Morgunblaðið - 25.11.1992, Blaðsíða 28
28
MORGUNBLAÐIÐ MIÐVIKUDAGUR 25. NÓVEMBER 1992
Fj ár hagsáætlun bæjarsjóðs o g stofnana
Ríki spillir skipulegn
starfi sveitarfélaga
- segir Halldór Jónsson bæjarstjóri
„Þessi fjárhagsáætlun er lögð fram við nokkuð sérstakar aðstæður.
I gær tilkynnti ríkisstjórnin ráðstafanir í efnahagsmálum sem óhjá-
kvæmilega munu hafa áhrif á tekjur og gjöld einstaklinga, fyrir-
tækja og bæjarfélaga. Gengið hefur verið fellt og afnám aðstöðu-
■ gjalds skal nú gerast í einum vettvangi. Það eru auðvitað ekki ásætt-
anleg vinnubrögð að breytingar á jafnviðamiklum tekjustofni sveitar-
félaga sem aðstöðugjaldið er, skuli gerast með þessum hætti. Slikar
breytingar þurfa lengri aðdraganda og aðlögunar við,“ sagði Hall-
dór Jónsson bæjarsljóri á Akureyri við fyrri umræðu um fjárhagsá-
ætlun bæjarsjóðs og stofnana á fundi bæjarstjórnar í gær.
Hann sagði að tryggja ætti
sveitarfélögunum að meðaltali
80% af álögðum aðstöðugjöldum
og augljóst væri að sú breyting
myndi hafa í för með sér ein-
hveija mismunun milli sveitarfé-
laga. „Það er illt tii þess að horfa,
að viðleitni sveitarfélaga til skipu-
legra vinnubragða varðandi áætla-
jiagerð og fjármál, skuli rifín niður
af ríkisvaldinu fyrirvaralítið á
sama tíma og undirbúningur og
frágangur fjárhagsáætlunar
stendur sem hæst,“ sagði Halldór.
í lok ræðu sinnar sagði Halldór
sveitarfélögin hefðu staðið frammi
fyrir sömu óvissu í upphafi þessa
árs vegna ríkisvaldsins. „Við hljót-
um að spyija, er það árvisst að
þurfa að vinna við gerð fjárhags-
áætlunar fyrir sveitarfélög með
óvissuþætti hangandi yfir sér,
vegna aðgerða af hálfu ríkisvalds-
ins. Mér finnst mál að þessu linni
og nánara samráð og samstarf sé
haft milli ríkis og sveitarfélaga
um ráðstafanir í ríkisfjármálum
og skattamála. Bæði stjómsýslu-
stigin era mikilvæg og því væn-
legra til árangurs, að náið sam-
starf sé haft um aðgerðir til lausn-
ar á vandamálum á hveiju tíma.
Ég vænti þess að slíkt samstarf
megi betur ganga í framtíðinni,
en verið hefur á undanfömum
misseram,“ sagði Halldór Jónsson.
Morgunblaðið/Rúnar Þór
Beint flug með tveimur millilendingum
Farþegar í beinu flugi milli Akureyrar og Edinborg-
ar millilentu óvænt á tveimur stöðum áður en þeir
komust heilu á höldnu heim en mydin var tekin við
það tækifæri. Flugvél með farþegana sem voru um
150 talsins gat ekki lent á Akureyrarflugvelli á
sunnudagskvöld, en varð að snúa til Keflavíkurflug-
vallar vegna slæmra veðurskilyrða. Eftir nokkra bið
í flugstöðinni þar varð ljóst að ekki myndi rofa til
og þá var ekið með farþega til Reykjavíkur þar sem
gist var á Hótel Loftleiðum. Á mánudagsmorgun
voru allar flugvélar fullbókaðar norður vegna ASÍ
þings sem hófst þann dag og útlit með flug ekki
sem best síðdegis. Edinborgarförum var því smalað
í rútu og ekið af stað áleiðis norður, en þar sem
veðrið versnaði stöðugt varð hópurinn að stoppa á
Blönduósi og láta fyrirberast þar um nóttina. Gisti-
rými var fyrir hluta farþeganna, en aðrir sváfu á
stólum í göngum, en Guðlaug Ringsted hjá Úrvali-
Útsýn sagði að Blönduósingar hefðu gert allt sem
unnt var til að láta mönnum líða sem best. Veðrið
setti því heldur betur strik í reikning farþeganna,
ferð sem taka átti þijá daga varð að fimm daga ferð.
A K 0 R E Y R 1
Jólamerki Kvenfélagsins
Framtíðarinnar á Akureyri.
