Morgunblaðið - 26.11.1992, Síða 11
MORGUNBLAÐIÐ FIMMTUDAGUR 26. NÓVEMBER 1992 11
Ödysseifur á íslensku
„Svo á jörðu sem á
himni“ verðlaunuð
Kvikmynd Kristínar Jóhannesdóttur Svo á jörðu sem á himni“
fékk Grand Pris eða aðalverðlaunin á kvikmyndahátíðinni „Norð-
urljós“ í Brugge í Belgíu 21. nóvember síðastliðinn. Ennfremur
fékk myndin dreifingarverðlaun. Besta leikkona í aðalhlutverki
var valin Álfrún H. Ornólfsdóttir.
SAGAN Ódysseifur, I. bindi,
eftir írska skáldið James Joyce
er komin út í þýðingu Sigurðar
A. Magnússonar.
í kynningu útgefanda segir:
„Skáldsagan Ódysseifur (Ulysses)
er án nokkurs vafa frægasta
skáldverk 20. aldar. Hún er svo
sérstök í frásagnatækni, lærdómi,
hispursleysi og útsmoginni gam-
ansemi að hún „virkar á nútíma-
menn eins og Fjallið eina“, Halldór
Laxness.
Samt gerist ekkert merkilegt!
Það segir frá einum degi 5 lífi
nokkurra Dyflinnarbúa, nánar til-
tekið 16. júní 1904, frá amstri
þeirra, búksorgum, misdjúpum
hugsunum og mismerkum athöfn-
um. En einhvem veginn tekst Jo-
yce að flétta saman örlög þessa
„venjulega fólks“ svo úr hefur
orðið ný Hómerskviða um þann
eilífa ferðalang Ódysseif, í gervi
auglýsingasafnarans Leopolds
Blooms, og glímu hans við hinstu
rök mannlegrar tilveru.
Bók Joyce var fyrst gefin út í
París 1922, mátti þola ritskoðun
og bann í mörg ár í hinum ensku-
mælandi heimi og var ekki gefín
út í heimalandi höfundar fyrr en
70 árum síðar."
Útgefandi er Mál og menn-
ing. Bókin er 391 bls., prentuð
í Prentsmiðjunni Odda hf. og
kostar 2.980 krónur.
James Joyce
í keppninni voru tólf myndir,
meðal annarra tvær myndir sem
í fyrra voru tilnefndar til Óskars-
verðlauna, Börn náttúrunnar eftir
Friðrik Þór Friðriksson og Uxinn
eftir Sven Nykvist. Af öðrum
myndum sem voru í keppninni má
nefna La vie de Boheme eftir Aki
Kaurismaki. Á hátíðinni var einnig
yfírlitssýning af myndum Ingmars
Bergmans.
Myndin var sýnd á norrænu
listahátíðinni í Barbican Center í
London 20. nóvember og daginn
eftir á London Film Festival. í
fréttatilkynningu segir að báðar
sýningar hafí verið fyrir fullu húsi
og viðtökur áhorfenda góðar.
Kristín og Hilmar Örn Hilmarsson
ávörpuðu sýningargesti á undan
sýningunum.
Þrír af elstu, fyrrverandi flugstjóruni á íslandi, þeir Jóhannes Snorra-
son, Viktor Aðalsteinsson og Þorsteinn E. Jónsson. „Þetta er eins
og hvert annað jólaskraut," segir Þorsteinn um heiðursmerki sín
úr stríðinu. Arnbjörn Kristinsson, bókarútgefandi, stendur brosandi
til hliðar
Nýjar bækur
Dansað í háloftunum,
endurminningabók
Þorsfeins E. Jónssonar
ÚT ER komin endurminningabók Þorsteins E. Jónssonar, flugmanns
„Dansað í háloftunum". Bókin fjallar um æskuár Þorsteins í Vestur-
bænum, en þó aðallega um þann kafla í lífi Þorsteins, þegar hann
var orustuflugmaður í konunglega breska flughernum í seinni heims-
styijöldinni.
í kynningu útgefanda segir, að
góðar endurminningabækur séu allt-
af eftirsóttar til útgáfu. Hann sagð-
ist hafa lagt grunn að útgáfusamn-
ingi við Þorstein á bökkum Mósel-ár
fyrir 15 árum. Yfírleitt væru slíkar
bækur ekki skrifaðar af mönnunum
sjálfum, en Þorsteinn hafí ekki tekið
í mál að aðrir gerðu það fyrir hann.
