsskap sem eingöngu er ætlaður
útlendingum.
Á Islandi er lífsnauðsynlegt að
tala íslensku og skilja hana, því að
þeim sem ekki gerir það er ekki
nægilega ljóst hver réttur hans og
skyldur eru. Sá sem ekki les ís-
lensku missir líka af þeirri ánægju
sem íslenskar bókmenntir veita
huganum.
Hjá ITC er lögð mikil áhersla á
bókakynningar, ljóðalestur og aðra
menningarstarfsemi.
Að lokum hvet ég alla til að
mæta á mælsku- og rökræðu-
keppnina og hlusta á fjörugar og
spennandi umræður og þiggja góð-
ar veitingar.
Höfundur er nemandi í íslensku
við Háskóla íslands og situr í
undirbúningsnefnd fyrir mælsku-
og rökræðukeppni Hl-ráðs ITC &
Islandi.
Dr. Gylfa Þ. Gíslasyni svarað
eftír Jóhannes R.
Snorrason
Vegna athugasemdar dr. Gylfa
Þ. Gíslasonar í Morgunblaðinu 19.
þ.m., vegna tilvitnunar sem ég
gerði i ræðu hans, sem flutt var á
100 ára afmælishátíð þjóðminja-
safnsins árið 1963, og oft hefur
verið vitnað í að undanförnu, skal
það fúslega viðurkennt að tilvitnun
mín er ekki orðrétt upp úr ræð-
unni höfð, og bið ég dr. Gylfa vel-
virðingar á því. Umrædda tilvitnun
freistaðist ég til þess að taka upp
úr grein eftir Jóhann Bjömsson,
sem birtist í Tímanum þann 23.
ágúst 1991, og var það sem eftir
var haft, innan gæsalappa.
Ræðu dr. Gylfa hafði ég ekki
handbæra en taldi mig geta treyst
umræddri tilvitnun, þar sem hvergi
hafði ég séð athugasemd dr. Gylfa
um að rangt væri haft eftir. Dr.
Gylfí segir í athugasemd sinni
m.a. „að orð þau, sem Jóhannes
R. Snorrason hefur eftir mér,
standa hvergi í ræðu minni“. Til
glöggvunar skal hér birt umrædd
tilvitnun, og geta menn síðan borið
orðin saman við þau, sem fram
koma í ræðunni sjálfri.
í tiívitnuninni segir: „Að treysta
sjálfstæði þjóðarinnar með því að
fórna því. Þess vegna ætlum við
að binda kænu smáríkis aftaní
hafskip stórveldis." í ræðunni frá
1963 segir dr. Gylfí m.a., þegar
hann vitnar í þekktan stjómmála-
skömng: „að helsta ráðið til þess
að efla sjálfstæði þjóðar væri að
fóma sjálfstæði hennar". Enn-
fremur segir í ræðunni m.a. þetta:
„kæna smáríkis dregst afturúr
hafskipi stórveldis eða bandalags".
Af hvaða hvötum dr. Gylfí vitnar
í orð hins mikla stjómmálaskör-
ungs, um að til þess að efla sjálf-
stæðið væri helsta ráðið að fórna
því, og talar með eigin orðum um
kænu smáríkis og hafskip stórveld-
is eða bandalags, er svo umhugs-
unarefni þeim, sem lesa ræðu hans,
og þau rök, sem hinn gamalkunni
stjórnmálamaður á íslandi hefur
fram að færa í hinni margumtöluðu
ræðu. Mörgum stóð stuggur af
þessari ræðu fyrir 30 áram og
engu síður enn í dag, þegar full-
veldi íslensku þjóðarinnar er í mik-
„Mörgum stóð stuggur
af þessari ræðu fyrir
30 árum og engu síður
enn í dag, þegar full-
veldi íslensku þjóðar-
innar er í mikilli
hættu.“
illi hættu, m.a. vegna þess ótta og
undirgefni, sem mér virðist vera
uppistaðan í hinni frægu ræðu dr.
Gylfa Þ. Gíslasonar frá 1963.
Höfundur er fyrrverandi
yfirflugstjóri.
Jóhannes R. Snorrason
Pantið
jólagjafirnar
núna
- hagstœtt gengi pundsins
Full búðaf vörum
Opiðfrákl. 9-18,
laugardag frá kl. 11 -13
pöntunarlistarnir,
Hólshrauni 2, Hafnarfirði.
Sími52866
kUDAGUR JÓLAPANTANA ER 27. NÓVEMBER
Kynjasöqur
BÖÐVAR CUÐMUNDSSON
\
LO
I
! -Cl
; 5
í
sO
I =Q
Cáskafullar sögur um samskipti kynjanna þar sem
brugöiö er á leik og gamalkunnum fyrirbrigöum gefiö
nýtt og óvœnt inntak. Fyndin frásögn þar sem allt
getur gerst!
Mál l|jl og menning
LAUCAVEGI 18, SÍMI (91) 24240 & SÍÐUMÚLA 7-9, SÍMI (91)
JÍ' —