Framtíðin
Jólamerkí
komið út
Kvenfélagið Framtíðin á
Akureyri hefur gefið út hið
árlega jólamerki sitt. Merkið
gerði myndlistarkonan Halla
Haraldsdóttir og er það til sölu
á Pósthúsinu á Akureyri, Frí-
merkjahúsinu og Frímerkja-
stöðinni í Reykjavík. Auk þess
sjá félagskonur um sölu á Ak-
ureyri. Hagnaður af sölu fer til
stuðngins aldraðra.
Heilbrigðismálaráð Norðurlands eystra um Kristnesspítala
Þjónusta verði ekki skert
nyrðra en svo aukin syðra
Heilbrigðismálaráð Norðurlands eystra getur undir engum kringum-
stæðum sætt sig við að sú endurhæfingarþjónusta sem byggð hefur
verið upp á Kristnesi verði skorin niður og bendir ráðið á þær líklegu
afleiðingar af slíku, að þjónusta af þessu tagi verði aukin á Reyjavíkur-
svæðinu. Þá telur ráðið einnig óviðunandi ef hjúkrunarsjúklingum af
Eyjafjarðarsvæðinu verði skákað til annarra landshluta og kostnaður
greiddur fyrir sjúklingana þar, en fáist ekki greiddur til stofnana í
Eyjafirði.
Þetta kemur fram í greinargerð
Heilbrigðismálaráðs Norðurlands
eystra sem lögð var fram eftir fund
ráðsins fyrir skömmu þar sem fjallað
var um málefni Kristnesspítala. Til-
gangur fundarins var annars vegar
að fá upplýsingar um starf nefndar
þeirrar sem vinnur að tillögugerð um
framtíð Kristnesspítala og hins vegar
að reyna að meta hugsanlegar afleið-
ingar þess fyrir heilbrigðisþjón-
ustuna á svæðinu ef verulegur sam-
dráttur yrði í starfsemi spítalans.
Verkefni nefndarinnar, sem heil-
brigðisráðherra skipaði, er að athuga
möguleika á að leggja starfsemi spít-
alans niður og vista sjúklinga á öðr-
um stofnunum norðanlands eða leita
annarra leiða til að rekstur spítalans
verði innan þess ramma sem fjár-
lagafrumvarp ársins 1993 gerir ráð
fyrir, þ.e. að rekstrarkostnaður lækki
um 40 til 45 milljónir króna milli ára.
Fram kemur í greinargerðinni að
ástand í öldrunarmálum á Akureyri
og nágrenni sé fjarri því að vera
nógu gott og að fyrirliggjandi sé bið-
listi eftir hjúkrunarrýmum. Á meðan
Neytendafélag Akureyrar og nágrennis
Mestur munur á verði snittu-
brauða á milli bakaría eða 49%
í VERÐKÖNNUN sem Neytendafélag Akureyrar og nágrennis gerði
í þremur bakaríum á Akureyri dagana 18. og 19. nóvember síðastlið-
inn varð niðurstaðan sú að í flestum tilfellum var brauð ódýrast hjá
Kristjánsbakaríi. Mestur verðmunur var á snittubrauðum, eða 49%.
Meðalverð á fjórum tegundum
af grófu brauði var 264 krónur kíló-
ið hjá Einarsbakaríi, þar sem það
var ódýrast, 270 krónur í Kristjáns-
bakaríi og 274 krónur hjá Brauð-
gerð KEA, en minnstur verðmunur
var á grófum brauðum í þessari
verðkönnun, eða 4%.
Á pylsubauðum er 42% verðmun-
ur milli brauðgerðanna, þau eru
ódýrust hjá Kristjánsbakaríi 468
krónur kílóið, 500 krónur í Einars-
bakaríi og 667 krónur kosta þau
hjá Brauðgerð KEA. Birkirúnn-
stykki eru ódýrast hjá Brauðgerð
KEA, en dýrust hjá Einarsbakaríi,
en verðmunur á þessari tegund
rúnnstykkja milli bakaría er 28%.
Snúðar era ódýrastir hjá Brauð-
gerð KEA þar sem kílóið kostar 304
krónur, en dýrastir era þeir í Ein-
arsbakaríi, 378 krónur kílóið og er
verðmunurinn 24%. Þá er 38% verð-
munur á vínartertu milli brauðgerða
á Akureyri, en miðað við eitt kíló
kostar hún 453 krónur í Kristjáns-
bakaríi og 627 krónur í Einarsbak-
aríi.