„Okkar mat er að hann hafí gert það
vel,“ sagði Arnbjöm-'Kristinsson.
Flugmannsferill Þorsteins E. Jóns-
sonar nær yfír 47 ár, næstum hálfa
öld. Hann á að baki rúmlega 36
þúsund flugtíma, þar af um 450 tíma
á Spitfíre, helstu orustuvél Breta í
stríðinu. Þorsteinn gekk í konung-
lega breska flugherinn í apríl 1940
og var í honum til ársloka 1946.
Hann lærði að fljúga í hernum og
tók þátt í loftárásum Breta í stríð-
inu, eins og innrás í Normandy og
Norður-Afríku. Þorsteinn var sæmd-
ur 6 heiðursmerkjum fyrir vasklega
framgöngu í stríðinu.
Þorsteinn segist hafa verið með
flugdellu frá því hann var smástrák-
ur. í upp.hafi stríðs hafi engin flug-
kennsla verið á íslandi. Eina tæki-
færi hans til flugnáms hafi verið að
ganga í breska flugherinn. Hann
segir að erfítt sé að tiltaka hættuleg-
asta flugið. Þetta hafi æði oft verið
leikur upp á líf og dauða. „Ég var
lukkunnar pamfíll. Langflestir af fé-
lögum mínum, sem byijuðu samtím-
is, lifðu ekki stríðið af,“ segir Þor-
steinn.
Titillinn „Dansað í háloftunum"
höfðar til ljóðsins Háflugs í upphafi
bókar. Höfundurinn, flugliðsforing-
inn John G. Magee, flaug Spitfíre-
orustuvélum í konunglega breska
flughemum í seinni heimsstyijöld og
féll í desember 1941.
Útgefandi er Setberg. Bókin er
340 blaðsíður, auk 30 myndasíðna.
Hvíta húsið hannaði kápu, en Prent-
berg hf. sá um setningu og prentun.
Verð 3.350 krónur.
Höfnin í verkum margra
myndlistarmanna
SÝNING var opnuð í Listmunahúsinu sunnudaginn 15. nóvember á
verkum ýmissa íslenskra myndlistamanna, þar sem Reykjavíkurhöfn
og nágrenni er mótívið. Sýning þessi er sett upp í samvinnu Hafnar-
sljórnar og Listmunahúss og haldin í tilefni af 75 ára afmæli Reykja-
víkurhafnar.
Á sýningunni eru verk frá því
um aldamót undir vora daga eftir
marga af helstu myndlistarmönnum
þjóðarinnar, meðal annarra Þórarin
B. Þorláksson, Jóhannes Kjarval,
Ásgrím Jónsson, Jón Stefánsson,
Snorra Arinbjarnar, Jón Engilberts
og Nínu Tryggvadóttur.
verklega þróun á hafnarsvæðinu og
ennfremur listræna hæfileika þeirra
myndlistarmanna sem verk eiga á
sýningunni, segir í fréttatilkynn-
ingu.
Sýningin stendur til 13. desem-
ber. Listmunahúsið er opin virka
daga frá kl. 12-18, um helgar kl.
KK BAND
BEIN LEIÐ
TONLEIKAR
BORGARLEIKHÚSINU
A nýju KK plötunni er að finna þverskurð af því besta sem KK hefur unnið
að á undanfornum misserum. Bein leið inniheldur m.a. lögin "Þjóðvegur 66"
og "Vegbúinn", úr leikritinu Þrúgur reiðinnar. Einnig er hér að finna, KK
aðdáendum til mikillar ánœgju, lögKKBandsins úr kvikmyndinni "Sódóma
Reykjavík", "Ó borg mín borg" og "Slappaðu af'. Stórkostleg og umfram allt
skemmtileg plata, sem höjðar til fólks á öllum aldri.
"Það er mikið spunnið í nýju lögin
á plötunni...Bein leið er vel heppnuð
plata." GH-Pressan
"Lagasmíðar KK bera glöggt vitni
um að hann hefur tileinkað sér
margt af því besta sem hann hefur
kynnst á ferðum sínum sem
götuspilari." KM-Morgunblaðið
mánudaginn 30. nóvember
forsala aðgöngumiða í öllum
helstu hljómplötuverslunum
DREIFING