Ekki var í verðkönnun Neytenda-
félags Akureyrar og nágrennis tek-
ið tillit til hugsanlegs mismunar á
gæðum hráefnisins, en gert ráð
fyrir að að brauð með sama nafni
eða svipuðu séu sambærileg.
aldraðir hjúkrunarsjúklingar liggi í
rúmum á bráðadeild FSA þoli svæðið
engan veginn fækkun sjúkrarúma.
„Það er áhyggjuefni, hvaða afleiðing-
ar það hefði fyrir lyflækningadeild
Fjórðungssjúkrahússins ef hjúkrun-
arrýmun fækkaði á svæðinu," segir
í greinargerðinni. Nú eru 23 rúm á
lyflækningadeild, sem er bráðadeild
fyrir allt Norðurland og hluta Aust-
fjarða. Að meðaltali voru ekki laus
nema 3 rúm á deildinni og er sá við-
búnaður mjög lítill miðað við það
svæði sem deildinni er ætlað að
þjóna.
„Ljóst er að í nálægum byggðum
við Akureyri, þ.e. á Eyjafjarðarsvæð-
inu og Húsavík, er ekki laust hjúkr-
unarrými sem nýta mætti fyrir þá
sjúklinga sem nú dvelja á Kristnes-
spítala. Það liggur því Ijóst fyrir að
verði fjármagni ekki veitt til reksturs
hjúkrunarrýma á Kristnesi þarf að
flytja sjúklingana til vistunar í öðrum
landshlutum. Heilbrigðismálaráð
mælir eindregið gegn því að aldraðir
hjúkrunarsjúklingar á Eyjafjarðar-
svæðinu verði fluttir til vistunar í
öðrum landshlutum með þeim afleið-
ingum að þjónustan á Eyjafjarðar-
svæðinu skerðist verulega og rekstr-
arkostnaður færist til en minnki
ekki,“ segir í greinargerðinni.
Um endurhæfingardeild spítalans
segir í greinargerðinni, að með starf-
semi hennar hafi tekist að stytta
legutíma sjúklinga talsvert og þá
væri nú unnt að veita fullnaðarmeð-
ferð eftir aðgerðir, en bæklunardeild-
ir sem reknar væru án tengsla við
endurhæfingardeild útskrifuðu sjúkl-
inga án þess að þeir fengju slíka
meðferð.
„Á Kristnesi er nú þegar fyrir
hendi húsnæði og önnur aðstaða til
hjúkrunar og endurhæfingar og virð-
ist sýnt að með betri nýtingu og
þeirra aðstöðu megi komast hjá frek-
ari ijárfestingum og auknum rekstr-
arkostnaði,“ segir í greinargerðinni
og einnig að ráðið telji eðiliegt að
leita hagræðingar í rekstri, en bend-
ir á að afleiðingar lokunar Krist-
nesspítala yrðu mjög alvarlegar.
„Niðurstaða Heilbrigðismálaráðs er
sú, að það er enginn vafi á að þörf
er fyrir þá endurhæfingarstarfsemi
sem nú er rekin á Norðurlandi og
raunar er þörf fyrir mun öflugra starf
á því sviði. Full þörf er einnig á öllum
þeim hjúkrunarrúmum sem nú eru
rekin á Kristnesi og því hvetur ráðið
til að allar þær breytingar sem verða
á starfsemi Kristnesspítala miði að
því að viðhalda þeirri þjónustu sem
nú er veitt á sviði endurhæfingar og
öldrunarmála," eru lokaorð greinar-
gerðarinnar.
-----♦ ♦ ♦-----
Mývatnssveit
Olían þoldi
ekki frostið
HÉR í Mývatnssveit var stillt og
bjart veður um síðustu helgi. A
föstudagsmorgun var frostið 17
til 18 stig. Margir bifreiðaeigend-
ur með díselvélar áttu þá í miklum
erfiðleikum með bíla sína.
Kennt var um að olían þyldi ekki
nema 12 til 13 gráðu frost. Nú er
talið að búið sér að bæta úr þessu
og komin olía sem á að þola á milli
20 og 30 stiga frost. Á laugardags-
morgun var frostið í Mývatnssveit
20 stig go trúlega hvergi hærra í
byggð hér á landi. í dag, mánudag,
er komið hér norðaustan ofsaveður
með snjókomu og skafrenningi svo
vart sést út úr augum, en næstum
frostlaust. Hætt er við að þeir sem
eru úti á vegum verði fyrir einhveij-
um töfum.
Kristján